Posts Tagged ‘மாமூல்’

பெண் சுங்க அதிகாரி லஞ்சம் வாங்கியதால் கைது செய்யப்பட்டார்!

மே 13, 2012

பெண் சுங்க அதிகாரி லஞ்சம் வாங்கியதால் கைது செய்யப்பட்டார்!

பெண் சுங்க அதிகாரி லஞ்சம் வாங்கியதால் கைது செய்யப்பட்டார்!: இப்படி செய்திகள் வந்துள்ளனர். ஆண் அதிகாரியாக இருந்தாலும், கைது செய்யப் பட்டிருப்பார். இதில் ஒன்றும் வியப்பில்லை. ஆனால், பெண் அதிகாரிகள் லஞ்சம் வாங்க மாட்டார்கள் போல நினைக்க வேண்டாம். இப்பொழுதெல்லாம் பெண்கள் தாம் அதிகமாக லஞ்சம் வாங்குகின்றனர். தாலுகா ஆபீஸ், கார்ப்பரேஷன் முதலிய இடங்களில் சென்று பார்த்தால் தெரியும். வங்கிகளில் நாஜுக்காக வாங்கிக் கொள்கிறார்கள். ஐ.டி. கம்பெனிகளிலேயோ சக்கைப் போடு போடுகிறர்கள், ஆண்களே பிச்சை வங்க வேண்டும். பொதுவாக கம்பெனிகளில் “கமிஷன்”/பங்கு, “பீஸ்”/காணிக்கை, “கன்செல்டென்ட் சார்ஜஸ்”/ஆலோசனைக் கட்டணம், “புரோசஸிங் பீஸ்”/செயல்படக் கொடுக்கும் கட்டணம் என்றெல்லாம் சொல்வதை யாரும் கண்டு கொள்வதில்லை. இப்படியெல்லாம் சொல்வதனால் லஞ்சத்தை நியாயப்படுத்துவதாக நினைக்க வேண்டாம். லஞ்சம் என்பது எப்படி, எந்த பெயரில், உருவத்தில் இருந்தாலும் லஞ்சமே என்று எடுத்துக் காட்டப்படுகிறது.

மத்திய அரசு வருவாய் துறைகள் கைப்பொம்மைகள் தாம்: சுங்கத்துறை அதிகாரிகள் வெறும் கைப்பொம்மைகள் தாம், ஏனெனில் அவர்கள் பலநிலைகளில் பற்பல அதிகாரிகள், தொழிற்சாலை பெரும் முதலாளிகள், வியாபார முதலைகள், அரசியல்சார்புடையவர்கள் என பலரை ஈடுகொடுக்க வேண்டியுள்ளது. “பாஸ்” / பெரிய அதிகாரிகள் / மேலதிகாரிகள் சொன்னால் / ஆணையிட்டால் கேட்க வேண்டிய / செய்ய வேண்டிய கட்டாயமும் உள்ளது. 2G ஊழலில் பெற்ற கோடிக்கணக்கான பணம், தமிழகத்திலிருந்து வடநாட்டு ஆட்களுக்கு கமிஷன் முறையில் கொடுக்கப்பட்டு, அது 20-30-40% வரை வட்டிக்கு விடப்படுவதாக செய்தி. உள்ளூரிலேயே அப்பணம் சுற்றிவருவதால், எங்கும் அப்பெட்டிகளை யாரும் தொடுவதில்லையாம். விமானநிலையங்களில் அப்பெட்டிகள் / சூட்கேஸ்கல் தாராளமாக வந்து செல்கின்றன, விமானங்களில் பறந்து செல்கின்றன. முன்பு மும்பை வழியாக ஆர்.ட்.எக்ஸ். வெடிமருந்து பொருள் டன் கணக்கில் இவ்வாறுதான், சில சுங்க அதிகாரிகள் சரியாக சோதனை செய்யாமல், காசு வாங்கிக் கொண்டு அனுமதித்தினால், அம்மருந்தே குண்டுகளுக்கு உபயோகப் படுத்தப் பட்டு, வெடிக்கப் பட்டு அப்பாவி உயிர்கள் பலியாகிக் கொண்டிருக்கின்றன.

கஸ்டம்ஸ் ஹவுஸ் ஏஜென்டுகள் செய்யும் அக்கிரம்: பொதுவாக, இப்பொழுதெல்லாம் கஸ்டம்ஸ் ஹவுஸ் ஏஜென்டுகள் என்று சொல்லப்படுபவர்கள், முழுக்க இடைத்தரகர்கள் ஆகிவிட்டனர். பல நேரங்களில் அதிகாரிகள் பெயர் சொல்லி, இவர்களே காசு வாங்கிக் கொள்கிறர்கள். பில் / இன்வாய்ஸ் போடும் போது சேர்த்துக் காட்டுகிறார்கள், இல்லை தனியாக வாங்கிக் கொள்கிறார்கள். பல வழக்குகளில் அவர்கள் எப்படி அதிகாரிகளுடைய ரப்பர் ஸ்டாம்புகள், கம்பெனிகளின் லெட்டர்பாடுகள் வைத்திருந்தார்கள், அவற்றை உபயோகித்து போலியாக ஆவணங்களைத் தயாரித்து, பொருட்களை இறக்குமதி செய்ய உபயோகித்தார்கள் என்று எடுத்துக் காட்டுகின்றன. இப்படி கம்பெனிகள்-அதிகாரிகள் இருவரையும் ஏமாற்றுவதில் இவர்கள் கில்லாடிகள். ஏனெனில், தொடர்ந்து வேலை செய்து வரும்போது, அந்த நெளிவு-சுளிவுகளை கற்றுக் கொண்டு விடுகிறார்கள். இவர்களாலும், அதிகாரிகளுக்கு பிரச்சினை வருகிறது, வரியேய்க்கப் படுகிறது என்பது உண்மை.

பெண் துறைமுக அதிகாரி[1]: லஞ்சம் வாங்கியதாக வந்த புகாரின் பேரில் பெண் சுங்க அதிகாரி கைது செய்யப்பட்டார். அவருக்கு உடந்தையாக இருந்த இருவரும் பிடிபட்டனர். திருவொற்றியூர் கே.வி.கே. குப்பம் பகுதியில் கன்டெய்னர் யார்டு, சரக்கு பெட்டக முனையம்  உள்ளது. சென்னை துறைமுகத்திற்கு சரக்குகளை ஏற்றி செல்லும் கண்டெய்னர் பெட்டிகளில் உள்ள பொருட்களை இங்கு வைத்து சோதனையிட்டு சீல் வைத்து அனுப்புவது வழக்கம். வெளிநாடுகளுக்கு கப்பல் மூலம் ஏற்றுமதி, இறக்குமதி செய்யப்படும் கன்டெய்னர்கள் சோதனை செய்யப்பட்டு அனுப்பி வைக்கப்படுகிறது. சென்னை துறைமுகத்தில், ஏற்றுமதி செய்யப்படும் பொருட்கள் மற்றும் வெளிநாடுகளில் இருந்து, இறக்குமதியாகும் பொருட்கள் கன்டெய்னர் மூலம் வரும் போது, அவை அரசு கன்டெய்னர் யார்டில் நிறுத்தி வைக்கப்படும். அங்கு நிரம்பிவிட்டால், தனியார் கன்டெய்னர் யார்டுகளில் வைக்கப்படும். இது வழக்கமான ஒன்று. இவ்வாறு யார்டுக்கு வரும் கன்டெய்னர்களில் உள்ள இறக்குமதியான பொருட்களுக்கு சுங்கத்துறையில் வரி விதிக்கப்படும். எண்ணூர் துறைமுகத்தில், சுங்கத்துறை அதிகாரியாக இருப்பவர் தேன்மொழி, 42 (38 என்று சில நாளிதழ்கள் குறிபிட்டுள்ளன).

அளவிற்கு மேல் போனால் பிரச்சினைதான் – லஞ்சப்புகார்: கன்டெய்னர்களை சோதனை செய்யும் சுங்க அதிகாரியாக, புளியந்தோப்பை சேர்ந்த தேன்மொழி (38) என்பவர் பணியாற்றி வருகிறார்.  சென்னை அண்ணாநகரை சேர்ந்தவர். கன்டெய்னர்கள் சோதனையின்போது இவர், ஏற்றுமதி மற்றும் இறக்குமதி பொருட்களுக்கு வரிவிதிப்பதில், பொருட்களின் விலை மற்றும் அளவை குறைத்துக் காட்டி, அதன் மூலம் வருமானம் பெறுவதாகவும், கன்டெய்னர்களை சோதனை முடித்து வெளியில் அனுப்ப லஞ்சம் பெறுவதாகவும், கன்டெய்னர்களை வெளியே அனுமதிக்க லஞ்சம் பெறுவதாக சிபிஐக்கு  ஏராளமான புகார்கள் வந்தது[2]. இந்தந்தப் பொருட்களுக்கு இவ்வளவுதான் வரி என்று திட்டவட்டமாக இருந்தால், இந்த பிரச்சினையே வராதே. அப்பொழுது அரசாங்கம் அத்தகைய பலவிதமான சதவீதம், வரியீட்டுமுறை, பொருட்களின் பிரிப்புமுறை முதலியவற்றில் சட்டரீதியாக நிலையான நிலையில்லை, பாரபட்சம் உள்ளது, சிலருக்கு உதவியாக விலக்குகள் கொடுக்கப் பட்டுள்ளன என்றெல்லாம் தெரியவருகிறது.

சி.பி.ஐ.சோதனை – வேலை செய்யும் இடத்தில்: இதையடுத்து, நேற்று முன்தினம் வெள்ளிக்கிழமை இரவு 8 மணிக்கு சிபிஐ அதிகாரிகள் யார்டுக்கு சென்றனர். அங்கு, தேன்மொழி அறை முழுவதும் சோதனை நடத்தினர். அப்போது, கணக்கில் வராத லேப்டாப், விலை உயர்ந்த பொம்மை, கீபோர்டு, சீனாவில் தயாரிக்கப்பட்ட நவீன பியூட்டி பார்லர் ஷேர், வாசனை திரவியங்கள் மற்றும் ரூ 27,000 (27,500 என்று வேறு நாளிதழ்களில் குறிப்பிடப்பட்டுள்ளது) இருந்ததை கண்டுபிடித்தனர். அவை பறிமுதல் செய்யப்பட்டது. இவற்றின் மதிப்பு பல லட்சம் இருக்கும் ( ரூ. 10 லட்சம் மதிப்புள்ள பொருள்கள் பறிமுதல் செய்யப்பட்டன[3]) எனக் கூறப்படுகிறது.

சி.பி.ஐ.சோதனை – வீட்டில்: தொடர்ந்து, புளியந்தோப்பு அருகில் படாளத்தில் உள்ள தேன்மொழியின் வீட்டில், நேற்று முன்தினம் நள்ளிரவு சோதனையிட்டனர். சோதனையில், வீட்டில், 55 ஆயிரம் ரூபாய் பணம், வங்கிக் கணக்கில் நான்கு லட்சம் ரூபாய் வரவு வைத்ததற்கான ஆவணங்கள், ஒரு அறையில், பல லட்சம் மதிப்பு வெளிநாட்டு பொருட்கள், அழகு சாதன பொருட்கள் ஆகியவை இருந்ததாக கூறப்படுகிறது. இவை அனைத்தையும் சி.பி.ஐ,, அதிகாரிகள் கைப்பற்றினர். இதையடுத்து, சுங்க அதிகாரி தேன்மொழி கைது செய்யப்பட்டார். இவருக்கு உதவியாகவும், ஏஜென்டாகவும் செயல்பட்ட ஆனந்தன், சேகர் ஆகியோரை சிபிஐ அதிகாரிகள் கைது செய்தனர். மேலும், இருவரது வீட்டிலும் சி.பி.ஐ. அதிகாரிகள் சோதனை செய்து பல முக்கிய ஆவணங்களை கைப்பற்றியதாகக் கூறப்படுகிறது. தொடர்ந்து, அவர்களிடம் விசாரணை நடந்து வருகிறது. அவர்களை அடையாறில் உள்ள சி.பி.ஐ., சிறப்பு கோர்ட் நீதிபதி ரவீந்திரன் வீட்டிற்கு நேற்று, காலை கொண்டு வந்தனர். தொடர்ந்து, அவர்கள் புழல் சிறையில் அடைக்கப்பட்டனர். கடந்த மாதம் சுங்கத்துறை ஆணையராக இருந்த ராஜன், லஞ்சம் வாங்கிய வழக்கில் கைது செய்யப்பட்டார். அவரை தொடர்ந்து லஞ்சம் வாங்கியதாக தேன்மொழி கைது செய்யப்பட்டிருப்பது பெரும் பரபரப்பை ஏற்படுத்தியுள்ளது[4].

வேதபிரகாஷ்

13-05-2012


Advertisements

கபில் சிபலுக்கு ஒரு லட்சம் ரூபாய் லஞ்சம்: செக்காக அனுப்பி வைக்கப்பட்டது!

ஓகஸ்ட் 31, 2011

கபில் சிபலுக்கு ஒரு லட்சம் ரூபாய் லஞ்சம்: செக்காக அனுப்பி வைக்கப்பட்டது!

கபிலுக்கு ஒரு லட்சம் லஞ்சம் செக் மூலம் அனுப்பி வைக்கப்பட்டது: மத்திய மனித மேம்பாட்டு வள அமைச்சர், பேச்சில் பெலே கில்லாடி, ஒன்றுமே தெரியாதது மாதிரி நடிப்பார். அவரது மகன் – அகில் சிபலோ, தீவிரவாதிகளுக்கு நீதிமன்றத்தில் வழக்குகளை நடத்துபவர்[1] (நிர்வாண ஓவியர் ஹுஸைனுக்கும் வக்கீல் இந்த அகில் தான்). இந்நிலையில், ஜார்க்கண்ட் மத்திய பல்கலைக்கழகத்தின் தாளாளராக / துணை-தாளாளராக[2], ஒருவருக்கு நியமனம் செய்ததற்கு, ராஞ்சியிலிருந்து ஓம் பிரகாஷ்[3] / உமேஷ்[4] என்பவரின் பெயரில் ரூ. ஒரு லட்சத்தை தில்லியிலுள்ள கனரா வங்கியில் பெறுவதற்கு வசதியாக செக் மூலமாக அனுப்பி வைக்கப்பட்டுள்ளது. செக் எண்.361296, ஆகஸ்ட் 26, 2011 தேதியிட்டது. அச்செக், ஒரு கடிதத்துடன் இணைக்கப்பட்டுள்ளது[5]. உண்மையில் அக்கடிதத்தில் தம்மை நியமனம் செய்யுமாறு கேட்டுக் கொண்டிருந்தார். இது வேடிக்கைக்கு செய்யப்பட்டதா அல்லது அத்துறையில் உள்ளவர்களுக்கு தூண்டில் போட மேற்கொண்ட முயற்சியா என்று தெரியவில்லை[6].

வேவு பார்த்தவருக்கே வேவு பார்த்த ஆசாமி: கபில் சிபல் ஒரு அழுத்தமான ஆள், சிரித்துக் கொண்டே மனத்தில் வஞ்சத்தை வைத்துள்ள பேர்வழி. இவ்விஷயத்தில் சிதம்பரத்தையும் மிஞ்சக்கூடியவர். சமீபத்தில் அன்னா ஹசாரே விஷயத்தில் அக்னிவேஷை ஒற்றரைப் போல உபயோகப் படுத்தியவர். அதாவது, அக்னிவேஷ், கபிலுக்கு போன் மூலம் நடப்பதையெல்லாம் சொல்லிக் கொண்டிருந்தார். பாபா ராம்தேவ் விஷயத்திலும், அக்னிவேஷ், சிபலுடன் பேசிக்கொண்டிருந்தார் என்பது நினைவு கூர்தல் வேண்டும். ஊழல் ஒழிப்பு மசோதா விஷயத்தில், அன்னா ஹசாரே குழுவிற்கு எதிராகக் கருத்துகளை கூறியுள்ளார்.

தப்பித்துக் கொள்ள போலீஸாரிடம் புகார் செய்துள்ள கபில்[7]: மற்ற விஷயங்களில் வீராப்பாக பேசும் கபில், இந்த விஷயத்தில் தன்னுடைய அந்தஸ்த்தையும் விடுத்து, போலீஸாரிடம் புகார் செய்துள்ளார். அதிலும் தன்னுடைய அலுவலக அதிகாரிகள் மூலம் தில்லி போலீஸ் ஸ்டேஷனில் புகார் செய்யப்பட்டுள்ளது. “ஆதாயத்தை பெறும் வகையில் தான் அந்த கடிதம் மற்றும் செக் அனுப்பி வைக்கப்பட்டுள்ள்ன. அமைச்சரகத்தில் இப்பிரச்சினை தீவிரமாக கருதப்பட்டு நடவடிக்கை எடுக்கப் படுகிறது”, என்று அமைச்சரக தலைமை ஊழல் கண்காணிப்பு அதிகாரி அமித் காரே கூறியுள்ளார்.


[1] Lawyer Akhil Sibal, who appeared for the petitioners (மூலந்த் குண்டுவெடுப்பு வழக்கு), said that in view of the Supreme Court’s decision in 2005 (in the State of Delhi versus Navjot Sandhu alias Afsan Guru case), the high court’s conclusion did not hold water. Thus, its decision to proceed with the trial in the light of its interpretation of section 32 ought to be quashed. http://www.dnaindia.com/mumbai/report_supreme-court-clears-way-for-mulund-blast-trial_1422238


லஞ்சம் கொடுத்தவர், வாங்கியவர், தரகர் ஆகியோர் சிபிஐயால் கைது செய்யப்பட்டனர்!

