Posts Tagged ‘பரமேஸ்வரி’

சாதிக் பாட்சா கொலையா, தற்கொலையா – பதிலில்லாத பல கேள்விகள் (4)

மார்ச் 18, 2011

சாதிக் பாட்சா கொலையா, தற்கொலையா – பதிலில்லாத பல கேள்விகள் (4)

குடும்பத்தவர்களுக்கு பிரச்சினை ஏற்படும் வகையில் தற்கொலை செய்து கொள்வார்களா? 16ம் தேதிக்கு தற்கொலை செய்து கொள்கிறவர் எப்படி 15ம் தேதியே தனித்தனியாக மூன்று / நான்கு கடிதங்களைத் தனித்தனியாக எழுதி வைத்து இறக்க முடியும் என்பது ஆச்சரியமாக இருக்கிறது. பொதுவாக, உண்மையிலேயே தற்கொலை செய்து கொள்கிறவன், தனக்குப் பிறகு, தனது சந்ததியர் அல்லது வேண்டியவர்களுக்கு எந்த பிரச்சினையும் வரக்கூடாது என்றுதான் பார்ப்பான். பிரச்சினைகளை உருவாக்க சாதிக் பாட்சா போன்றவர்கள் தற்கொலை செய்து கொள்ளமாட்டார்கள். ஜி. வெங்கடேஸ்வரன் என்ற பெரிய சினிமா இயக்குனர், திவாலாகி பிரச்சினை விசுவரூபமாகியபோது தற்கொலை செய்து கொண்டார். சமீபத்தில், பிரபலமான சோதிடர் பார்த்தசாரதி, தனக்குப் பிரச்சினை வந்தபோது தற்கொலை செய்து கொண்டார். ஆகவே, சாதிக் பாட்சா விஷயத்தில் அவ்வாறு இருப்பதாகத்  தெரியவில்லை.

தற்கொலைக் கடிதங்கள் முன்னரே தீர்மானிக்கப்பட்டவையா? “எனது தற்கொலைக்கு குறிப்பிட்ட யாரும் காரணமல்ல”, என்று முன்னாள் மத்திய அமைச்சர் ஆ.ராசாவின் நண்பரான சாதிக் பாட்சா கடிதம் எழுதி வைத்துள்ளார். ஸ்பெக்ட்ரம் விவகாரத்தில் சிபிஐ விசாரணைக்கு உள்ளாகி வந்த நிலையில் நேற்று தனது வீட்டில் தூக்கு போட்டி அவர் தற்கொலை செய்து கொண்டதையடுத்து அவரது வீட்டிலிருந்து 4 கடிதங்களை போலீசார் கைப்பற்றினர்.
1. போலீசாருக்கு எழுதியுள்ள கடிதத்தில் ஸ்பெக்ட்ரம் வழக்கில் சிபிஐ சோதனை நடத்தியது, அது தொடர்பான செய்திகள் ஊடகங்களில் வெளியானதால் தனக்கு மிகுந்த மன உளைச்சல் ஏற்பட்டது பற்றி குறிப்பிட்டு, தற்கொலை முடிவை நானே எடுத்தேன். அதற்காக என்னை மன்னித்து விடுங்கள் என்று கூறியுள்ளார் பாட்சா.

2. குடும்பத்தினருக்கு எழுதியுள்ள 2வது கடிதத்தில் மனைவியையும், குழந்தைகளையும் நல்லபடியாக பார்த்துக் கொள்ளுங்கள், தங்கை சந்தோஷமாக இருக்க வேண்டும், தனக்கு நெருங்கிய நண்பர் ஒருவரின் பெயரை குறிப்பிட்டு அவர் இந்த குடும்பத்தாருக்கு உதவ வேண்டும், சகோதரர் திருமணம் புரிந்து புது வாழ்வைத் தொடங்க வேண்டும், மறு பிறப்பு இருந்தால் அமைதியான வாழ்க்கை கிடைக்க வேண்டும் என்று கூறியுள்ளார்.

3. தனது மனைவி ரெஹனா பானுவுக்கு எழுதியுள்ள 3வது கடிதத்தில், நீ சென்னையிலேயே தங்கியிருக்க வேண்டும், குழந்தைகளை நல்லபடியாக படிக்க வைக்க வேண்டும் என்றும், எத்தனை ஜென்மம் எடுத்தாலும் நீதான் எனக்கு மனைவியாக வரவேண்டும் என்றும் எழுதியுள்ளார்.

4. 4வது கடிதத்தில், அமைச்சரும் (ஆ.ராசா), அவரது மனைவியும் நல்லவர்கள் என்று கூறி்யுள்ளார்.

மதியம் 2.30லிருந்து ஐந்து வரை காணாமல் போன ரெஹ்னா பேகம் மற்றவர்:

இந் நிலையில் ஸபெக்ட்ரம் வழக்கு விசாரணையால் ஏற்பட்ட மனஉளைச்சலால்தான், எனது கணவர் உயிரைவிட்டார் என்று சாதிக்பாட்சாவின் மனைவி ரெஹனா பானு போலீசாரிடம் வாக்குமூலம் கொடுத்துள்ளார். சாதிக் பாட்சா தற்கொலை செய்து கொண்ட தகவல் கிடைத்தவுடன் பிற்பகல் 2.30 மணிக்கு தேனாம்பேட்டை போலீசார் எல்லையம்மன் காலனியில் உள்ள அவரது வீட்டுக்குச் சென்றனர். ஆனால் வீடு பூட்டப்பட்டிருந்தது. இதையடுத்து பாட்சாவின் மனைவி, மாமியார், 2 மகன்கள் மற்றும் வேலையாட்களை போலீசார் தேடினர். சிபிஐ குழுவும் அங்கு விரைந்து வந்தது. ஆனால் மாலை 5 மணி வரை எந்தத் தகவலும் இல்லாததால் காத்திருந்தனர். 5 மணிக்கு சாதிக்பாட்சாவின் மனைவி ரெஹனா பானு, தேனாம்பேட்டை போலீஸ் நிலையத்துக்கு வந்து வாக்குமூலம் கொடுத்தார்.

சி.பி.ஐ.யை குறை கூறும் மனைவியின் வாக்குமூலம்: அதில், “சாதிக் பாட்சாவுக்கும் எனக்கும் திருமணமாகி 6 ஆண்டுகள் ஆகிறது. எனது கணவரின் சொந்த ஊர் பெரம்பலூர் மாவட்டம் லப்பகுடிகாடு கிராமம். தேனாம்பேட்டை எல்லையம்மன் காலனியில் கடந்த 3 வருடங்களாக நாங்கள் வசித்து வருகிறோம். நாங்கள் சந்தோஷமாக வாழ்ந்து வந்தோம். எனது கணவருக்கும் ரியல் எஸ்டேட் தொழில் நன்றாக நடந்தது. இந்த நிலையில், ஸ்பெக்ட்ரம் வழக்கில் எங்கள் வீட்டில் சிபிஐ சோதனை நடத்திய பிறகுதான் எங்கள் வாழ்க்கையிலும் சோதனை ஏற்பட ஆரம்பித்தது. ஸ்பெக்ட்ரம் வழக்கில் சிபிஐ போலீசார், எனது கணவரை பலமுறை அழைத்து விசாரித்தனர். மீண்டும் விசாரணைக்காக டெல்லிக்கும் அழைத்திருந்தனர். எனது கணவர் பற்றிய செய்திகள் பத்திரிகைகளிலும், டி.வி. சேனல்களிலும் தாறுமாறாக வெளி வந்தன. இதனால் எனது கணவர் மிகவும் மனஉளைச்சலோடு காணப்பட்டார். இப்போது எங்களை எல்லாம் தவிக்க விட்டு, விட்டு எனது கணவர் தூக்குப்போட்டு தற்கொலை செய்து கொண்டார். ஸ்பெக்ட்ரம் வழக்கு விசாரணையால் ஏற்பட்ட மனஉளைச்சல்தான் எனது கணவரின் சாவுக்கு காரணம்”,  என்று கூறியுள்ளார்.

செல்போன் விவரங்கள் என்ன? நேற்று ரெஹனா பானு மகனை பள்ளியில் இருந்து அழைத்துக் கொண்டு வீட்டுக்கு வந்தபோது படுக்கை அறையில்  சாதிக் பாட்சா தூக்கில் தொங்கிக் கொண்டிருந்தார். குழந்தைக்கு தொட்டில் போடக்கூடிய கொக்கியில் கயிறை மாட்டி அவர் தூக்கில் தொங்கினார். சாதிக் பாட்சா பட்டப்படிப்பு படித்துள்ளார். ஆரம்பத்தில் தனது சொந்த ஊரில் சைக்கிளில் சென்று துணிமணிகள் விற்கும் ஜவுளி வியாபாரம் செய்து வந்தார். பின்னர் ரியல் எஸ்டேட் புரோக்கராகி, பின்னர் நிலங்களை வாங்கி விற்க ஆரம்பித்தார். இதையடுத்து வசதியும், செல்வ செழிப்பும் ஏற்பட்டுள்ளது. அவரது உடல் இன்று பிரேத பரிசோதனை செய்யப்படும் என்று தெரிகிறது. பிரேத பரிசோதனை முடிந்த பிறகு அவரது உடல் சொந்த ஊருக்கு கொண்டு செல்லப்படுகிறது. அவரது செல்போனை போலீசார் கைப்பற்றி ஆய்வு செய்து வருகின்றனர்.

வழக்கு சிபிஐ விசாரணைக்கு மாற்றம்-தமிழக அரசு அறிவிப்பு: இந் நிலையில்
தமிழக அரசின் உள்துறை முதன்மைச் செயலாளர் கு.ஞானதேசிகன் நேற்று இரவு வெளியிட்ட அறிக்கை ஒன்றில், தேனாம்பேட்டை எல்லையம்மன் காலனியில் வசித்து வந்த சாதிக்பாட்சா என்பவர், தனது வீட்டில் தூக்கிட்டு தற்கொலை செய்து கொண்டதாக அவரது மனைவி ரேகாபானு கொடுத்த புகாரின் பேரில் தேனாம்பேட்டை போலீசாரால் வழக்குப்பதிவு செய்யப்பட்டு, விசாரணை மேற்கொள்ளப்பட்டுள்ளது. சாதிக் பாட்சா 2ஜி ஸ்பெக்ட்ரம் வழக்கில் மத்திய புலனாய்வு துறையினரால் (சி.பி.ஐ.) விசாரிக்கப்பட்டு வந்தார். இந்த பின்னணியை கருத்தில் கொண்டு இந்த தற்கொலை வழக்கினை மேல் விசாரணைக்காக சி.பி.ஐக்கு மாற்றம் செய்வதென தமிழக அரசு முடிவு செய்துள்ளது என்று கூறப்பட்டுள்ளது.

கணவனின் தற்கொலை கடிதங்களும், மனைவியின் வாக்குமூலமும்: முன்பு அப்ரூவர் ஆகி பிரச்சினைகளிலிருந்து விலகி சந்தோஷமான வாழ்க்கை வாழ்வோம் என்ற ரெஹ்னா பானு இவ்வாறு வாக்குமூலம் கொடுத்துள்ளது, அவர், ஏதோ வக்கீலிடத்தில் சென்று அவரது அறிவுரையின்படி இவ்வாறு வாக்குமூலத்தைக் கொடுத்தது மாதிரி உள்ளது. மேலும், பிறகு தான் சாதிக் பாட்சாவின் தற்கொலை கடிதங்கள் கிடைத்து போலீஸாருக்குக் கொடுக்கப் படுகின்றன. இரண்டுமே சி.பி.ஐ.யை குறைசொல்வதாகத் தான் இருக்கிறதே தவிர, பிரச்சினைக்குத் தீர்வு காணுவதாக இல்லை. மேலும், இந்த தற்கொலை வழக்கும் சி.பி.ஐ.க்கு மாற்றப்பட்டிருப்பது, நாளைக்கு, அவர்கள் ரெஹ்னாவிடமே வந்து விசாரணை செய்தால் நிலைமை என்னவாகும்? அப்பொழுது மன-உலைச்சல் இன்னும் அதிகமாகுமா, குறையுமா? சாதிக் பாட்சா போன்றவர்கள், அந்த அளவிற்கு, மனை-குழந்தைகளுக்கு இறந்த பின்னரும் பிரச்சினை தொடரும் அளவிற்கு, இம்மாதிரி கடிதம் எழுதி வைப்பார்களா? விசாரிப்பவர்கள் தாம் சொல்லவேண்டும்.

வேதபிரகாஷ்

18-03-2011

Advertisements

ராஜாவின் கூட்டாளி சாதிக்பாட்சா திடீர் தற்கொலை!

மார்ச் 17, 2011

ராஜாவின் கூட்டாளி சாதிக்பாட்சா திடீர் தற்கொலை!

ராஜாவின் கூட்டாளி சாதிக்பாட்சா திடீர் தற்கொலை[1]: 2ஜி ஊழலில் கைதான மாஜி மத்திய தொலைதொடர்பு அமைச்சர் ராஜா நண்பர் சாதிக்பாட்சா தற்கொலை செய்து கொண்டார். ஸ்பெக்ட்ரம் ஒதுக்கீடு குறைந்த விலைக்கு பெற்று ஊழல் மோசடி செய்த டி.பி.ரியால்டி நிர்வாக இயக்குநர் சாகித் பல்வாவுக்கு உதவி செய்திருக்கலாம் என்பது சாதிக்பாட்சா மீதான குற்றச்சாட்டாகும். 2ஜி ஸ்பெக்ட்ரம் ஒதுக்கீட்டில் முறைகேடு நடந்தது தொடர்பாக கடந்த டிசம்பர் மாதம் சென்னையில் இருக்கும் சாதிக்பாட்சா வீடு மற்றும் அலுவலகங்களில் சி.பி.ஐ., அதிகாரிகள் அதிரடி சோதனை மேற்கொண்டனர். சென்னையில் கிரீன்ஹவுஸ் புரோமட்டர்ஸ் ரியல்எஸ்டேட் நிறுவனத்தை நடத்தி வந்தார் சாதிக்பாட்சா. இந்நிறுவனத்தில் ராஜாவின் மனைவியும் ஒரு பங்குதாரர் என்பது குறிப்பிடத்தக்கது. 2ஜி மோசடியில் கிடைத்த பணத்தை ரியல் எஸ்டேட்டில் முதலீடு செய்யவும், ராஜாவுக்கு சாதிக் உதவியதாக குற்றச்சாட்டு உள்ளது. இவர் ராஜாவின் பினாமியாக செயல்பட்டு வந்ததாகவும் கூறப்பட்டது.

தூக்கில் தொங்கிய சாதிக்பாட்சா: 2ஜி ஒதுக்கீடு மோசடியில் கிடைத்த பணம் சாதிக் பாட்சாவிடம் இருக்கும் என்ற கோணத்தில் விசாரணை நடந்தது. இந்நிலையில் இன்று மதியம் சாதிக் பாட்ஷா சென்னை, தேனாம்பேட்டை எல்லையம்மன் காலனி, 5வது குறுக்குத்தெரவில் இருக்கும் அவரது வீட்டில் தூக்கு போட்டு தற்கொலை செய்து கொண்டார். தூக்கில் சாதிக் தொங்கிக் கொண்டிருந்ததை பார்த்த அவரது குடும்பத்தார் அதிர்ச்சியில் உறைந்தனர். உடனடியாக அவரை சென்னை அப்பல்லோ மருத்துவமனைக்கு தூக்கிச் சென்றனர். அங்கு அவரை பரிசோதித்த டாக்டர்கள், சாதிக் ஏற்கனவே இறந்து விட்டதாக தெரிவித்தனர். இதனையடுத்து சாதிக் உடல் சென்னை அரசு மருத்துவமனைக்கு பிரேத பரிசோதனைக்காக அனுப்பி வைக்கப்பட்டது.

