Posts Tagged ‘பிரேத பரிசோதனை’

2-ஜி ராசாவின் நண்பர் சாதிக்பாட்சா கொலை செய்யப்பட்டுள்ளார்- கொலை செய்யப்பட்டப் பிறகு தூக்கில் தொங்கவிடப்பட்டுள்ளது- சி.பி.ஐ.க்குத் தெரியவந்துள்ள ஆதாரங்கள்!

ஜூலை 2, 2011

2-ஜி ராசாவின்நண்பர்சாதிக்பாட்சாகொலை செய்யப்பட்டுள்ளார்- கொலைச்ய்த பிறகு தூக்கில் தொங்கவிடப்பட்டுள்ளது- சி.பி..க்குத் தெரியவந்துள்ள ஆதாரங்கள்!

 

சி.பி.ஐ அதிகாரிகளுக்கு ஏற்பட்ட சந்தேகம்: முன்னாள் மத்திய அமைச்சர்  ஆ.ராசாவின் நெருங்கிய நண்பர் சாதிக் பாட்சா மர்மமான முறையில் மரணம் அடைந்தது தொடர்பாக, சி.பி.ஐ. போலீசார் புதிய கோணத்தில், அவர் கொலை செய்யப்பட்டாரா? என்று விசாரிப்பதாக தகவல்கள் வெளியாகி உள்ளது. முன்னாள் தொலைத்தொடர்புத்துறை அமைச்சர் ஆ.ராசாவின் நண்பர் சாதிக் பாட்சாவின் மரணம் தற்கொலை அல்ல என்றும் அவர் கொலை செய்யப்பட்டுள்ளதாகத் தெரிகிறது என்றும் சிபிஐ உயர் அதிகாரி ஒருவர் தெரிவித்தார்[1]. சம்பவ இடத்தில் மேற்கொள்ளப்பட்ட நுண்ணிய ஆய்வு மற்றும் விசாரணையின்போது சேகரிக்கப்பட்ட இதர சூழ்நிலை ஆதாரங்கள் ஆகியவற்றின் அடிப்படையில் அவரது மரணம் கொலையாக இருக்கலாம் என்று அந்த அதிகாரி தெரிவித்தார். சென்னை தேனாம்பேட்டை எல்லையம்மன் காலனி 5வது குறுக்கு தெருவில் வசித்தவர்  சாதிக் பாட்சா. ரியல் எஸ்டேட் தொழில் செய்து வந்த தொழில் அதிபரான இவர், முன்னாள் மத்திய அமைச்சரும், 2ஜி ஸ்பெக்ட்ரம் வழக்கில் கைதாகி டெல்லி திகார் ஜெயிலில் இருப்பவருமான ஆ. ராசாவின் நெருங்கிய நண்பர் ஆவார். ஸ்பெக்ட்ரம் வழக்கு தொடர்பாக சாதிக் பாட்சாவிடம் சிபிஐ போலீசார் பலமுறை விசாரணை நடத்தினார்கள். அவரது வீட்டிலும் கடந்த ஆண்டு டிசம்பர் மாதம் சி.பி.ஐ. போலீசார் சோதனை நடத்தினார்கள்.
இந்த நிலையில் தொழில் அதிபர் சாதிக்பாட்சா கடந்த மார்ச் மாதம் 16ம் தேதி மர்மமான முறையில் இறந்து போனார். அவரது வீட்டு படுக்கை அறையில் தொட்டில் கயிற்றில் தூக்கில் பிணமாக தொங்கினார்.  அவர் தற்கொலை செய்து கொண்டதாக அப்போது தெரிவிக்கப் பட்டது. தேனாம்பேட்டை போலீசார் முதல்கட்டமாக சந்தேக மரணம் என்று வழக்குப்பதிவு செய்து விசாரித்தனர். இந்த நிலையில் அவரது மரணத்தில் பல்வேறு சந்தேகங்கள் கேள்விகளாக எழுப்பப்பட்டதால் இந்த வழக்கு சிபிஐ போலீஸ் விசாரணைக்கு ஒப்படைக்கப்பட்டது.

கழுத்தில்சிறியஅழுத்தமானகாயம்[2]: இந்நிலையில் ராஜா ஸ்பெக்டரம் ஊழலில் சிக்கியதை அடுத்து சாதிக்பாட்சாவிற்கு அதிகஅளவிற்கு ராஜாவை பற்றி தெரிந்திருக்கும் என்பதால் பாட்சாவிடம் சி.பி.ஐ., பல முறை விசாரணை நடத்தியது. இதனால் இவர் மன உளச்சலுக்கு ஆளாகி இருந்ததாக அவரது மனைவி கூறியிருந்தார். இந்நிலையில் கடந்த மார்ச் 16 ம் தேதி சென்னையில் உள்ள வீட்டில் மர்மமான முறையில் இறந்து கிடந்தார். இவரது உடல் அருகே தற்கொலைக்கான கடிதமும் கைப்பற்றப்பட்டன. இவரது உடல் பரிசோதனை செய்த டாக்டர் கழுத்தில் சிறிய அழுத்தமான காயம் இருப்பதாகவும், மூச்சு திணறி இறந்திருப்பதாகவும் கூறியிருந்தனர். ஆனால் அவர் தற்கொலைதான் செய்து கொண்டார் என்று தெளிவாக குறிப்பிடவில்லை. சந்தேகம் நீடித்ததையடுத்து இவரது கழுத்து மாதிரிகளும் தடயவியல் சோதனைக்காக அனுப்பி வைக்கப்பட்டது. பரிசோதனை செய்த டாக்டர் தனது பதவியை ராஜினாமா செய்தார்.

சந்தேகத்தை எழுப்பிய கடிதங்கள்: கடந்த ஏப்ரல் மாதம் 7ம் தேதி முதல் சிபிஐ போலீசார் இந்த வழக்கை விசாரித்து வருகிறார்கள். சாதிக் பாட்சாவின் வீட்டில் சி.பி.ஐ. போலீசாரும் சோதனை நடத்தினார்கள். சாதிக்பாட்சா தூக்கில் பிணமாக தொங்கிய அறையில் அவர் எழுதியதாக 4 கடிதங்கள் கைப்பற்றப்பட்டன. அந்த கடிதங்களில் அவர் தற்கொலை செய்ததாகவே தகவல்கள் இருந்தன. இந்த கடிதங்கள் சிபிஐ போலீசாருக்கு சந்தேகத்தை எழுப்பியது. சாதிக்பாட்சாவின் உடலை 3 டாக்டர்கள் குழுவினர் பிரேத பரிசோதனை செய்தனர். சி.பி.ஐ. போலீஸ் சூப்பிரண்ட் செங்கதிர் தலைமையில் தற்போது விசாரணை நடந்து வருகிறது. சி.பி.ஐ. விசாரணையில் சாதிக் பாட்சா கொலை செய்யப்பட்டதாக தெரியவந்துள்ளதாகவும், எனவே புதிய கோணத்தில் சி.பி.ஐ. போலீஸ் விசாரணை நடக்கிறது என்றும் நேற்று இரவு ஆங்கில தொலைக்காட்சி ஒன்றில் பரபரப்பாக செய்தி ஒளிபரப்பானது.