ஓகஸ்ட் 31, 2011

லஞ்சம் கொடுத்தவர், வாங்கியவர், தரகர் ஆகியோர் சிபிஐயால் கைது செய்யப்பட்டனர்!

வருமான வரியை குறைக்க ரூ.50 லட்சம் லஞ்சம்: சென்னையில் வருமான வரி ஏய்ப்பில் சிக்கிய கல்வி நிறுவனத்திடம் இருந்து, 50 லட்ச ரூபாய் லஞ்சம் பெற்ற, வருமான வரித்துறை கூடுதல் கமிஷனர், ஆடிட்டர் மற்றும் லஞ்சம் அளித்த கல்வி நிறுவன மேலாண் இயக்குனர் ஆகிய மூவரை, சி.பி.ஐ., லஞ்ச ஒழிப்பு பிரிவினர் சென்னையில் நேற்று கைது செய்தனர்[1]. சென்னை, பெருங்குடியில், “எவரான் எஜுகேஷன் லிட்’ என்ற கல்வி நிறுவனம் இயங்கி வருகிறது. இந்நிறுவனம், வி-சாட் மற்றும் இன்டர்நெட் மூலம், பள்ளி மாணவர்களுக்கு கல்வி பயிற்சி அளித்து வருகிறது[2]. இந்த நிறுவனம் கல்வி தொடர்பாக பல குறிப்பேடுகளை வெளியிட்டுள்ளது.  பள்ளிகள், கல்லூரிகளுக்கும் சப்ளை செய்து வருகிறது[3]. மேலும் வெளிநாட்டில் இருந்து நிதிகளை பெற்று, பல்வேறு நலத் திட்ட உதவிகளையும் செய்து வருவதாக கூறப்படுகிறது[4]. இந்நிறுவனத்தின் மொத்த வர்த்தகம், ஆண்டுக்கு, 500 கோடி ரூபாய் என கூறப்படுகிறது. இந்த நிறுவனம் பல கோடி ரூபாய் வருவாய் ஈட்டி வருவதால், ஐஏஎஸ் அதிகாரிகள் 2 பேர் அந்த நிறுவனத்தில் பணியாற்றி வருகின்றனர்[5].

ஐ.ஏ.எஸ் / ஐ.ஆர்.எஸ் அதிகாரிகளும், பள்ளி-கல்லூரி கல்வியும், வரியேய்ப்பும், தார்மீகமும்: வழக்கம் போல இச்செய்தியை படித்து மறந்து விடலாம். சட்டயுத்தங்களுக்குப் பிறகு, இந்த அதிரிகள் எல்லோருமே தப்பி விடலாம். ஆனால், அவர்கள் ஈடுபட்டுள்ளது, கல்வி-கல்லூரி-படிப்புத் துறை, அதிலும் ஆராய்ச்சி மூலம், ஏதோ புது-புதிதாக கணினி மூலம் எல்லாம் சொல்லிக் கொடுக்க புத்தகங்கள், முறைகள் முதலியவற்றைக் கையாள பயிற்சியளிக்கிறார்களாம். பிறகு, அத்தகைய மெத்தப் படித்தவர்கள் எப்படி, இப்படி நடந்து கொள்கிறார்கள்? மேனாட்டு நாகரிகம், அத்தகைய இரட்டை வேடம் போட வைத்ததா அல்லது, இந்திய பண்புகளை மறந்ததால் அத்தகைய அழுக்கள் மனங்களில் அதிகமாகியதா? லஞத்தைப் பற்றி விவாதிக்கும் போது, தார்மீக மதிப்புகள் ஏன் குறைந்தன, நற்குணங்கள் ஏன் கெட்டுச் சீரழிந்தா என்பதைப் பற்றியும் ஆராய்ச்சி செய்து அறிந்து திருந்த வேண்டும்.

எவரான் குழுமத்தில் சோதனை: சென்னை, வருமான வரித்துறையில், கம்பெனிகள் சரகம்-1ன் கூடுதல் கமிஷனராக இருப்பவர் அண்டாசு ரவீந்திரா, 45. கடந்த, 4ம் தேதி, சந்தேகத்தின் அடிப்படையில், எவரான் நிறுவனத்திற்கு சென்ற ரவீந்திரா, அதிரடியாக சோதனை நடத்தினார். கல்வி சேவை வழங்கும் அமைப்புகளையும் அவர் பார்வையிட்டார். அந்த சோதனையில், கல்வி நிறுவனத்தின் மேலாண் இயக்குனர் கிஷோர், 49, என்பவர், 2008-2009 ஆண்டில் 116 கோடி ரூபாய் வருமானத்திற்கான வருமான வரி கட்டாமல், வரி ஏய்ப்பு செய்திருப்பதை ரவீந்திரா கண்டுபிடித்தார்[6].

இங்குதான் அந்த தார்மீக வினாக்கள் எழுகின்றன. லஞ்சம் கொடுப்பவர்-வாங்குபவர் இருவருமே குற்றவாளிகள் எனும்போது, அவர்களின் நிலையை அறியும் போது விந்தையாக இருக்கிறது. விபச்சாரி-விபச்சாரியிடம் சென்றவன் இருவருமே சமூக விரோதிகள் என்றால், விபச்சாரத்தை சமூகத்தில் அனுமதிக்கக் கூடாது. அதையும் ஒழிக்கப் பாடுபடவேண்டும் ஏனெனில், அதுவும் சமுததயத்தைச் சீரழிக்கும் ஊழல்தான்.

இதையடுத்து, எவரான் நிறுவன மேலாண் இயக்குனர் கிஷோர்[7], வருமான வரித் துறை நடவடிக்கை எடுக்காமல் இருக்க, உத்தம்சந்த் போரா என்ற ஆடிட்டர் மூலம், பேச்சுவார்த்தை நடத்தினார். கூறினார்.இதற்கு ஒப்புக் கொண்ட ரவீந்திரா, 116 கோடி ரூபாய்க்குப் பதில், தொகையை குறைத்து, 60 கோடி ரூபாய்க்கு மட்டும் வரி கட்டும்படி ஆடிட்டரிடம் கூறினார். தொகையை குறைத்ததற்காக, ஐந்து கோடி ரூபாய் லஞ்சமாக தரவேண்டும் என்று ரவீந்திரா, கிஷோரிடம் கேட்டுள்ளார். அதன் பின், தொடர் பேச்சுவார்த்தை நடத்தி, லஞ்சத் தொகை, ஐந்து கோடியில் இருந்து, 50 லட்சமாக குறைக்கப்பட்டது. தொடர்ந்து, லஞ்சத் தொகை, 50 லட்ச ரூபாயை, நுங்கம்பாக்கம், வருமானவரித் துறை அலுவலக வளாகத்தில் உள்ள, ஆயகர் பவனில் உள்ள தன் வீட்டில் வந்து தரும்படி, கூடுதல் கமிஷனர் ரவீந்திரா கேட்டுள்ளார்.
பணம் கொடுக்க வருமான அதிகாரி வீட்டிற்குச் சென்ற மேனேஜிங் டைரக்டர்: இதையடுத்து, மின்விசிறிகள் வைக்கப்படும் சிறிய பெட்டியில், 50 லட்ச ரூபாயை வைத்து, அதை எடுத்துக் கொண்டு நேற்று பகல், எவரான் மேலாண் இயக்குனர் கிஷோர், ஆடிட்டர் உத்தம்சந்த் போரா ஆகியோர், ரவீந்திராவின் வீட்டிற்குச் சென்றனர். ஐஜி அருணாச்சலம், டிஐஜி முருகன் ஆகியோர் தலைமையில் தனிப்படை அதிகாரிகள், அலுவலகம் மற்றும் அவரது வீட்டின் அருகே நேற்று முன்தினம் இரவு காத்திருந்தனர். சரியாக இரவு 8.45 மணிக்கு ஒரு கார் வந்தது. அந்த காரில் இருந்து இறங்கிய ஒருவர், மின் விசிறி படம் பொறித்த பெட்டியை தூக்கிக் கொண்டு அண்டாசு ரவீந்தர் வீட்டுக்குச் சென்றார். அங்கு அவரது மனைவிதான் இருந்தார். அவரிடம் கொடுத்ததும், வாங்கி வீட்டில் வைத்துக் கொண்டார். வழக்கமாக வருமான வரித்துறை அதிகாரிகள் பெரிய அளவில் லஞ்சம் வாங்கினால், உடனடியாக ஹவாலா ஏஜென்ட் மூலம் அதை இடமாற்றி விடுவார்கள்.

பணம் மாற்றம் எதற்காக? சிறிது நேரத்தில், சவுகார்பேட்டையைச் சேர்ந்த ஹவாலா ஏஜென்ட் உத்தம்சந்த் சிங் வந்தார். அவர் பெட்டியை வாங்கிக் கொண்டு புறப்படத் தயாராக இருந்தார். அப்போது சிபிஐ அதிகாரிகள் அதிரடியாக புகுந்தனர். அட்டைப் பெட்டியை பிரிக்க முயன்றபோது, அதில் மின் விசிறி இருப்பதாக தெரிவித்தனர். ஆனாலும் சிபிஐ அதிகாரிகள் அதை பிரித்துப் பார்த்தபோது எல்லாம் ஆயிரம் ரூபாய் கட்டுகளாக இருந்தது. ரூ.50 லட்சம் இருந்தது.  அப்போது அந்த பணத்தை வேறு ஒருவர் மூலம், வீட்டில் இருந்து மற்றொரு இடத்திற்கு அனுப்பி வைத்தார். அந்த நேரத்தில் தகவலறிந்து சென்ற, சென்னை சி.பி.ஐ.,யின் லஞ்ச ஒழிப்புப் பிரிவினர், கூடுதல் கமிஷனர் ரவீந்திரா, லஞ்சம் கொடுத்த கிஷோர், புரோக்கராக செயல்பட்ட ஆடிட்டர் உத்தம்சந்த் போரா ஆகிய மூவரையும் கைது செய்து, கடத்தப்பட இருந்த லஞ்சப்பணம், 50 லட்ச ரூபாயை கைப்பற்றினர்[8]. சவுகார்பேட்டையில் உள்ள உத்தம்சந்த் வீட்டில் நடத்திய சோதனையில்  ரூ.48 லட்சம் ரொக்கப் பணம் கண்டுபிடிக்கபட்டது. அதையும் அதிகாரிகள் பறிமுதல் செய்தனர்.
சம்பந்தப் பட்டவர்களின் வீடுகளிலும் சோதனை: இதைத் தொடர்ந்து, கூடுதல் கமிஷனர் ரவீந்திராவின் வீடு, மும்பை, ஐதராபாத், விசாகப்பட்டினம், பெங்களூரில் உள்ள ரவீந்திரா, கல்வி நிறுவன மேலாண் இயக்குனர், ஆடிட்டர் ஆகியோரது வீடுகளில் சோதனை நடத்தப்பட்டது.இதில், ரவீந்திராவின் வீட்டில் இருந்து, 1.8 கிலோ தங்க நகைகள், வங்கி லாக்கரில் இருந்து, 520 கிராம் நகை, மற்ற இருவரது வீடுகளிலும் இருந்து, 58 லட்ச ரூபாய் பணம் ஆகியவை கைப்பற்றப்பட்டன. கைது செய்யப்பட்ட மூவர் மீதும், மூன்றுக்கும் மேற்பட்ட பிரிவுகளில் வழக்கு பதிந்து, சி.பி.ஐ., கோர்ட்டில் ஆஜர்படுத்தப்பட்டு சிறையில் அடைக்கப்பட்டனர். தொடர்ந்து விசாரணை நடத்து வருகிறது.
மினி பாரும், மருந்துக் கடையும்! ஆந்திராவைச் சேர்ந்த வருமானவரித் துறை கூடுதல் கமிஷனரான அண்டாசு ரவீந்திரா, 1991ல், ஐ.ஆர்.எஸ்., அதிகாரி. இவர் தற்போது, கம்பெனிகள் சரகம், 3ன் கூடுதல் கமிஷனர் பொறுப்பையும் கூடுதலாக கவனித்து வருகிறார். கூறினார்.

இப்படி ஊடகங்கள் வர்ணித்துள்ளன. தவறு, குற்றங்கள் செய்பவர்கள் அப்படித்தான் இருக்கிறார்கள், அதைப் பற்றி விவரிப்பதைவிட, நல்லவர்கள் எப்படி நல்லவர்களாக இருக்கிறார்கள் என்று விவரித்தால் மற்றவர்களுக்கு பாடமாக இருக்கும். ஏனெனில், ஊடகக்காரர்களும் யோக்கியமானவர்கள் இல்லை. கவரோ, பர்சிசுப் பொருளோ கொடுக்கவில்லை என்றால், “நியூஸ்’ போடமாட்டார்கள்!

அடாவடி கூடுதல் கமிஷனரான இவர், சோதனையில் சிக்கும் நிறுவனங்களிடம் கோடியில் இருந்து தான் பேரம் பேசுவார் என அதிகாரிகள் தரப்பில் கூறப்படுகிறது. பெரும்பாலும் வருமான வரித் துறையினர், சி.பி.ஐ.,யிடம் அவ்வளவு சீக்கிரம் சிக்குவதில்லையாம். ரவீந்திராவையும், சி.பி.ஐ., அதிகாரிகள் தங்களுக்கு கிடைத்த உறுதியான தகவல் மூலமே கைது செய்துள்ளனர். கைது படலம் முடிந்ததும், ரவீந்திரா கண்ணெதிரிலேயே, அவரது வீட்டை, அதிகாரிகள் முழுமையாக சோதனையிட்டனர். ஒரு அறையை திறந்ததும் அதிகாரிகள் அதிர்ச்சியடைந்தனர். அதில், வெளிநாட்டு மதுபான பாட்டில்கள் அழகாக அடுக்கி வைக்கப்பட்டு, மினி பாருக்கான,” செட்டப்’ இருந்தது. மற்றொரு அறையில், வெளிநாடுகளில் இருந்து வரவழைக்கப்பட்ட, “ஊட்டச்சத்துக்கான’ மாத்திரைகள், பெட்டி பெட்டியாக இருந்தன. இவற்றை கைப்பற்றிய போலீசார், சென்னை மாநகர போலீசாரிடம் ஒப்படைத்துள்ளனர். மாநகர போலீசார், மதுபாட்டில்கள் பதுக்கியதற்காக ரவீந்திரா மீது தனி வழக்கு பதியவுள்ளதாக தெரிகிறது.

யாரந்த உத்தம்சந்த்? வருமான வரித்துறை அலுவலகத்திற்கு அடிக்கடி பல ஹவாலா கும்பல்கள் வரும். வருமான வரித்துறை அதிகாரிகளில் சிலர், இந்த கும்பலுடன் நெருங்கிய தொடர்பு வைத்துள்ளனர். அவர்களில் ஒருவர்தான் உத்தம்சந்த் சிங். இவர், ஒரு உயர் அதிகாரியின் வீட்டில் இருந்து வெளியில் வந்தால், அவர் பணத்துடன் செல்வதாக அர்த்தம். லஞ்சம் கொடுத்த ஒரு மணி நேரத்தில், ஹவாலா பணம் வெளிநாடுகளில் முதலீடு செய்யப்பட்டு விடும். இதனால் உத்தம்சந்த் சிங்கிடம் விசாரணை நடத்த போலீசார் முடிவு செய்துள்ளனர்.

அந்த டீலிங்கே வேற…[9]: இவருக்கும் ஆடிட்டர் ஒருவருக்கும் நெருங்கிய நட்பு உண்டு. அந்த ஆடிட்டர் சினிமாவில் உள்ள பலரையும் தெரிந்து வைத்திருப்பார். பல நடிகைகளுக்கும் அவர்தான் ஆடிட்டர்.

பெத்தப் படித்தவர்கள், நாகரிகமானர்கள், இணைத்தளங்களில் மினுக்கின்றவர்கள், அரசியல்வாதிகள் / அமைச்சர்களுடன் உலா வருகின்றவர்கள், எப்படி இப்படி கீழ்த்தரமான உணர்வுகளைக் கொண்டிருக்கிறார்கள். துரதிருஷ்டமாகவோ, அதிருஷ்டமாகவோ, அந்த வருமானத்துறை “ஆயக்கார் பவனி”ற்கு வலது புறம் இந்த சி.ஏ.இன்ஸ்டிடூட்டும், இடது புறம் இந்து அறநிலையத் துறையும் உள்ளன!  

அவர் மூலமே கம்பெனிக்காரர்களும் இவரை அணுகுவார்கள். அவர்தான் பேரம் பேசி முடிப்பார். அடிக்கடி இந்த அதிகாரி பெங்களூர், மும்பைக்குச் செல்வார். அங்கு நடந்த டீலிங் வேறு என்கின்றனர். சி.ஏ என்பது மருத்துவம் போன்ற மற்றப் படிப்புகளைப் போன்ற புனிதமான படிப்பாகும். அத்தகைய படிப்புப் படித்தவர், இத்தகைய கேவலமான வேலையைச் செய்து வருகிறார் என்றால், அது அவர் கற்ற கல்விக்கே இழுக்கு. அப்படியென்றால், பெரிய படிப்பு படித்தும் அவர்களைப் போன்றவர்கள் பக்குவப்படவில்லை என்று தஎரிகிறது. அந்த விவகாரங்களை சிபிஐ விசாரித்து வருகிறது. ஹவாலா புரோக்கரின் 2 தங்கைகள் பெங்களூரில் உள்ளனர். இருவருக்கும் ரவீந்தர் சொந்த வீடு வாங்கிக் கொடுத்துள்ளார்.