உறவினர்கள் கண்ணீர்சி.பி.ஐ. மீது குற்றச்சாட்டு: தூக்கில் தொங்கிய சாதிக்கின் உடலைப்பார்த்து அவரது உறவினர்கள் கண்ணீர் விட்டு கதறி அழுதனர். மனைவி ரெஹ்ன பானு சி.பி.ஐ.யைக் குற்றஞ்சாட்டினர். தனது கணவரின் மரணத்திற்கு அவர்கள்தாம் காரணம் என்றார். அவர்களது ரெய்டிற்கு பிறகு அதிக அளவில் மன உளைச்சலிற்கு ஆளானார். மேலும் அவ்விதமாகவே, ஒரு கடிதமும் பாட்சா எழுதி வைத்துள்ளதாகத் தெரிகிறது. இதைத் தவிர மேலும் இரண்டு கடிதங்களை பாட்சா எழுதி வைத்துள்ளதாகத் தெரிகிறது. போலீஸார் அவற்றைக் கைப்பற்றியுள்ளனர்.

நெருக்கடியால் தற்கொலை செய்து கொண்டாரா?! சாதிக்பாட்ஷா தற்கொலையின் பின்னணியில் அரசியல் நெருக்கடி இருக்கலாம் என கூறப்படுகிறது. 2ஜி வழக்கில் கைதாகி சிறையில் இருக்கும் ராஜா மீது வருகிற 31ம் தேதியன்று குற்றப்பத்திரிகை தாக்கல் செய்யப்படும் என சி.பி.ஐ., இன்று சுப்ரீம்கோர்ட்டில் தெரிவித்தது. இதையடுத்து இந்த வழக்கில் தனக்கு நெருக்கடி ஏற்படும் என கருதிய சாதிக்பாட்சா தற்கொலை செய்திருக்கலாம் என்றும் கூறப்படுகிறது.

யார் இந்த சாதிக்? ராஜாவின் கூட்டாளியாக எவ்வாறு ஆனார்?: பெரம்பலூரில் கரூருக்கு அருகிலுள்ள பள்ளிப்பட்டு கிராமத்தில் சர்ட், பேன்ட், புடவைகள் முதலியவற்றை விற்றுவந்தாராம். ஆரம்பத்தில் இளைஞனாக இருக்கும்போது, சைக்கிளில் கூட அலைந்து திரிந்து விற்றானாம். பிறகு சீட்டு வியாபாரம் தொடங்கி, அது வெற்றிகரமாக நடக்காததால், நிலத்தை வாங்கி-விற்கும் புரோக்கர் வேலையில் இறங்கினானாம். அதன் பிறகு 1990களில் ராஜாவின் சினேகிதம் கிடைத்ததும் நிலைமை உய்ர ஆரம்பித்ததாம்[2]. கிரீன் ஹவுஸ் கம்பெனி ஆரம்பித்தபோது, தனது சகோதரன் ஏ.எம். ஜமால் மொஹம்மது மனைவி ரேஹா பானு டைரக்டர்களாக்கப் பட்டனர். ஆனால், மற்றவர்கள் எல்லோருமே ராஜாவின் உறவினர்கள்தாம் – பரமேஸ்வரி, மனைவி; ஆர். ப். ரமேஷ், மூத்த சகோதரி விஜயாம்பாளின் மகன், ஏ. கலியபெருமாள், சகோதரன்; ஆர். ராம்கணேஷ், மைத்துனன்;

லட்சங்களிலிருந்து கோடிகளுக்குச் சென்ற கதை: பந்தாவாக இணைத்தளமும் உருவாக்கப்பட்டது. அதன்படி, சாதிக் பாட்சா பிசினஸ் மேனாஜ்மென்டில் முதுகலை படிப்பு கொண்டவராம், 15 வருடம் ரியல் எஸ்டேட் வல்லுனராம் என்றெல்லாம் பிரபலப்படுத்தப் பட்டது. ஆனால், பெரம்பலூரில் இருக்கும் அவரது நண்பர்ளுக்கு நன்றாகவே தெரியும், அவன் எந்த பள்ளிக்கோ, கல்லூரிக்கோ சென்றதாக இல்லை. 1984ல் பெரம்பலூர் மாவட்டம் உருவாக்கப் பட்டது. அன்றிலிருந்து அங்கு ரியை எஸ்டேட் வியாபாரம் களைக்கட்டியது. அதில் அங்கிருந்த் முஸ்லீம்கள் அதிகமாக இருந்தனர். திமுகவின் ஆதரவுடன் செயல்பட்ட சாதிக் பாட்சாவை அவர்கள் ஊக்குவித்தனர். ராஜாவின் நட்பும் கிடைத்தவுடன், அமோகமாக வியாபாரம் பெருகியது. பெரம்பலூரில் பல நிலங்கள் வாங்கிப் போடப்பட்டன. 2004ல் ஒரு லட்சம் முதலீட்டில் ஆரம்பித்த கம்பெனி 2007ல் பலகோடிகளில் பெருகி, இன்று 600 கோடிகளுக்கு சொந்தமாக, சிங்கப்பூர், ஹாங்ஜாங், மலேசியா மற்றும் வளைகுடா நாடுகளிலும் துணை-அலுவலகங்களைக் கொண்டுள்ளது[3].

பெரம்பலூரில் பாட்ர்சாவின் நெருங்கிய நண்பர்க சொன்ன விவரங்கள்: கம்பன் நகரில் உள்ள சாதிக் பாட்சாவின் பெரிய பங்களா ஆள்-அரவம் இன்று கிடந்தது. பிறகு அவரது இறப்பை அறிவிக்கும் சுவரொட்டிகள் தோன்றின. மக்கள் மெல்ல வந்து, அனுதாபம் தெரிவித்தனர். சாதிக் பாட்சாவின் நெருங்கிய நண்பரான என். செல்லதுரை, “தற்கொலை செய்து கொள்ளக் கூடிய நபரே இல்லை. அவர் மிகவும் நன்றகப் பழகக் கூடியவர், எல்லோரிடத்தில் மரியாதையாக நடந்து கொள்ளக்கூடியவர்”, என்றார். தந்தை இறந்தவுடன், சகோதர்களுடன் – ஜாஃபர் அலி மற்றும் ஜமால் மொஹம்மது – பெரம்பலூருக்கு வந்தனர். பாட்சா முதலில் ஜவுளி வியாபாரம் செய்து வந்தான். வீடு-வீடாகச் சென்று வேட்டி-சேலை விற்று வந்தான். பிறகு மின்னணு சாதனங்களை விற்க்க ஆரம்பித்தான். தவணைகளில் பணத்தைப் பெற்றுவந்தான்.

தன்னம்பிக்கையும், விடாமுயற்சியும் கொண்டவர்தாம் சாதி பாட்சா: அதிமுகவின் துணை சபாநாயகர் – வரகூர் அருணாசலம் தொடர்பு கிடைத்தது. சிறு-சிறு வேலைகளை பாட்சா அவருக்கு செய்து வந்தான். அப்பொழுது தான், வக்கீலாக வேலை பார்த்து வந்த ஏ. ராஜா, பாட்சாவிற்கு அறிமுகம் செய்து வைக்கப் பட்டது. சாதிக் ரியல் எஸ்டேட் என்ற கம்பெனியைத் தொடங்கினான். 1998ல் ராஜா தேர்தலில் போட்டியிட்டு தோல்வியடைந்தார். அப்பொழுதுதான், இருவரும் நெருக்கமானார்கள். திருச்சி, திண்டுகல், கர்ருர் முதலிய பகுதிகளில் பாட்சா தனது வியாபாரத்தைப் பெருக்கினான்[4]. இந்நிலையில் ராஜா அவருக்கு உதவியதாகத் தெரிகிறது[5]. ஆக மிகவும் தன்னம்பிக்கையும், விடாமுயற்சியும் கொண்டவர்தாம் சாதி பாட்சா.

மர்மமான முறையில் தற்கொலை: தற்கொலை செய்து கொண்ட சாதிக் பாட்சா பெரம்பலூரை சேர்ந்தவர். சாதிக்கின் உறவினர் ஒருவர் தீவிர தி.மு.க. ஆதரவாளர் அவர் மூலமாகத்தான் மாஜி மத்திய அமைச்சர் ராஜாவுடன் பழகும் வாய்ப்பு சாதிக்கிற்கு கிடைத்துள்ளது. தொடர்ந்து இருவரும் நட்போடு பழகி வந்தனர். 2004ம் ஆண்டு சென்னை வந்த சாதிக் கிரீன் ஹவுஸ் புரமோட்டர்ஸ் என்ற நிறுவனத்தை தொடங்கினார். அந்த நிறுவனத்தில் ராஜாவின் மனைவி பரமேஸ்வரி இணை மேலாண்மை இயக்குனராக பணியாற்றினார். பின்னர் 2008ம் ஆண்டில் அந்த பொறுப்பில் இருந்து விலகிக் கொண்டார். மேலும் ராஜாவின் அண்ணன் ஒருவர் க்ரீன் ஹவுஸ் புரமோட்டர்ஸ் நிறுவனத்தின் இயக்குனராக இருந்து வருகிறார் என்பது குறிப்பிடத்தக்கது. ராஜாவின் அண்ணன் தனது நிறுவனத்தில் இயக்குனராக இருப்பதால்தான் சிபிஐ என்னை விசாரிக்கிறது என்று சாதிக் பாட்சா கூறி வந்தார் என்பதும் குறிப்பிடத்தக்கது.

எல்லாம் நடந்து முடிந்த பிறகுதான் போலீசில் புகார் : சாதிக் பாட்ஷா தற்கொலைசெய்து கொண்டதையடுத்து அவரது மனைவி போலீசில் புகார் செய்துள்ளார். அவர் 2ஜி ஸ்பெக்ட்ரம வழக்கை சமாளித்து வந்ததாகவும் தனது மனுவில் கூறியுள்ளார். ஆகவே ஏன் தாமதமாக புகார் செய்யப் பட்டது என்ற கேள்வியும் எழுகின்றது.

டில்லியில் பரபரப்புஅரசியல் கட்சிகள் பலவிதமான கருத்துகளைச் சொல்ல ஆரம்பித்து விட்டன: சாதிக் தற்கொலை விவகாரம் டில்லியிலும் எதிரொலித்துள்ளது. 2ஜி வழக்கை விசாரித்து வரும் சி.பி.ஐ., வட்டாரத்திலும் பரபரப்பு ஏற்பட்டது. சி.பி.ஐ., அதிகாரிகள் ஏற்கனவே சாதிக்கை சென்னை மற்றும் டில்லியில் வைத்து பலமுறை விசாரணை நடத்தியுள்ளது. இன்று பிற்பகல் விசாரணைக்கு வரும்படி சாதிக்குக்கு சம்மன் அனுப்பப்பட்டிருந்தது. இந்த விசாரணையில் பங்கேற்பதற்காக டில்லி செல்ல சாதிக் விமான டிக்கெட் எடுத்திருந்தார். ஆனால் டில்லி புறப்படும் முன்னரே சென்னையில‌ே‌யே தற்கொலை செய்து கொண்டுள்ளார். சாதிக்பாட்சா தற்கொலை சம்பவம் 2ஜி விசாரணையில் பாதிப்பை ஏற்படுத்தும் என கருதப்படுகிறது.

தீவுகள் ரகசியம் அம்பலமாகும் என்ற அச்சம்? சாதிக் பாட்சாவின் மரணத்தின் பின்னணி[6]: இந்தோனேசியா, சிஷெல்ஸ், மொரீஷியஸ் ஆகிய நாட்டு அரசுகளுக்கு, ஸ்பெக்ட்ரம் ஊழல் பணம் முதலீடு குறித்து, சில கேள்விகளை எழுப்பி, மத்திய அமலாக்கத்துறை கடிதம் அனுப்பியிருந்தது. இந்த கடிதத்திற்கு, சில நாட்களில் பதில் வந்து சேரும் என, எதிர்பார்க்கப்பட்டது. இந்த பதில்கள் மூலம், பல மர்மங்கள் வெளியாகும் என்ற அச்சத்தில், சாதிக் பாட்சா தற்கொலை செய்து கொண்டிருப்பாரோ என்ற சந்தேகம் எழுந்துள்ளது.


ஷாகித் பல்வா தான் சாதிக் பாட்சாவைப் பற்றி சி.பி.ஐ.யிடம் சொல்லியுள்ளார்: ஸ்பெக்ட்ரம் ஊழல் விவகாரத்திற்காக, மத்தியில் அமைச்சராக இருந்த ராஜா, டில்லி திகார் சிறையில், நீதிமன்ற காவலில் உள்ளார். இவ்வழக்கில் சம்பந்தப்பட்ட பெரும் தொழிலதிபர் ஷாகித் பல்வாவும் சிறையில் உள்ளார். ராஜாவின் நெருங்கிய நண்பரும், இதே ஸ்பெக்ட்ரம் பிரச்னையில் ராஜாவுக்கு அடுத்தபடியாக சர்ச்சையில் சிக்கி விசாரணைக்கு உட்படுத்தப்பட்டுக் கொண்டிருந்தவருமான சாதிக் பாட்சா, சென்னையில் நேற்று மர்மமாக மரணமடைந்தார். இச்சம்பவம், நாடு முழுவதும் பரபரப்பை ஏற்படுத்தியுள்ளது. குறிப்பாக, இவ்வழக்கை விசாரித்து வரும், சி.பி.ஐ., உள்ளிட்ட பல்வேறு அதிகார வட்டாரங்களில், அதிர்ச்சியலைகளை ஏற்படுத்தியுள்ளது.

ரெய்டில் கிடைத்த ஆதாரங்கள் என்ன – எதைக் கண்டு பாட்சா பயந்தார்? சாதிக் பாட்சாவின் தற்கொலை குறித்து, தகவலறிந்த வட்டாரங்கள், டில்லியில் நேற்று கூறியதாவது:ஸ்பெக்ட்ரம் ஊழல் சர்ச்சைக்காக, கடந்தாண்டு நவம்பரில் தன் அமைச்சர் பதவியை ராஜா ராஜினாமா செய்தார். இந்த ராஜினாமாவுக்கு அடுத்த சில வாரங்களில், நாடு முழுவதும் சி.பி.ஐ., கடும் அதிரடி சோதனை நடத்தியது. அதில் முக்கியமானவர் சாதிக் பாட்சா.ராஜாவின் பெரம்பலூர் வாழ்க்கை காலகட்டங்களில் இருந்தே அவருக்கு நெருக்கமாக இருந்தவர் இவர். “கிரீன்ஹவுஸ் புரோமட்டர்ஸ்’ என்ற ரியல் எஸ்டேட் நிறுவனத்தின், எம்.டி.,யாகவும் இருந்தார். இவரது வீடு உட்பட, இந்நிறுவனத்திற்கு சொந்தமான சென்னை, பெங்களூரு, கோவை உள்ளிட்ட அலுவலகங்களில் எல்லாம், அடுத்தடுத்து, நான்கு தடவை, சி.பி.ஐ., சோதனை நடத்தியது.பின், சாதிக் பாட்சாவை, ஏழெட்டு முறை அழைத்து, சி.பி.ஐ., அதிகாரிகள் விசாரணை நடத்தினர்.கிரீன் ஹவுஸ் நிறுவனத்திற்கு சொந்தமாக, ஆயிரக்கணக்கான ஏக்கர் நிலங்கள் உள்ளன.