 

சென்னைக்கு வந்த மருத்துவ நிபுணர்கள்: இயற்கைக்கு மாறான மரணங்கள் பற்றி விசாரிக்க, குற்றவியல் நடைமுறை சட்டத்தின் 174வது பிரிவு அதிகாரம் அளிக்கிறது. எனவே, அந்தப் பிரிவின் கீழ், சிபிஐ விசாரணை நடத்தி வருகிறது[3].  இதுபற்றி இந்த வழக்கை
விசாரிக்கும் சிபிஐ தனிப்படை போலீசார் எந்தவித தகவலும் தெரிவிக்க மறுக்கிறார்கள். இது தொடர்பாக டெல்லியில் முகாமிட்டுள்ள சிபிஐயின் தென்மண்டல இயக்குனர் அசோக் குமாரிடம் கேட்டபோது, “ஆங்கில தொலைக்காட்சி வெளியிடும் செய்தி பற்றி தனக்கு எதுவும் தெரியாது என்றும் சாதிக்பாட்சாவின் மரணம் பற்றியும் அவரது பிரேத பரிசோதனை பற்றியும் நிபுணர்களின் முடிவுக்காக காத்திருக்கிறோம். இது தொடர்பாக நிபுணர்களின் அறிக்கை வந்ததும் சாதிக்பாட்சா வின் இறப்பு பற்றிய அதிகாரபூர்வ தகவல்கள் வெளியிடப்படும்‘ என்று தெரிவித்தார்.  இதற்கிடையே, டெல்லியில் உள்ள அகில இந்திய மருத்துவ விஞ்ஞான கழக ஆஸ்பத்திரியை சேர்ந்த டாக்டர்கள் குழு  சென்னை வருகிறது. அக்குழு, சாதிக் பாட்சா மரணத்துக்கான சூழ்நிலைகள் குறித்து விசாரணை நடத்துகிறது.

 

2-ஜி ராசாவின்நண்பர்சாதிக்பாட்சாகொலை செய்யப்பட்டுள்ளார்- கொலைச்ய்த பிறகு தூக்கில் தொங்கவிடப்பட்டுள்ளது[4]– சி.பி..க்குத் தெரியவந்துள்ள ஆதாரங்கள்! பிரேத பரிசோதனைக்குப் பிறகுதான், கழுத்தில் ஏற்பட்டுள்ள குறி கொல்சிக்கு முன்னதாக அல்லது பின்னதாக ஏற்பட்டதா என்று சொல்ல முடியும் என்று டாக்டர் டெகால் முன்னமே சொன்னது உண்மையாகியுள்ளது. கழுத்தில் ஏற்பட்டுள்ள காயத்திலிருந்து எடுக்கப்பட்டுள்ள திசுக்களை பரிசோதித்த தட-அடையாள நிபுணர்கள், வெளிப்புற அழுத்தத்திற்கு உட்பட்டுதான் அவை நசுங்கியுள்ளன. அவ்வாறு ஏற்பட்டதற்கு, ஒரு மென்மையான துணியினால் கழுத்து நெருக்கப்பட்டதால் அவ்வாறு நேர்ந்திருக்கலாம் என்று தங்களது முடிவை வெளியிட்டுள்ளனர்[5].  அதாவது பாட்சா கழுத்து நெரிக்கப்பட்டுக் கொல்லப்பட்டு, பிறகு தானே தூக்கில் தொங்கியது போல, தொங்கவிடப்பட்டுள்ளார்[6]. இதனால், டாக்டர் டெகால் அரசிய நிர்பந்தங்களுக்காகத் தான் ராஜினாமா செய்து “தேர்தலில் நிறக்கபோகிறேன்” சென்று விட்டார் .


[1] தினமணி, சாதிக் பாட்சா கொலை செய்யப்பட்டுள்ளாரா? சி.பி.ஐ சந்தேகம், http://www.dinamani.com/edition/story.aspx?&SectionName=Latest%20News&artid=439960&SectionID=164&MainSectionID=164&SEO=&Title=

[2] தினமலர், சாதிக்பாட்சாகொலையா ? கொலையாளி யார் ? முக்கிய கட்டத்தில் சி.பி.ஐ;சென்னைக்கு மருத்துவக்குழு வரு‌கை, http://www.dinamalar.com/News_Detail.asp?Id=267640

[3]புதிய கோணத்தில் விசாரணை, மாலைச்சுடர், ஜூன் 1, 2011, http://www.maalaisudar.com/newsindex.php?id=36223%20&%20section=1

[4] A top CBI offi­cial has disclosed that, prima facie, the death of Sadhick Batcha, a close associate of jailed former Telecom Minister A Raja, appears to be a case of murder not suicide as the local Chennai police had claimed. The agency’s assumptions are based on the close scrutiny of the ‘scene of crime’ and other circumstantial evidence collected during investigation.

Advertisements

சாதிக் பாட்சா கொலையா, தற்கொலையா – பதிலில்லாத பல கேள்விகள் (3)

மார்ச் 18, 2011

சாதிக் பாட்சா கொலையா, தற்கொலையா – பதிலில்லாத பல கேள்விகள் (3)

மிகவும் மனதிடமுள்ள சாதி பாட்சா தற்கொலை செய்து கொண்டதை அவருக்கு வேண்டியவர்களில், நெருக்கமாக இருந்தவர்கள் நம்பவேயில்லை[1]. மேலும் இவ்விஷயத்தில் பல கேள்விகளுக்கு பதில் இல்லாமல் இருப்பது வியப்பாக இருக்கிறது[2]. போலீஸாருடைய காலந்தாழ்த்திய விதம், மருத்துவர்களின் சந்தேகம் முதலியனவும், பல கேள்விகளுக்கு விடை காணமுடியாத அளவிகு உள்ளது[3].

மூன்றாவது முறை தில்லிக்குக் கூப்பிட்டதால் பயந்து தற்கொலை செய்து கொண்டாரா? கடந்த ஆண்டு டிசம்பர் 8-ம் தேதி தில்லி, பெரம்பலூர் உள்ளிட்ட இடங்களில் உள்ள ஆ. ராசா மற்றும், அவரது உறவினரின் வீடுகள், வணிக நிறுவனங்களில் சிபிஐ அதிகாரிகள் சோதனை நடத்தினர். அப்போது, சென்னை தேனாம்பேட்டையில் உள்ள சாதிக் பாட்சாவின் வீட்டிலும் சோதனை நடந்தது.