ஓய்வெடுக்க அமெரிக்கா[10]: அண்டாசு ரவீந்திரா, ஆந்திரா மாநிலத்தைச் சேர்ந்தவர். 1991ம் ஆண்டு ஐஆர்எஸ் பணியில் சேர்ந்தார். கடந்த 6 ஆண்டுகளுக்கு முன் சென்னைக்கு வந்தார். இவர், சென்னை வருமான வரித்துறையில் கம்பெனிகள் பிரிவில் கூடுதல் ஆணையராக உள்ளார். இவர், பல ஆண்டுகளாக இதுபோல லஞ்சம் வாங்கியுள்ளார்[11]. சில நாட்களுக்கு முன் இவர், குடும்பத்துடன் அமெரிக்கா சென்று ஒரு மாதம் ஓய்வெடுத்துள்ளார்.

புண்ணிய நாட்களில் இந்திய மக்கள் தார்மீக உணர்வுகளை மீண்டும் பெற்று சிறக்க வேண்டும். நாளுக்கு நாள் விடுமுறை அளிக்கப் படுகிறது. மக்களுக்கு அத்தகைய பண்டிகைக் காலங்களில் வாழ்த்து சொல்லும் போது கூட “ஊழல்” உள்ளது. ஆமாம், முஸ்லீம்கள்-கிருத்துவர்கள் பண்டிகைகள் என்றால், அரசியல்வாதிகள் போட்டிப் போட்டுக் கொண்டு வாழ்த்து சொல்வர்கள். அவர்களைப் போலவே வேடம் போட்டுக் கொண்டு வந்து வணங்குவார்கள், தொழுவார்கள், கேக் சாப்பிடுவார்கள். ஆனால் இந்துக்கள் பண்டிகைகள் வந்தால் பகுத்தறிவு அவர்களது புத்தியை தடுத்துவிடும் என்பதில்லை, மாறாக, கண்டபடி பேசுவார்கள்.; அவதூறு செய்வார்கள்………..இதுவும் மாபெரும் ஊழல் தான். இத்தகைய ஊழலைச் செய்பவர்கள் அதனை அனுமதிக்கும், ஊக்குவிக்கும், பக்தர்களும், நம்பிக்கையாளர்களும் அத்தகைய ஊழலில் ஊறியவர்களே. இனிமேலாவது, அவர்கள் அந்த ஊழலிலிருந்து வெளிவருவார்களா?

வேதபிரகாஷ்

31-08-2011

 


[2] http://www.everonn.com/about_everonn.html ; http://www.everonn.com/index.html

http://www.everonn.com/everonn_india_foundation.html

Everonn Education Limited
Registered Office:
No.82, IVth Avenue
Ashok Nagar
Chennai – 600083
Tamilnadu, India. 
Corporate Office & Correspondence Address:
“Everonn House”
Plot No # 96 – 99, Industrial Estate
Perungudi, Chennai – 600096
Tamilnadu, India.
Phone No: +91-44-23718202, 42968400
Fax No: +91-44-24962800

[2] http://www.dinakaran.com/News_detail_2011.asp?Nid=4224

[5] தினமலர் (கி.கணேஷ்), வருமான வரியை குறைக்க ரூ.50 லட்சம் லஞ்சம், பதிவு செய்த நாள்: ஆகஸ்ட் 30, 2011,23:52 IST; மாற்றம் செய்த நாள்: ஆகஸ்ட் 31, 2011,00:55 IST

http://www.dinamalar.com/News_Detail.asp?Id=304505

[7] Mr. P. Kishore – Managing Director – A first-generation entrepreneur and pioneer in building a business model around computer education at schools, Mr. Kishore has promoted IT-enabled education since 1987 and founded Everonn in 2000. Mr. Kishore is a visionary by nature with a passion to excel, a zeal he imparts to every Everonn employee. http://www.everonn.com/board_of_directors.html

[8] The Central Bureau of Investigation on Tuesday arrested P Kishore, managing director of Chennai-based tech-based education provider Everonn Education, on charges of bribing an Income Tax official with Rs 50 lakh. The Income Tax official – of an additional commissioner’s rank – was also arrested. http://economictimes.indiatimes.com/news/politics/nation/cbi-arrests-everonn-education-md-on-bribery-charges/articleshow/9804786.cms

http://www.thehindubusinessline.com/industry-and-economy/info-tech/article2412356.ece

[10] ஊடகக்காரர்களும் எப்படி ஓய்வெடுக்கிறார்கள், எடுத்துக் கொண்டிருக்கிறார்கள் என்பதை யோசிக்க வேண்டும். ஓசியில் எத்தனை முறை அம்மாதிரி அனுபவித்துள்ளார்கள் என்பதையும் மனசாட்சியுடன் நினைத்துப் பார்க்க வேண்டும். அதையெல்லாம் விவரிக்க வேண்டியதில்லை, ஏனெனில் அவர்களுக்கே அது தெரியும்.

[11] ஊடகக்காரர்கள் இவ்வாறு எழுதும் போது, ஆதாரங்களுடன் எழுதவேண்டும், மேலும் முதலில் அவர்கள் தங்களது ஊழலை மனதில் வைத்துக் கொண்டு மற்றவர்களின் ஊழலைப் பற்றி வர்ணிக்க வேண்டாம். ஊழல் என்பது பலநிலைகளில், மனங்களில் ஊடுருவியுள்ளது. பணம் கொடுப்பது-வாங்குவது என்ற நிலையைத் தவிர சமூகத்தை சீரழிக்கும் பலநிலைகளிலும் செயல்படுகிறது. பணம் கொடுத்து-பணம் வாங்கும் ஊழல்பேர்வழிகளைவிட, இவர்கள் செய்து வரும் ஊழல் மக்கள் சமூகத்தையே புரையோடி அழித்துக் கொண்டு வருகிறது. ஆகவே முதலில் அவர்கள் மனம் திருந்த வேண்டும்.

காந்தி: அன்னா, ராஹுல், வருண்: காந்தியை காப்பியடிக்கும் விதமும், மக்களை ஏமாற்ற / மாற்ற / மாற கையாளப்படும் யுக்திகளும், நிலைகளும்:

ஓகஸ்ட் 28, 2011

காந்தி: அன்னா, ராஹுல், வருண்: காந்தியை காப்பியடிக்கும் விதமும், மக்களை ஏமாற்ற / மாற்ற / மாற கையாளப்படும் யுக்திகளும், நிலைகளும்:

 

தொப்பிப் போட்டு காதிகட்டியவன் எல்லோரும் காந்தியாக முடியுமா? காந்தி சின்னங்கள், அடையாளங்கள், நினைவுகள், பாரம்பரியங்கள், தொன்மைகள் என்று வைத்துக் கொண்டு பலர் பல்வேறு விதமாக, ஏதாவது ஒரு விதயத்தில் ஆதாயம் தேடி வருவது, இந்த நவீன மேனாட்டுமயமாக்கப்பட்ட சந்தைவணிக பொருளாரத்தைச் சார்ந்த இந்திய சமுதாயத்தில் சாதாரணமாகத்தான் இருந்து வருகிறது. தமிழக கோவில்களின் அருகில் சென்றால், பிச்சைக்காரர்களுக்கும், சாதுகளுக்கும், சந்நியாசிகளுக்கும், மடாதிபதிகளுக்கும், சைவாச்சாரியர்களுக்கும், வேடதாரிகளுக்கும் இடையே வேறுபாடே தெரியாமல் இருக்கும். போலி சாமியார்கள், பிச்சைக்கார வேடதாரிகள் உண்மையான சாது-சந்நியாசிகள், மடாதிபதிகளைவிட, பந்தாவாக-டாம்பீகரமாக-ஜோராக இருப்பார்கள். சடாமுடி, ருத்ராக்ஸ கொட்டை, காவியுடை, கட்டை செருப்பு, விபூதி பட்டை முதலியவற்றைப் பார்த்து யாரையும் எடைபோட முடியாது. அவ்வளவு கச்சிதமாக வேடமணிந்து வேலைக்கு, வசூலுக்கு, பிச்சைக்குக் கிளம்பி விடுவார்கள். இவர்களுடைய வேடத்தை நம்பி, நிறைய பேர், குறிப்பாக புதிதாக வருபவர்கள், மற்றவர்கள் இவர்களைக் கண்டு ஏமாந்து விடுவார்கள். அத்போலத்தான், நேருக் குடும்பம், தங்களது குடும்பப்பெயரை விட்டுவிட்டு, காந்தி பெயரை உபயோகப்படுத்தி ஆட்சி செய்து வரும் முறையைக் காட்டுகிறது.

நேருவை துறந்து, காந்தியை காப்பியடிக்கும் சந்ததியர்: நீதிமன்ற வழக்குகளில், இந்திரா பிரியதர்ஷினி காந்தி நேரு / இந்திரா பிரியதர்ஷினி நேரு காந்தி என்றுதான், இந்திரா காந்தியின் பெயர் குறிப்பிடப்பட்டிருக்கும். ராஜிவ் காந்திக்குப் பிறகு, நேரு குடும்பத்தினர், நேருவை மறந்து விட்டு, காந்தியைப் போட்டுக் கொள்கிறார்கள். உண்மையில், பெரோஸ் கான் என்கின்ற இந்திராவின் கணவரின் பெயரை பிரோஸ் கதி / கந்தி என்றுதான் குறிப்பிடுவது[1] வழக்கம். அதனை காந்தி என்று மாற்றிக்கொண்டு, ஏதோ மஹாத்மா காந்தியின் வாரிசுகள், குடும்பத்தினர், வம்சாவளியினர் போல வலம் வந்தனர், வந்துக் கொண்டிருக்கின்றனர். மக்களைக் கவர, ஏமாற்ற, அக்குடும்பத்தினர், தங்களது உண்மையான கலாச்சாரம், பாரம்பரியம், முதலியவற்றை மறைத்துக் கொண்டு ஆட்சி, அதிகாரம் முதலியவற்றைத்தக்க வைத்துக் கொண்டுள்ளனர். இந்திய தேசிய காங்கிரஸ் இரண்டாக பிளவு பட்டு, மறைந்து போன நிலைக் கடந்து வரும் நிலையில், ராஜிவ் காந்தி கொலைக்குப் பிறகு, நேருக் குடும்பத்தினர், அதிதீவிரமாக காங்கிரஸ், காதி என்று ஆரம்பித்து செயல்பட ஆரம்பித்தனர். அதற்குத் துணையாக, பழைய காங்கிரஸ்காரர்களின் மகன்கள், பேரன்கள் முதலியோரை இழுத்துக் கொண்டனர். சோனியா குடும்பத்தினர் முழுவதுமாக கிருத்துவர்கள் ஆனப்பிறகு இந்நிலை ஏற்பட்டது.  மறைந்து சில மாதங்களே அஞ்ஞான வாசம் செய்த சோனியா, திடுப்பென “இந்திரா காந்தி” வேடத்தில் உலா வந்து மேடைகளில் பேச ஆரம்பித்தார். பிரியங்கா காந்தியோ, பிரத்யேகமாக மேக்கப், ஆடை, வேடமிட்டுக் கொண்டே வந்து விடுவார். மற்ற நேரங்களில் படுகவர்ச்சியான ஆடைகளை அணிந்திருப்பார்[2]. பல ஆண்டுகள் தென்னமெரிக்க நாடுகளில் தனது காதலியுடன் சுற்றி வந்த ரௌல் ராபர்ட்டும், திடீரென்று, ராஹுல் காந்தியாக, ஜுப்பா-டோப்பி சகிதம் உலா வர ஆரம்பித்தார் இவ்விதமாக, சோனியா மைனோ மக்களை, கட்சிக் காரர்களை மயக்க ஆரம்பித்தார்.

தொப்பியோடு வந்த அன்னா: அன்னா ஹஸாரே காந்தியவாதியாக, கதர் ஆடையுடன், தொப்பியுடன் ஊழலுக்கு எதிராக போர் என்று இயக்கத்தை ஆரம்பித்தவுடன், இந்திய மக்கள் பலவித பிரச்சினைகளால் கஷ்டப்பட்டுக் கொண்டிருந்த வேலையில், தமக்கு இவர் உதவுவார் என்று ஆதரவு தெரிவிக்க ஆரம்பித்தார்கள். இதற்கு முன்னர், ராம்லீலா மைதானத்தில் பாபா ராம்தேவ், அன்னாவைவிட பெரிய அளவில் தாக்கத்தை ஏற்படுத்தியிருந்தார். ஆனால், காங்கிரஸ்காரர்கள் மிகவும் பயந்து போய் இரும்பு கரங்களுடன் அடக்கி, நடு இரவில், கண்ணீர்புகை குண்டு வெடித்து, லத்தி ஜார்ஜ் செய்து, முதியவர், பெண்கள், சிறுவர்கள் என்று எவரையும் பாராது, ராம்லீலா மைதானத்திலிருந்து வெளியேற்றினர். இவற்றையேல்லாம் ஊடகங்கள் படம் பிடித்துக் காட்டிக்கொண்டிருந்தன. உச்சநீதி மன்றத்தில் கூட வழக்குகள் நிலுவையில் உள்ளன. ஆகவே, அன்னா விஷயத்தில் ஜாக்கிரதையாக இருக்க வேண்டும் என்று தீர்மானித்தனர்.

காணாமல் போன சோனியா: சோனியா காந்தி, இந்நிலையில் அறுவை சிகிச்சைக்கிற்காக ரகசியமாக அமெரிக்கா சென்று விட்டார். ராஹுல் காந்தியோ, வழக்கம் போல தாறுமாறாக பேசிக்கொண்டு, உத்திரபிரதேசத்தில் குழப்ப்பத்தை ஏற்படுத்திக் கொண்டிருந்தார். இந்நிலையில் அன்னாவைப் பற்றி எதுவும் பேச வேண்டாம் என்று அறிவுருத்தப் பட்டிருந்ததால், மூச்சேவிடாமல் இருந்தார். இருந்தாலும் 27-08-2011 அன்று பாராளுமன்றத்தில் பேசி சர்ச்சியைக் கிளப்பி விட்டார்.

வருண்காந்தி: 24-08-2011 அன்று அன்னாவின் கூட்டத்திற்கு சென்றது, 27-08-2011 அன்று பாராளுமன்றத்தில் ஆதரித்து பேசியது: அன்னா ஹஸாரே உண்ணாவிரதம் இருந்து வரும் ராம்லீலா மைதானத்திற்கு திடீரென 24-08-2011 அன்றுகாலை பாஜக எம்.பியும், மேனகா காந்தியின் மகனுமான வருண் காந்தி வருகை தந்தார்[3]. அன்னா ஹஸாரே இயக்கத்திற்கு ஆதரவு தெரிவித்து வரும் வருண் காந்தி, தனி நபர் மசோதாவாக ஜன் லோக்பால் மசோதாவை லோக்சபாவில் தாக்கல் செய்வேன் என்று அறிவித்துள்ளது நினைவிருக்கலாம். 24-08-2011 அன்று ராம்லீலா மைதானத்திற்கு நேரில் வந்த வருண் காந்தி அன்னாவின் ஆதரவாளர்களுடன் சிறிது நேரம் அமர்ந்திருந்தார். பின்னர் அவர் செய்தியாளர்களிடம் பேசுகையில், எனது வருகை முற்றிலும் கட்சி சார்பற்றது. பொதுமக்களில் ஒருவனாக, வருண் காந்தியாகத்தான் இங்கு வந்துள்ளேன். பாஜக எம்.பியாக வரவில்லை. அன்னாவின் போராட்டத்திற்கு எனது முழு ஆதரவும் உண்டு.  ஒரு சாதாரண இந்தியப் பிரஜையாக எனக்கும் பொறுப்புணர்வு உண்டு என்றார் வருண் காந்தி. ஆக அதற்கேற்றபடி, பிஜேபி-அணியினர், வருண் காந்தியை தயார் படுத்தினர் போலும்.

வருண் காந்தி அன்னாவிற்கு இடமளிக்க முன்வந்தது[4]: ஆக.6, 2011: வலுவான லோக் பால் சட்டம் கொண்டு வர வலியுறுத்தி அண்ணா ஹசாரே மேற்கொள்ள உள்ள காலவரையற்ற உண்ணாவிரதப் போராட்டத்துக்கு, தில்லியில் தான் வசித்து வரும் அரசு வீட்டில் இடம் அளிக்க தயார் என்று பாரதிய ஜனதா மக்களவை உறுப்பினர் வருண் காந்தி தெரிவித்துள்ளார். பிரதமர், நீதிபதிகள் உள்ளிட்டோர் இடம் பெறும் வகையில் ஊழலுக்கு எதிரான வலுவான லோக் பால் மசோதா கொண்டு வர வேண்டும் என்று சமூக ஆர்வலர் அண்ணா ஹசாரே உள்ளிட்டோர் கோரிக்கை விடுத்து வருகின்றனர். இதை ஏற்காமல், மத்திய அரசு லோக் பால் மசோதாவை நாடாளுமன்றத்தில் சில தினங்களுக்கு முன் தாக்கல் செய்தது.ஆகஸ்ட் 16 ஆம் தேதி முதல் உண்ணாவிரதப் போராட்டத்தில் ஈடுபடபோவதாக ஹசாரே ஏற்கனவே அறிவித்தபோது, இதற்கு அனுமதி கொடுக்க மத்திய அரசு தயக்கம் காட்டியது. அந்நிலையில், ஹசாரேவின் போராட்டத்துக்கு மத்திய அரசு இடம் அளிக்க மறுத்தால், நாடாளுமன்ற உறுப்பினர் என்ற முறையில் அரசு தனக்கு ஒதுக்கியுள்ள வீட்டில் இடம் கொடுக்க தயார் என்று வருண் காந்தி அறிவித்தார்.