ஷாகித் பல்வாவுடனும் நட்பு ராஜாவுக்கு அறிமுகம் செய்து வைத்த சாதிக் பாட்சா: இந்நிறுவனத்தின் இயக்குனராக ராஜாவின் மனைவியான பரமேஸ்வரி இருந்தார். இவர் விலகிவிடவே, ராஜாவின் சகோதரர் கலியபெருமாள் பொறுப்பை ஏற்றார். தன் வியாபார தொடர்புகளுக்காக அடிக்கடி மும்பைக்கு செல்வது சாதிக் பாட்சா வழக்கம். அப்போது தான், ஷாகித் பல்வாவுடனும் நட்பு கிடைத்தது. மத்தியில், ராஜா அமைச்சராக இருப்பதை அறிந்து, பல்வாவின் விருப்பத்திற்கு ஏற்ப, அவரை, ராஜாவுக்கு அறிமுகம் செய்து வைத்ததே சாதிக் பாட்சா தான். இப்படிப்பட்ட சூழ்நிலையில் தான், ஸ்பெக்ட்ரம் விவகாரம் பெரிதாக வெடித்து, ரெய்டு, விசாரணை என ஆரம்பித்து, ராஜாவும், பல்வாவும் சிறையில் அடைக்கப்பட்டனர்.இவர்கள் இருவருக்கும் இந்த கதி நேர்ந்துவிட்டதை அறிந்து, அடுத்ததாக தனக்கு நிச்சயம் ஏதாவது நிகழும் என, சாதிக் பாட்சா எண்ணியபடி இருந்தார். அதற்கு ஏற்ற வகையில், சி.பி.ஐ.,யும் அவரை அழைத்து விசாரணை நடத்திவிட்டு போகச் சொல்லிவிட்டாலும், சாதிக் பாட்சாவின் நடவடிக்கைகள் ஒவ்வொன்றையும் கண்காணித்தபடியே இருந்தது.

தெற்காசிய முதலீடுகளின் ரகசியம் என்ன? இந்த சூழ்நிலையில் தான், அமலாக்கப் பிரிவு அதிகாரிகள், சுப்ரீம் கோர்ட்டில் நேற்று முன்தினம் ஒரு மனுவை தாக்கல் செய்தனர். அதில், ஸ்பெக்ட்ரம் ஊழல் பணம், வெளிநாடுகளில் பெருமளவு முதலீடு செய்யப்பட்டுள்ளது. குறிப்பாக, மொரீஷியஸ், இந்தோனேசியா, சிஷெல்ஸ் ஆகிய நாடுகளில், இந்த பணம் முதலீடு செய்யப்பட்டிருக்க வேண்டுமென கருதுகிறோம். சில தீவுகளையும் கூட வாங்கியிருப்பதாக சந்தேகம் உள்ளது. இதற்காக, அந்நாட்டு அரசுகளுக்கு, ஒரு கடிதத்தை இந்தியா எழுதியுள்ளது. ஊழல் பணம் முறைகேடாக முதலீடு செய்யப்பட்டிருப்பது குறித்து, சில கேள்விகள் அதில் இடம்பெற்றுள்ளன. இந்த கேள்விகளுக்கு, அந்நாடுகள், விரைவில் பதிலளிப்பதாக வாக்குறுதி அளித்துள்ளது என மனுவில் கூறப்பட்டுள்ளது. அதற்கான பதில்கள் இன்னும் ஓரிரு நாட்களில், சி.பி.ஐ.,க்கு கிடைத்துவிடும். இந்த அதிகாரப்பூர்வ ஆவணங்களைக் கொண்டு, சி.பி.ஐ., தன்னை நிச்சயம் வளைக்கும் என்பதை, சாதிக் பாட்சா உணர்ந்திருந்தார். இதன் விளைவுகளை எதிர்கொள்ள மனமில்லாமலேயே அவர் தனக்கு தானே இந்த முடிவை தேடிக் கொண்டிருக்க வேண்டும்.இவ்வாறு அந்த வட்டாரங்கள் தெரிவித்தன.

மர்மமான முறையில் சாதிக் பாட்சா இறப்பு (16-06-2011): சுப்ரமணிய சுவாமி ராஜாவுக்குத்தான் ஆபத்து ஏற்படும் என்பது போல சூசகமாக சொல்லியிருந்தார். ஏனெனில் 2-ஜி விவகாரத்தைப் பொறுத்த வரைக்கும் ராஜாவுக்கு எல்லாமே தெரியும் என்பது அவரது வாதம். அவரையும் பத்திரமாக கைது செய்து கொண்டு போய் திஹார் ஜெயிலில் வைத்து விட்டாகிவிட்டது. இந்நிலையில், அவரது கூட்டாளி சாதிக் பாட்சா தற்கொலை செய்துகொண்டதாக செய்திகள் வருவது வியப்பாக உள்ளது. போலீஸ் வந்து பார்த்தபோது, மூன்று/ நான்கு கடிதங்களை பாட்சா எழுதி வைத்துள்ளாதாக அறிவிக்கின்றனர். அவற்றின் விவரங்கள் முழுமையாக வெளியிடவில்லை.

வேதபிரகாஷ்

17-03-2011


[1] தினமலர், ராஜா கூட்டாளி சாதிக்பாட்சா திடீர் தற்கொலை, பதிவு செய்த நாள் : மார்ச் 16, 2011,14:26 IST; மாற்றம் செய்த நாள் : மார்ச் 16,2011,18:02 IST;

http://www.dinamalar.com/News_Detail.asp?Id=206895

[6] தினமலர், தீவுகள் ரகசியம் அம்பலமாகும் என்ற அச்சம்? சாதிக் பாட்சாவின் மரணத்தின் பின்னணி, மார்ச் 16, 2011; http://www.dinamalar.com/News_Detail.asp?Id=207026

கனிமொழி, தயாளு அம்மாள் முதலியோரிடம் சி.பி.ஐ. விசாரணை செய்கிறது!

மார்ச் 11, 2011

கனிமொழி, தயாளு அம்மாள் முதலியோரிடம் சி.பி.ஐ. விசாரணை செய்கிறது!

மார்ச் 31ம் தேதிக்கு முன்பு கனிமொழியை விசாரிப்பது என்பது நடந்தே தீரும்: நேற்று வரை கனிமொழியை விசாரிப்பது என்பது என்ற பிரச்சினை மறுபடியும் எழும்பியிருந்தது. மார்ச் 31ம் தேதிக்கு முன்பு கனிமொழியை விசாரிப்பது என்பது நடந்தே தீரும் என்று சி.பி.ஐ வட்டாரங்கள் கூறிவந்தன[1]. ஆனால், இன்று காலை 10.30-11 மணி அளவில் சி.பி.ஐ. அதிகாரிகள் கனிமொழி, ராஜாத்தி அம்மாள் முதலியோரை விசாரிக்க அண்ணா அறிவாலயத்திற்குள் நுழைந்து விட்டனர்[2]. வாசலில் திமுகவினர் நூற்றுக்கணக்கானோர் இருந்த நேரத்தில், இவர்கள் யாருக்கும் தெரியாத வண்ணம் அமைதியாக உள்ளே சென்று விட்டனர்[3]. சொல்லி வைத்தால் போல, கனிமொழியியும், ராஜாத்த்தியும் காரில் / கார்களில் வந்து, பின் பக்கமாக கலைஞர் டிவி அலுவலகத்தில் வந்து விட்டனராம்[4]. விசாரணையும் ஆரம்பித்து விட்டதாம்!

2008ல் லைசென்ஸ் பெற்ற கம்பெனிகளின் விவரங்களை சி.பி.ஐ சேகரித்துள்ளது. டாடா ரியால்டி மற்றும் யுனிடெக் நிறுவனங்களின் ஆவணங்கள் அலசப்பட்டுள்ளன. குறிப்பாக, யுனிடெக்கின் எட்டு கம்பெனிகள் ஒன்றாக இணைந்து, மூன்று வருடங்களில் ஷேர்களை விற்க்கக்கூடாது என்ற சரத்தை எப்படி ஏய்த்தது என்று ஆய்ந்து வருகின்றனர்[5]. டாடா ரியால்டி மற்றும் யுனிடெக் இடையேயான வர்த்தகத்தில் இடைத்தரகராக செயல்பட்ட நீரா ராடியாவையும் சிபிஐ போலீஸார் விசாரிக்கவுள்ளதாக கூறப்படுகிறது. இந்நிலையில் தான் டி.பி. ரியால்டியின் 214 கோடி முதலீடு வருகின்றது. கலைஞர் டிவியில் பங்கீடு செய்து, திரும்பப் பெற்றுவிட்டாலும், அதனை விசாரிக்க சி.பி.ஐ முடிவு செய்துள்ளது தெரிந்த விஷயமே.

கனிமொழி, நீரா ராடியா தொடர்புகள்: கலைஞர் டி.வி.,யின் 20 சதவீத பங்குகள் கனிமொழி வசம் இருப்பதாக தகவல்கள் தெரிவிக்கின்றன. இந்நிலையில், பிரபல அரசியல் தரகர் நிரா ராடியா மற்றும் ராஜ்யசபா எம்.பி., கனிமொழி ஆகியோரிடம், சி.பி.ஐ., அதிகாரிகள் விரைவில் விசாரணை நடத்தலாம் என, பி.டி.ஐ ., செய்தி நிறுவனம் தெரிவித்துள்ளது. அதுபோல், கடந்த 2007ல் “2ஜி’ லைசென்ஸ் பெற மனு செய்த யுனிடெக் நிறுவனத்திற்கு, நில விவகாரம் தொடர்பாக, டாடா ரியல் எஸ்டேட் வழங்கியதாக கூறப்படும் 1,600 கோடி ரூபாய் குறித்தும், 2008ல், முறைகேடாக லைசென்ஸ் பெற்ற தொலைத் தொடர்பு நிறுவனங்களின் அதிகாரிகளிடமும் சி.பி.ஐ., அதிகாரிகள் தங்கள் விசாரணையை துவக்கவுள்ளனர்[6].

ராஜாத்தி அம்மாளின் நிலை: நீராவின் டேப்புகளில் கனிமொழி-ராஜாத்தி பேச்சுகள் அளவுக்கு அதிகமாகவே அரசியல்-வியாபாரம் என பல விஷயங்கள் பேசப்பட்டது அம்பலமானது. டாடாவின் சொத்து ஒன்று அனுகூலமாக ராஜாத்திற்கு / கனிமொழிக்கு மாற்றியதாக / குறைவான விலைக்குக் கொடுத்ததாகவும் பேச்சு இருந்தது. ஆக, பண்பரிமாற்றம் அல்லது பலன்கள் எவ்வாறாக அந்த கம்பெனிகள் இந்த அரசியல்வாதிகளுக்கு அளித்தன என்பதனை ஆராய வேண்டிய நிலையில், தேர்தல் மற்றும் இதர விவகாரங்கள் விரிசல்களை ஏற்படுத்துகின்றன. அத்ற்கேற்றார்போல, அரசுதுறைகள் மற்ரும் சட்டத்தை நிறைவேற்றக்கூடிய நிருவனங்கள் / அமைப்புகள் அவ்வாரு செய்வதில் பிரஷ்கின்ரனவா என்ர சந்தேகமும் எழுகின்றது. துஷ்பிரயோகப்படுத்தப் படுகின்றன என்ற தோற்றமும், எண்னமும் ஏற்படுகின்றது.

மார்ச் 15, மார்ச் 31 ஆக மாறியது ஏன்? மார்ச் 15ம் தேதி கனிமொழிக்கு சம்மன் அனுப்பப் படும் என்று பரவலாகப் பேசப் பட்டது. அந்நிலையில் தான் திமுக-காங்கிரஸ் சீட்டு இழுபரி படலம் நடந்டேறியது. அதில் குறிப்பாக கனிமொழிக்கு சம்மன் அனுப்பக் கூடாது, சி.பி.ஐ விசாரிக்கக் கூடாது என்ற கண்டிஷன்களை திமுக போட்டது என்று பரவலாகப் பேசப் பட்டது. அழகிரியே சோனியாவை நேரில் பார்த்து பேசியதும் வியப்பாக இருந்தது. ஆக, விசாரணை தேதிதான் தள்ளிப் போட்டுள்ளதாக தெரிகிறது.

சாஹித் உஸ்மான் பல்வா, ஸ்பெக்ட்ரம் ராஜா, கலைஞர் டிவி தொடர்புகள்[7] பற்றி ஏற்கெனவே எடுத்துக்காட்டப்பட்டுள்ளது. அதற்குப் பிறகு, நில மோசடி, அபகரிப்பு, ஹவாலா முதலிய விஷயங்களில் சாதிக் பாட்சா, சாஹித் உஸ்மான் பல்வா, தாவூத் இப்ராஹிம் முதலியோருடைய தொடர்புகள் வெஇவர ஆரம்பித்துள்ளன. பல்வாக்கும் தனக்கும் தொடர்பில்லை என்று சரத் பவார் தெரிவித்துள்ளார். ஆனால், தன் மகள் / மகன் முதலியோர்க்கு தொடர்பில்லை என்று சொல்லவில்லை. அதேபோல, கனிமொழிக்கும், சுப்ரியாவிற்கும் உள்ள நெருக்கமான நட்பும் இவ்விசயத்தில் வினோதமானதே!

ஸ்வான் டெலிகாம், எடிசலாட் தொடர்புகள்: ஸ்வான் டெலிகாம் நிறுவனத்துக்கு ரூ.1,537 கோடிக்கு அலைக்கற்றை விற்கப்பட்டது. இந்த நிறுவனம் அலைக்கற்றையை வாங்கிய சில மாதங்களில் 45 சதவீத அலைக்கற்றையை ஐக்கிய அரபு அமீரக தொலைத்தொடர்பு நிறுவனமான எடிசலாட் நிறுவனத்துக்கு ரூ.4500 கோடிக்கு விற்று லாபம் பார்த்தது. 2ஜி அலைக்கற்றை ஒதுக்கீட்டில் ஸ்வான் நிறுவனம் பெருமளவில் ஆதாயம் பெறும் நோக்கில் முன்னாள் அமைச்சர் ராசா நடந்து கொண்டதாக குற்றச்சாட்டு எழுந்தது. இதை உறுதி செய்யும் ஆதாரங்கள் இப்போது சிபிஐ அதிகாரிகளிடம் சிக்கியுள்ளதாகவும்  தெரியவந்துள்ளது[8].