இதன் பின்னர் 2 முறை சாதிக் பாட்சாவை தில்லிக்கு அழைத்து சிபிஐ அதிகாரிகள் விசாரணை நடத்தினர். இந்த நிலையில், புதன்கிழமை (16-06-2011) பிற்பகலில் விசாரணைக்காக தில்லியில் உள்ள சிபிஐ அலுவலகத்தில் ஆஜராகுமாறு சாதிக் பாட்சாவுக்கு சம்மன் அனுப்பப்பட்டிருந்ததாகக் கூறப்படுகிறது. இதற்காக புதன்கிழமை பிற்பகல் 2 மணிக்கு விமானம் மூலம் தில்லிக்கு செல்ல சாதிக் பாட்சா திட்டமிட்டிருந்ததாகவும் கூறப்படுகிறது[4].

தில்லிக்கு போவது உண்மையா-பொய்யா? குடும்பத்தினர் 16ம் தேதி தில்லிக்குச் செல்வதாக கூறிவந்தனர்[5]. ஆனால், பாட்சா தில்லிக்குச் செல்லும் இரண்டு விமானங்களிலும் டிக்கெட் முன்பதிவு செய்யவில்லை. ஏர் இந்தியா மற்றும் ஜெட் ஏர்வேஸ் விமானங்கள் முறையே 12.50 மற்றும் 1.35 அளவில் சென்னையிலிருந்து பறந்து சென்றன. ஆனால், அவற்றில் சாதிக் பாட்சா செல்லவில்லை. இதை தெஹல்கா பத்திரிக்கை சரிபார்த்து உறுதி செய்துள்ளது[6]. சென்னை போலீஸாரும் இதைப் பற்றி அறிந்ததாகத் தெரியவில்லை[7]. பிறகு ஏன் அத்தகைய கருத்தை உருவாக்க முயன்றனர் என்ரு தெரியவில்லை.

மனைவி இல்லாத நேரத்தில் தற்கொலை எப்படி செய்து கொண்டார்? இந்த நிலையில், மனைவி ரஹானா, குழந்தைகளுடன் தாம்பரத்தில் உள்ள உறவினர் ஒருவரை சந்திப்பதற்காக புதன்கிழமை காலையில் சென்றிருந்தாராம். அப்போது, தேனாம்பேட்டை வீட்டில் இருந்த சாதிக்பாட்சா காலை 9 மணி அளவில் குளிப்பதற்காக தனது படுக்கை அறைக்கு சென்றாராம். சுமார் 12 மணி அளவில் ரஹானா குழந்தைகளுடன் வீடு திரும்பினராம். குளிப்பதற்குச் சென்ற சாதிக்பாட்சா நீண்ட நேரமாகியும் வெளியில் வராததால், வீட்டில் இருந்த அனைவரும் சந்தேகமடைந்தனர். ரஹானாவும், சாதிக் பாட்சாவின் தாயாரும் வீட்டில் இருந்த கார் டிரைவர்கள் உதவியுடன் படுக்கை அறையின் கதவை உடைத்து உள்ளே சென்று பார்த்தனராம். அங்கு, தூக்கில் தொங்கிய நிலையில் சாதிக்பாட்சா இருந்ததை பார்த்து அதிர்ச்சி அடைந்த அவர்கள், அவரை மீட்டு கார் மூலம் கிரீம்ஸ் சாலையில் உள்ள தனியார் மருத்துவமனைக்குக் கொண்டு சென்றனர். மதியம் 1.20 மணிக்கு அவரை ஆய்வு செய்த டாக்டர்கள், சாதிக்பாட்சா ஏற்கெனவே இறந்துவிட்டதை உறுதிப்படுத்தினர்[8].

போலீஸாரால் கொடுக்கப்பட்ட விவரங்களின் படி[9]டிக்… டிக்… நடந்தது என்ன[10]? காலை 11 மணி: சாதிக் பாட்சா குளிக்கச் சென்றார்.
11:15: சாதிக்கின் மனைவி @ரகனா பானு, பள்ளியில் படிக்கும் மகனை அழைத்து வர காரில் சென்றார்.

பிற்பகல் 12:30: ரேகனா மீண்டும் வீட்டிற்கு வந்தார்.

12:45 – 1 மணி: ரேகனா படுக்கையறையின் கதவை தட்டி திறக்காததால், அறைக்
கதவை டிரைவருடன் சேர்ந்து உடைத்து உள்ளே சென்று, தூக்கில் தொங்கிக் கொண்டிருந்த சாதிக் பாட்சாவின் உடலை இறக்கினர்.

1:30 மணி: ஆயிரம் விளக்கு கிரீம்ஸ் சாலையில் உள்ள அப்போலோ மருத்துவ
மனைக்கு சாதிக் பாட்சா காரில் கொண்டு செல்லப்பட்டார். உடன் மனைவி @ரகனா இருந்தார்.

1:40 மணி: சாதிக் பாட்சா இறந்து விட்டதாக அறிவிக்கப்பட்டது.

2:10 மணி: சாதிக் பாட்சாவின் கிரீன் ஹவுஸ் புரோமோட்டர்ஸ் நிறுவனத்தின் சார்பில் போலீசுக்கு, சாதிக் பாட்சா தற்கொலை செய்து கொண்ட தகவல் தெரிவிக்கப்பட்டுள்ளது.
2:30 மணி: சாதிக்கின் மனைவி மற்றும் மாமியார், மைத்துனர், குழந்தைகள் இருவர் ஆகியோர் வீட்டை பூட்டிவிட்டு வெளியில் சென்று விட்டனர்.

2:50 மணி: அப்போலோ மருத்துவமனைல் இருந்து பிரேத பரிசோதனைக்காக ராயப்பேட்டை அரசு பொது மருத்துவமனைக்கு சாதிக் பாட்சாவின் உடல் கொண்டு செல்லப்பட்டது.

மாலை 5:10 மணி: திடீரென தேனாம்பேட்டை போலீஸ் நிலையத்தில், சாதிக்
பாட்சாவின் மனைவி ரெகனா, மாமியார் உள்ளிட்டவர்கள் கொண்டு
வரப்பட்டு, விசாரணை நடந்தது.

5:30 மணி: விசாரணை முடிந்து, அனைவரும் எல்லையம்மன் காலனிக்கு
அழைத்துச் செல்லப்பட்டனர்.

5:40 மணி: வீட்டை திறந்து, சாதிக் பாட்சாவின் மனைவி, மாமியார் மற்றும்
உறவினர்கள், போலீசார், தடயவியல் துறையினர் உள்ளே சென்றனர்.

6:45 மணி: சாதிக் பாட்சாவின் உடல் இன்று காலை பிரேத பரிசோதனை செய்யப்படும் என அறிவிக்கப்பட்டது.

இரவு 7:00 மணி: தடயவியல் துறையினர் கைரேகைகள் உள்ளிட்டவற்றை பதிவு செய்து புறப்பட்டனர்.

7:30 மணி: சாதிக்பாட்சாவின் மனைவி, மாமியார் உள்ளிட்ட உறவினர்கள் காரில் ஏற்றி அனுப்பப்பட்டனர்.

8 மணி: வீட்டிற்கு சீல் வைக்கப்பட்டு, பாதுகாப்பு போடப்பட்டது.