ராகுல் காந்தி பாராளுமன்றத்தில் பேசியது: ‘ஊழலை ஒழிக்க லோக்பால் சட்டம் மட்டுமே உதவாது’’ என மக்களவையில் காங்கிரஸ் பொதுச் செயலாளர் ராகுல் காந்தி பேசினார். அவருடைய பேச்சுக்கு எதிர்க்கட்சிகள் கடும் எதிர்ப்பு தெரிவித்தன. ஜன் லோக்பால் மசோதாவை நாடாளுமன்றத்தில் விவாதிக்கும்படி அன்னா ஹசாரே விதித்த நிபந்தனையை மத்திய அரசு ஏற்றதை தொடர்ந்து, மக்களவையில் அது பற்றி விவாதிக்க நேற்று மதியத்துக்குப் பிறகு நேரம் ஒதுக்கப்பட்டது. அதற்கு முன்பாக, மக்களவையில் நேற்று காலை கேள்வி நேரம் முடிந்ததும் காங்கிரஸ் பொதுச் செயலாளர் ராகுல் காந்தி பேசியதாவது[5]: “எல்லா மட்டத்திலும் ஊழல் ஊடுருவி உள்ளது. அதை ஒழிக்க லோக்பால் சட்டம் மட்டும் உதவாது. லோக்பால் அமைப்பை தேர்தல் ஆணையத்தை போல் அரசியலமைப்பு சட்டத்துக்கு உட்பட தனி அமைப்பாக உருவாக்குவது பற்றி நாம் ஏன் விவாதிக்க கூடாது? ஏனெனில், நல்ல நோக்கமாக இருந்தாலும் கூட, தனி நபரின் உத்தரவை ஏற்பது ஜனநாயக அமைப்புகளை பலவீனமாக்கி விடும். இன்று, லோக்பால் மசோதாவை ஏற்கும்படி கூறுவதை ஏற்றால், நாளை வேறு மாதிரியான பிரச்னையை கொண்டு வருவார்கள்”, இவ்வாறு ராகுல் பேசினார். இந்த பிரச்னை பற்றி கேள்வி நேரத்துக்கு பிறகு ராகுல் காந்தி பேசியதற்கு தே.ஜ. கூட்டணி கட்சிகள் கடும் எதிர்ப்பு தெரிவித்தன. காங்கிரஸ் உறுப்பினர்கள் இதற்கு பதிலடி கொடுத்தனர். இதனால் அவையில் கூச்சல் குழப்பம் ஏற்பட்டது. அப்போது குறுக்கிட்ட சபாநாயகர் மீரா குமார், ‘‘கேள்வி நேரம் முடிந்த பிறகு பேசும்படி ராகுல் காந்திக்கு நான்தான் அனுமதி கொடுத்தேன்’’ என்று எதிர்க்கட்சிகளுக்கு விளக்கினார். ராகுலின் பேச்சை அவருடைய சகோதரி பிரியங்கா, பார்வையாளர் மாடத்தில் அமர்ந்து கவனித்துக் கொண்டிருந்தார். பாராளுமன்றத்தில் ஊழல் எதிர்ப்பு குறித்து ராகுல் காந்தி பேசிய பேச்சு அடங்கிய புத்தகம் 2 கோடி மக்களிடம் வினியோகம் செய்யப்பட்டது[6].

 

காந்தி போடாத தொப்பி பிரபலமானது[7]: “காந்தி தொப்பி” என்று அழக்கப்படும் கதரால் செய்யப்பட்ட குல்லா, காந்தியால் என்றுமே அணியப்படவில்லை. ஆனால், காந்தியை மறந்த இளைஞர்கள், திடீரென்று அந்த குல்லாவை வாங்கிக் கொண்டு அணிந்து கொண்டு தெருக்களில் வந்தது வினோதமாக இருந்தது. அன்னா வேட்டிக்கூட கட்டியிருந்தார். ஆனால், இளைஞர்களிடம் வேட்டி பிரபலமாகாதது விந்தையே. இருப்பினும், சென்ற வாரம் முழுவதும் தொப்பி, மூவர்ண கொடி, டி-சர்ட் முதலியவை அமோகமாக வியாபாரம் ஆனது[8]. ஹசாரே உண்ணாவிரதம் இருக்கும் ராம்லீலா மைதானத்துக்கு வெளியே தேசிய கொடிகள், அன்னா ஹசாரே தொப்பி, பட்டன்பேட்ஜ், தலையில் கட்டும் பேண்ட், டிஷர்ட், முழங்கையில் கட்டும் பேண்ட் ஆகியவை அமோக மாக விற்பனையாகி வரு கின்றன. ஹசாரே மீது ஏற்பட்டுள்ள தாக்கத்தால் அவரது பெயர் பொறிக்கப்பட்ட பொருட்களின் விற்பனை சூடுபிடித்து இருக்கிறது. நான் அன்னாஹசாரே என்று எழுதப்பட்ட தொப்பியின் விலை ரூ.5 முதல் ரூ.15-க்கும், அன்னாவின் முகமூடி ரூ.5-க்கும், ஹசாரே உருவம் பொறிருத்த பட்டன் பேட்ஜ் ரூ.10 முதல் ரூ.20க்கும், முழங்கையில் கட்டும் மூவர்ண கலருடன் கூடிய பேண்ட் ரூ.10க்கு விற்பனை செய்யப்படுகிறது. தேசிய கொடி ரூ.5 முதல் ரூ.1,000க்கும், தலையில் கட்டும் பேண்ட் ரூ.10 முதல் ரூ.15க்கும் விற்பனை செய்யப்படுகிறது. இதில் கடந்த 23-ந்தேதிதான் விற்பனை மிகவும் அதிகமாக இருந்துள்ளது[9]. உண்ணாவிரத போராட்டத்துக்கு வரும் ஹசாரே ஆதரவாளர்கள் ஏதாவது ஒரு ஹசாரே பொருளுடன் இருக்க வேண்டும் என்று விரும்புகிறார்கள். இதனால் இதன் விற்பனை கட்டுங்கடங்காத அளவுக்கு அதிகமாக உள்ளது. மேலும் முகத்தில் வரையப்படும் மூவர்ண கொடிக்கு ரூ.10 வசூலிக்கப்படுகிறது. வழக்கமான வியாபாரிகள் இல்லாத பலரும் ஹசாரே உண்ணாவிரதத்தால் தேசிய கொடிகளை விற்பனை செய்து சம்பாதித்து உள்ளனர். பள்ளி செல்லும் சிறுவன் சாதிக் ஹசன் கடந்த 1 வாரமாக பள்ளிக்கு செல்லாமல் ராம்லீலா மைதானத்துக்கு சென்றான். அவனது வேலை முகத்தில் மூவர்ண கொடியை வரைவது. இதன் மூலம் அவன் தினசரி ரூ.1000 சம்பாதித்து வந்தான். அன்னா ஹசாரே தொப்பிகளை விற்பனை செய்யும் வியாபாரி ஒருவர் கூறும் போது, நான் தினசரி 700 முதல் 800 தொப்பிகளை விற்பனை செய்கிறேன். இதன் மூலம் எனக்கு ரூ.3,500 முதல் ரூ.8 ஆயிரம் வரை கிடைக்கிறது என்றார். ஹசாரேயின் உண்ணாவிரதம் எதிரொலியாக டெல்லி சாதர்பஜார் மொத்த மார்க்கெட் பகுதியில் பொருட்களின் லாபம் 5 முதல் 7 சதவீதம் இருந்தது.

சல்மான் கானுக்கு அன்னா தொப்பி கொடுக்க வந்த அன்னா ஆதரவாளர்கள் தாக்கப்பட்டனாராம்[10].

காந்திக்குப் பிறகு அன்னா புகழ் பெற்றுவிடக்கூடாது என்று கங்கணம் கட்டிக்கொண்ட காங்கிரஸ்காரர்கள்: காங்கிரஸ்காரர்கள் பாராளுமன்றத்தில் பேசும்போது, ராகுலை, சோனியாவைத்தான் புகழ்ந்து கொண்டிருந்தார்களே தவிர, அன்னாவை அமுக்கியே வாசித்தனர். முன்பு அன்னாவே ஒரு ஊழல் பேர்வழி என்று சொல்லி, ராம்தேவைப் போலவே மிரட்ட முயற்சித்தனர்[11].  ஊழலை ஒழிக்கப் போராடுவதாக கூறும் அன்னா ஹஸாரே ஒரு ஊழல்வாதி. அவருடைய பிறந்த நாளுக்காக அவரது அறக்கட்டளையிலிருந்து ரூ. 2 லட்சத்தை எடுத்து செலவழித்துள்ளனர். இதை ஊழல் என்று நீதிபதி பி.எஸ்.சாவந்த் கமிஷனே திட்டவட்டமாக தெரிவித்துள்ளது என்று காங்கிரஸ் கட்சி கூறியுள்ளது. லோக்பால் மசோதாவை வலியுறுத்தி நாளை டெல்லியில் சாகும் வரை உண்ணாவிரதப் போராட்டத்தில் அன்னா ஹஸாரேவும் அவரது குழுவினரும் குதிக்கின்றனர். இந்த நிலையில் நேற்று அன்னா மீது மிகவும் கடுமையான குற்றச்சாட்டை சுமத்தியது காங்கிரஸ் கட்சி[12]. அதாவது ஊழல் புகாரை சுமத்தியுள்ளது காங்கிரஸ். இதுகுறித்து காங்கிரஸ் செய்தித் தொடர்பாளர் மணீஷ் திவாரி கூறுகையில், “சிவில் சொசைட்டி என்று தங்களைத் தாங்களே அழைத்துக் கொள்ளும் அன்னா ஹஸாரே குழுவினர் உண்மையில் ஒரு கம்பெனி போலவே நடந்து கொள்கின்றனர். இவர்கள் ஊழலை ஒழிப்பது குறித்துப் பேசி வருகின்றனர். இவர்களுக்குப் போராட்டத்திற்கு எங்கிருந்து பணம் வருகிறது என்பதை அவர்கள் தெளிவுபடுத்த வேண்டும். இவர்களின் தலைவராக கூறப்படும் ஹஸாரேவே ஊழல் புரிந்தவர்தான். இதை நான் சொல்லவில்லை. நீதிபதி பி.எஸ்.சாவந்த் கமிஷனே அதைக் கூறியுள்ளது. அன்னா ஹஸாரேவின் பிறந்த நாளுக்காக அவரது அறக்கட்டளைப் பணத்தை எடுத்துச் செலவிட்டுள்ளனர்[13]. இது ஊழல்தான் என்று நீதிபதி சாவ்ந்த்தே கூறியுள்ளார். அது மட்டுமல்ல மிரட்டிப் பணம் பறித்தல், நில அபகரிப்பு, மிரட்டல் உள்ளிட்ட பல்வேறு குற்றச்சாட்டுக்கள் அன்னா ஹஸாரே மீது உள்ளன. மாவோயிஸ்டுகளுடனும் இவர்களுக்குத் தொடர்பு உள்ளது. பலரும் இவர்களுக்குப் பணத்தை வாரியிறைக்கின்றனர். எதற்காக என்பது இவர்கள் சொன்னால்தான் தெரியும். இப்படிப்பட்ட அன்னா ஹஸாரேவிடம் நாங்கள் கேட்க விரும்புவது, எந்த முகத்தை வைத்துக் கொண்டு ஊழலுக்கு எதிராக நீங்கள் போராடுகிறீர்கள் என்பதுதான். நீங்களே ஊழல் கறை படிந்தவர். இதை எப்படி உங்களால் மறைக்க முடியும்”, என்றார் திவாரி[14]. அதன் பிறகு திஹார் சிறையிலும் அடைத்துப் பார்த்தனர். ஆனால், மக்களின் எழுச்சியை தெரிந்து கொண்டு, விடுவித்தனர்.

ககங்கிரஸுக்கு  அன்னா ஹசாரேவின் சவால்: என் மீது ஊழல் புகார் கூறியுள்ள காங்கிரஸ் அதுகுறித்து விசாரணை நடத்த வேண்டும். அதை நிரூபிக்க வேண்டும். அதுவரை நான் உண்ணாவிரதம் இருக்கப் போகிறேன். நாங்கள் கூறிய லோக்பால் மசோதாவை மத்திய அரசு கொண்டு வந்தாலும் கூட நான் எனது போராட்டத்தை விட மாட்டேன். என் மீதான களங்கத்தை துடைக்கும் வரை உண்ணாவிரதம் இருப்பேன் என்று கூறியுள்ளார் காந்தியவாதி அன்னா ஹஸாரே. இதுகுறித்து அவர் கூறுகையில்[15], “வலுவான லோக்பால் மசோதாவைக் கொண்டுவர வேண்டும் என்று போராட்டம் நடத்தும் பிரதிநிதிகள் மீது காங்கிரஸ் கட்சி பொய் குற்றச்சாட்டுகளைப் பரப்பி வருகிறது. இப்போது என் மீது ஊழல் குற்றச்சாட்டு கூறப்பட்டுள்ளது. நீதிபதி சாவந்த் தாக்கல் செய்துள்ள அறிக்கையில் நான் ஊழல் செய்தேன் என்று குறிப்பிடவில்லை. ஆனால் காங்கிரஸ் கட்சி பொய்க் குற்றச்சாட்டை சுமத்தி வருகிறது. காங்கிரஸ் கட்சி என் மீது சுமத்தியுள்ள ஊழல் குற்றச்சாட்டு தொடர்பாக முதல் தகவல் அறிக்கை தாக்கல் செய்து விசாரணை நடத்தட்டும். ஊழல் செய்ததாக நிரூபித்தால் என் மீது சட்டப்படி நடவடிக்கை எடுக்கட்டும். அப்படியில்லை என்றால் நான் குற்றமற்றவன் என்று காங்கிரஸ் கட்சி அறிவிக்கும்வரை எனது போராட்டம் தொடரும். கடந்த 5 ஆண்டுகளாக எங்கள் அமைப்புக்கு நிதி அளித்தவர்களின் விவரங்களை 24 மணி நேரத்துக்குள் இணையதளத்தில் வெளியிடத் தயார். அதேபோல் கடந்த 5 ஆண்டுகளாக காங்கிரஸ் கட்சிக்கு நிதி அளித்து வருபவர்களின் விவரங்களையும் கட்சியின் செலவுகளையும் வெளியிடத் தயாரா. ஊழலுக்கு எதிராக எங்கள் அமைப்பு மேற்கொண்டு வரும் போராட்டத்தை கண்டு காங்கிரஸ் கட்சி அதிர்ச்சி அடைந்துள்ளதால் இது போன்ற பொய் குற்றச்சாட்டுகளை சுமத்தி வருகிறது.  டெல்லியில், செவ்வாய்கிழமை திட்டமிட்டபடி அமைதியான வழியில் உண்ணாவிரதப் போராட்டம் தொடங்கும். கூட்டத்தில் தொண்டர்கள் மீது யாராவது தாக்குதல் நடத்தினால் யாரும் பதிலுக்கு தாக்குதல் நடத்தமாட்டார்கள்”, என்றார் அவர்.


[1] Feroz Gadhi (கதி) – Gandhy (கந்தி) – Gandhi (காந்தி)

[2] அத்தகைய புகைப்படங்களை என்னுடைய மற்ற இணைத்தள பதிவுகளில் பார்க்கலாம்.

போஃபோர்ஸ் சரித்திரம் 1986-2010: சோனியா மெய்னோ வளர்ந்த கதை!

ஜனவரி 5, 2011

போஃபோர்ஸ் சரித்திரம் 1986-2010: சோனியா மெய்னோ வளர்ந்த கதை!

March 24, 1986: A $15 billion contract between the Indian government and Swedish arms company AB Bofors is signed for supply of over 400 155mm Howitzer field guns. ஏ. பி. போஃபோர்ஸ் என்ற ஸ்வீடன் நாட்டு கம்பெனி 400 ஹொவிட்செர் என்ற 155 மி.மீ கொண்ட 400 துப்பாக்கிகளை இந்திய ராணுவத்திற்கு விற்க ஆர்டர் கொடுக்கப் பட்டது.
April 16, 1987: Swedish Radio claims Bofors paid kickbacks to top Indian politicians and key defence officials to secure the deal. ஸ்வீடன் நாட்டு ரேடியோ அவ்வாறு விற்றதற்கு ரூ. ($1.3bn) லஞ்சமாகக் இந்திய அரசியல்வாதிகள் மற்றும் ராணுவ அதிகாரிகளுக்கு கொடுகப்பட்டது, என்று செய்தி வெளியிட்டது.
April 20, 1987: Then Prime Minister Rajiv Gandhi assures the Lok Sabha that no middleman was involved and no kickbacks were paid. ராஜிவ் காந்தி இந்த பேரத்தில் இடைத் தரகர் யாருமே இல்லை என்று உறுதியாக பாராளுமன்றத்தில் கூறினார்.
Aug 6, 1987: Joint Parliamentary Committee (JPC) set up under B Shankaranand to probe allegations of kickbacks. சங்கரானந்த் என்பவரின் கீழ் லஞ்சம் வங்கிய குற்றச்சாட்டை விசாரிக்க பாராளுமன்றக் கூட்டுக் குழு ஏற்படுத்தப்பட்டது.
July 18, 1989: JPC report presented to Parliament. பாராளுமன்றக் கூட்டுக் குழு தனது அறிக்கையை அளித்தது.
November 1989: Congress defeated in Lok Sabha election. காங்கிரஸ் தேர்தலில் படுதோல்வி அடைந்தது.
Dec 26, 1989: Prime Minister V.P. Singh’s government bars Bofors from entering into any defence contract with India. வி. பி. சிங் அரசாங்கம் இனி போஃபோர்ஸ் இந்தியாவுடன் எந்த ஒப்பந்தம் செய்து கொள்ளவும் தட விதிக்கப்பட்டது.
Jan 22, 1990: Central Bureau of Investigation (CBI) registers complaint in the case. சி.பி.ஐ. ஒரு புகாரைப் பதிவு செய்தது. 