குறைந்த காலத்தில் பெரிய பணக்காரராகிய சாஹித் உஸ்மான் பல்வா[9]: கல்லூரிப் படிப்பை பாதியில் விட்டுவிட்டு வந்த சாஹித் உஸ்மான் பல்வா இன்று ஃபோர்ப்ஸ் சஞ்சிகிகையின்படி 1-பில்லியன்$ அதிபதியாக உள்ளார். மும்பையில் பல கட்டுமானங்களை முடித்து கோடிக்கணக்கில் வியாபாரம் செய்த, இவர், குறைந்த காலத்தில் பெரிய பணக்காரர் ஆனார் என்பதும் குறிப்பிடத் தக்கது[10]. இவரது மற்றும் இதர கம்பெனிகள் 22,000 கோடிகள் இழப்பிற்குக் காரணம் என்று சிபிஐ குற்றஞ்சாட்டுகிறது[11].

எடிசலாட்-டி.பி அடித்த கொள்ளை: மேலும் ஸ்பெக்ட்ரம் ஒதுக்கீட்டை பெற்றதுமே ஸ்வான் நிறுவனம் அதன் பெயரை டி.பி. டெலிகாம் என மாற்றிக் கொண்டது. எடிசலாட் நிறுவனத்துக்கு 45 சதவீத பங்கை விற்றதும் நிறுவனத்தின் பெயரை எடிசலாட்-டி.பி. என பெயர் மாற்றிக் கொண்டது. ரூ.1,537 கோடிக்கு ஸ்பெக்ட்ரம் ஒதுக்கீட்டை பெற்ற அந்த நிறுவனம் 45 சதவீத பங்கை மட்டுமே விற்று ரூ.4,730 கோடி சம்பாதித்து விட்டது. எனவே இதில் பெரிய அளவில் முறைகேடு நடந்திருக்கலாம் என்று குற்றம் சாட்டப்பட்டுள்ளது. இந்த டி.பி. ரியாலிட்டி நிறுவனம் தான் இரு துணை நிறுவனங்கள் மூலம் கலைஞர் தொலைக்காட்சியில் ரூ. 214 கோடி வரை முதலீடும் செய்து, பின்னர் அதைத் திரும்பப் பெற்றதும் என்பதும் நினைவுகூறத்தக்கது.

கலைஞர் டிவிக்கும், சாஹித் உஸ்மான் பல்வாவிற்கும் உள்ள தொடர்பு[12]:  கலைஞர் டிவி நிதிநிலை அறிக்கையில் சினியுக் மீடியா என்ற நிறுவனத்திலிருந்து, ரூ 214 கோடி கடன் பெற்றதாக காட்டியிருந்தது. அது குசிகாவ் பழம் மற்றும் காய்கறி நிறுவனத்திலிருந்து கடன்பெற்றதாக உள்ளது. இதை வைத்துக் கொண்டு, கருணாநிதியையும், இந்த வழக்கில் சேர்க்கக் கோரி, சுப்ரமணியம் சுவாமி கேட்டுக் கொண்டுள்ளார்[13]. அந்த நிறுவனத்தின் அதிபர் தான் இந்த சாஹித் உஸ்மான் பல்வா[14]. பாகிஸ்தான், ஆப்கானிஸ்தான், ஏன் சைனா போன்ற நாடுகளுடன் தொடர்பு வைத்துள்ளதாகத் தெரிகிறது. காஷ்மீரத்திலும் ஒரு ஹோட்டலை வாங்கியுள்ளார்.

யுனிடெக் நிறுவன அதிபரையும் கைது செய்ய சி.பி.ஐ. தீவிரம் காட்டி வருகிறது: ஸ்வான் நிறுவன அதிபர் கைதை தொடர்ந்து யுனிடெக் நிறுவன அதிபரையும் கைது செய்ய சி.பி.ஐ. தீவிரம் காட்டி வருகிறது. யுனிடெக் நிறுவனம் ரூ.1,661 கோடிக்கு ஸ்பெக்ட்ரம் ஒதுக்கீட்டை பெற்று, தனது 60 சதவீத பங்கை டெலினார் என்ற நார்வே நாட்டு தொலைத் தொடர்பு நிறுவனத்துக்கு ரூ.6,200 கோடிக்கு விற்றது. அதாவது வாங்கிய ஸ்பெக்ட்ரத்தில் 60 சதவீதத்தை மட்டுமே 4 மடங்கு விலை வைத்து விற்றது. எனவே இதிலும் பெரும் முறைகேடு நடந்துள்ளதாக குற்றம் சாட்டப்படுகிறது[15]. இந்த யுனிநார் நிறுவனம் இந்தியாவில் செல்போன் சேவையை தொடங்கிவிட்டதும் குறிப்பிடத்தக்கது.

தாவூத் இப்ராஹிமுடனான தொடர்பு: சிபிஐ ச்பெட்ரம் விவகாரத்தில் இவர்க்கும் தாவூத் இப்ராஹிம் முதலியோருக்குத் தொடர்பு உள்ளதா என்று விசாரணையை மேற்கொண்டுள்ளது[16]. மும்பை தீவிரவாத ஒழிப்புப் பிரிவினர் மற்றும் போலீஸார் நன்றாக விசாரணை செய்த பிறகு, தங்களுக்கும் கடத்தல் மன்னன் மற்றும் இஸ்லாமிய தீவிரவாதி தாவுத் இப்ராமிற்கும் எந்த தொடர்பும் இல்லை என்று கூறி, தில்லி உயர்நீதி மன்றத்தில் தம்முடைய வழக்கை சிக்கிரம் முடிக்குமாறு மனு ஒன்றைத் தாக்குதல் செய்திருந்தார். ஆனால் நீதிமன்றம் அதற்கு மறுத்துள்ளது[17]. இனி இஃத பிரச்சினை வேண்டாம் என்பது போல, அலைக்கற்றை ஏலத்தில் எடில்சலாத் டிபி அமைதியாக ஒதுங்கிக் கொண்டது[18].

வேதபிரகாஷ்

11-03-2011


[4] Kanimozhi arrived at the party headquarters a little past 10.30 this morning. Dayaluammal, mother of Union Minister M K Alagiri and deputy Chief Minister M K Stalin, arrived a little later along with Karunanidhi’s nephew and one of the directors of the TV channel, P Amirtham, and entered through the rear entrance almost unnoticed.

[7] வேதபிரகாஷ், சாஹித் உஸ்மான் பல்வா, ஸ்பெக்ட்ரம் ராஜா, கலைஞர் டிவி தொடர்புகள், https://corruptioninindia.wordpress.com/2011/02/10/shahid-usman-balwa-raja-karunanidhi-nexus/

[12] Stock market reports say that the CBI is looking into DB Realty’s transfer of funds ~ about Rs 214 crore ~ to Kalaignar TV, which is run by a majority stakeholders belonging to Tamil Nadu chief minister Mr M Karunanidhi’s clan.

[16] DB Realty’s Mr Balwa has moved Delhi High Court questioning the MHA’s  restrictions on his business activities by linking him with Dawood Ibrahim. Mr Justice S Murlidhar of the HC has directed MHA and other agencies ~ CBI and ED ~ to file their replies by 7 March. Following this HC directive, the CBI has decided to delve deeper into business transactions as well as its connections.

http://thestatesman.net/index.php?option=com_content&view=article&id=357949&catid=40

சாதிக் பாட்சா, சாஹித் உஸ்மான் பல்வா, தாவூத் இப்ராஹிம் முதலியோருடைய தொடர்புகள்: 2ஜி ஸ்பெக்ட்ரம் வழக்கில் தொடரும் மர்மங்கள்!

பிப்ரவரி 23, 2011

சாதிக் பாட்சா, சாஹித் உஸ்மான் பல்வா, தாவூத் இப்ராஹிம் முதலியோருடைய தொடர்புகள்: 2ஜி ஸ்பெக்ட்ரம் வழக்கில் தொடரும் மர்மங்கள்!

 

சாஹித் உஸ்மான் பல்வா, ஸ்பெக்ட்ரம் ராஜா, கலைஞர் டிவி தொடர்புகள்[1] பற்றி ஏற்கெனவே எடுத்துக்காட்டப்பட்டுள்ளது. அதற்குப் பிறகு, நில மோசடி, அபகரிப்பு, ஹவாலா முதலிய விஷயங்களில் சாதிக் பாட்சா, சாஹித் உஸ்மான் பல்வா, தாவூத் இப்ராஹிம் முதலியோருடைய தொடர்புகள் வெஇவர ஆரம்பித்துள்ளன. பல்வாக்கும் தனக்கும் தொடர்பில்லை என்று சரத் பவார் தெரிவித்துள்ளார். ஆனால், தன் மகள் / மகன் முதலியோர்க்கு தொடர்பில்லை என்று சொல்லவில்லை. அதேபோல, கனிமொழிக்கும், சுப்ரியாவிற்கும் உள்ள நெருக்கமான நட்பும் இவ்விசயத்தில் வினோதமானதே!

ஆ.ராசாவின் நண்பர் சாதிக் பாட்சாவிடம் சிபிஐ விசாரணை: புதுதில்லி, பிப். 22: ஸ்பெக்ட்ரம் விவகாரம் தொடர்பாக முன்னாள் மத்திய அமைச்சர் ஆ.ராசாவின் நெருங்கிய நண்பர் சாதிக் பாட்சாவிடம் சிபிஐ அதிகாரிகள் செவ்வாய்க்கிழமை விசாரணை நடத்தினர்[2]. இவ்விருவரையும் சென்னையிலிருந்து, சி.பி.ஐ இங்கு கொண்டு வந்துள்ளானர், ஆனால், கைது செய்யப் படவில்லை[3] என்று ஆங்கிலப் பத்திரிக்கைகள் கூறுகின்றன. 2ஜி ஸ்பெக்ட்ரம் ஒதுக்கீட்டில் முறைகேடாக வந்த பணம், பாட்சாவுக்குச் சொந்தமான க்ரீன் ஹவுஸ் புரோமோட்டர்ஸ் என்கிற நிறுவனத்துக்கு திருப்பிவிடப்பட்டதாகக் கூறப்படுகிறது. இதையடுத்து, கடந்த டிசம்பரில் பாட்சாவின் வீடு, அலுவலகங்களில் சிபிஐ அதிகாரிகள் சோதனை நடத்தினர். செவ்வாய்க்கிழமை [22-02-2011] விசாரணைக்கு ஆஜராக வேண்டும் எனவும் அவருக்கு அண்மையில் சம்மன் அனுப்பப்பட்டிருந்தது. இதையடுத்து, தில்லியிலுள்ள சிபிஐ தலைமை அலுவலகத்தில் அவர் ஆஜரானார், என்று தமிழ் பத்திரிக்கைகள் கூறுகின்றன.

 

சாஹித் உஸ்மான் பல்வா மற்றும் சாதி பாட்சா தொடர்புகள்:. இதே வழக்கில் குற்றம்சாட்டப்பட்டிருக்கும் டி.பி. ரியால்டி நிறுவனத்தின் நிர்வாக இயக்குநர் பல்வா, தமக்கு பாட்சாவை கடந்த சில ஆண்டுகளாகத் தெரியும் என சிபிஐ விசாரணையின்போது ஒப்புக்கொண்டார். இருவருமே ரியல் எஸ்டேட் தொழிலில் குறுகிய காலத்தில் கோடீஸ்வரர்கள் ஆனவர்கள் என்று குறிப்பிடத் தக்கது. இவஎர்களுக்கு பின்னால் அரசியல்வாதிகளின் தொடர்பு மற்றும் பினாமி போக்குவரத்துகள் நடபெற்றுள்ளன மற்றும் அதற்கு இவர்கள் உதவியுள்ளார்கள் என்று அறியப்படுகிறது. பல்வாக்கும் தனக்கும் தொடர்பில்லை என்று சரத் பவார் தெரிவித்துள்ளார். ஆனால், தன் மகள் / மகன் முதலியோர்ர்கு தொடர்பில்லை என்று சொல்லவில்லை. அதேபோல, கனிமொழிக்கும், சுப்ரியாவிற்கும் உள்ள நெருக்கமான நட்பும் கூர்மையாக நோக்கத்தக்கது. எச்எப்சிஎல் நிர்வாக இயக்குனரும் இதில் சம்பந்தப்பட்டுள்ளார்…

 

தனி விமான நிலையம் வைத்துள்ள சாஹித் உஸ்மான் பல்வா; 22-02-2011 அன்று தீஸ் ஹஜாரி கோர்ட்டில், சுப்ரமணியன் சுவாமி கீழ்கண்ட விவரங்களைக் கொடுத்துள்ளார்: குஜராத் பல்வாவின் சொந்த ஊராகும். குஜராத்தில் பனஸ்கந்தா மாகாணத்தில் பலன்பூர் என்ற இடத்தில் சாஹித் உஸ்மான் பல்வாவிற்கு, தனிப்பட்ட முறையில் ஒரு விமான நிலையம் எல்லா வசதிகளுடனும் உள்ளது[4]. ஹெலிகேப்டர் மட்டுமல்லாது, விமானமே வந்து செல்லக்கூடிய அளவில் ஓடுபாதை முதலியன உள்ளன. இங்கு ராஜா வந்துள்ளதாக சுப்ரமணியன் சுவாமி சொல்கிறார். அதுமட்டுமல்லாது, குற்றப் பின்னணியில் உள்ள ஆட்களை இங்கிருந்து துபாய்க்கு அழைத்து செல்வது, அங்கிருந்து, இங்கு வருவது போன்ற காரியங்களும் நடப்பதாக கூறியுள்ளார்[5]. இவையெல்லாம் அரசுதுறைகளுக்குத் தெரியாமல் நடந்து வருகின்றன[6].

 

தாவூத் இப்ராஹிம் தொடர்பும் உள்ளது: உள்துறை அமைச்சகத்தின் அவணங்களின்படி, இவருக்கும் தாவூத் இப்ராஹிம் முதலியோர்க்கும் தொடர்பு இருப்பதாக சுப்ரமணியன் சுவாமி கூறியுள்ளார்[7]. இதனால், ஹவாலா பணப் போக்குவரத்து இவர்களுக்குள் நடந்திருக்கக் கூடிய வாய்ப்புகள் தெரிய வருகின்றன. இந்த வழக்கு தொடர்பாக எச்எப்சிஎல் நிர்வாக இயக்குனர் மகேந்திர நஹதாவிடமும் சிபிஐ அதிகாரிகள் செவ்வாய்க்கிழமை விசாரணை நடத்தினர். 2ஜி அலைக்கற்றை ஒதுக்கீட்டை முறைகேடாகப் பெற்று பின்னர் கூடுதல் விலைக்கு விடியோகான் நிறுவனத்துக்கு விற்றதாக இவர் மீது குற்றச்சாட்டு உள்ளது.