சாதிக் பாட்சா தனது துபாய் தொடர்புகளை ஏன் மறைக்க வேண்டும்? சாஹித் பல்வா ஏற்கெனவே சாதிக் பாட்சா மற்றும் ராஜாவின் தொடர்ப்பு மற்றும் சம்பந்தங்களை சி.பி.ஐ.க்கு தெரிவித்து விட்டான். ஹவாலா பரிமாற்றங்களைப் பற்றி கேட்டபோது, மஹேஷ் ஜெயின் மற்றும் அவனது சகோதரன் பாபி பற்றிக் குறிப்பிட்டான். இந்த இருவருமே துபாயிலுள்ள ஹவாலா பரிமற்றக்காரர்களுடன் தொடர்பு கொண்டவர்கள்[11]. ஏற்கெனவே கீழக்கரையிலுள்ள ஒரு வியாபாரியை விசாரித்தபோது, சில விவரங்கள் தெரியவந்தன. சாஹித் பல்வா அடிக்கடி துபாயிக்குச் சென்று வருவதால் அந்த தொடர்புகளைப் பற்றி நன்றாக அறிவான். இப்பொழுது சாதிக் பாட்சாவிற்கும் அவர்களைத் தெரியும் என்பதால், அவன் இறந்தது, அந்த தொடர்புகளின் மகத்துவத்தை மறைப்பதாக இருக்கிறது.

இதேபோன்ற நடந்துள்ள முந்தைய தற்கொலைகள்!: (1). கடந்த, 2001ல், ஸ்டாலின் மேயராக இருந்தபோது, அவரது நெருங்கிய நண்பராக இருந்தவர் அண்ணாநகர் ரமேஷ். கான்ட்ராக்டிற்கு பணம் பெற்ற விவகாரத்தில், தெய்வசிகாமணி என்பவர் புகார் கொடுத்திருந்தார். இந்த புகாரில், ஸ்டாலின் பெயரும் சேர்க்கப்பட்டிருந்தது. இந்த வழக்கில் முக்கிய நபராக சேர்க்கப்பட்டிருந்த அண்ணாநகர் ரமேஷ், 2001ம் ஆண்டு, ஜூலை 17ம் தேதி, தன் வீட்டில் மனைவி, மூன்று குழந்தைகளுடன் விஷம் அருந்தி தற்கொலை செய்து கொண்டார். இத்துடன், அந்த வழக்கு நீர்த்துப் போனது[12].

(2). 1994ல் ராஜீவ் கொலை விசாரணைக் காவலில் இருக்கும்போதே வேதாரண்யம் சண்முகம் தற்கொலை செய்துகொண்டதும், பின் அது மறக்கபட்டது 

(3). மே 24, 1971 அன்று ருஸ்தம் சோரப் நகர்வாலா [Rustom Sohrab Nagarwala] என்ற முந்தைய இந்திய ராணுவ தளபதி இந்திரா காந்தி பேசுவது போல, தொலைபேசியில் பேசி, ரூ. 60 லட்சம், பார்லிமென்டு தெருவிலுள்ள ஸ்டேட் பேங்க் ஆஃப் இந்தியாவிலிருந்து பெற்றான். நகர்வாலா என்ற நகர்வாலா மோசடி வழக்கில், அதனை விசாரித்த டி.கே. காஷ்யப் என்ற விசாரணை அதிகாரி மர்மமான முறையில் ஒரு கார் விபத்தில் கொலை செய்யப் பட்டார். நகர்வாலாவும் கைது செய்யப்பட்டு சிறையில் அடைக்கப் பட்டடன், ஆனால், சரியான முறையில் கவனித்துக் கொள்ளப்படாததால், பிப்ரவரி 1973ல் சிறையிலேயே மரணமடைந்தான்.

சாதிக்பாட்சா பிரேதம் உறவினர்களிடம் ஒப்படைப்பு[13]: 2-ஜி ஸ்பெக்ட்ரம் ஊழல் வழக்கில் சிறையில் உள்ள ராஜாவின் கூட்டாளி சாதிக்பாட்ஷா நேற்று தனது வீட்டின் படுக்கையறையில் தூக்கு போட்டு தற்கொலை செய்து கொண்டார். சாதிக் பாட்சா தற்கொலை விவகாரத்தால், அப்பல்லோ மருத்துவமனை, தேனாம்பேட்டை போலீஸ் நிலையம், சாதிக்பாட்சாவின் வீடு ஆகிய பகுதிகள் மிகுந்த பரபரப்புடன் காணப்பட்டன. சாதிக் பாட்சாவின் மனைவியிடம் அறிக்கை பெற்று, வீட்டிற்குச் சென்று தடயங்களை ஆய்வு செய்யும் போதே மாலை, 6 மணிக்கு மேல் ஆகிவிட்ட காரணத்தால், பிரேத பரிசோதனைநடத்த முடியாத நிலை ஏற்பட்டது. தொடர்ந்து, இன்று காலை சாதிக் பாட்சாவின் உடல் பிரேத பரிசோதனை செய்யப்பட்டது. பின்னர் அவரது சடலம் குடும்பத்தினரிடம் ஒப்படைக்கப்படுகிறது. பிரதே பரிசோதனை மேற்கொண்ட டாக்டர்கள் : சாதிக் மூச்சுத்திணறல் காரணமாக இறந்துள்ளதாக தெரிவித்தார். வெளிப்புற காயங்கள் ஏதும் சாதிக் உடலில் இல்லை என்றார். கழுத்துப் பகுதியில் இருந்து எடுக்கப்பட்ட தசைகளை மேலும் பரிசோதனைக்காக அனுப்பியுள்ளதாகவும் தெரிவித்தனர்.

சாதிக் பாட்சாவின் மரணம் குறித்து, பெரம்பலூரில் அவருடன் நன்கு பழகிய சிலர் கூறியதாவது[14]:ஸ்பெக்ட்ரம் விவகாரத்தில் சாதிக் பாட்சாவின் பெயர் அடிபடத்துவங்கியதுமே, “அரசியல்வாதிகள் தொடர்பு வேண்டாம். அனைத்தையும் விட்டுவிட்டு ரியல் எஸ்டேட் தொழிலை மட்டும் பார்த்தால் போதும்’ என, அட்வைஸ் செய்தோம்.ஆனால், “தெரியாமல், அரசியல்வாதிகளுடன் பழகிவிட்டேன்; அதிலிருந்து மீளமுடியாது’ என, சாதிக் பாட்சா வருத்தப்பட்டார். அதேசமயம், அவரது மனைவி ரேகனாவும், “உங்களுக்கு தெரிந்ததை சொல்லி அப்ரூவராக மாறிவிடுங்கள். அதன்பின், நாம் சந்தோஷமாக வாழ்க்கை நடத்தலாம். இல்லாவிட்டால் அவமானங்களால் நானும், குழந்தைகளும் விஷம் குடித்து தற்கொலை செய்து கொள்வோம்’ எனக் கூறினார்.கடந்த இரண்டு மாதங்களாகவே சாதிக் விரக்தியடைந்த நிலையிலேயே காணப்பட்டார். யாரிடமும் சரியாக பேசுவது கிடையாது. ஆனால், நாங்கள் பழகியவரை தற்கொலை செய்து கொள்ளும் அளவுக்கு கோழை அல்ல என்பதை மட்டும், உறுதியாக சொல்ல முடியும். இவ்வாறு அவர்கள் கூறினர்.