 

Jan 26, 1990: Swiss authorities freeze bank accounts of Svenska and AE Services, which allegedly received unauthorised commissions for the deal. ஸ்வீடன் ஸ்வென்ஸ்கா மற்றும் ஏ. பி. போஃபோர்ஸ் கம்பெனிகளின் வங்கிக் கணக்குகளை முடக்கியது. 

 

Feb 17, 1992: Journalist Bo Anderson’s sensational report on the Bofors payoffs case published. போ ஆன்டர்ஸன் என்ற பத்திரிக்கையாளரின் போஃபோர்ஸ் லஞ்ச ஊழலைப் பற்றிய விவரங்கள் வெளியிடப்பட்டன.
December 1992: Supreme Court reverses a Delhi High Court decision quashing the complaint in the case. சி.பி.ஐ. பதிவு செய்த புகாரை தள்ளுபடி செய்த வழக்கை டில்லி உயர்நீதி மன்ற தீர்ப்பை, உச்சநீதி மன்றம் மாற்றியது.
Feb 9, 1993: Supreme Court rejects former Bofors agent Win Chadha’s plea for quashing the letters rogatory sent by the trial court to its counterpart in Sweden seeking assistance in the case. உச்சநீதி மன்றம், ஸ்வீடன் நாட்டு நீதிமன்றம் போஃபோர்ஸ் கம்பெனியின் ஏஜென்ட், வின் ஜத்தாவிற்கு உதவியாகக் கொடுக்கப்பட்ட கடிதங்களை மறுத்தது.
July 12, 1993: Swiss federal court rules that India was entitled to Swiss bank documents pertaining to kickbacks. ஸ்வீடன் நாட்டு நீதிமனங்கள், இந்த லஞ்சப்பணம் ஸ்வீடன் வங்கிளில் போடப்பட்டுள்ள விவரங்களை இந்தியா அறியலாம் என்று தெரிவித்தது.
July 29/30, 1993: Italian businessman Ottavio Quattrocchi, who represented Italian fertiliser firm Snam Progetti for years, leaves India to avoid arrest. ஸ்நாம் ப்ரோகெடி என்ற கம்பெனியின் பிரதிநிதியாக இந்தியாவில் பல ஆண்டுகளாகச் செயல்பட்டு வந்த  ஆட்டேவியோ குட்ரோச்சி என்ற இத்தாலிய வியபாரி, கைது செய்யப்படலாம் என்றறிருந்து இந்தியாவிலிருந்து தப்பிச் சென்றுவிட்டார்.
Jan 21, 1997: After four years of legal wrangles, secret documents running into over 500 pages given to Indian authorities in Berne. பெர்ன் நகரத்திலிருந்து, நான்கு வருட சட்டப் போராட்டத்திற்குப் பிறகு, 500 பங்கங்கள் கொண்ட ரகசிய ஆவணங்கள் பெறப்பட்டன.
Jan 30, 1997: CBI sets up special investigation team for the case. சி.பி.ஐ. ஒரு சிறப்பு புலனாய்வு குழுவை, இந்த வழக்கை விசாரிக்க, ஏற்படுத்தியது.
Feb 10, 1997: CBI questions ex-army chief Gen Krishnaswamy Sundarji. சி.பி.ஐ. முந்தைய ராணுவ தளபதி கிருஷ்ணசுவாமி சுந்தர்ஜியை விசாரித்தது.
Feb 12, 1997: Letters rogatory issued to Malaysia and United Arab Emirates (UAE) seeking arrest of Quattrocchi and Win Chadha. குட்ரோச்சி மற்றும் வின் ஜத்தா இருவரையும் கைது செய்ய அமீரகம் மற்றும் மலேசிய நாடுகளுக்கு அதிகார கடிதங்கள் அனுப்பப்பட்டன.
May 1998: Delhi High Court rejects Quattrocchi’s plea for quashing of ‘red corner’ notice issued by Interpol at CBI request. டில்லி உயர்நீதி மன்றம் இன்டர்போலிறுகு சிவப்பு எச்சரிக்கை நோட்டீஸ் கொடுத்ததை எதிர்த்து குட்ரோச்சி தொடுத்த வழக்கை தள்ளுபடி செய்தது.
Oct 22, 1999: CBI files first chargesheet naming Win Chadha, Quattrocchi, former Indian defence secretary S K Bhatnagar, former Bofors chief Martin Ardbo and Bofors company. Rajiv Gandhi’s name figures as “an accused not sent for trial” — as he was assassinated in 1991. சி.பி.ஐ. முதல் குற்றப்பத்திரிக்கையை தாக்கல் செய்தது. அதில் வின் ஜத்தா, குட்ரோச்சி, எஸ்.கே. பட்நாகர், போஃபோர்ஸ் அதிபதி மார்டின் அர்ட்போ முதலியோர் குற்றவாளிகளாகக் குறிப்பிடப்பட்டனர். ராஜிவ் காந்தி இறந்துவிட்டப்படியால் “நீதிமன்ற வழக்காடலிற்கு அனுப்பப்படாத குற்றவாளி” என்று பெயர் சொல்லப்படாமல் குறிப்பிடப்பட்டார்.
Nov 7, 1999: Trial court issues arrest warrants against Quattrocchi, while summoning other four accused. சிறப்பு நீதிமன்றம் குட்ரோச்சியை கைது செயவும், மற்ற நான்கு பேர் ஆஜராகவும் நோட்டீஸ்கள் அனுப்பியது
Dec 13, 1999: CBI team goes to Malaysia to seek extradition of Quattrocchi; fails. சி.பி.ஐ. குழு மலேசியாவிற்குச் செல்கிறது. ஆனால் முடியவில்லை.
Early 2000: Quattrocchi approaches Supreme Court to quash arrest warrant against him. The court asks him to appear before the CBI for interrogation while protecting him from being arrested. Quattrocchi refuses to accept the order. குட்ரோச்சி தன்னை கைது செய்யக் கூடாது என்று, உச்சநீதி மன்றத்தில் மனு செய்கிறான். நீதிமன்றமும் ஒப்புக் கொண்டு சி.பி.ஐ. முன்பு ஆஜராகும்படி ஆணையிட்டது. ஆனால், குரோச்சி, அந்த ஆணையை ஏற்கவில்லை.
March 18, 2000: Chadha comes to India to face trial. வின் ஜத்தா ஆஜராகிறார்.
July 29, 2000: Trial court issues “open non-bailable arrest warrants” against Ardbo. நீதிமன்றம் அர்ட்போவை கைது செய்ய வாரண்டைப் பிறப்பிக்கிறது.
Sep 4, 2000: Chadha moves Supreme Court for permission to go to Dubai for treatment. Supreme Court rejects plea. வின் ஜத்தா சிகிச்சைக்காக துபாய் செல்ல அனுமதி கோருகிறார், ஆனால், உச்சநீதி மன்றம் மறுக்கிறது.
Sep 29, 2000: Hindujas issue statement saying funds received by them from Bofors had no connection with the gun deal. ஹிந்துஜாக்கள் தாங்கள் போஃபோர்ஸிடன் பெற்ற பணத்திற்கும், இந்த பேரத்திற்கும் தொடர்பில்லை என்று அறிக்கை விடுகின்றனர்.
Oct 9, 2000: CBI files supplementary chargesheet naming Hinduja brothers as accused. சி.பி.ஐ ஹிந்துஜா சகோதரர்களையும் குற்றவாளிகளாகச் சேர்த்து குற்றப்பத்திரிக்கையைத் தாக்கல் செய்கிறது.
Dec 20, 2000: Quattrocchi arrested in Malaysia, gets bail but is asked to stay in the country. குரோச்சி மலேசியாவில் கைது செய்யப் படுகிறான், ஆனால், பெயிலில் வெளிவந்து விடுகிறான். அந்த நாட்டிலேயே இருக்கவேண்டும் என்று ஆணையிடப்படுகிறது.
Aug 6, 2001: Former defence secretary Bhatnagar dies of cancer. எஸ்.கே. பட்நாகர் கேன்சர் நோயினால் இறக்கிறார்.
Oct 24, 2001: Win Chadha dies of heart attack. அடுத்த முன்றே மாதங்களில் வின் ஜத்தாவும் மாரடைப்பினால் இறக்கிறார்.
Nov 15, 2002: Hinduja brothers formally charged with cheating, criminal conspiracy and corruption. ஹிந்துஜா சகோதரர்கள் எமாற்றுதல், குற்றத்துடனான சதிவேலை மற்றும் ஊழல் என்ற குற்றங்களுக்காக, குற்றப்பத்திரிக்கை தாக்கல் செய்யப் படுகிறது.
Dec 2, 2002: Malaysian court denies India’s request for Quattrocchi’s extradition. மலேசிய அரசாங்கம், குரோச்சியை இந்தியாவிற்கு நாடுகடத்த மறுக்கிறது.
July 28, 2003: Britain freezes Quattrocchi’s bank accounts. இங்கிலாந்து குட்ரோச்சியின் வங்கிக் கணக்குகளை முடக்குகிறது.
Jan 4, 2004: Swiss authorities agree to consider CBI request to provide Quattrocchi’s bank details. ஸ்வீடன் குரோச்சியின் வங்கி விவரங்களைக் கொடுக ஒப்புக் கொள்கிறது.
Feb 4, 2004: Delhi High Court clears Rajiv Gandhi of involvement in scandal. டில்லி உயர்நீதி மன்றம், ராஜிவ் காந்தியை, இந்ட வழக்கிலிருந்து விடுவிக்கிறது.
May 31, 2005: Delhi High Court clears Hindujas of involvement. ஹிந்துஜா சகோதரர்களும் விடுவிக்கிப்படுகின்றனர்.
Dec 31, 2005: CBI tells Crown Prosecution Service (CPS), London, that it has not been able to link the money in two accounts[1] of Quattrocchi with Bofors kickbacks. சி.பி.ஐ வங்கியிலிருக்கும் பணத்தையும் போஃபோர்ஸ் லஞ்சத்திற்கும் சம்பந்தப்படுத்த முடியவில்லை என்று லண்டனின் கிரௌன் பிராஸிகியூஷன் சர்வீசஸ் என்ற நிறுவனத்திடம் சொல்கிறது.
Jan 7, 2006: Two accounts of Quattrocchi in London banks containing 3 million euros and $1 million are defreezed after then additional solicitor general B. Dutta met CPS lawyers. லண்டனில் உள்ள இரண்டு வங்கி கணக்குகள் முடக்கப்படுகின்றன. அதில் 3 மில்லிய யூரோ மற்றும் ஒரு மில்லியன் டாலர்களும் இருந்தன.
Feb 6, 2007: Quattrocchi detained in Argentina on Interpol lookout notice. குட்ரோச்சி அர்ஜென்டினாவில் பிடிபடுகிறான்.
Feb 13, 2007: CBI writes to ministry of external affairs for Argentinean Extradition Act and tells Interpol that documentation are being prepared for extradition proceedings. ஒருவாரம் கழித்து, சி.பி.ஐ மெதுவாக குட்ரோச்சியை இந்தியாவிற்கு அழைத்துவர வேண்டிய ஆவனங்கள் தயார் செய்யப்படுகின்றன என்று அறிவிக்கிறது.
Feb 24, 2007: Fresh arrest warrant against Quattrocchi obtained from Delhi court. மறுபடியும் புதியதாக கைது வாரண்ட் பிறபிக்கப்படுகிறது.
Feb 26, 2007: Quattrochhi released on bail with condition that he does not leave Argentina. காலந்தாழ்த்தப் பட்டதால், குட்ரோச்சி விடுவிக்கப் படுகிறான். ஆனால், அந்நாட்டிலேயே இருக்கவேண்டும் என்று ஆணையிடப்படுகிறது.
Feb 28, 2007: Two-member CBI team leaves for Argentina. சி.பி.ஐ ஆட்கள் இரண்டு பேர் அர்ஜென்டினாவிற்குச் செல்கின்றனர்.
March 1, 2007: Argentinean judge examines CBI application seeking Quattrocchi’s extradition. அர்ஜென்டினாவின் நீதிபதி சி.பி.ஐ கொடுத்த மனுவை பரிசீலிக்கிறார்.
March 23, 2007: Hearing of extradition plea begins in Argentine court. 

 

குட்ரோச்சி நாட்கடத்தப்படும் / இந்தியாவிற்கு அனுப்பப்படும் வழக்கு அர்ஜென்டினா நீதிமன்றத்தில் விசாரிக்கப் படுகிறது.
June 8, 2007: Court in El Dorado rejects extradition request. 

 

எல் ரோரேடோ என்ற இடத்தில் உள்ள நீதிமன்றம், இந்தியாவின் மனுவை (தகுந்த ஆதாரங்கள் இல்லலமையினால்) நிராகிக்கிறது.
October 2008: Attorney General Milon Banerjee opines that CBI can withdraw Red Corner Notice against Quattrocchi. 

 

அட்டார்னி ஜெனரல், அந்நிலையில் குட்ரோச்சியின் மீதாக பிறபிக்கப் பட்டுள்ள சிவப்புநிற எச்சரிக்கையை வாபஸ் பெறவேண்டும் என்று கருத்துத் தெரிவிக்கிறார்.
Nov 25, 2008: Red Corner Notice withdrawn. சிவப்புநிற எச்சரிக்கை வாபஸ் பெறப்படுகிறது.
April 30, 2009: CBI seeks time from trial court to decide future course of action against Quattrocchi. சி.பி.ஐ குட்ரோச்சியின் மூதான வழக்கை எவ்வாறு தொடரலாம் என்று தீர்மானிக்க நேரம் கேட்கிறது!
Sep 8, 2009: CBI seeks two weeks’ time from trial court to explore options against Quattrocchi. இரண்டு வார காலம் கேகிறது. 

 

Sep 29, 2009: Government tells Supreme Court about decision to withdraw case against Quattrocchi. ஆனால் அரசாங்கம் உச்சநீதி மன்றத்தில் குட்ரோச்சியின் மீதான  வழக்கை வாபஸ் பெற பரிந்தளிக்கிறது!
Dec 14, 2010: A Delhi court reserves order till January 4, 2011 on a plea of CBI seeking to drop criminal proceedings against Quattrocchi. ஆனால் ஜனவரி 4, 2011 வரை தனது தீர்ப்பைத் தள்ளி வைக்கிறது. 

 

Jan 3, 2011: An Income Tax tribunal rules that commission in violation of Indian laws was indeed paid to Quattrochi and Chadha in the gun deal that cost the national exchequer Rs. 412.4 million some 23 years ago. இந்நிலையில் தான், இப்பொழுது குட்ரோச்சி மற்றும் வின் ஜத்தா ரூ. 42 கோடி இழப்பு ஏற்படுத்திய மோசடியில் பெற்ற கமிஷனின் மிதான வரியேய்ப்பு செய்துள்ளாக வருமானவரி தீர்ப்பாயம், தனது ஆணையில் குறிபிட்டுள்ளது!
Read more at: http://www.ndtv.com/article/india/timeline-of-bofors-scandal-76775?cp

[1] The case against him was strengthened in June 2003, when Interpol revealed two bank accounts, 5A5151516M and 5A5151516L, held by Quattrocchi and his wife Maria with the BSI AG bank, London, containing Euros 3 million and $1 million, a “curiously large savings for a salaried executive.


ராஜினமா ஏன் – உருட்டி மிரட்டிய ராஜாவும், மிரட்டிப் பணிந்த கருணாநியும்

நவம்பர் 15, 2010

ராஜினமா ஏன் – உருட்டி மிரட்டிய ராஜாவும், மிரட்டிப் பணிந்த கருணாநியும்

மிரட்டிப் பணிந்த கருணாநிதியின் அறிக்கை-விளக்கம்[1]: மத்திய தொலைத்தொடர்பு, தகவல் தொழில்நுட்பத் துறை அமைச்சர் ஆ. ராசாவை பொறுப்பில் இருந்து விலக்கிக் கொள்ள தி.மு.க. முடிவு செய்தது தொடர்பாக முதல்வர் கருணாநிதி விளக்கம் அளித்துள்ளார்[2]. இதுதொடர்பாக, அவர் ஞாயிற்றுக்கிழமை இரவு வெளியிட்ட அறிக்கை:  தி.மு.க. கொள்கை பரப்புச் செயலாளரும், மத்திய அமைச்சருமான ராசா, தி.மு.க.வுக்கும், தன்னை தேர்ந்தெடுத்த மக்களுக்கும் நம்பிக்கைக்கு உரியவராக இருந்தார். அவர் ஏற்றுக்கொண்ட பணியில் நேர்மை, நியாயம், கடமை உணர்வு ஆகியவற்றைத் தொடர்ந்து கடைப்பிடித்து, தலித் இனத்தின் கதிரவனாக விளங்குபவர்[3].