 

தாவூத் இப்ராஹிமுடனான தொடர்பு: சிபிஐ ச்பெட்ரம் விவகாரத்தில் இவர்க்கும் தாவூத் இப்ராஹிம் முதலியோருக்குத் தொடர்பு உள்ளதா என்று விசாரணையை மேற்கொண்டுள்ளது[8]. மும்பை தீவிரவாத ஒழிப்புப் பிரிவினர் மற்றும் போலீஸார் நன்றாக விசாரணை செய்த பிறகு, தங்களுக்கும் கடத்தல் மன்னன் மற்றும் இஸ்லாமிய தீவிரவாதி தாவுத் இப்ராமிற்கும் எந்த தொடர்பும் இல்லை என்று கூறி, தில்லி உயர்நீதி மன்றத்தில் தம்முடைய வழக்கை சிக்கிரம் முடிக்குமாறு மனு ஒன்றைத் தாக்குதல் செய்திருந்தார். ஆனால் நீதிமன்றம் அதற்கு மறுத்துள்ளது[9]. இனி இந்த பிரச்சினை வேண்டாம் என்பது போல, அலைக்கற்றை ஏலத்தில் எடில்சலாத் டிபி அமைதியாக ஒதுங்கிக் கொண்டது[10].

ஸ்பெட்ரம் ஒதுக்கீட்டில் தேசிய பாதுகாப்பு பற்றிய விவரங்கள் தமக்குத் தெரியாது: தேசிய பாதுகாப்பு கோணத்தில் சி.பி.ஐ ஏன் ஆராயவில்லை என்று நீதிபதி கேட்டதற்கு, அவ்விவரங்கள் தமக்குத் தெரியாது என்றனர் சி.பி.ஐ அதிகாரிகள். சுப்ரமணியன் சுவாமியின் புகாரும் தம்மிடம் இல்லை என்றனர். உடனே ஒரு நகலை சுப்ரமணியன் சுவாமி அவர்களுக்கு கொடுத்தார். நீதிபதி, தேசிய பாதுகாப்பு கோணத்தில் ஆராயும்படி பணித்துள்ளது[11].

 

வேதபிரகாஷ்

23-02-2011


[1] வேதபிரகாஷ், சாஹித் உஸ்மான் பல்வா, ஸ்பெக்ட்ரம் ராஜா, கலைஞர் டிவி தொடர்புகள், https://corruptioninindia.wordpress.com/2011/02/10/shahid-usman-balwa-raja-karunanidhi-nexus/

[4] Shahid Usman Balwa was “running an illegal private airport at Palanpur in Banaskantha district of Gujarat” from where he hails.

http://www.thehindu.com/todays-paper/tp-national/article1482340.ece

[5] He said Mr Balwa uses the private airport to travel frequently, even abroad, and may be without informing the authorities. “Mr Balwa owns private jets and all kind of VIPs and criminals can go from there without any check,” Mr Swamy alleged. http://deshgujarat.com/2011/02/22/balwa-owns-illegal-private-airport-in-gujarats-palanpurswamy-to-court/

[6] The airport, he said, was being used by Balwa and “all kinds of VIPs and criminals” to enter and leave the country without informing the authorities.

[7] Mr Swamy also claimed that as per an Union home ministry report, Mr Balwa is linked to fugitive underworld don Dawood Ibrahim. http://thestatesman.net/index.php?option=com_content&view=article&id=360087&catid=36

[8] DB Realty’s Mr Balwa has moved Delhi High Court questioning the MHA’s  restrictions on his business activities by linking him with Dawood Ibrahim. Mr Justice S Murlidhar of the HC has directed MHA and other agencies ~ CBI and ED ~ to file their replies by 7 March. Following this HC directive, the CBI has decided to delve deeper into business transactions as well as its connections.

http://thestatesman.net/index.php?option=com_content&view=article&id=357949&catid=40

[11] Special Judge (CBI) Pradeep Chaddah had earlier stayed further proceedings in the complaint as per Section 210 of the Criminal Procedure Code and called for a detailed report from the CBI, asking it to state whether the national security aspect was being covered by the probe into the spectrum scam. However, the CBI investigating officer in his report submitted on Tuesday sidestepped the question by answering that he was “not aware of the details of national security aspects raised by the petitioner” as a copy of the complaint was not made available to him

http://www.thehindu.com/todays-paper/tp-national/article1482340.ece

 

தலித் ராஜாவும், ஊழலும், நிலமோசடியும், நியாயப்படுத்தலும்!

திசெம்பர் 15, 2010

தலித் ராஜாவும், ஊழலும், நிலமோசடியும், நியாயப்படுத்தலும்!

தலித் தலித்துகளை அடிப்பது, நொறுக்குவது, ஒடுக்குவது, சுரண்டுவது: தலித்துகள் தலித்துகளையே வித்தியாசமாக பாவிப்பது, தங்களுக்குள் நடந்து கொள்வது, அடக்கியாள்வது, முதலியவற்றைப் பற்றி முந்தைய ஆய்வுக் கட்டுரையில் குறிப்பிட்டுள்ளேன்[1]. சமூக ரீதியில் அது புதிராக இருக்கலாம், ஆனால், அரசியலில் சஜமாக, பணம்-பதவி வந்தால் அந்த தலித்தே “உயர்-ஜாதிக்காரன்” போல நடந்துகொள்வதை மற்ற தலித்துகள் நன்றாகவே பார்த்ததுள்ளனர், உணர்ந்துள்ளனர், அனுபவித்துள்ளனர்.

தலித் என்பதனால் ராஜா தாக்கப்படுகிறார், வேட்டையாடப்படுகிறார்: ராஜா ஒரு “தலித்” அதாவது எஸ்.சி சமுதாயத்தைச் சேர்ந்தவர் அதனால்தான், மற்ற சாதியினர் அவர்மீது ஊழல், மோசடி, நீதிபதியை மிரட்டுதல் என்று தாக்குதல் நடத்துகின்றனர் என்று கருணாநிதி, வீரமணி மற்ற திமுகவினர், அபிமானிகள் வக்காலத்து வாங்கி பேசினர், கூட்டம் போட்டனர்[2], பிரச்சாரம் செய்தனர். ஒருவேளை அந்த ஊழலில் அவர்களுக்கும் பங்கோ அல்லது கூட்டம் நடத்த ஏற்பாடும் செய்து கொடுத்தார்களோ அந்த ஆண்டவனுக்கு, இல்லை, பெரியாரின் ஆவிக்குத்தான்[3] தெரியும்!

விவசாய நிலங்களை அடிமாட்டுவிலைக்கு அபகரித்ததாக ராஜா மீது விவசாயிகள் புகார்! ஆனால், இப்பொழுது ஏழைகள், விவசாயிகள், ஏன் தலித்துகளாக இருப்பவர்களே தமது நிலங்களை மிரட்டி குறைவான விலைக்கு வாங்கி விட்டு, அதை எம், ஆர், எஃப் போன்ற தொழிற் நிறுவனங்களுக்கு கோடிகளுக்கு விற்றுவிட்டனர். கேட்டால் எங்களை ராஜா மற்றும் சாதிபாட்சாவின் ஆட்கள் மிரட்டுகிறார்கள்[4] என்று புகார் எழுந்துள்ளது. கோவிந்த ராஜு என்பவர் இவ்வாறு கூறுவதை டைம்ஸ்-நௌ தொலைக்காட்சி காட்டியது, செய்தியாகவும் வெளியிட்டுள்ளது[5].

“விவசாயிகள் கேட்டதைவிட குறைவாகக் கொடுத்திருக்கிறார்கள்”, என்கிறாற்கள்! இதையெடுத்து திமுக “ராஜா அவ்வாறு நில மோசடியில் ஈடுபட்டுள்ளார் என்றால், நிச்சயம் நடவடிக்கை எடுப்போம்”, என்று கூறியுள்ளது[6]. ஒரு திமுக தலைவர், “ஏதாவது தவறு நடந்திருந்தால், நாங்கள் அமைதியாக பார்த்துக் கொண்டு இருக்கமாட்டோம். அவரின் மீது உரிய நடவடிக்கை எடுப்போம்”, என்றார். ஸ்பெக்ட்ரம் ஊழலிலேயே அவ்வாறுதான் கூறியுள்ளார்கள்! அதே நேரத்தில் மற்ற மூத்த திமுக தலைவர்கள் கூறுவது என்னவென்றால், “விவசாயிகள் கேட்டதைவிட குறைவாகக் கொடுத்திருக்கிறார்கள்”, என்கிறாற்கள்! அதாவது, இன்னும் கொஞ்சம் அணம் கொடுத்தால், வாங்கிக் கொண்டு அமைதியாகிவிடுவர் என்று பொறுளாகும்.

கிரீன்ஹவுஸ் புரமோட்டர்ஸ் – ராஜாவின் சம்பந்தங்கள்: விவசாய நிலங்களை, தனது மனைவியும், குடும்பத்தினரும் உறுப்பினர்களாக இருந்த கிரீன்ஹவுஸ் புரமோட்டர்ஸ் என்ற ரியல் எஸ்டேட் நிறுவனம், மிகவும் அடிமாட்டுவிலைக்கு வாங்க உதவியதாக முன்னாள் அமைச்சர் ஏ.ராஜா மீது புதிய குற்றச்சாட்டு எழுந்துள்ளது[7]. 2ஜி ஸ்பெக்ட்ரம் விவகாரத்தில் சிக்கியுள்ள ராஜாவுக்கு இப்போது சொந்த ஊரான பெரம்பலூரில் விவசாயிகள் மத்தியில் புதிய பிரச்சினை எழுந்துள்ளது. ராஜாவின் நெருங்கிய நண்பர் சாதிக் பாட்சா. இவர்தான் கிரீன்ஹவுஸ் புரமோட்டர்ஸ் என்ற ரியல் எஸ்டேட் நிறுவனத்தை நடத்தி வருகிறார். இந்த நிறுவனத்தில் முன்பு ராஜாவின் மனைவி பரமேஸ்வரி இயக்குநராக இருந்தார். பின்னர் விலகி விட்டார். ராஜாவின் அண்ணன் தற்போது இந்த நிறுவனத்தில் ஒருவராக உள்ளார். தற்போது இந்த நிறுவனத்தின் மீதும், ராஜா மீதும் கிட்டத்தட்ட 250 விவசாயிகள் புகார் தெரிவித்துள்ளனர். அதாவது, கிரீன்ஹவுஸ் புரமோட்டர்ஸ் நிறுவனம் எங்களிடமிருந்த விவசாய நிலங்களை விலைக்கு வாங்கியது. ஆனால் மார்க்கெட் விலையை விட 3 முதல் 17 சதவீதம் குறைத்தே விலை கொடுத்தனர். இதற்கு ராஜாதான் காரணம். அவரது நிர்ப்பந்தத்தால்தான் அடி மாட்டு விலைக்கு எங்களது நிலத்தை விற்க நேரிட்டது என்று அவர்கள் கூறுகின்றனர்.

எஸ்.சி / எஸ்.டஇ சட்டமே மிரட்டுவதற்கு உபயோகப்படுவது: இதுகுறித்து தமிழ்நாடு விவசாயிகள் சங்கத்தின் செல்லத்துரை கூறுகையில், மாவட்ட நிர்வாகத்தைப் பயன்படுத்தி விவசாயிகளுக்கு நெருக்குதல் கொடுத்தார் ராஜா. செந்தில் என்ற விவசாயி 3.5 ஏக்கர் நிலம் வைத்திருந்தார். அவரது நிலத்தைப் பறிக்க முடிவு செய்த ஆளுங்கட்சியினர், அவர் மீது பொய்யான வழக்கைப் போட்டுக் கைது செய்து ரிமாண்ட் செய்தனர். அதாவது எஸ்.சி/.எஸ்டி சட்டத்தின் கீழ் வழக்குப் போட்டு மிரட்டியதுதான் வேடிக்கை, ஆனால், உண்மை. பின்னர் வழக்கைக் கைவிட வேண்டும் என்றால் நிலத்தை விற்குமாறு மிரட்டினர். இதனால் வேறு வழியின்றி செந்தில் நிலத்தை விற்றார் என்றார்.

எம்.ஆர்.எப் நிலைத்தை வாங்குவது: கடந்த 2007மாவது ஆண்டு பெரம்பலூரிலிருந்து 280 கிலோமீட்டர் தொலைவில் எம்.ஆர்.எப் ஆலைக்காக தமிழக அரசு 26 ஏக்கர் நிலத்தை கையகப்படுத்தியது. பின்னர் எம்ஆர்எப் நிறுவனம் அக்கம் பக்கத்தில் உள்ள 439 ஏக்கர் விவசாய நிலங்களை புரோக்கர்கள் மூலம் வாங்கிக் குவித்தது. இந்த நிலையில், எம்ஆர்எப் நிறுவனத்திற்காக 430 ஏக்கர் நிலங்களைப் பெற்றுத் தருவதாக கூறி அந்த நிறுவனத்துடன் கிரீன்ஹவுஸ் புரமோட்டர்ஸ் நிறுவனம் ஒப்பந்தம் செய்தது. ஆனால் ஏக்கருக்கு ரூ. 50,000 முதல் ரூ. 3 லட்சம் வரை விலை கொடுத்து 200 ஏக்கர் நிலங்களை தானே வாங்கி தானே வைத்துக் கொண்டது. அப்போது ஒரு ஏக்கரின் உண்மையான மதிப்பு ரூ. 18 லட்சம் என்று விவசாயிகள் கூறுகிறார்கள். எம்ஆர்எப் நிறுவனத்திற்காகத்தான் தங்களது நிலங்களை விற்கிறோம், நிலத்தைக் கொடுத்தால் வீட்டுக்கு வேலை ஒன்று கொடுப்பார்கள் என்ற நம்பிக்கையில் கிரீன்ஹவுஸ் புரமோட்டர்ஸ் சொன்னதை நம்பி, குறைந்த விலையாக இருந்தாலும் பொருட்படுத்தாமல் விற்றோம். ஆனால் கிரீன்ஹவுஸ் நிறுவனம் எங்களை ஏமாற்றி விட்டது என்கிறார்கள் விவசாயிகள்.

அரசு நடவடிக்கை எடுப்பது, விசாரணை செய்வது – வழக்கம் போல[8]: இந்த சர்ச்சை குறித்து மாவட்ட கலெக்டர் விஜயக்குமார் கூறுகையில், இரு தனியார் நிறுவனங்களுக்கிடையிலான விவகாரங்களில் அரசு தலையிட முடியாது. இருந்தாலும், மோசடி நடந்திருப்பதாக விவசாயிகள் உணர்ந்தால், உடனடியாக கிரிமினல் புகார் கொடுக்குமாறு கேட்டுக் கொள்கிறேன் என்றார். போலீஸ் தரப்பில், மஹேந்திர ராத்தோர் “இது வரை எங்களுக்கு எந்த புகாரும் வரவில்லை”, என்று கூறுகிறார். இதற்குள் இதை விசாரிக்கும்படி ஆணையிடப்பட்டுள்ளது[9]. அரசு நடவடிக்கை எடுப்பது என்பது ஊழலை மறைக்கத்தான் என்பது தெரிந்த விஷயமே[10]. இதைப் போலத்தான் சோனியாவும் பேசியுள்ளது கவனிக்கத்தக்கது[11]. எவ்வளவு ஆதாரங்கள் இருந்தாலும்[12], நாளைக்கு போதிய ஆதாரங்கள் இல்லை, அதுதான் இது என்று மெய்பிக்கப்படவில்லை என்று தீர்ப்பு கொடுத்து விடுவார்கள். சோனியா குரோச்சியைக் காக்கமுடியும் என்றால், கருணாநிதியால் ராஜாவைக் காக்க முடியாதா?