மர்ம மரணம் அடைந்தவர் உடலில் புதிய துணி போடுவது தவறு[15]: சாதிக்பாட்சாவின் உடல் அப்போலோ மருத்துவமனையில் இருந்து, ராயப்பேட்டை அரசு மருத்துவமனைக்கு கொண்டு செல்லும் போது,அவரது உடைகள் களையப்பட்டு, முழுவதுமாக வெள்ளைத் துணி போர்த்தப்பட்டிருந்தது. இவ்வாறு செய்யப்படுவது, தவறான செயல் என டாக்டர்கள் கருத்து தெரிவித்துள்ளனர். இதுகுறித்து டாக்டர் ஒருவர் கூறியதாவது: வீட்டில் அல்லது வெளியிடங்களில் அல்லது தனியார் மருத்துவமனைகளில் இறந்தவர்களின் பிரேதத்தை, அரசு மருத்துவமனைக்கு, பரிசோதனைக்கு இப்படித்தான் எடுத்து வர வேண்டும் என்ற விதியில்லை. போலீசார் எப்படி வேண்டுமானாலும் எடுத்து வருவர். இறந்தவரின் அங்க, அடையாளங்களை, விசாரணை நடத்தும் போதே, குறித்துக் கொள்வர். உடலில் வெளிக்காயம் ஏதும் இருக்கிறதா, காயமிருந்தால் எந்த இடத்தில், எந்தளவில் இருக்கிறது என, போலீசார் பதிவு செய்வர். இதையும், வழக்கு தொடர்பான போலீஸ் தகவல் அறிக்கையையும், பிரேத பரிசோதனை செய்யும் டாக்டரிடம் காட்டுவர். டாக்டர், இவைகளை ஒப்பிட்டுப் பார்ப்பதுடன், இறந்தவரின் குடும்பதினரை இறந்தவர், போலீசார் குறிப்பிடும் நபர் தானா என, அடையாளம் காட்டச் சொல்வார். பிரேதத்தின் மீதுள்ள உடைகள் முழுவதுமாக அப்புறப்படுத்தப்பட்ட பிறகே, பரிசோதனை செய்யப்படும். ஒரு நபர் தற்கொலை செய்து கொண்டு இறந்து விட்டாலோ, உயிருக்குப் போராடினாலோ, அவரை, அரசு மருத்துவமனைக்கு தான் முதலில் கொண்டு செல்ல வேண்டும். தற்கொலை செய்து கொள்ள முயற்சித்த நபர், எதனால் இம்முடிவிற்கு வந்தார், வீட்டில் என்ன நடந்தது என்று முழு விவரங்களையும் கேட்டுக் கொண்டு தான், டாக்டர்கள் சிகிச்சை அளிப்பதுடன், போலீஸ் நிலையத்திற்கும் தகவல் சொல்லப்படும். இறந்தவரின் உடல், அரசு மருத்துவமனையில் தான் பிரேத பரிசோனை செய்யப்பட வேண்டும். தனியார் மருத்துவமனையிலிருந்து அரசு மருத்துவமனைக்கு பிரேதத்தை அனுப்பும் போது, உடைகளை மாற்ற வேண்டிய அவசியம் இல்லை. உடைகளில் மாற்றம் செய்தால், அது குறித்து அரசு மருத்துவமனை டாக்டர்கள் ஏதும் கேள்வி கேட்பதும் இல்லை என்றாலும், சந்தேகமாக மரணமடைந்தவர்களின் உடலில், அவர் அணிந்திருந்த உடைகளை தவிர, வேறு உடைகள், துணிகள் போடப்படுவது தவறானது. இறந்தவரின் உடலிலிருந்து வெளியேறும் அசுத்த கிருமிகள், சுற்றுச்சூழலை பாதிக்கும் என நினைது, போலீசார் புதுத்துணி போர்த்தி பிரேதத்தை மூடி எடுத்து செல்வதும் உண்டு. இது குறித்து, டாக்டர்கள் கண்டுகொள்வதில்லை என்றாலும், இதுகுறித்து, போலீஸ் குறிப்பில் கண்டிப்பாக இடம்பெற வேண்டும். துணி பற்றிய குறிப்பு இடம்பெறவில்லை என்றால், தவறு நடக்கிறது என சந்தேகப்படவும் செய்யலாம். இவ்வாறு டாக்டர் கூறினார்.

மரணம் அல்ல… ஒரு படுகொலை[16] : “ஸ்பெக்ட்ரம் ராஜாவின் நெருங்கிய நண்பர் சாதிக் பாட்சாவின் மரணம் ஒரு படுகொலையாகும். இந்த படுகொலை குறித்து, சுப்ரீம் கோர்ட் சிறப்பு புலனாய்வு குழு அமைத்து விசாரணை நடத்த வேண்டும்,” என, மனித நேய மக்கள் கட்சி தலைவர் பேராசிரியர் ஜவாஹிருல்லா கூறினார். இது குறித்து ஜவாஹிருல்லா கூறியதாவது: ஸ்பெக்ட்ரம் ராஜாவின் நெருங்கிய நண்பரும், கிரீன் அவுஸ் புரமோட்டர்ஸ் நிறுவனருமான சாதிக் பாட்சா படுகொலை செய்யப்பட்டுள்ளார். அவரது மரணம் தற்கொலை அல்ல என்பது தான் உண்மை. சாதிக் பாட்சாவின் பிரேத பரிசோதனை அறிக்கையில் கூட, அவர் மூச்சுத்திணறி தான் இறந்திருக்கிறார் என்று அறிக்கை வந்துள்ளதாக தகவல்கள் வெளியாகியுள்ளன. ஸ்பெக்ட்ரம் விவகாரத்தில் சாதிக் பாட்சாவிடம் இருந்து சி.பி.ஐ.,க்கு கிடைக்கும் தகவல்கள், ஸ்பெக்ட்ரம் ஊழலுக்கு காரணமானவர்களை பாதிக்கும் என்பதால் தான் இந்த கொலை நடந்துள்ளது. தி.மு.க., தலைவர்களுக்கு விசுவாசமாக இருப்பவர்கள் கொலை செய்யப்படுவது, வாடிக்கையாகி விட்டது. தா.கிருஷ்ணன், அண்ணாநகர் ரமேஷ் துவங்கி இன்றைக்கு சாதிக் பாட்சா வரை இது தொடர்கிறது. இந்த சம்பவத்தால் சிறுபான்மை மக்கள் மிகப்பெரிய அதிருப்திக்கு ஆளாகியுள்ளனர். “2ஜி’ ஸ்பெக்ட்ரம் வழக்கு விசாரணை, சுப்ரீம் கோர்ட் மேற்பார்வையில் நடந்து வருகிறது. அதே போல, சாதிக் பாட்சா படுகொலை குறித்து சுப்ரீம் கோர்ட் சிறப்பு புலனாய்வு குழு ஒன்றை அமைத்து விசாரணை நடத்த வேண்டும்.