ஓராண்டு காலமாக திட்டமிட்டு நடந்த சந்தைக் கடை இரைச்சல்: அவரை மத்திய அமைச்சர் பதவியிலிருந்து விலக்க வேண்டும் என்று திட்டமிட்ட முயற்சி பல நாள்களாக நடைபெற்று வந்தது. ஜனநாயகக் கூடங்களில் சந்தைக் கடை இரைச்சல் மேலிட்டது. நாட்டு மக்களுடைய பிரச்னைகளை விவாதிக்க முடியாத அளவுக்கு ஜனநாயக மன்றங்களின் நடவடிக்கைகளை தடுத்து நிறுத்திடவுமான செயல்கள் தொடர்ந்து ஓராண்டு காலமாக நிகழ்த்தப்பட்டு வருகின்றன.

அவர் மீது என்ன பழி சுமத்தப்படுகிறது? மத்திய தகவல் தொழில்நுட்பத் துறை 2-ஜி அலைக்கற்றை ஒதுக்கீடு செய்ய 1999 முதல் எந்த முறை பின்பற்றப்பட்டதோ, அதே முறையைத்தான் ராசா பின்பற்றினார்[4].  இதுதொடர்பாக, அளிக்கப்பட்ட விளக்கங்கள் எதையும் ஏற்றுக்கொள்ளாமல், அவர் ராஜிநாமா செய்தே தீர வேண்டும் என்று பிடிவாதம் செய்து, நாடாளுமன்ற அவைகளை நடக்க விடாமல் செய்து வருகிறார்கள்.  எல்லோராலும் நடத்தப்படுகிற குழப்பம் அல்ல; குழப்பத்தை உருவாக்கப் பலர் தேவையில்லை; சிலரே போதும்; நாடாளுமன்ற நடவடிக்கைகளை தடைப்படுத்துவதன் மூலம் மத்திய அரசு நிர்வாகம் முழுவதும் ஸ்தம்பித்துப் போகக் கூடிய சூழலை உருவாக்க திட்டமிட்டிருந்தார்கள்.

அண்ணா அந்த நெறிக்கு விபத்து, ஜனநாயகத்தைப் பாதுகாக்கும் பொறுப்பு, ராஜினாமா: நாடாளுமன்ற ஜனநாயகத்தை, அதன் மாண்பை, அதன் நடுநிலையைத் தழைத்திடச் செய்யவும், தக்க வைத்திடவுமான பொறுப்பு அனைவருக்கும் இருக்கிறது. அண்ணா அந்த நெறியில்தான் நம்மை எல்லாம் வளர்த்தார்[5]. அந்த நெறிக்கே விபத்து ஏற்படும்போது, அந்த விபத்திலிருந்து இந்திய ஜனநாயகத்தை, குறிப்பாக நாடாளுமன்ற ஜனநாயகத்தைப் பாதுகாக்கும் பொறுப்பு நமக்கு உள்ளது[6].  அதனை நிலைநாட்டும் வகையில், நாடாளுமன்ற உறுப்பினராகவும், மத்திய அமைச்சராகவும் உள்ள ஆ. ராசாவை அமைச்சர் பொறுப்பில் இருந்து விலக்கிக் கொள்வது என்று முடிவு எடுத்து அவருக்கும் தெரிவிக்கப்பட்டது. அவரும் பதவி விலகல் கடிதத்தை பிரதமர் மன்மோகன் சிங்கிடம் வழங்கிடுவார் என்று அந்த அறிக்கையில் குறிப்பிடப்பட்டுள்ளது.  இந்த நிலையில், பிரதமர் மன்மோகன் சிங்கை ஞாயிற்றுக்கிழமை இரவு அவரது இல்லத்தில் சந்தித்த மத்திய அமைச்சர் ராசா, தனது பதவி விலகல் கடிதத்தை வழங்கினார். 2ஜி அலைக்கற்றை (ஸ்பெக்ட்ரம்) ஊழல் குற்றச்சாட்டைத் தொடர்ந்து தொலைத் தொடர்புத் துறை அமைச்சர் ஆ. ராசா ஞாயிற்றுக்கிழமை ராஜிநாமா செய்தார். அவர் தனது ராஜிநாமா கடிதத்தை பிரதமர் மன்மோகன் சிங்கிடம் அளித்தார்.

கருணாநிதி கேட்டுக்கொண்டதற்கு இணங்கவும், அரசுக்கு ஏற்படும் தர்மசங்கடத்தைத் தவிர்க்கும் வகையில் ராஜிநாமா: பிரதமர் இல்லத்திலிருந்து வெளியே வந்தபோது ராசா செய்தியாளர்களுக்குப் பேட்டியளித்தார். நாடாளுமன்றத்தில் ஆளும் கூட்டணிக்கு தர்மசங்கடத்தை ஏற்படுத்தக் கூடாது என்பதற்காவும் அவை நடவடிக்கைகள் சுமுகமாகவும் அமைதியாகவும் நடைபெற உதவிடும் நோக்கிலும் எனது தலைவர் கருணாநிதி கேட்டுக்கொண்டதற்கு இணங்கவும் அரசுக்கு ஏற்படும் தர்மசங்கடத்தைத் தவிர்க்கும் வகையில் பதவியை ராஜிநாமா செய்திருப்பதாகவும், அதற்காக தன்மீது கூறப்பட்ட குற்றச்சாட்டுக்களை ஏற்றுக் கொள்வதாக அர்த்தம் இல்லை என்றும்[7], தன் மீது எந்தக் களங்கமும் இல்லை என்பதை நிரூபிக்கப் போவதாகவும் கூறினார்[8].

கோடி-கோடி ஊழல்கள், நாறும் காங்கிரஸ்: அமைச்சர் ஆ.ராசா பதவி விலகும் வரை நாடாளுமன்றத்தை முடக்கி அரசுக்கு கடும் நெருக்கடி கொடுக்க எதிர்க்கட்சிகள் திட்டமிட்டிருந்தன.  ஏற்கெனவே ஆதர்ஷ் குடியிருப்பு ஊழல், காமன்வெல்த் விளையாட்டுப் போட்டி ஊழல் போன்றவற்றால் கடந்த வாரம் நாடாளுமன்றத்தின் இரு அவைகளும் முடக்கப்பட்டன. அப்போது அலைக்கற்றை ஊழலும் எழுப்பப்பட்டது. ஆதர்ஷ் குடியிருப்பு ஊழல் தொடர்பாக மகாராஷ்டிர முதல்வர் அசோக் சவாண் பதவி விலகினார். காமன்வெல்த் ஊழல் குற்றச்சாட்டு தொடர்பாக, போட்டி அமைப்புக் குழு தலைவரும் காங்கிரஸ் எம்.பி.யுமான சுரேஷ் கல்மாடி காங்கிரஸ் நாடாளுமன்றக் குழு செயலர் பதவியிலிருந்து விலகினார். இதில் ஓரளவு சமாதானமடைந்த எதிர்க்கட்சிகள், அலைக்கற்றை ஊழல் புகார் தொடர்பாக திமுக அமைச்சர் ராசா பதவி விலக வலியுறுத்தி வந்தன.

சிங்கிக்குத் தெரியாமல் எதுவும் செய்யவில்லை: சிங்கிக்குத் தெரியாமல் எதுவும் செய்யவில்லை, அதாவது சிங்கிக்கிற்குத் தெரிந்துதான் செய்தேன் என்று ராஜா பாட்டுப் பாட ஆரம்பித்ததும், காங்கிரஸ் அதன் விஷமத்தனத்தைப் புரிந்து கொண்டது[9]. மேலும், சிங்கே ஒருமுறை ராஜாவை ஆதரித்து பேசியிருந்தார்[10]. ஆனால், எதிர்கட்சிகள் இதை வேறுவிதமாக அணுகப்பாவதை அறிந்தும், ராஜினாமா முடிவுக்கு வந்து விட்டது. ஆனால் ராஜிநாமா செய்வதில்லை என்பதில் ராசா உறுதியாக இருந்தார். ராஜிநாமா செய்ய மாட்டேன் என்று அவர் பலமுறை கூறிவந்தார். திமுக தலைவர் முதல்வர் கருணாநிதியும் ராசா குற்றமற்றவர், அவர் ராஜிநாமா செய்யத் தேவையில்லை என்று கூறிவந்தார். இந்த நிலையில் ராசா ராஜிநாமா செய்யும்வரை நாடாளுமன்றத்தை முடக்குவது என்பதில் எதிர்க்கட்சிகள் உறுதியாக இருந்தன. அதோடு அரசுக்கு கடும் நெருக்கடி கொடுக்கவும் எதிர்க்கட்சிகள் திட்டமிட்டிருந்தன. மேலும் அலைக்கற்றை ஊழல் வழக்கு உச்ச நீதிமன்றத்தில் திங்கள்கிழமை விசாரணைக்கு வரும்போது ராசா அமைச்சர் பதவியில் நீடிப்பது குறித்து நீதிமன்றம் கண்டனம் தெரிவித்தால் மத்திய அரசுக்கு மேலும் நெருக்கடி ஏற்படும் என்று கருதப்பட்டது.  ஏற்கெனவே ராசா பதவியில் நீடிப்பது குறித்து நீதிபதிகள் அதிருப்தி தெரிவித்திருந்தது குறிப்பிடத்தக்கது.

புரிந்து கொண்ட காங்கிரஸ் கழட்டிவிட தீர்மானித்தது: இந்த இக்கட்டான சூழலை அடுத்து  பிரதமர் மன்மோகன் சிங், காங்கிரஸ் தலைவர் சோனியா காந்தி, நிதியமைச்சர் பிரணாப் முகர்ஜி ஆகியோர் தில்லியில் ஞாயிற்றுக்கிழமை முக்கிய ஆலோசனையில் ஈடுபட்டனர். நாடாளுமன்ற வளாகத்தில் நடைபெற்ற இந்தக் கூட்டத்தில், அலைக்கற்றை ஊழல் விவகாரத்தில் அடுத்து எடுக்க வேண்டிய நடவடிக்கைகள் குறித்து முடிவுகள் எடுக்கப்பட்டதாகக் கூறப்படுகிறது. நாடாளுமன்றம் சுமுகமாக நடைபெற வேண்டுமானால் ராசா பதவி விலகுவதைத் தவிர வேறு வழியில்லை என்று காங்கிரஸ் மேலிடம் முடிவு செய்ததாகத் தெரிகிறது. இந்த முடிவு திமுக தலைமைக்குத் தெரிவிக்கப்பட்டது. ராசா பதவி பறிக்கப்படுவதை திமுக தலைமை முதலில் ஏற்றுக்கொள்ளவில்லை. ஆனால் நிலைமை கையை மீறிப் போய்விட்டதால் வேறு வழியில்லை என்பதை காங்கிரஸ் மேலிடம்திமுக தலைமைக்கு உணர்த்தியதாகக் கூறப்படுகிறது[11]. காங்கிரஸ் மேலிடத் தகவலை அடுத்து முதல்வர் கருணாநிதி ராசாவை அழைத்து ஆலோசித்ததாகத் தெரிகிறது. கருணாநிதி கேட்டுக்கொண்டதற்கு இணங்க அவர் சென்னையிலிருந்து தில்லி புறப்பட்டுச் சென்றார். அங்கு பிரதமரைச் சந்தித்து ராஜிநாமா கடிதம் கொடுத்தார்.

துரைமுருகன் பறந்தார், கனிமொழி மறுப்பு தெரிவித்தார்: ராசாவுக்குப் பதில் கனிமொழி தொலைத்தொடர்புத் துறை அமைச்சராக்கப்படுவார் என்று வெளியான செய்தியை மாநிலங்களவை திமுக உறுப்பினரும் முதல்வர் கருணாநிதியின் மகளுமான கனிமொழி மறுத்துள்ளார். மாநிலங்களவை உறுப்பினராகவே தொடர்வேன் என்று அவர் கூறினார். அலைக்கற்றை விவகாரம் தொடர்பாக காங்கிரஸ்-திமுக உறவில் விரிசல் ஏதுமில்லை. எனக்கு தெரிந்து இதுவரை காங்கிரஸ்- திமுக இடையே உறவு சிறப்பாக உள்ளது என்றார் வேறு திமுக எம்.பிக்குக் கொடுக்கப்படவேண்டும் என்று கேட்டுள்ளதாகத் தெரிகிறது[12]. துரைமுருகன் இதற்காகத்தான் டில்லி சென்றுள்ளதாக தெரிகிறது.. மேலும் பாஜக தமிழகத்தில் 17ம்தேதி முதல் ஆர்பாட்டம் செய்வதாக அறிவித்துள்ளது[13]. இதனால், தமிழகத்தில் ஒருவேளை பாதிப்பு வருமோ என்றும் திமுக அஞ்சுகிறது. பாஜகவைக் கண்டு அல்ல, அதிமுகவும் அதில் இணையும்போது. இந்நிலையில் தொலைதொடர்பு துறையை  மன்மோஹன்சிங்கே இனி கவனிப்பார்[14] என்று அறிவிக்கப்பட்டுள்ளது.

வேதபிரகாஷ்

© 15-11-2010


[1] தினமணி, . ராசா விலகல் ஏன்?: முதல்வர் விளக்கம், நவம்பர் 14, 2010, http://www.dinamani.com/edition/story.aspx?Title=………SectionName=Tamilnadu

[3] இப்படியெல்லாம் புகழ் பாட திமுகவினருக்கு ஒன்றும் சொல்லிக்கொடுக்க வேண்டாம். கீழே விழுந்தாலும், மண் ஒட்டவில்லை என்று பாட்டுப்பாடி, ஆடும் கருப்புப்பரிவார் கூட்டத்தினர்.

[4] நேற்று வரை, சன் டிவி செனல்களில், ஏதோ கோப்புகளைக் காட்டி, அதில் எல்லோருமே ஒப்புதல் அளித்ததாகக் காட்டிக் கொண்டிருந்தனர். ஆனால், இது சட்டத்திற்கு புறம்பானது. இந்த உண்மை தெரிந்ததும், காங்கிரஸ் கடுப்பாகிவிட்டது.

[5] இப்படி கோடிக்கணக்கில் ஊழல் செய்யுமாறு பணித்தாரா என்று தெரியவில்லை. இருப்பினும், கருணாநிதி, எப்படியும் மாற்றி-மாற்றி பேசுவதில் வல்லவர்.

[6] இவர்கள் தாம் ஜனநாயகத்தை பாதுக்காக்கப் போகின்றனர் என்றெல்லாம் பேசுவது, எப்படிபட்ட பொய்மாலங்கள் என்று மக்கள் உணரவேண்டும்.

[9] கருணாநிதியை விஞ்சும் வகையில் உள்ளவர் சோனியா மெய்னோவாதான், கௌணாநிதியின் விஷமத்தனத்தைப் புரிந்து கொண்டுதான், பொறுப்பை, சிங்கிடம் தக்க வைத்ததுடன், கேபினட்டை விரிவாக்கவும் ஆணையிட்டுள்ளார்.

[11] தினமணி, அமைச்சர் பதவியில் இருந்து . ராசா ராஜிநாமா, First Published : 15 Nov 2010 03:11:23 AM IST; Last Updated : 15 Nov 2010 04:15:28 AM IST;

http://www.dinamani.com/edition/Story.aspx?SectionName=…………..BE

அரசு அலுவலகங்களில் லஞ்சம் வாங்கி இதுவரை கைதானவர்கள் 500 பேர்!

ஓகஸ்ட் 8, 2010

அரசு அலுவலகங்களில் லஞ்சம் வாங்கி இதுவரை கைதானவர்கள் 500 பேர்!

தினமலர், ஆகஸ்ட் 07,2010,

http://www.dinamalar.com/News_Detail.asp?Id=57067

லஞ்ச அதிகாரிகளை பொறி வைத்து பிடிக்கின்றனராம்! தமிழகம் முழுவதும் கடந்த இரண்டு ஆண்டுகளாக லஞ்ச ஒழிப்புத் துறை போலீசார் நடத்தி வரும் அதிரடி வேட்டையில், 500க்கும் மேற்பட்ட லஞ்ச அதிகாரிகள் கையும், களவுமாக பிடிபட்டுள்ளனர். லஞ்ச அதிகாரிகளை பொறி வைத்து பிடிப்பதில் லஞ்ச ஒழிப்பு போலீசார் தனி கவனம் செலுத்தி வருகின்றனர். மேலும், அரசு அலுவலகங்களில் லஞ்சத்திற்கு முற்றுப்புள்ளி வைக்கும் நடவடிக்கையின் ஒரு பகுதியாக, லஞ்சம் வாங்கி சிக்குபவர்களின் தகவல்களை, புகைப்படத்துடன் இணையதளத்தில் வெளியிடவும் முடிவு செய்யப்பட்டுள்ளதாக தகவல்கள் தெரிவிக்கின்றன.