வேதபிரகாஷ்

© 15-12-2010


[1] வேதபிரகாஷ், தலித் – சித்தாந்தம், பிரச்சினை, அரசியல், http://socialsubstratum.wordpress.com/2009/07/27/3/

Vedaprakash, Dalit – Precept, Problem and Politics, Published in “Dimensions of Conversion”, the Vivekananda Kendra Patrika, Vol. 24, Feb. 1995, pp. 98-114.

http://vedaprakash.indiainteracts.in/2007/09/06/dalit-%E2%80%93-precept-problem-and-politics/

[2] விடுதலை நாளிதழில் பார்க்கவும். கடந்த மாதம், தி.நகரில் கூட கூட்டம் போட்டார்கள்.

[3] கருணாநிதி ஒரு தடவை கேள்வி கேட்டபோது, பெரியார் ஆவிக்குத்தான் தெரியும், கேட்டுப் பாருங்கள் என்றார்!

ரெய்டுகளின் பின்னணி: உண்மையை மறைக்கவா, அரசிய ஆதாரம் தேடவா, மக்களின் பணத்தை அமுக்கவா (2)?

திசெம்பர் 11, 2010

ரெய்டுகளின் பின்னணி: உண்மையை மறைக்கவா, அரசிய ஆதாரம் தேடவா, மக்களின் பணத்தை அமுக்கவா (2)?

11-12-2010 (சனிக்கிழமை): தொலை தொடர்பு முறைகேட்டில் சிக்கி தனது பதவியை இழந்த மத்திய அமைச்சர் ராஜா தி.மு.க., தலைவரும், முதல்வருமான கருணாநிதியை அவரது இல்லத்தில் சந்தித்து பேசினார். சி.பி.ஐ., ரெய்டுக்கு பின்னர் நடந்த முதல் சந்திப்ப்பு 40 நிமிடம் வரை இந்த சந்திப்பு நடந்தது. வெளியில் ஊடகக்காரர்கல் சூழ்ந்து கொண்டு, கேள்விகள் கேட்டதற்கு, “சி.பி,ஐ. ரெய்ட் நடப்பதெல்லாம் சகஜமான விஷயம்தான். முறைப்படி செய்கிறார்கள், அவர்களுக்கு முழு ஒத்துழைப்பு தர தயாராக உள்ளேன்”, என்று கூறி வண்டியில் ஏறி சென்றுவிட்டார்.

லட்சம் கோடி முறைகேட்டில் பண பட்டுவாடா விவரம் அம்பலம்: ராஜாவின் முக்கிய டைரியில் பரபரப்பு தகவல்[1]:முன்னாள் மத்திய அமைச்சர் ராஜாவின் டில்லி, பெரம்பலூரில் உள்ள வீடுகள், அவரது உறவினர்களின் வீடுகள், தொலைத்தொடர்பு துறை அதிகாரிகளின் வீடுகள் உள்ளிட்ட 14 இடங்களில் ஒரே நேரத்தில் சி.பி.ஐ., அதிகாரிகள் சோதனை நடத்தினர். இந்த சோதனையின் போது, பல முக்கிய ஆவணங்கள் கைப்பற்றப்பட்டன. இந்த விவகாரத்தில் திடீர் திருப்பமாக, முன்னாள் அமைச்சர் ராஜாவின் பெர்சனல் டைரியையும் சி.பி.ஐ., அதிகாரிகள் கைப்பற்றியுள்ளதாகவும், அதில் வழக்குக்கு தேவையான முக்கிய விஷயங்கள் இடம் பெற்றுள்ளதாகவும் தகவல் வெளியாகியுள்ளது.

பிரதமரின் கடிதமும் கிடைத்தது[2]: மேலும் சிபிஐ சோதனையின்போது, ஸ்பெக்ட்ரம் ஒதுக்கீடு தொடர்பான முதலில் வருவோருக்கே முன்னுரிமை என்ற நடைமுறையை நிறுத்தி வைக்குமாறும், ஏல முறையை கடைப்பிடிக்குமாறும் கூறி ராஜாவுக்கு பிரதமர் மன்மோகன் சிங் எழுதிய ஒரிஜினல் கடிதமும் கிடைத்துள்ளது.

இதுகுறித்து சி.பி.., வட்டாரங்கள் கூறியதாவது: முன்னாள் அமைச்சர் ராஜாவின் வீட்டில் நடந்த சோதனையின் போது, ஸ்பெக்ட்ரம் ஒதுக்கீடு தொடர்பான வழக்கு விசாரணைக்கு உதவும் சில முக்கிய ஆவணங்கள் கைப்பற்றப்பட்டன. குறிப்பாக, ராஜாவால் தமிழில் எழுதப்பட்ட அவரது பெர்சனல் டைரிகளும் கைப்பற்றப்பட்டன. இவை, 2003லிருந்து 2010 வரையிலான காலங்களில் எழுதப்பட்டவை. அரசியல்வாதிகள், பத்திரிகையாளர்கள் உள்ளிட்ட பலருக்கு கொடுக்கப்பட்ட பணப்பட்டுவாடா குறித்த விவரங்கள், இந்த டைரிகளில் இடம் பெற்று உள்ளன. இதில், அரசு வக்கீல்கள் இருவர் பற்றியும், டில்லி மற்றும் சென்னையில் உள்ள ஹவாலா டீலர்கள் பற்றிய விவரங்களும் இடம் பெற்றுள்ளன. இவர்கள், முன்னாள் அமைச்சரின் சார்பில் பணப்பட்டுவாடாவில் ஈடுபட்டதும் அதில் தெரிவிக்கப்பட்டுள்ளது. இவ்வாறு சி.பி.ஐ., வட்டாரங்கள் தெரிவித்தன. மேலும் நேற்று முன்தினம் நடந்த சோதனையில், ராஜாவுக்கு நெருக்கமான சாதிக்பாட்சா, ஏழு மணி நேரம் விசாரணைக்கு உட்படுத்தப்பட்டதாக கூறப்படுகிறது. இவர் தலைமையில் செயல்பட்ட ரியல் எஸ்டேட் நிறுவனம், குறுகிய காலத்தில் நூற்றுக்கணக்கான கோடி ரூபாய்களை கையாண்டதால், ஆவணங்கள் சரிபார்ப்பு முடிந்தபின் தான் தகவல் தெரியவரும்.

இதுகுறித்து சி.பி.., அதிகாரி ஒருவர் கூறியதாவது: டில்லி, சென்னை, காஜியாபாத்தில் நேற்று (நேற்று முன்தினம்) நடந்த சோதனையில், பல முக்கிய ஆவணங்கள் கைப்பற்றப்பட்டு உள்ளன. இந்த ஆவணங்கள் குறித்து அதிகாரிகள் ஆய்வு செய்து வருகின்றனர். எந்த வகையான ஆவணங்கள் கைப்பற்றப்பட்டன என்பது குறித்தும், ராஜாவிடம் விசாரணை நடத்தப்படுமா என்பது குறித்தும் தற்போது தெரிவிக்க முடியாது. சோதனையின் போது, சிலரிடம் விசாரணையும் நடத்தப்பட்டது. இவ்வாறு அதிகாரி கூறினார்.

10-12-2010 (வெள்ளிக்கிழமை): மொபைல் கம்பெனிகள் அயல்நாடுகளில் மேற்கொண்ட பணப்போக்கு வரத்து விவகாரங்களை 2-ஜி ஸ்பெட்ரம் ஊழல் தொடர்பாக ஆராயச் ஆரம்பித்து விட்டது. அமுலாக்கப் பிரிவு அமீரகம், இங்கிலாந்து, நார்வே, லிபியா, சிங்கப்பூர், ஐஸல் ஆஃப் மேன், மொரிஸியஸ், ருஷ்யா, சைப்ரஸ் முதலிய நாடுகளைக் கேட்டுள்ளது. குறிப்பாக கீழ்கண்ட கம்பெனிகளின் விவரங்களைக் கேட்டுள்ளது:

  • ஸ்வான் இப்பொழுது எடிசலத் டிபி [Etisalat DB], அமீரகம்,
  • எடிசலத் மொரிஸியஸ், Etisalat Mauritius,
  • மவி இன்வெஸ்ட்மென்ட், மொரிஸியஸ், – Mavi Investment Fund
  • டெல்ஃபி, மொரிஸியஸ்,
  • சிஸ்டிமா ஸ்யாம், ருஷ்யா [Sistema Shyam],
  • சிஸ்டிமா JSFC, ருஷ்யா Sistema JSFC
  • யுனிடெக் [Unitech],
  • யுனிடெக்- பர்லெய் ஹோல்டிங்ஸ், [Burley Holdings மொரிஸியஸ்,
  • யுனிடெக் – ஃபாஸ்ட் நெட் ஹோல்டிங்ஸ், Fastnet Holdings, மொரிஸியஸ்
  • டெலிநார், நார்வே
  • எஸ் டெல் [S Tel], மொரிஸியஸ்,
  • பாடில்கோ மில்லினியம் இந்தியா கம்பெனி, மொரிஸியஸ், [Batelco Millennium India Co]
  • டெலிகம் இன்வெஸ்ட்மென்ட், மொரிஸியஸ், Telecom Investments
  • பாடில்கோ, அஹ்ரைன், [Bahrain’s Batelco]
  • ஐடியா செல்லுலார் [Idea Cellular], சைப்ரஸ்
  • எம்பிகாம் கார்பரேஷன், பிரிடிஷ் வர்ஜின் தீவுகளில்பதிவு செய்யப்பட்டது – Empecom Corporation incorporated in British Virgin Islands,
  • யுனிடெக் குளோபல், நியூ ஜெர்ஸி – Unitech Global of Jersey,
  • யுனிடெக் குளோபல், ஐஸல் ஆஃப் மேன், three companies registered in Isle of Man,
  • யுனிடெக் குளோபல், two in Singapore, and
  • யுனிடெக் குளோபல், subsidiary in Dubai,
  • யுனிடெக் குளோபல், subsidiary in Libya

09-12-2010 (வியாழக்கிழமை): குற்றச்சாட்டு நிரூபிக்கப்பட்டால் ராஜா மீது நடவடிக்கை: முதல்வர்[3]: சென்னையில் பத்திரிக்கைக்காரர்களுடன் ஏசும் போது, “”ராஜா மீது குற்றச்சாட்டு நிரூபிக்கப்பட்டால், அவர் மீது நடவடிக்கை எடுக்கப்படும்,” என, முதல்வர் கருணாநிதி தெரிவித்துள்ளார். அவரது பேட்டி:

இன்றைய தினம் நாடு முழுக்க, டில்லி, சென்னை, பெரம்பலூர் ஆகிய நகரங்களில், ராஜாவின் வீடுகளில், சி.பி.ஐ., சோதனை நடைபெற்றுள்ளதே? சி.பி.ஐ., சோதனைகள் நடைபெறுவது ஒன்றும், பெரிதாகப் பேசப்படும் விஷயம் இல்லையே!
சி.பி.ஐ., சோதனை நடைபெற்றதை அவமானகரமான ஒன்றாக கருதுகிறீர்களா? அப்படி நினைக்கவில்லை. ஆனால், அவமானத்திலேயே ஊறியவர்கள் சிலர் நாட்டில் இருக்கின்றனர்.
ராஜா கட்சியில் இருந்து ஓரம் கட்டப்படுவார் என சொல்லப்படுகிறதே?

அவர் குற்றவாளி என நிரூபிக்கப்பட்டால், அதற்கு பிறகு கட்சி தயவு தாட்சண்யம் பார்க்காமல் நடவடிக்கை எடுக்கும். அதுவரையில் நான் எதுவும் சொல்வதற்கில்லை. ராஜா எந்த தவறும் செய்ய வில்லை என தி.மு.க., நம்புகிறது. அவர் மீதான குற்றச்சாட்டு நிரூபிக்கப்படும் வரையில் நாங்கள் ராஜாவை கைவிடத் தயாராக இல்லை.
ஜெயலலிதா விடுத்த அறிக்கையில், காங்கிரஸ் கட்சியை நீங்கள், பிளாக் மெயில் செய்வதாக சொல்லியிருக்கிறாரே? பிளாக் மெயில் செய்யும் கலை எல்லாம், ஜெயலலிதாவுக்குத்தான் மிகவும் அத்துப்படியான விஷயம்.

 

ஜெயலலிதா அறிக்கையில், சி.பி.ஐ., விசாரணையை விரிவாக்கி, அது பற்றி தோண்டினால், மேலும் விவரம் கிடைக்கும் என சொல்லியிருக்கிறாரே? அந்த அம்மையாரிடம் கூட சி.பி.ஐ., விசாரித்தால், எவ்வளவோ கிடைக்கும். ஏற்கனவே கிடைத்திருக்கிறது.

 

பார்லிமென்ட் உறுப்பினர்களின் கூட்டுக் குழு வேண்டும் என்பதைப் பற்றி? அதைப்பற்றி இன்றைய தினம், சுப்ரீம் கோர்ட் நீதிபதிகள், பா.ஜ., ஆட்சி காலத்திலிருந்தே, ஸ்பெக்ட்ரம் பிரச்னையைப் பற்றி, சி.பி.ஐ., விசாரணை நடத்த வேண்டும் என சொல்லியிருக்கின்றனர். அதற்கு கூட்டுக் குழு வேண்டுமென்று கோரும் பார்லிமென்ட் உறுப்பினர்களின் பதில் என்ன? பத்திரிகையாளர்களாகிய உங்கள் பதில் என்ன?
நீங்கள் ஒரு கட்சியின் தலைவராக அதற்கு தயாராக இருக்கிறீர்களா?

என்றைக்கு ஸ்பெக்ட்ரம் ஒதுக்கீடு தொடங்கியதோ, அதற்குப் பிறகு நடைபெற்ற ஆட்சிக் காலங்களில், அந்த ஒதுக்கீடுகள் எப்படி நடந்தன என விசாரிக்கப்பட வேண்டும். அதற்கு நாங்கள் தயாராக இருக்கிறோம்.
சென்னை ஐகோர்ட்டில் ஒரு நீதிபதியுடன் ராஜா பேச முனைந்ததாக ஒரு வழக்கில் கூறப்பட்டதைப் பற்றி? அவர் மீதான அந்த குற்றச்சாட்டை, ராஜாவே மறுத்திருக்கிறார். அவ்வளவு தான் எனக்கு தெரியும்.