வேதபிரகாஷ்

18-03-2011


[1] வேதபிரகாஷ், ராஜாவின் கூட்டாளி சாதிக்பாட்சா திடீர் தற்கொலை!, https://corruptioninindia.wordpress.com/2011/03/17/sudden-mysterious-suicide-of-rajas-aide-sadiq-basha/

[2] வேதபிரகாஷ், சாதிக் பாட்சா கொலையா, தற்கொலையா பதிலில்லாத பல கேள்விகள் (1), https://corruptioninindia.wordpress.com/2011/03/18/mysterious-death-of-sadiq-batcha-suicide-or-murder/

[3] வேதபிரகாஷ், சாதிக் பாட்சா கொலையா, தற்கொலையா பதிலில்லாத பல கேள்விகள் (2), https://corruptioninindia.wordpress.com/2011/03/18/sadiq-batcha-mysterious-death-unanswered-questions/

[5] Family members are also believed to have said that Batcha was preparing to leave for New Delhi on 16 March and that he had already booked an air ticket for that afternoon. But Batcha did not book tickets on the two direct flights that took off from Chennai for New Delhi on the afternoon of 16 March—at least not in his name. The passenger lists of the two flights from Chennai to New Delhi on 16 March afternoon have nobody by the name of Sadiq Batcha listed.

[6] Air India flight number AI438 left Chennai at 12.50 pm while the Jet Airways flight number 9W2256 left at 1.35 pm. Officials from both the organisations confirmed this to TEHELKA on the condition of anonymity.

http://www.tehelka.com/story_main49.asp?filename=Ws1703112GSPECTRUM.asp

[7] Do the Chennai police know about it? “No,” said Commissioner T Rajendran.

[9] The chronology of events, as told to TEHELKA by a senior officer of the Chennai police, is:

11.15 am – Batcha goes for a bath in the bathroom connected to his bedroom on the first floor of the house. Four other people were present in the premises—his mother-in-law, wife Rehana Banu, one-and-half year old son Hashim, and the driver who was waiting outside. That is when Rehana said she left the house to pick up their three-year-old son from the Chettinad Vidyashram School in the car. She returned around noon.

12.45 pm – After knocking on the door of the bedroom for five minutes, she took help of the driver to break open the door and found Batcha hanging from the ceiling. She told the police that the ‘cloth-cradle of Hashim’, which had a spring attached to it, was used by Batcha to hang himself. She took the driver’s help to pull his body down.

1.00-1.30 pm – The family rushes to the Apollo hospital 4-5 km away, where Batcha is declared brought dead by 1.40 pm.

2.10 pm – Teynampet Police receive an anonymous call. The caller says that Batcha is dead. The house is only a five-minute drive from the police station but the police did not seal the house or collect evidence. A team reaches the Apollo Hospital. The body was wrapped in a white cloth and nobody photographed it.

2.30 pm – The family came back home. They locked the house and left without waiting for the police or informing them. They also refused to speak to the media that had gathered outside the house.

2.50 pm – The Royapettah general hospital received a body wrapped in white cloth said to be that of Batcha, for postmortem. The police were yet to start investigating.

5.10 pm – The Teynampet police registered an FIR, filed by his wife. They reach the house, where two male relatives of Batcha were present.

5.30 pm – Chennai Police Commissioner T Rajendran says the house has finally been sealed. He tells the media the investigations are on.

8.30 pm (approx) – Family members ‘discovered’ a suicide note said to be that of Batcha, in which he praised Raja and said ‘it is unfortunate that he has been jailed’. It also echoed his wife’s earlier statement and says that he had been ‘embarrassed because of the CBI investigations’ against him. The suicide note is dated 15 March and blames nobody for his death.

[12] In mid-July 2001, Ramesh alias ‘Anna Nagar’ Ramesh, a civil contractor better known in political circles as the “lucky mascot” of DMK heir-apparent M K Stalin, was found dead along with his wife and three children, including an 11-month-old baby, at his bungalow in Chennai.

Remnants of a soft drink bottle and an insecticide container found inside the house in Anna Nagar suggested that it was a ‘family suicide’. What is intriguing is the striking similarities in the circumstances surrounding the deaths of Batcha and Ramesh, except that in the latter case an entire family had perished.

http://expressbuzz.com/states/tamilnadu/batcha%E2%80%99s-death-focus-back-on-10-year-old-case/257496.html

[13] சாதிக்பாட்சா பிரேதம் உறவினர்களிடம் ஒப்படைப்பு, மார்ச் 17, 2011, http://www.dinamalar.com/News_Detail.asp?Id=207505

[15] மர்ம மரணம் அடைந்தவர் உடலில் புதிய துணி போடுவது தவறு, மார்ச் 17, 2011, http://www.dinamalar.com/News_Detail.asp?Id=207599

[16] மரணம் அல்ல… ஒரு படுகொலை‘, மார்ச் 17,2 011, http://www.dinamalar.com/News_Detail.asp?Id=207600

சாதிக் பாட்சா கொலையா, தற்கொலையா – பதிலில்லாத பல கேள்விகள் (2)

மார்ச் 18, 2011

சாதிக் பாட்சா கொலையா, தற்கொலையா – பதிலில்லாத பல கேள்விகள் (2)

இதன் முதல் பகுதியை, இங்கு வாசிக்கவும்[1].

ரகசியமாக வந்த கார் – யார் வந்தனர்? முன்னாள் அமைச்சர் ராசாவின் நெருங்கிய நண்பரான சாதிக் பாட்ஷா தற்கொலை செய்துகொள்வதற்கு முன்பாக அவரது வீட்டிற்கு வந்த மர்ம கார் குறித்து சிபிஐ அதிகாரிகள் துருவி துருவி விசாரணை நடத்துகிறார்கள்[2]. அந்த மர்ம காரில் வந்த ஆசாமிகள் யார்? என்பது குறித்தும் அவர்கள் தீவிர விசாரணை நடத்தி வருவதாக கூறப்படுகிறது. நேற்று காலை தனது மகனை பள்ளியிலிருந்து அழைத்து வருவதற்காக தான் சென்றதாக சாதிக் பாட்ஷாவின் மனைவி கூறி இருக்கிறார். ஆனால் அவர் வெளியே செல்வதற்கு முன்பு மர்ம கார் ஒன்று வீட்டிற்கு வந்ததாக கூறப்படுகிறது. அந்த கார் வந்த பிறகுதான் சாதிக் பாட்ஷாவின் மனைவி வெளியே சென்றதாகவும் கூறப்படுகிறது. ரேகனா பானு வீட்டிற்கு திரும்பிய போது சாதிக் பாட்ஷா தூக்கில் தொங்கியதாக தெரிய வந்தது. ஆகவே இந்த இடைப்பட்ட இரண்டு மணி நேரத்தில் நடந்தது என்ன? காரில் வந்த மர்ம ஆசாமிகள் யார்? அவர்கள் சாதிக் பாட்ஷாவை தற்கொலைக்கு தூண்டினார்களா? என்பது குறித்து தீவிரமாக சிபிஐ அதிகாரிகள் விசாரணை நடத்தி வருகின்றனர்.