லஞ்சக்கைதுகள் எதற்காக? தூய்மைப்படுத்தவா? விளம்பரத்திற்காகவா? “லஞ்சம் கொடுப்பதும் குற்றம்; வாங்குவதும் குற்றம்’ என, அனைத்து அரசு அலுவலகங்களிலும் எழுதப்பட்டிருக்கும். ஆனால், லஞ்சம் இல்லாமல் அரசு அலுவலகங்களில் எந்தவொரு வேலையும் நடக்காது என்ற நிலை உருவாகிவிட்டது. இந்த வேலையை முடிக்க இவ்வளவு பணம் என்று அறிவிப்பு பட்டியல் வைக்காத குறையாக லஞ்சம் தாண்டவமாடுகிறது. அரசு அலுவலகங்களில் சாதாரண உதவியாளர் முதல் தலைமையிட உயர் அதிகாரிகள் வரை லஞ்சம் வாங்காதவர்களே இல்லை என்ற நிலை காணப்படுகிறது. இந்நிலையில், அரசு அலுவலகங்களில் தலை தூக்கியுள்ள லஞ்ச, லாவண்யங்களை ஒடுக்க தமிழக அரசு களம் இறங்கியுள்ளது. இது தொடர்பான அரசின் அதிரடி உத்தரவைத் தொடர்ந்து, அரசு அலுவலகங்களில் லஞ்சத்தை ஒழிக்க, லஞ்ச ஒழிப்புத் துறை போலீசார் தீவிரமாக களமிறங்கினர். இதன் பயனாக தமிழகம் முழுவதும் கடந்த இரண்டு ஆண்டுகளாக போலீசார் நடத்திய அதிரடி வேட்டையில், இதுவரை லஞ்சத்தில் புரண்டு வந்த சாதாரண ஊழியர்கள் முதல் உயர் அதிகாரிகள் வரை 500க்கும் மேற்பட்டோர் போலீஸ் பிடியில் சிக்கியுள்ளனர்.

புள்ளி விவரங்கள் உண்மை நிலையை உருவாக்குமா? கடந்த 2007-08ம் ஆண்டில் 127 பேர், 2006-07ம் ஆண்டில் 131 பேர், 2005-06ம் ஆண்டில் 136 பேர் என சராசரியாக 100 முதல் 150 பேர் வரை போலீஸ் பிடியில் கையும், களவுமாக சிக்கியுள்ளனர். இந்த வகையில், கடந்த 2008ம் ஆண்டு ஏப்ரல் மாதம் முதல் 2009ம் ஆண்டு மார்ச் மாதம் வரை பல்வேறு புகார்களின் அடிப்படையில், 312 வழக்குகளில் அதிகாரிகள் லஞ்சம் பெறும் போது, போலீசார் பொறி வைத்து பிடித்துள்ளனர்.கடந்த 10 ஆண்டுகளில் ஒப்பிடும் போது இது மூன்று மடங்கு அதிகம். லஞ்சத்தை முற்றிலும் ஒழிக்கும் வகையில் லஞ்ச வழக்கில் சிக்கும் அதிகாரிகளின் தகவல்களை புகைப்படத்துடன், இணையதளத்தில் வெளியிட தற்போது அதிகாரிகள்  முடிவு செய்துள்ளதாக தகவல்கள் தெரிவிக்கின்றன.

விசாரணையில் உள்ள லஞ்ச வழக்குகள் என்னாகும்? தமிழகம் முழுவதும் கடந்த 10 ஆண்டுகளில் 5,186 லஞ்ச வழக்குகள் பதிவு செய்யப்பட்டுள்ளன. இதில், 1,527 வழக்குகளில் அதிகாரிகள், அரசு ஊழியர்கள் லஞ்சம் பெறும் போது, கையும், களவுமாக போலீசார் கைது செய்துள்ளனர். இதைத் தவிர 1,028 வழக்குகள் ஆரம்ப நிலையிலும், 1,739 வழக்குகள் விரிவான விசாரணையிலும், 892 வழக்குகள் ரெகுலராகவும் நடந்து வருகின்றன. கடந்த 2008ம் ஆண்டு மார்ச் வரை எடுக்கப்பட்ட ஒரு கணக்கெடுப்பில், கோர்ட் நிலுவையில் இருந்த 877 லஞ்ச வழக்குகளில், 1,866 அரசு அலுவலர்களிடமும், தீர்ப்பாயத்தில் நிலுவையில் இருந்த 385 வழக்குகளில், 1,182 பேரிடமும், துறை ரீதியாக நிலுவையில் உள்ள 4,662 வழக்குகளில், 3,546 பேரிடம் விசாரணை நடத்தப்பட்டு வருகிறது. இவற்றில் 80 சதவீதத்திற்கும் மேற்பட்ட வழக்குகள் தற்போதும் விசாரணை அளவிலேயே உள்ளன.

வழக்குகள் முடிந்தால் தண்டனை நிச்சயம் :லஞ்சம் வாங்கும் அதிகாரிகள் சிக்குவார்களே தவிர, அவர்கள் மீது நடவடிக்கை இருக்காது என்ற கருத்து தற்போது நிலவுகிறது. ஆனால், லஞ்ச அதிகாரிகளுக்கு தண்டனை நிச்சயம் என்று அதிகாரிகள் விளக்கம் அளித்துள்ளனர். “தமிழகம் முழுவதும், 2008-09 ஆண்டில், பல்வேறு கோர்ட்டுகளில் நடந்து வரும் பல்வேறு லஞ்ச வழக்குகளில் 40 வழக்குகளுக்கு இதுவரை தீர்ப்பு வழங்கப்பட்டுள்ளது. பலருக்கு கடுமையான தண்டனைகள் வழங்கப்பட்டுள்ளன.கோவை மாநகராட்சி ஜூனியர் இன்ஜினியர் ஒருவருக்கு,  ஐந்து ஆண்டுகள் சிறை தண்டனையும், 62 ஆயிரம் ரூபாய் அபராதமும் விதிக்கப்பட்டுள்ளது. பல வழக்குகளில் குறைந்தபட்சம் ஆறு மாதம் முதல் அதிகபட்சம் மூன்று ஆண்டுகள் வரை சிறை தண்டனை விதிக்கப்பட்டுள்ளது’ என்று அதிகாரிகள் தரப்பில் கூறப்பட்டுள்ளது.

-தினமலர்- நன்றி- நமது சிறப்பு நிருபர்-

லஞ்சக்கைதுகள்: தூய்மைபடுத்தவா, பழிவாங்கவா, பிரசாரத்திற்காகவா?

ஓகஸ்ட் 8, 2010

லஞ்சக்கைதுகள்: தூய்மைபடுத்தவா, பழிவாங்கவா, பிரசாரத்திற்காகவா?

இந்த கட்டுரை யாதோ கருணாநிதி, அவர் குடும்பம் முதலியவற்றைப் பற்றி விமச்சிக்கும் கட்டுரை அல்ல. அவர், அவர் குடும்ப அங்கத்தினர்கள் அரசியல், அரசியல் அதிகாரம், முதலியவற்றை உபயோகித்து தங்களது தனி நபர் வருமானங்களை அதிகமாக பெருக்குவதற்கு உபயோகித்த முறை, அவற்றால் தமிழ்நாட்டு மக்கள் எவ்வாறு பொருளாதார ரீதியில் பாதிக்கப் பட்டுள்ளார்கள் என்பதனை எடுத்துக் காட்டத் தான் எழுதப் படுகிறது. இந்த மாதிரி எந்த அரசியல்வாதியும் மற்றவரும் அதிகாரத்தை துஷ்பிரயோகம் செய்து, மக்களை வதைத்தால் அவர்களுக்கும் இது பொருந்தும். 1970லிருந்து இப்போழுது வரை பரிணாம வளர்ச்சி எடுத்துள்ள நிலைதான் இது.

தமிழகத்தில் லஞ்சக் கைதுகள்: கருணாநிதி இப்பொழுதுமே பெருமையுடன் ஆர்பரிப்பார் தன்னை தமிழர்கள் ஐந்தாவது முறையாக அரியணை ஏற்றினர் என்று, ஆனால் அவர்களுக்கு நன்றாகத் தெரியும் லஞ்சம், கையூட்டு, மாமூல், இனாம் தராமல் தமிழக அரசின் எந்த துறையிலும் எந்த வேலையும் நடக்காது என்று. அதிலும் செய்ய வேண்டிய வேலைக்கே அது கொடுத்தால்தான் நடக்கும்! இருப்பினும் இவ்வருடம், இந்த ஐந்தாண்டு ஆட்சியில் லஞ்சம் வாங்கியதற்காக அரசு அதிகாரிகள், ஊழியர்கள் தொடர்ந்து கைது செய்யப்படுவது ஆச்சரியமாகவே உள்ளது. இதனால் மாநில அரசு ஊழியர்களிடம் அதிருப்தி ஏற்பட்டுள்ளது. அதே நேரத்தில் “இதெல்லாம் வரப்போகின்ற தேர்தல் யுக்தியப்பா, பொருத்திரு, தலைவர் இதற்காக தகுந்த பரிசு அளிப்பார்” என்ற பேச்சும் அடிபடுகிறது. முன்பு வை. கோபாலசாமி “ஜெயலலிதா ஊழலின் கிணறு என்றால் கருணாநிதி ஊழலின் ஊற்றுக்கண்” என்று சொன்னது ஞாபகம் இருக்கலாம். நிச்சயமாக கருணாநிதி ஊழலற்ற நிர்வாகத்திற்காக இந்த கைதுகளை செய்யவில்லை.

சமத்துவ-அரசியல்-கூட்டு: சாராயமும், வீரப்பனும், பிரபாகரனும் இத்தகைய தமிழக, ஏன் தென்னிந்திய அரசியல்வாதிகளைப் பற்றி நிறையவே சொல்வார்கள். கட்சி-மாநில பேதங்கள், வேறுபாடுகள், ஜாதி-இன வித்தியாசங்கள் எதுவும் இன்றி “சமத்துவத்தை” உண்டாக்கிய பெருமை இந்த மூன்றையே சேரும். பாவம், முதலானது தமிழகத்தில் அரசுடமையாக்கப் பட்டு விட்டது, மற்ற இரண்டும் இவ்வுலகத்தில் இல்லை. பின்னது இல்லாது போனபோது, பலர் வருந்தினாலும், மனதிற்குள் பெருமூச்சு விட்டு, “நல்லவேளை இந்த பிரச்சினை போயிற்று” என்று அமைதியானவரும் உண்டு. நாளிதழ்கள்-பத்திரிக்கைகளைவிட அரசாங்க கோப்புகள் இவற்றைப் பற்றி அதிகமாகவே சொல்லும். ஆனால் வெளியே வராது, வராமல் பார்த்துக் கொள்கின்றனர். அதை மறைக்கத் தான் அரசயில் கட்சிகள் தினமும் நடத்தும் ஒன்றுக்கொன்று குறைகூறும், பழிசொல்லும், அவதூறு பேசும் பட்டிமன்றங்கள், நாடகங்கள், சிறப்புச் செய்திகள்!

அரசியல்-தொழிலதிபர்-வியாபார கூட்டின் விளைவு: “டிரான்ஸ்பேரன்ட்-இன்டர்நேஷனல்” என்ற நிறுவனமானது தாராளமயமாக்கல், தனியார்மயமாக்கல், உலகமயமாக்கல் என்ற புதிய உலக பொருளாதார பாதயில் செல்லும் இந்தியாவில் ஊழல்-லஞ்சம், கம்பெனிகளின் மோசடிகள், கூட்டுக் கொள்ளை, பொருள்-சேவை முதலியவற்றை பெரும், வாங்கும், விற்கும் நடவடிக்கைகளில் உள்ள ஊழல், அரசியல்-ஊடக-சினிமா சாம்ராஜ்ய கூட்டு சுரண்டல் என பல வகைகளில் இந்தியர்கள் எப்படி கடந்த 15 ஆண்டுகளாக பாதிக்கப் படுகின்றனர் என்று எடுத்துக் காட்டியுள்ளனர். எந்த பொருள் அல்லது மக்களுக்கு அதிகமாகத் தேவைப் படும் என்று அறிந்து, அந்த பொருள் உற்பத்தி செய்யும் தொழிற்சாலைகளைத் தொடங்குவது மத்திய-மாநில அரசாங்கங்களிடமிருந்து மாறி-மாறி டென்டர்கள் வாங்கி விநியோகிப்பது / அதேமாதிரி சேவையை அறிந்து அந்த சேவை நிறுவனங்களை தொடங்குவது அதற்கான அனுமதிகள், சான்றிதழ்கள், ஒப்புதல்கள் முதலியனவற்றை சுபமாக வாங்குவது என்று இந்த அரசியல்-முதலாளிகள் தங்களது சுழற்ச்சிக்கொள்ளை முறையை சிறப்பாக நடத்தி வருகின்றனர். அதரற்கேற்ற முறையில் அவர்களது ஊடங்கங்கள் வீருகொண்டு எழுந்து யதேச்சதிகாரமான-அட்டகாசமான தாக்குதல் விளம்பரங்கள், பிரசார ரீதியில் செயல்படுகின்றன. அதற்கக நடிகைகள் / மாடல்கள் தேவையானதால், நடிகைகள் / மாடல்கள் உருவாக்கப் படுகிறார்கள். இப்படி ஒன்றொக்கொன்று இணக்கப் பட்டு, சுழற்ச்சியில் இயங்கி வருவதாலும், அதனால் சீர்கேடுகள் இருந்தும் பணம், வசதியான வாழ்க்கை, அரசியல்-அதிகாரிகள் ஆதரவு-நட்பு முதலியன கிடைப்பதாலும் அமைதியாக, ஆனந்தமாக வியாபாரம் தொடர்கிறது. மக்களின் பணம்தான் உறிஞப்பட்டு அவர்களிடம் செல்கின்றது.

வியாபார சங்கங்களின் கூட்டுக் கொள்ளை: குறிப்பாக தமிழ்நாட்டின் நிலையை கடந்த ஐந்தாண்டுகளாக ஆராயும் ஒரு குழுவின்படி, எப்பொழுதுமே இல்லாத அளவிற்கு மேற்கண்ட முறைகள் அரசியல்-குடும்பங்களால் தாராளமாக செயல்படுத்தி வருகின்றன என்பதனை எடுத்துக் காட்டுகிறது. பருப்பு விற்பனையாளர்கள் சங்கம், கட்டுமான பொருட்கள் விற்பனையாளர்கள் சங்கம், காய்கறி வியாபாரிகள் சங்கம் என நூறுக்கும் மேலாக புதிய சங்கங்கள் முளைத்துள்ளன [தமிழ் நாளிதழ்கள்/ பத்திரிக்கைகளின் முதல் பக்கத்தில் விளம்பரங்கள் மூலம் கருணாநிதிக்கு நன்றி சொல்லியதை நினைவு கூரவும்].  இவற்றின் முக்கியமான வேலை என்றால் அங்கத்தினர்களிடமிருந்து வசூல் செய்து மொத்தமாக ஆளும் மற்ற அரசியல்வாதிகளுக்கு கப்பம் கட்ட ஒப்புக் கொண்டு அதன்படியே செய்து வருகின்றனர். பிரதியுபகாரமாக அரசு அவர்களை எதிவும் கேட்காது, எந்த நடிவடிக்கை யும் எடுக்காது, மாறாக வரிசலுகைகள், புதியதாகக் கட்டப் படும் அரசு-வணிக-வளாகங்களில் இடம், குத்தகை முதலிய பலன்கள் கிடைக்கும். இவ்விதமாக வியாபார சங்கங்களும், தொழிலதிபர்களும் மற்றவர்களும் அரசியல்வாதிகளுடன் கூட்டு சேர்ந்துள்ளதால், விலைவாசி ஏற்றம் அல்லது பண்டிகை நேரங்களில் விலையேற்றி அடிக்கும் கொள்ளையை யாரும் தடுக்க வருவதில்லை.

“உருளைக்கிழங்கு-வெங்காயம்-தக்காளி” கூட்டு! நேற்று தக்காளி கிலோ ரூ. 5/- இன்றோ ரூ40/- ஏன் என்று கேட்டால், லாரி ஸ்டிரைக், சரக்கு வரவில்லை, அதிக மழை என்று காராணங்கள் சொல்லப் படுகின்றன. இப்படி நாலைந்து நாட்கள் விற்று கொள்ளையடித்து பிறகு மறுபடியும் ரூ.10/-ல் கொண்டு வைத்துவிடுவர்! வெங்காயம், உருளைக் கிழங்கும் இப்படிதான். அரசியல்வாதிகள்-வியாபாரிகள்தாம் குட்டாக இருக்கிறார்கள் என்று எண்ண வேண்டாம், அதற்காக காற்கறிகூட்டும் ஏற்படுத்தியுள்ளனர். அதுதான் “உருளைக்கிழங்கு-வெங்காயம்-தக்காளி” கூட்டு! மூன்றில் ஒன்று விலை இறங்fகினால் மற்ற இரண்டில் விலைக் கூட்டி சரி செய்துவிடுவர். ஆகவே இந்த கூட்டுவிலை சராசரியாக ரூ.30 முதல் 70 வரை இருக்கும்.