08-12-2010 (புதன் கிழமை): 2ஜி அலைக்கற்றை விவகாரத்தில் சிக்கியிருக்கும் முன்னாள் மத்திய அமைச்சர் ஆ.ராசா தொடர்புடைய இடங்களில் சி.பி.ஐ இன்று காலை முதல் அதிரடி சோதனை நடத்தி வருகிறது. பெரம்பலூர் சத்திரைமனைவேலூரில் உள்ள ராசாவின் வீடு, பெரம்பலூரில் உள்ள ராசாவின் அக்கா கமலாவின் வீடு, லாடபுரத்தில் உள்ள ராசாவுடைய மாமியாரின் வீடு, பெரம்பலூர் வடக்குமாதவி சாலையில் ராசாவின் அப்பா பெயரில் இயங்கும் ஆண்டிமுத்துசின்னபிள்ளை அறக்கட்டளை அலுவலகம் ஆகிய இடங்களில் இன்று காலையில் சி.பி.ஐ அதிரடி சோதனை நடத்தியது.
ஆ.ராசா மற்றும் அவரது உறவினர்கள் வீடுகளில் சோதனை முடிந்த நிலையில், அவரது நெருங்கிய நண்பர் சாதிக் வீட்டில் சி.பி.ஐ தொடர்ந்து சோதனை நடத்தி வருகிறது. இவர் கிரீன்ஹவுஸ் புரமோட்டர் நிறுவன உரிமையாளர் ஆவா‌ர். இவரை ‌சி.‌பி.ஐ. அ‌திகா‌ரிக‌ள் ‌விசாரணை‌க்கு அழை‌த்து‌ச் செ‌ன்று‌ள்ளன‌ர். மேலு‌ம் வன்னிய தேனாம்பேட்டையில் உ‌ள்ள ஆ.ராசாவின் மாமனார் அய்யாக்கண்ணு வீட்டிலும் சோதனை நடைபெறுகிறது. பின்னர் பெரம்பலூரில் ஒரு வங்கிக்குச் சென்ற அதிகாரிகள் சில தகவல்களைக் கேட்டறிந்தனர்[4].

பூட்டியிருந்த அண்ணன் வீடு: ராஜாவின் அண்ணன் ராமச்சந்திரன். சென்னை அண்ணா பல்கலையில் பருவ நிலை மாற்ற ஆய்வுத் துறை இயக்குனராக உள்ளார். இவரது வீடு திருச்சி திருவானைக்கோவில் சிவராமன் நகரில் உள்ளது. சென்னையில் பணி புரிவதால், வீடு பூட்டப்பட்டு வாட்ச்மேன் மட்டும் பாதுகாப்பு பணியில் ஈடுபட்டுள்ளார்.நேற்று காலையில் டாடா சுமோ விக்டா காரில் இரண்டு பேர் வந்தனர். வீடு பூட்டியிருந்ததால், உள்ளே சென்று சோதனையிட முடியவில்லை. 20 நிமிடத்துக்கும் மேலாக, வீட்டிலிருந்த வாட்ச்மேனிடம் விசாரித்த பின், காலை 9 மணிக்கு புறப்பட்டனர்.

கிரீன்ஹவுஸ் புரமோட்டர்ஸ் பிரைவேட் லிமிடெட்: இக்கம்பெனி ஆரம்பித்த பொழுது, கீழ்கண்டவர்கள் இயக்குனர்களாக இருந்தனர்:

  1. ஏ. எம். சாதிக் பாட்சா, மேனேஜிங் டைரக்டர்
  2. ஆர். பி. பரமேஷ் குமார், ஜாயின்ட் மேனேஜிங் டைரக்டர் (ராஜாவின் மைத்துனர்)
  3. ஏ. எம். ஜமால் முஹம்மது
  4. டேவிட் கார்த்திகேயன்
  5. ஆர். ராம்கணேஷ் (ராஜாவின் மைத்துனர்)
  6. ஏ. பரமேஸ்வரி (ராஜாவின் மனைவி)
  7. எஸ். ரேஹா பானு

பிறகு, சட்டப்படி பிரச்சினை வரும் என்பதால், பரமேஸ்வரி விலகிக்கொண்டார்.

சாதிக் பாட்சாவிடம் விசாரணை மேற்கொள்ளப்பட்டது: செ‌ன்னை தேனா‌ம்பே‌ட்டை‌யி‌ல் உ‌ள்ள ஆ.ராசாவின் நெருங்கிய நண்பரரும், ரியல் எஸ்டேட் தொழில் செய்பவருமான சாதிக் பாட்சா வீட்டிலும் சி.பி.ஐ அதிரடி சோதனை மேற்கொள்கிறது. இவர் கிரீன்ஹவுஸ் புரமோட்டர் நிறுவன உரிமையாளர் ஆவா‌ர். 5 அதிகாரிகள் சோதனை நடத்தினர். இவரை ‌சி.‌பி.ஐ. அ‌திகா‌ரிக‌ள் ‌விசாரணை‌க்கு அழை‌த்து‌ச் செ‌ன்று‌ள்ளன‌ர். பிறகு பாட்சாவின் தம்பி ஜாபர் அலியை அழைத்துச்சென்று, பாஷாவின் அலுவலகத்தில் 2 மணி நேரம் சோதனை நடத்தினர். அங்கிருந்து சில ஆவணங்களை எடுத்துச்சென்றதாக அதிகாரிகள் தெரிவித்துள்ளனர். சென்னையில் பாட்சாவின் வீட்டில் அதிகாரிகள் 8 மணி முதல் 11.30 வரை சோதனை நடத்தினர். பிறகு பாட்சாவை அதிகாரிகள் அழைத்துச் சென்று ராஜாஜி பவனில் விசாரித்தனர். பிறகு மாலை 3 மணிக்கு மீண்டும் அவருடைய வீட்டுக்கு அழைத்துச் சென்றனர். சாதிக் பாட்சா, தற்போது குடியிருக்கும் வீடு, நடிகர் சிவாஜி குடும்பத்திற்கு சொந்தமானது. மூன்று ஆண்டுகளுக்கு முன் இந்த வீட்டில் சாதிக் பாட்சா குடியேறினார். இந்த வீட்டிற்கு வாடகை, மாதம், 80 ஆயிரம் ரூபாய்.சாதிக் பாட்சாவும், கலியபெருமாளும் சேர்ந்து, சில லட்சங்கள் முதலீட்டில் துவங்கிய, “கிரீன் ஹவுஸ் புரோமோட்டர்ஸ்’ தற்போது, 700 கோடி ரூபாய் லாபம் பெறும் நிறுவனமாக மாறியுள்ளதாகக் கூறப்படுகிறது. இந்த விவரங்கள் சி.பி.ஐ., அதிகாரிகளுக்கு கிடைத்ததை அடுத்து, ஸ்பெக்ட்ரம் ஊழலில் கைமாறிய பணம் இதில், முதலீடு செய்யப்பட்டுள்ளதா என விசாரிக்கின்றனர். மேலு‌ம் வன்னிய தேனாம்பேட்டையில் உ‌ள்ள ஆ.ராசாவின் மாமனார் அய்யாக்கண்ணு வீட்டிலும் சோதனை நடைபெறுகிறது.

வேதபிரகாஷ்

© 11-12-2010


[1] தினமலர், லட்சம் கோடி முறைகேட்டில் பண பட்டுவாடா விவரம் அம்பலம்: ராஜாவின் முக்கிய டைரியில் பரபரப்பு தகவல், பதிவு செய்த நாள் : டிசம்பர் 09,2010,23:03 IST; மாற்றம் செய்த நாள் : டிசம்பர் 09,2010,23:11 IST, http://www.dinamalar.com/News_Detail.asp?Id=142635

ரெய்டுகளின் பின்னணி: உண்மையை மறைக்கவா, அரசிய ஆதாரம் தேடவா, மக்களின் பணத்தை அமுக்கவா (1)?

திசெம்பர் 8, 2010

ரெய்டுகளின் பின்னணி: உண்மையை மறைக்கவா, அரசிய ஆதாரம் தேடவா, மக்களின் பணத்தை அமுக்கவா?

ஆதர்ஸ ஊழலில் ஆவணங்கள் காணாமல் போனது போல இதிலும் மறையுமா? இந்த ரெய்ட்களெல்லாம் வெறும் ஏமாற்று வேலை, இதற்கெல்லாம் நாங்கள் வசீகரப்பட்டு விட்டுவிட மாட்டோம் என்று மக்களே நிச்சயமாக சொல்வர். எஃப்.ஐ.ஆர் தாக்கல் செய்து ஒரு வருடத்திற்குக் கழித்து ரெய்ட் செய்தால் என்ன கிடைக்கும்? ஆதர்ஸ அடுக்குமாடி ஊழலில் உயிரிழந்த கார்கில் தியாகிகளையும் ஏமாற்றி கோடிகளில் பணத்தை காங்கிரஸ்காரர்கள் மற்றும் ஆதரவாளர்கள்  சுருட்டினர். ஆனால், சவானை ஏதோ ராஜினாமா செய்யச் சொன்னது மாறி செய்ய வைத்து, திடீரென்று எல்லா ஆவணங்களையும் காணோம் என்று புருடா விடுகின்றனர். அதாவது ஆட்சியில் உள்ளவர்களே அத்தகைய மாட்டிவிடும், காட்டிக் கொடுக்கும் ஆவணங்களை திருட்டுத் தனமாக மறைத்து விட்டனர் அல்லது அழித்து விட்டனர் எனலாம், ஆனால் சொல்வதென்னமோ ஆவணங்கள் காணவில்லை என்பதுதான்! அதே மாதிரி ஸ்பெக்ட்ரம் ஊழலிலும் நடக்காது என்பதில் என்ன நிச்சயம்?

பார்லிமென்ட் கூட்டுக் குழுக்கு பயந்து இந்த நாடகம் அரங்கேற்றப்படுகிறதா? பார்லிமென்ட் கூட்டுக் குழு ஏற்படுத்தப் பட்டு விசாரித்தால், எல்லா விவரங்களும் வெளி வந்து விடும் என்று இத்தகைய நாடகத்தை காங்கிரஸ் அரங்கேற்றி மக்களை ஏமாற்றப் பார்க்கிறது. சுத்ததிலும் சுத்தம், பரிசுத்தம், உத்தமர்களில் உத்தமர், ஒன்றும் தெரியாத அப்பாவி போல வேஷம் போட்டு ஏமாற்றி வரும் மன்மோஹன் சிங்கை தப்பிக்க வைக்கும் வேலைதான். ஏனென்றால், ராஜா திட்டவட்டமாக, பல தடவை தான் செய்ததெல்லாம், மன்மோஹனுக்குத் தெரிந்துதான் செய்ததாகவும், அவரின் பார்வைக்கு செல்லாமல் எதுவும் நடக்கவில்லை என்றெல்லாம் சொல்லியாகி விட்டது. அந்நிலையில் சிங்கை விசாரித்தால், ஒருவேளை சோனியாவின் இணைப்பு வெளிவந்துவிடுமோ என்று பயப்படுவது நன்றாகவே தெரிகிறது. அதாவது, விசாரணையில், சிங் நெருக்கப்பட்டு கேள்வி கேட்டால் ராஜா சொன்னது போல, நான் செய்ததெல்லாம் அம்மையார் சொல்லித்தான் செய்தேன், அவருக்குத் தெரியாதது ஒன்றும் இல்லை என்று சொன்னால், பெரிய விவகாரமாகிவிடுமே! இவ்வாறு காலங்கடந்து செய்யும் நடவடிக்கையில் எந்த பலனும் இல்லை, இருப்பினும் செய்தால், நல்ல பெயர் கிடைக்குமே என்று காட்டிக் கொள்ள செய்வதாக உள்ளது.

காலங்கடந்த நடவடிக்கை ஏன்? உண்மையிலேயே நடவடிக்கை எடுக்க வேண்டும் என்றால், சி.ஏ.ஜியின் முதல் அறிக்கை வந்தபோதே எடுத்திருக்கலாம். இந்த அளவிற்கு நீட்டித்து இருக்க வேண்டாம், அதாவது, காலங்கடத்தியிருக்க வேண்டாம். இப்பொழுது நடவடிக்கை எடுப்பதால், அதற்கு முன்பே உஷராகி, எல்லா முக்கியமான ஆவணங்களையும் குற்றவாளிகள்    மறைத்திருப்பாட்ர்கள். மேலும் சி.பி.ஐ என்றாலே காங்கிரஸ் பீரோ ஆஃப் இன்வெஸ்டிகேஷன் என்று கிண்டல் அடிக்கும் நிலையில் வந்திருக்கிறது. மேலும், ஏற்கெனவே, ஒரு சி.பி.ஐ அதிகாரியை மாற்றம் செய்தலில் கருணநிதியின் தலையீடு இருந்தது என்று பேசபட்டது.

சி.பி.ஐயே உடந்தையாக செயல்பட்டால் என்னாகும்? இப்பொழுதும் சி.பி.ஐ தேடுவது போல தேடி ஒருவேளை முக்கியமான ஆவணங்கள் கிடைத்தால், அவற்றை பறிமுதல் செய்கிறோம் என்று எடுத்துச் சென்று அழித்து விட்டால், ஒன்றும் செய்யமுடியாது. பொது மக்களைப் பொறுத்துவரைக்கும், ஆஹா, சி.பி.ஐ வந்தது, ரெய்ட் செய்தது, ஆவணங்களை பறிமுதல் செய்தது, இனி ராஜா மற்ற கொள்லையடித்தவர்கள் எல்லோருமே வசமாக மாட்டிக் கொண்டார்கள் என்றெல்லாம் நினைப்பார்கள், பிறகு மறந்து விடுவார்கள்.

தேர்தல் பேரத்திற்கு ஒத்திகையா? வருகின்ற மே மாதத்தில் 2011ல் தேர்தல் நடக்கும். இருக்கின்ற அரசியல்  பலத்தில் யார் பதவிக்கு வருவார்கள் என்று சொல்ல முடியாது, இருப்பினும், இந்த விசாரணை, நடவடிக்கைகள் எல்லாம்  தொடருமா, நின்று விடுமா என்றெல்லாம் சொல்லமுடியாது. தமிழகம் மற்றுமில்லாமல், மற்ற மாநிலங்களிலும் தேர்தல் இருப்பதால், குறிப்பாக இப்பொழுது, தொடர்ந்து காங்கிரஸ் தோற்று வருவதால், ஒரு புதிய தோற்றத்தை உண்டாக்க இத்தகைய நாடகம் ஏற்பாடு செய்யப்பட்டுள்ளதாகக் கூறப்படுகிறது. குறிப்பாலக, வாரணசியில் நடந்துள்ள ஜிஹாதி குண்டுவெடிப்பையும் மறைத்துவிடும் அளவில் உள்ளது.

சோனியா வீட்டில் ரெய்ட் நடக்குமா? கபில் சிபலும், பிரணப் முகர்ஜியும் அழுத்தமான ஆட்கள், எதையும் செய்யத் துணிந்தவர்கள், சட்ட நுணுக்களை அதிகமாகவே அறிந்தவர்கள், போதாகுறைக்கு சோனியாவிற்கு வேண்டியவர்கள், விசுவாசிகள். சோனியாவிற்கு பெரும்பங்கு சென்றிருக்கும் போது, அதைப் பற்றி யாராவது கேட்க முடியுமா? இல்லை, ராஜாவின் வீடுகளில் ரெய்ட் நடத்துவது போல சோனியாவின் வீடுகளில் சி.பி.ஐ ரெய்ட் நடத்துமா? அவ்வாறு நினைத்துக்கூட பார்க்க முடியாதே? நீதிமன்றங்களில் வழக்குகள் இழுத்தடிக்கப்படும். டாடா மேன்மேலும் கோடிகளை சம்பாதிப்பார்; நீரா ராடியாவும் பல கம்பெனிகளுக்கு சேவை செய்து பணத்தை அள்ளுவார்; பர்கா தத், வீர் சிங்வி, சேகர் குப்தா போன்ற ஊடக விற்பன்னர்கள், நிறைய போன்களில் பேசுவார்கள், யார் அமைச்சர்கள் ஆகவேண்டும் / வேண்டாம் என்பனவற்றையெல்லாம் அலசுவார்கள். ஆனால், கோடிகளில் அள்ளிய பணம் திரும்பி வராது.