போலீஸாரே சாதிக் பாட்சாவின் உடலை பார்க்கவில்லையாம்! போலீஸார் யாருமே சாதிக் பாட்சாவின் உடலை பார்க்கவில்லையாம். உடலின் புகைப்படத்தையும் எடுக்கவில்லையாம். பிரேத பரிசோதனைக்கு அனுப்புவதிலும் காலம் தாழ்த்தப்பட்டதாம்[3]. 12.45க்கு முன் இறந்திருந்தாலும், மாலை 5.15க்கு தான் எஃப்.ஐ.ஆர் பதிவு செய்யப்பட்டதாம். ரெஹனா பானு என்ன சொன்னாரோ அதைத்தான் அப்படியே பொலீஸார் ஏற்றுக் கொண்டுள்ளார்களாம்! இப்படியெல்லலம் சொன்னது போலீஸ் கமிஷனர், டி. ராஜேந்திரன்[4]. இவையெல்லாம் போலீஸார் தமது கடமைகளை அறவே செய்யவில்லை என்று எடுத்துக் காட்டுகிறது. $ 40 பில்லியன் ஊழலில் சம்பந்தப் பட்ட சாவு என்பதனால், அயல்நாட்டு நாளிதழ்களே, இதை கூர்மையாக கவனித்து வருகிறது[5].

சாதிக்கின் உடலை யாரும் பார்க்கவில்லை[6]: சாதிக் பாட்சா தற்கொலை சம்பவம் தொடர்பான சந்தேகங்கள் பல இருந்தாலும், அவர், இறந்த செய்தியை அறிந்தபின், பகல் 2:30 மணி வரை வீட்டில் இருந்த மனைவி மற்றும் உறவினர்கள் மாலை 5:10 மணிவரை எங்கு சென்றனர் என்பது சந்தேகத்திற்குரியதாக உள்ளது. கணவனின் உடல் அப்போலோ மருத்துவமனையில் இருந்து ராயப்பேட்டை மருத்துவமனைக்கு கொண்டு செல்லும் போதும் உறவினர்கள் யாரும் உடன் இல்லை.மருத்துவமனைக்கு கொண்டு சென்று, பிணவறையில் வைக்கப்பட்ட போதும் அங்கும் யாரும் இல்லை. பகல் 1:40 மணியில் இருந்து இதுவரை, சாதிக்கின் உடலை அவரது உறவினர்கள் யாரும் பார்க்கவில்லை. இந்நிலையில், திடீரென 5:10 மணிக்கு தேனாம்பேட்டை போலீஸ் நிலையத்திற்கு கொண்டு வரப்பட்டனர். இடையில் அவர்கள், எங்கிருந்தனர்? அவர்கள் மறைத்து வைக்கப்பட்டார்களா? மிரட்டப் பட்டார்களா? இவை அனைத்தும், புரியாத புதிராக உள்ளது. ஸ்பெக்ட்ரம் விவகாரத்தில் முக்கிய சாட்சியாக கருதப்பட்ட ஒருவர் திடீரென தற்கொலை செய்து கொண்டது பெரும் பரபரப்பை ஏற்படுத்தியுள்ளது.
சாதிக்கின் உடல் பொதியப்பட்டது ஏன்?[7] தற்கொலை செய்து கொண்ட சாதிக் பாட்சாவின் உடல், அப்போலோ மருத்துவமனைக்கு கொண்டு செல்லப்பட்டு, அங்கு அவர் இறந்து விட்டதாக தெரிவிக்கப்பட்டது. அதன் பின், போலீசாருக்கு தகவல் தெரிந்து அங்கு வந்தனர். சாதிக்கின் உடல் பிரேதபரிசோதனைக்கு பின்பு தான், உறவினர்களிடம் ஒப்படைக்கப்படும் என்று கூறப்பட்டது. பிற்பகல் 2:40க்கு உடல் மருத்துவமனையில் இருந்து, வெளியில் கொண்டுவரப்பட்டது. அப்போது, பத்திரிகையாளர்கள் சாதிக்கின் உடலை போட்டோ எடுக்க முண்டியடித்தனர். போலீசார் தடுத்ததால், இருதரப்பிற்கும் இடையில் வாக்குவாதம் ஏற்பட்டு, வார்த்தைகள் தடித்தன. வெளியில் கொண்டுவரப்பட்ட போது, சாதிக்கின் உடல் முழுமையாக வெள்ளை துணியால், பிரேத பரிசோதனைக்கு பின், பொதியப்படுவது போல் தயார் செய்யப்பட்டிருந்தது. இதைப் பார்த்த அனைவரும் அதிர்ச்சியடைந்தனர். முகமும் மூடப்பட்டிருந்ததால், திறந்து காட்டும்படி, போட்டோ கிராபர்கள் கூறினர்.இதையடுத்து, முகம் மட்டும் காட்டப்பட்டது. ஆனால், பிரேத பரிசோதனைக்கு முன், உடலை துணியைக் கொண்டு பொதிந்தது ஏன் என்பது சந்தேகத்தை கிளப்பியுள்ளது. சாதிக்கின் உடலில் வேறு ஏதேனும் காயங்கள் இருந்து மறைப்பதற்காக இவ்வாறு செய்யப்பட்டதா, கொண்டு செல்லப்பட்டது சாதிக்கின் உடல்தானா என்ற கேள்விகளும் எழுந்துள்ளன.

தற்கொலை என்று இப்போது கூறமுடியாது : சாதிக் பாட்சா மரணம் குறித்து டாக்டர் பேட்டி[8]: அவர் மூச்சுத் திணறி இறந்துள்ளார். கொலையா, தற்கொலையா என்றெல்லாம் எங்களால் சொல்ல முடியாது. உடலை இரண்டு தற்கொலை கேசுகளில் மணி நேரத்தில் பரிசோதனை செய்தால்தான், இறந்த காரணத்தைத் தெளிவாக கண்டறிந்து சொல்ல முடியும்[9]. ஆனால், இங்கு உடலை பரிசோதனைக்கு எடுத்துவருவது தாமதிக்கப் பட்டுள்ளது. இறுதி மருத்துவ அறிக்கை இரண்டு வாரங்களில் வரும். அப்பொழுதுதான் உறுதியாக சொல்லமுடியும் என்று டாக்டர் வி. டிகால் கூறியுள்ளார்[10] [“We cannot say now whether it was suicide or murder… The report will be ready in two weeks,” Dr V Dekal said. “The death was caused due to asphyxia but the cause of that cannot be confirmed till the forensic report is received,” he said here, adding, the entire autopsy was videographed]. தற்கொலை என்பதை இப்போது கூற முடியாது என்று ஸ்பெக்ட்ரம் ராஜாவின் நெருங்கிய கூட்டாளி சாதிக் பாட்சாவின் உடலை பரிசோதனை செய்த டாக்டர் கூறினார். சென்னை, ராயப்பேட்டை மருத்துவமனையில், சாதிக் பாட்சாவின் உடலை, ராயப்பேட்டை மருத்துவமனை தடயவியல் பிரிவு பேராசிரியர் மற்றும் டாக்டர் டிகால், யோகலட்சுமி ஆகியோர் பிரேத பரிசோதனை செய்தனர். மேலும், சென்னை மருத்துவக் கல்லூரி தடயவியல் இயக்குனர் டாக்டர் சாந்தகுமார் ஆய்வு செய்த பின், உறவினர்களிடம் உடல் ஒப்படைக்கப்பட்டது.