நாத்திகர்களின் பண்டிகைக் கொள்ளைகள்: இப்பொழுதெல்லாம், நம்பிக்கையாளர்களுக்கு பௌர்ணமி-அமாவாசை, பண்டிகைகள் முதலியன தெரியுமோ, நினைவிற்கு வருமோ இல்லையோ, பகுத்தறிவு பகலவன்கள், பகுத்தறிவி-மேதாவிகள், ரத்தத்தின் ரத்தங்கள், உடன் பிறவா சகோதர்கள் இவர்களுக்கெல்லாம் நன்றாகவே தெரிந்திருக்கிறது! மைலாப்பூர்-மாம்பலம்-நங்கநல்லூர்-அடையாறு போன்ற இடங்களில், மார்க்கெட்டுகளில், குறிப்பாக ஸ்டேசன் ரோடுகளில், பண்டிகைகளில் இவர்கள் ரோட்டில் கடைகள் வைத்து, எல்லோரையும் “ஐய்யரே வாங்க, மாமி வாங்க” என்று கூவி அழைத்து, ஒரு புதிய சமத்துவத்தையேப் படைக்கிறார்கள். களிமண்ணால் செய்யப் படும் பிள்ளையார், அதிலும் அவர்களால் மிகவும் அதிகமாக வெறுக்கப் படும் பொருள், அதுதான் அவர்களின் முக்கிய வியாபாரம், ரூ. 50/- வரை விற்று வரலாறு படைக்கிறார்கள் பெரியார் பாசறை வீரர்கள்! என்ன இந்த விலைக்கு விற்கிறாயே என்று கேட்டால், “கொடை இலவசம், எருக்கம் பூமாலை இலவசம்” என்ற யுக்திகள், இல்லையென்றால், “வருடத்திற்கு ஒருமுறைதானே அத்ற்கு போய் கணக்கு பார்க்கிறீர்களே”, ரொம்ப போனால், இருக்கவே இருக்கிறது, “யோவ், இஷ்டம் இருந்தா வாங்கு, இல்லீனா………….போ………” என்று வசவு-மழை!

கொழுக்கும் நாத்திகர்களும், இளைக்கும் ஆத்திகர்களும்: இதே மாதிரி, சரஸ்வதி பூஜை, ஆயுத பூஜை, தீபாவளி, பொங்கல் என வருடங்கள் உருளுகின்றன…………………பூ, வெற்றிலை, பாக்கு, சந்தனம், குங்குமம், வாசனைப்பொருட்கள், வாழையிலை, முதலியவற்றை கண்டபடி விற்கிறார்கள் [ஒரு கிலோ வேர்கடலை ரூ.70/- அதாவது முன்பு –சர்க்கரை, கடலைமாவு விலை ஏறுவத்ற்கு முன்பு-ன்ஒரு கிலோ ஸ்வீட்/காரம் விலையும் வேர்கடலை விலையும் ஒன்று. இதே மாதிரி முன்பு ஒரு லிட்டல் தண்ணிர் ரூ.10/- ஆனால், ஒரு லிட்டர் பால் ரூ.8/- என விற்றது ஞாபகம் இருக்கலாம்!]. அவற்றை விற்றவர்கள், விற்று வருபவர்கள் இரண்டு ஃபிளாட்டுகள், மூன்று ஆட்டோக்கள், வேன் இத்யாதி வாங்கிவிட்டனர். ஆனால், பூஜை செய்யும் கோஷ்டிகள், ஆத்திக குழுமங்கள் அப்படியே பூஜை செய்து கொண்டிருக்கிறார்கள்! இதில் வேடிக்கை என்னவென்றால் சில குறிப்பிட்ட பொருட்களில் ஆதிக்கம் செல்லுத்துவது முஸ்லீம்களும், கிருத்துவர்கள்தாம். குறிப்பாக முஸ்லீம்கள் அதிகம். அவர்கள் நினைத்தால் அப்பொருட்கள் மார்க்கெட்டில் வராது அல்லது வராமலே செய்து விடலாம்! அவர்கள் வைத்ததுதான் சட்டம். அத்தகைய “ஹிட்லர்-வியாபாரமும்” நடக்கிறது!

ஆயுத பூஜை அடாவடியும், கொள்ளையும்: ஆயுத பூஜை கொண்டாடுவதை திருவாளர் வீரமணி “விடுதலையில்” சுதந்திரமாக வசவு பேசுவார், தூற்றூவார்! ஆனால், பகுத்தறிவு பாசரைகள் முக்கியமாக கொள்லையெடிப்பதே இந்த பூஜையில்தான். சாதாரண கூலியாள் [ஆட்டோ-பட்டரை அனைவரும், அனைத்து தொழிலாளர்களும் அடங்குவர்] முதல் “பெரியாள்”-முதலாளி [பணம் கொடுத்து நடத்துபவர்கள்] வரை கொண்டாடும் விழா, உண்மையிலேயே சமத்துவ விழா. சொல்லபோனால் அதுதான் உண்மையன “தொழிலாளர் விழா”. அரசாங்க / தனியார் அலுவகங்கல்ளிலலம் நடைபெறும். எல்லோரும் காசு போட்டு, அரிசிபொறி, கடலை, பழங்கள், இனிப்புகள் வாங்கி கொண்டாடுவர். ‘மைக்-ஸ்பீக்கர்-செட்டுகளுக்கு” கடுன்மையான கிராக்கி இருக்கும்! அப்பொழுதும், சில கிருத்துவர்கள்-முஸ்லீம்கள் அதனை எதிர்ப்பர். ஒன்று காசு கொடுக்கமாட்டார்கள் அல்லது தனது மேஜை-பீரோக்களுக்கு பூஜைபோடுவதை மறுப்பார்கள். சந்தனபொட்டு வைப்பதைக் கூட எதிர்ப்பார்கள்! அனால், இத்தகைய ஆயுதபூஜை கொண்டாட்டத்திற்கு புழலும் பணம் கோடிகள்! பூஜை முடிந்ததும் லாபங்களை அடைவது பொறி, கடலை, இனிப்பு விற்பவர்கள்தாம்!

அரசியல்: “நீயா, நானா?” தா, பாண்டியனின் மீது எடுத்த நடவடிக்கயின் போது, பல விஷயங்கள் வெளிவந்தன. ஆனால், அவை எந்த அரசியல்வாதியும் தேர்தலுக்கு நிற்கும்போது தனது “அஃபிடேவிட்”டில் தனது சொத்துகளைப் பற்றிக் குறிப்பிட வேண்டும். அவ்வாறு கருணாநிதி, ஸ்டாலின், அழகிரி, முரசொலி மாறன், தயாநிதி மாறன் முதலியோர் கொடுத்திருந்தாலும் தமிழக நாளிதழ்கள் / பத்திரிக்கைகள் மௌனமாகவே இருந்தன. அதுபட்டுமல்லாது, நூற்றுக் கணக்கான நிறுவனங்களில் / கம்பெனிகளில் முதலாளி, கூட்டு-முதலாளி, நடத்தும்-முதலாளி, பங்குதாரர் என இருக்கும்போது அந்தந்த சட்ட-திட்டங்களுக்கு ஏற்ப பல விண்ணப்பங்களில், தஸ்ஜாவேஜுகளில் தம்மைப் பற்றி குறிப்பிடப் பட்டுள்ளதும் வெளிப்படையானவையே. ஆனால், ஊடகங்கள் அதைப் பற்றி பேசாதது ஆச்சரியம்தான். அதிமுக, மதிமுக, கம்யூனிஸ்ட்டு பேசினால் மக்கள் அவற்றை ஏதோ எதிர் கட்சிகள் சொல்கின்றன, இல்லை “கருணாநிதி-ஜெயலலிதா சண்டை” போன்றது என்று யாரும் கண்டு கொள்வதில்லை.

ஊழல் என்பது வியாதி, லஞ்சம் என்பது வெளிப்பாடு: எப்படி ஒரு பெண் துணிந்து அல்லது வலுக்கட்டாயமாக விபசாரியாகிறாளோ, அதுமாதிரிதான் ஊழலும் மனதில் உருவாகி வெளிப்படுகிறது. என்ன காரணங்கள் சொல்லி நியாயப் படுத்தினாலும் இப்பாவங்களை ஒப்புக் கொள்ள முடியாது. சமூக நினைவு, உணர்வு, தொடு-உணர்ச்சி மரத்து போகும்போது, தனி மனிதன் தன்னுடைய கடமை, கண்ணியம், கட்டுப்பாடு மறக்கப் படும்போது, மனிதாபிமானத்தையே மறைத்துக் கொள்ளும்போது ஊழல் ஊற்றெடுக்கிறது. எப்படி விபசாரி முதன் முதலில் தயங்கி, பிறகு பழகி தொழிலில் இறங்கி விடுகிறானோ ஊழல் செய்கின்றவனும் அப்படியே. முதன் முதலில் உணவில் உணவுப் பொருட்களில், கலப்படம் செய்கின்றவனும், போலிமருந்து உற்பத்தி செய்பவனும், உணர்ந்து பிறகு மரத்துப் போயிருப்பான்.

எப்படி தீவிரவாதி குண்டுவைத்தால் பல மனிதர்கள் கொல்லப் படுவார்கள் என்று அறிந்தும் குண்டு வைத்துக் கொல்கிறானோ, அதுபோலத் தான், ஊழல் செய்பவனும். எனவே, முதலில் அவன் தவறு செய்வதை நியாயப் படுத்திக் கொள்ள யாதாவது ஒரு சித்தாந்தர்த்தை ஏற்றுக் கொள்கின்றான்.

“கொன்றால் பாவம், தின்னால் போச்சு”நிலை அடைந்ததும், கொல்வதைப் பற்றியும், தின்பதைப் பற்றியும் மறந்து, எப்படி லாவகமாகக் கொல்லலாம், கொன்ற உடல்களை இதமாகப் பதப்படுத்தலாம், அழகாக மாமிசத்தை உபயோகப் படுத்தலாம், சுசியாகச் சமைக்கலாம், எப்படி உண்ணலாம் என்றுதான் நினைப்பானேத் தவிர, உயிரைவிடும் நிலையை நினைத்துப் பார்க்க மாட்டான். அதுமாதிரியே, ஊழல்காரனும்.

ஊழல்காரனை மாற்ற, ஊழல்காரன் முதலில் மாற வேண்டும்: ஊழல்காரன் மாறவேண்டுமானல், அவன் திருந்த வேண்டுமானால், அவனே மாற வேண்டும். இருப்பினும் குற்றங்களைச் செய்யும் குற்றவாளி தண்டனைக்குட் படுத்தும்பொது, அவனையும் உட்படுத்தலாம். இன்றைய நிலையில் அது அவசியமாகிறது. புற்றுநோய் மாதிரி சமூகத்தையே புரையோடச் செய்யத் துணியும் அவர்கள் நிச்சயமாக, சமூகத்தினின்று அகற்றப் படவேண்டியவரே. ஊழல் தடுப்பு சட்டங்கள், நிறுவனங்கள் ஊழல் செய்பவர்கள் மீதான வழக்குகள் பதிவு செய்யப் படுதல், தண்டனை பரிந்துரைத்தல், இந்த விவரங்களை இணைதளத்தில் வெளியிடுதல் முதலியனவற்றை செய்து வருகின்றன. இருப்பினும், அந்தந்த துறையினர் ஊழல் செய்தவர்களை சட்டப்படி தண்டிக்க வேண்டியுள்ளது. இங்கு மறுபடியும் ஊழல் வவலை செய்தால், தண்டனை மட்டுமல்லாது, எந்த நடவடிக்கையுமே எடுக்காமல் காலந்தடள்ளப் படுகிறது, பதவி நீக்கம் செய்யப் பட்டவர்கள், மறுபடியும் அதே பதவிகளில் அமர்ந்து கொள்கிறார்கள். “பார்த்தாயா, என்னை ஒன்றும் ஆட்ட முடியாது, ஒன்றும்…………………………….முடியாது” என்று ஆணவத்துடன் இருப்பான். மறுபடியும் அவனது ஊழல், இன்னும் அதிகமாக-வேகமாக தொடங்கும், இருக்கும்.

லஞ்ச ஒழிப்புத்துறை சுறுசுறுப்பால் மக்கள் திருப்தி

அக்டோபர் 18,2009,00:00  IST

http://www.dinamalar.com/fpnnewsdetail.asp?news_id=5326

தமிழகத்தில் இந்த ஆண்டில் மட்டும், அரசு அலுவலகங்களில் லஞ்ச ஒழிப்புத்துறை நடத்திய வேட்டையில் இதுவரை 100 பேர் வரை லஞ்சம் வாங்கிய புகாரில் கைது செய்யப்பட்டுள்ளனர். மேலும், உயர் பொறுப்பில் இருந்து ஊழல், முறைகேடு செய்த பலர் சஸ்பெண்ட் செய்யப்பட்டுள்ளனர்.

“லஞ்சம் கொடுப்பதும் குற்றம்; லஞ்சம் வாங்குவதும் குற்றம்’ என்ற வாசகம், அரசுத்துறைகள் இயங்கிய காலம் முதல் வலியுறுத்தப்பட்டு வருகிறது. ஆனால், “காசு இல்லையென்றால் காரியம் நடக்காது’ என்ற நிலைதான் அரசுத்துறைகளில் தொடரும் அவலம். போலீஸ் துறை, மின் வாரியம், வருவாய்த்துறை, நெடுஞ்சாலை, செய்தி மக்கள் தொடர்பு, ஊரக வளர்ச்சி, போக்குவரத்து உள்ளிட்ட 30க்கும் மேற்பட்ட அரசுத்துறைகள் உள்ளன. அரசை சார்ந்தே மக்கள் இருக்க வேண்டிய நிலை உள்ளதால், தங்களது தேவைகளுக்கு அதிகாரிகளை சந்திக்க வேண்டிய கட்டாயம் உள்ளது.

சாதாரண ரேஷன் கார்டு முதல், பெரிய அளவிலான தொழிற்சாலை அனுமதி வரை அனைத்து பைல்களும் தடையின்றி செல்ல லஞ்சம் வழங்க வேண்டிய நிலை உள்ளது. ஒருசில அதிகாரிகளால், அத்துறை சார்ந்த மற்ற அதிகாரிகளுக்கும் கெட்ட பெயர் ஏற்படுகிறது. லஞ்சத்தைத் தடுப்பதற்கு என்றே லஞ்ச ஒழிப்புத்துறை உள்ளது. இந்த துறை நடத்திய வேட்டையில், தமிழகத்தில் இந்த ஆண்டில் மட்டும் 100 பேர் வரை லஞ்சம் வாங்கிய புகாரில் கைது செய்யப்பட்டுள்ளனர். அவை தவிர, உயர் பொறுப்பில் இருப்பவர்கள் ஊழல், முறைகேடு செய்து அளவுக்கு அதிகமாக சொத்து சேர்த்த வழக்கில் சிக்கி சஸ்பெண்ட் செய்யப் பட்டுள்ளனர்.

மத்திய, மாநில அரசுகள் ஆறாவது ஊதியக்குழு பரிந்துரையை அமல்படுத்தி உள்ளன. அவை தவிர ஆண்டுக்கு இருமுறை அகவிலைப்படி உயர்வு வழங்கப் படுகிறது. “அரசு ஊழியர்கள் காட்டில் மழை’ என்று பொதுமக்கள் மூக்கு மீது விரல் வைத்தாலும், இது போதாது எனக் கூறி அதிகாரிகள் முதல் கடைநிலை ஊழியர் வரை சிலர் மறைமுக லஞ்ச வேட்டையில் ஈடுபட்டு தான் வருகின்றனர்.மக்களிடையே தற்போது ஏற்பட்டுள்ள விழிப்புணர்வு, லஞ்சம் கேட்கும் அதிகாரியை லஞ்ச ஒழிப்பு போலீசாரிடம் மாட்டிவிடும் பக்குவத்தை ஏற்படுத்தி உள்ளது. இடமாற்றம், பதவி உயர்வுக்காக மேல் அதிகாரிக்கு கொடுத்த லஞ்சத்தை, மக்களிடம் இருந்து வசூல் செய்து விடலாம் என்ற நோக்கில் கையை நீட்டி மாட்டிக் கொள்வதும், அரசுக்கு வரும் வருவாயை தன் வங்கிக் கணக்கில் சேர்ப்பதாலும் போலீசாரால் கைவிலங்கு பூட்டும் நிலைக்கு அதிகாரிகள் தள்ளப்பட்டுள்ளனர்.

வருவாய்த்துறை அதிகாரி ஒருவர் கூறியதாவது:ஆரம்பத்தில் இருந்ததை விட, லஞ்சம் வாங்குவது தற்போது குறைந்துள்ளது. எங்கள் துறையை பொறுத்தமட்டில் லஞ்சம் வாங்கக்கூடாது என அனைத்து ஊழியர்களிடமும் கூறி வருகிறோம். புரோக்கர்கள் சிலர் வாங்கிக் கொண்டு அதிகாரிகளை சிக்கலில் மாட்டி வைக்கின்றனர். அனைத்து அரசு அலுவலகங்களிலும் லஞ்சப் புகார் தொடர்பான அறிவிப்பு பலகைகளை வைக்குமாறும் வலியுறுத்தி உள்ளோம். அதிகாரிகள் கேட்டாலும், மக்கள் கொடுப்பதை நிறுத்த வேண்டும், அவ்வாறு இருந்தால் லஞ்சம் வாங்குவது விரைவில் நின்று விடும். இவ்வாறு அவர் கூறினார்.

லஞ்ச ஒழிப்பு வேட்டையில் அரசு தீவிரமாக உள்ளதால், அரசு அலுவலகங்களில் சமீப நாட்களாக லஞ்சம் ஓரளவு குறைந்துள்ளது. இதனால், பொதுமக்கள் நிம்மதி அடைந்துள்ளனர். இந்த நிலை தொடர வேண்டும் என்றும் விரும்புகின்றனர்.

வேதபிரகாஷ்

18-10-2009