உயிரோடு இருந்த போது, தூக்கில் தொங்கினாரா அல்லது இறந்த பின் நடந்ததா என்பதை இப்போது கூற முடியாது: அதாவது சாதிக் பாட்சா தானே தூக்குப் போட்டுக் கொண்டு தொங்கி உயிர் இழந்தாரா அல்லது யாராவது கழுத்தை நெறித்து அல்லது மூச்ச்டைக்கச் செய்து, இறக்கச் செய்து அதற்குப் பிறகு தூக்கில் தொங்கியது போல அல்லது தொங்க வைத்தால், அதை இப்பொழுது சொல்ல முடியாது. அதாவது, காலம் தாழ்த்தி பிணத்தை எடுத்து வந்துள்ளாதால்[11], பரிசோதனையால் அவ்வாறு சொல்லமுடியாது. பிரேத பரிசோதனைக்குப்பின் வெளியில் வந்த, ராயப்பேட்டை மருத்துவமனை தடயவியல் பிரிவு பேராசிரியர், டாக்டர் டிகால் கூறியதாவது: “இறந்தவரின் உடலில், கழுத்தில் கயிறு இறுக்கப்பட்ட தழும்பு, சிராய்ப்பைத் தவிர, வேறு எந்த காயங்களும் இல்லை. அவர், மூச்சுத்திணறல் ஏற்பட்டு தான் இறந்திருக்கிறார் என்பதில் எந்த ஐயமும் இல்லை; நுரையீரலில் ரத்தக் கசிவு ஏற்பட்டுள்ளது. ஆனால், மூச்சுத் திணறலுக்கு காரணம் தூக்கு போட்டதால் தான் ஏற்பட்டதா என்பதை அறிய, கழுத்துப் பகுதியில் உள்ள சதைகளை, உடல் நோய்க்குறியாய்வு (பேத்தாலஜி), “டெஸ்ட்க்கு அனுப்பியுள்ளோம். அந்த முடிவு வந்த பின்பு தான் தீர்க்கமாக சொல்ல முடியும். மைக்ரோஸ்கோப் மூலம் செய்யப்படும் இந்த ஆய்வில், உயிரோடு இருந்த போது, தூக்கில் தொங்கினாரா அல்லது இறந்த பின் நடந்ததா என்பது தெரியும். சாதாரணமாக இறந்த பின், இரண்டு மணி நேரத்திற்குள் தூக்கில் தொங்க விடப்பட்டாலும், அதற்கான தடயங்கள் இருக்கும். இறுக்கப்பட்ட சதைகள், நல்ல நிலையில் உள்ள சதைகள் இரண்டையும், மைக்ரோஸ்கோப்பில் வைத்து பார்க்கும் போது, உண்மை என்ன என்பது தெரிந்துவிடும். அதற்கு ஏதுவாக, நாங்கள், சிறு, சிறு துண்டுகளாக எடுத்து அனுப்பியுள்ளோம்”, இவ்வாறு டாக்டர் டிகால் கூறினார்.
தொடர்ந்து, பத்திரிகையாளர்கள் கேள்விக்கு அவர் பதிலளித்ததாவது:

சாதிக்கின் இறப்பு எப்போது நேர்ந்துள்ளது? இவரது இறப்பு பிணவறையில் சேர்க்கப்பட்டதற்கு, முந்தைய 12 மணி நேரத்திற்குள் நடந்திருக்கலாம்.

அவர் விஷம் சாப்பிட்டுள்ளாரா? இறந்தவரின் மூளை, கல்லீரல், சிறுநீரகம் உள்ளிட்ட அனைத்து உறுப்புகளும், ஆய்வுக்காக பேத்தாலஜி துறைக்கும் அனுப்பப்பட்டுள்ளன. விஷம் சாப்பிட்டதற்கான அறிகுறிகள் இல்லை. அவர் வயிற்றில், பாதியளவு செரிமானமான உணவு இருந்தது. அதில், எந்த வாசனையும் இல்லை.

இது தற்கொலை தான் என உறுதியாக கூற முடியுமா? ஆய்வு முடிவுகள் வரும் வரை, இது தற்கொலை தான் என, உறுதியாக கூற முடியாது. இவ்வாறு டாக்டர் டிகால் பதிலளித்தார்.

வேதபிரகாஷ்

18-03-2011


[1] வேதபிரகாஷ், சாதிக் பாட்சா கொலையா, தற்கொலையா – பதிலில்லாத பல கேள்விகள் (1), https://corruptioninindia.wordpress.com/2011/03/18/mysterious-death-of-sadiq-batcha-suicide-or-murder/#comment-110

[3] Fingers have been pointed at the police for failing to ensure the postmortem was held at the earliest. Though the body had reached the mortuary at 3.30pm on Wednesday, the police filed the FIR at 6pm. A letter to the forensic department was sent the next day.They police could have sought permission from the district collector or the police commissioner to carry out the procedure after 6 pm, but the possibility was never explored. A doctor commenced the autopsy at 10 am on Thursday, but was forced to stop as the director of medical services insisted it be carried out by a team of two experts, considering the sensitivity of the case.

[4] On 16 March, Chennai Police Commissioner T Rajendran told the media he had not seen the body of Batcha. Sources in the Chennai police told TEHELKA that no police officer has seen the body. The police did not photograph the body either. The only explanation they have is that they went by the word of Batcha’s wife.

http://www.tehelka.com/story_main49.asp?filename=Ws1703112GSPECTRUM.asp

[8] தினமலர், தற்கொலை என்று இப்போது கூறமுடியாது : சாதிக் பாட்சா மரணம் குறித்து டாக்டர் பேட்டி, மார்ச் 17, 2011, http://www.dinamalar.com/News_Detail.asp?Id=207598

[9] “In suicide cases, the cause of death can be confirmed only if the autopsy is carried out within two hours of death,” Dr V. Dekal, who was part of a medical team that performed the procedure on Thursday at the Royapettah General Hospital, said. ” The signs of asphyxia like bluish fingers and damage to internal organs were there,” he added.

http://indiatoday.intoday.in/site/Story/132720/latest-headlines/2g-scam-police-blamed-for-sadiq-batcha-autopsy-delay.html