காங்கிரஸ்-திமுக ஊடலா, ஊழலா? இப்பொழுதே காங்கிரஸுக்கும், திமுகவிற்கும் லடாய் ஆரம்பித்து விட்டதாம்[1]. சட்டத்தின்படி நடக்கிறது என்பார்கள்; ஏற்கெனவே நடவடிக்கை எடுத்தாகி விட்டது, கோர்ட்டில் வழக்கு நிலுவையில் உள்ளது, ஆகையால் அதைப் பற்றி ஒன்றும் சொல்லமுடியாது. வழக்கு முடியும் வரை காத்திருக்க வேண்டும், அல்லது எந்த தீர்ப்பானாலும், நாங்கள் கட்டுப்பட்டு நடப்போம் என்றெல்லாம் பேசுவார்கள். அவ்வளவேதான்!

வேதபிரகாஷ

09-12-2010


கபில் சிபலை பரிந்துரைத்தது கருணநிதியா, கனிமொழியா, சோனியாவா?

நவம்பர் 16, 2010

கபில் சிபலை பரிந்துரைத்தது கருணநிதியா, கனிமொழியா, சோனியாவா?

புதிய அமைச்சரை கருணாநிதி முடிவுசெய்வார்: கனிமொழி[1]: ராசா ராஜிநாமாவைத் தொடர்ந்து கனிமொழி அல்லது டி.ஆர்.பாலு இருவரில் ஒருவர் அமைச்சராக நியமிக்கப்படலாம் என செய்திகள் வெளியாகியுள்ளன. இந்நிலையில் கனிமொழி மேற்கண்டவாறு தெரிவித்தார்[2]. ராஜாவுக்கு பதிலாக யார் அந்த மந்திரி என்பதை திமுகத் தலைமை, கருணாநிதி தீர்மானிப்பார், என்றார். 2ஜி ஸ்பெக்ட்ரம் விவகாரத்தில் ராசா தவறுசெய்யவில்லை. நாடாளுமன்றம் சுமுகமாக நடக்க வேண்டும் என திமுக விரும்பியதால் அவர் அமைச்சர் பதவியில் இருந்து ராஜிநாமா செய்துள்ளார் என கனிமொழி கூறினார்.

ராசாவுக்கு பதில் யார்?: எனக்குத் தெரியாதுகனிமொழி: ஆ. ராசா பதவி விலகியதை அடுத்து நீங்கள்தான் புதிய தொலைத் தொடர்புத்துறை அமைச்சரா என்று மாநிலங்களவை திமுக உறுப்பினரும் முதல்வர் கருணாநிதி மகளுமான கனிமொழியிடம் கேட்டபோது, எனக்குத் தெரியாது என்று பதில் கூறினார்[3]. அடுத்த தொலைத் தொடர்புத் துறை அமைச்சர் யார் என்பதை கட்சித் தலைமை தீர்மானிக்கும் என்றார் அவர்.  கருணாநிதி யாரோ, கனிமொழி யாரோ? கருணாநிதி தீர்மானிப்பார், ஆனால், கனிமொழிக்குத் தெரியாது. பிறகு கனிமொழி ஏன் பிரணாப்பை சந்திக்க வேண்டும்? ராஜவின் பதவி பறிக்கப்படக்கூடாது என்று ஆதரித்து பேசவேண்டும், மிரட்ட வேண்டும்? அப்பொழுது மட்டும் கனிமொழி பேசியதை கருணாநிதி தந்தை என்ற முறையிலேயோ, திமுக தலைவர் என்ற ரீதியேலேயோ அறிவாரா?

. ராசா குற்றமற்றவர் என்று கனிமொழி தெரிவித்தார்: தில்லியில் செய்தியாளர்களுக்கு அவர் திங்கள்கிழமை பேட்டியளித்தார். 2ஜி அலைக்கற்றை ஒதுக்கீடு செய்வதில் ராசா எந்தத் தவறும் செய்யவில்லை. அவர் குற்றமற்றவர். நாடாளுமன்றம் சுமுகமாகச் செயல்பட வேண்டும் என்பதற்காக அவர் பதவி விலகினார் என்றார் கனிமொழி.  எதிர்க்கட்சிகள் நாடாளுமன்றத்தை முடக்கி, மத்திய அரசுக்கு நெருக்கடி கொடுத்ததால் நாடாளுமன்றம் சுமுகமாகச் செயல்பட வேண்டும் என்று திமுக விரும்பியது. அதன் பொருட்டே ராசா பதவி விலகினார்.   அவர் மீது சுமத்தப்பட்ட குற்றச்சாட்டுக்காக பதவி விலகவில்லை என்றார் கனிமொழி. கனிமொழி இந்த அளவிற்கு ஆதரவாக பேசி வருவது ஆச்சரியமாகத்தான் இருக்கிறது. பரமேஸ்வரியே[4] அமைதியாக இருக்கும் போது, கனிமொழி இவ்வளவு போராடுவது வியப்பாகத்தான் இருக்கிறது! அங்காள பரமேஸ்வரி[5]த்தான் காக்க வேண்டும்.

நாடாளுமன்றம் சுமுகமாகச் செயல்பட வேண்டும் என்பதற்காக அவர் பதவி விலகினார்: சீத்தாராம் யச்சூரி அதைத்தான் கேட்கிறார், முன்னமே ராஜினாமா செய்திருந்தால், இந்த பிரச்சினையை தவிர்த்திருக்கலாமே? பிறகு, ஏன் இந்த நாடகம்? ராஜாவை ஜாதியின் மூலமாக, ஊழலை விடுத்து புகழ்ந்து, தியாகப்பாட்டுப் பாடி ஆதரிப்பது ஏன்? நாடாளுமன்றம் சுமுகமாகச் செயல்பட வேண்டும் என்று திமுக விரும்பியது என்றால், கோடிகளில் ஊழல் நடந்துள்ளதைப் பற்றி ஏன் கவலைப்படுவதில்லை?

ராஜா போய் ராணி வந்த கதையாகிவிடும்[6]: மத்திய அமைச்சர் பதவியிலிருந்து ராஜா விலகியுள்ளது குறித்து ஈவிகேஎஸ் இளங்கோவன் செய்தியாளர்களிடம் கருத்து தெரிவிக்கையில், ராஜா பதவி விலகிய பிறகு அவர் வகித்த பதவியை மீண்டும் திமுக அமைச்சருக்கே கொடுக்கக்கூடாது. அப்படி செய்தால் அது ராஜா போய் ராணி வந்தது மாதிரி ஆகி விடும் என்றார் இளங்கோவன். ராஜா வகித்து வந்த தொலைத் தொடர்புத்துறைக்கு கனிமொழி அமைச்சராக்கப்படலாம் என்று பேச்சு அடிபட்டு வருவது குறிப்பிடத்தக்கது[7]. இதை மனதில் வைத்தே இளங்கோவன் இவ்வாறு பேசியுள்ளதாக கருதப்படுகிறது. திமுகவுடனான கூட்டணி எப்படி இருக்கிறது என்ற கேள்விக்கு இளங்கோவன் பதிலளிக்கையில், இந்த நிமிடம் வரை காங்கிரஸ் கூட்டணியில் திமுக இருக்கிறது. ஆனால் அடுத்த நிமிடம்; நாளை என்னவாகுமோ என்று தெரியவில்லை என்றார்.

கருணாநிதி யாரோ, கனிமொழி யாரோ?  கருணநிதியின் மகள் தான் கனிமொழி என்பதில் யாருக்கும் சந்தேகம் இருக்காது. ஆ. ராசா பதவி விலகியதை அடுத்து நீங்கள்தான் புதிய தொலைத் தொடர்புத்துறை அமைச்சரா என்று மாநிலங்களவை திமுக உறுப்பினரும் முதல்வர் கருணாநிதி மகளுமான கனிமொழியிடம் கேட்டபோது, எனக்குத் தெரியாது என்று பதில் கூறினார்[8]. அடுத்த தொலைத் தொடர்புத் துறை அமைச்சர் யார் என்பதை கட்சித் தலைமை தீர்மானிக்கும் என்றார் அவர்.  அப்படியென்றால், முதலில் மன்மோஹனே வைத்துக் கொண்டு அடுத்த நாளில், கருணாநிதிதான் கொடுக்கச் சொன்னாரா?

ராஜாவை ஏன் ராஜாத்தி ஆதரிக்க வேண்டும்? கருணாநிதி எப்பொழுதுமே ராஜாவை ஆதரித்து வருபவர்[9]. ராஜாத்தி கனிமொழியின் தாயார், மகள் இருவரும் என்றுமே ஆதரவாளர்கள் தாம். பிரச்சினைகள் வரும்போதெல்லாம், கனிமொழிதான் ராஜாவிற்கு ஆதரவாக, மனதார உதவி வருகிறார். ஆக, தாய்-தந்தை-மகள் இவர்களுக்கு ராஜாவின் மீது அத்தகைய பிணைப்பு-பந்தம்-பாசம் முதலியவை இருக்கின்றது. இது இன்னொரு மகனான அழகிரிக்கு என்றுமே பிடிக்கவில்லை. தனக்காக, நீரா ராடியாவிடம் பேரம் பேசி வங்கிக் கொடுத்தது, அழகிரிக்கு சுத்தமாகப் பிடிக்கவில்லை. என்ன செய்வது? கனிமொழிக்கு இந்தி, ஆங்கிலம் தெரியும், கலாநிதி மாறனுக்குத் தெரியும், ஆனால் அழகிரிக்குத் தெரியாதே?

14-11-2010 அன்று சென்னை ஹொட்டலில் மாறன் சகோதர்களால் நடத்தப்பட்ட குடும்பப் பார்ட்டி: தந்தை-மகள் இப்படி ஜாஜாவிற்காக போராடி வரும் நிலையில், சென்னையில் 14-11-2010 அன்று மாறன் சகோதர்கள், ஒரு பிரம்மாண்டமான குடும்ப பார்ட்டி (இரவு விருந்து – டின்னர்) ஏற்பாடு செய்திருந்தார். அதில் ஸ்டாலின், அழகிரி முதலியோர் கலந்து கொண்டனர். ஸ்டாலின் கோயம்புத்தூரிலிருந்தும், அழகிரி மதுரையிலிருந்தும் பறந்து வந்தனர். இந்த நேரத்தில் கனிமொழி தில்லியில் இருந்தார் என்பதும் குறிப்பிடத்தக்கது[10]. கருணாநிதி ஏன் கலந்து கொள்ளவில்லை? இது ராஜாவின் வெளியேற்றத்திற்காகவா, அல்லது கலாநிதி “ஸ்பைஸ் ஜெட்டி”ற்கு தலைவராக[11] நியமனிக்கப்பட்டதற்காகவா[12]? கடந்த ஜூன் மாதம் இந்நிறுவனத்தில் 37.7 சதவீத பங்குகளை ரூ. 750 கோடி மதிப்பில் வாங்கினார் கலாநிதி மாறன்[13]. இப்போது கலாநிதி மாறன் வசம் ஸ்பைஸ்ஜெட் நிறுவனத்தின் 38.66 சதவீதப் பங்குகள் உள்ளன. எது எப்படியாகிலும், இந்த மச்சான்கள் இப்படி கூடி பேசிய விவரங்கள், கடவுளான கருணாநிதிக்கும் தெரியாது போலும்!

வேதபிரகாஷ்

© 16-11-2010


[1] புதிய அமைச்சரை கருணாநிதி முடிவுசெய்வார்: கனிமொழி, First Published : 15 Nov 2010 02:08:43 PM IST; Last Updated : 15 Nov 2010 09:18:26 PM IST; http://www.dinamani.com/edition/story.aspx?Title=…….ID=164&SEO=&SectionName=Latest

[2] The Hindu, Karunanidhi will decide new cabinet nominee: Kanimozhi, Nov.15, 2010, http://www.thehindu.com/news/national/article887769.ece

The DMK MP said it was for the party leadership to decide on Raja’s successor. “That is for the party leaders to decide. They will make a decision,” she said when asked whether the next Telecom Minister would be from the DMK. “I do not know about it,” was her reply to a query on whether she would be the next Telecom Minister.

[3] ராசாவுக்கு பதில் யார்?: எனக்குத் தெரியாது – கனிமொழி, First Published : 16 Nov 2010 01:51:10 AM IST

Last Updated : http://www.dinamani.com/edition/Story.aspx?SectionName……….B4%E0%AE%BF

[4] ஏ. எம். பரமேஸ்வரி, ஆ. ராஜாவின் மனைவி, கிரீன் ஹவுஸ் பமோடர்ஸ் பிரைவேட் லிமிடெட் ( Green House Promoters Pvt Ltd. ) என்ற கம்பெனியின் இயக்குனராக இருந்தவர்.

[5] அங்காள பரமேஸ்வரி கருணநிதி குடும்பாரத்தாரின் குலதெய்வம். கோவில் குவலையில் உள்ளது. வருடத்தில் ஒருமுறையாவது கருணாநிதி அங்கு சென்று சாமி கும்பிடுவது உண்டு.

[6] ராஜா இலாக்காவை வேறு திமுக அமைச்சருக்குக் கொடுக்கக்கூடாது ,http://thatstamil.oneindia.in/news/2010/11/15/telecom-raja-elangovan.html

[7] ராஜாவுக்குப் பதில் கனிமொழியை அமைச்சராக்கத் திட்டம்? – கருணாநிதியுடன் நாளை பிரதமர் ஆலோசனை, http://thatstamil.oneindia.in/news/2010/11/12/spectrum-scandal-raja-kanimozhi.html

[8] ராசாவுக்கு பதில் யார்?: எனக்குத் தெரியாது – கனிமொழி, First Published : 16 Nov 2010 01:51:10 AM IST

Last Updated :http://www.dinamani.com/edition/Story.aspx?SectionName……….B4%E0%AE%BF

[9] Patriarch Karunanidhi is said to be Raja’s strongest backer. Also, persistent efforts of Kanimozhi and her mother, Rajathi Ammal, ensured a Cabinet berth to Raja. Kanimozhi has backed Raja through the crisis and even provided him moral support. Read more: Karunanidhi’s sons, Maran brothers dined lavishly as Raja got boot – The Times of India http://timesofindia.indiatimes.com/india/Karunanidhis-sons-Maran-brothers-dined-lavishly-as-Raja-got-boot/articleshow/6932615.cms#ixzz15PMgyy92

[10] As a combative A Raja was booted out of the Cabinet over the 2G spectrum scandal late on Sunday, the Maran brothers and their uncles, M K Stalin and M K Alagiri, gathered over dinner at a city star hotel. Sources close to the family described the occasion as a normal “family get-together” but the sideshow at the ritzy hotel seemed to have a lot to do with Raja getting the sack and a tense Kanimozhi fielding queries from reporters in Delhi. Read more: Karunanidhi’s sons, Maran brothers dined lavishly as Raja got boot – The Times of India http://timesofindia.indiatimes.com/india/Karunanidhis-sons-Maran-brothers-dined-lavishly-as-Raja-got-boot/articleshow/6932615.cms#ixzz15PSD9qH1

[11] ஸ்பைஸ் ஜெட் நிறுவனம் மும்பை பங்குச் சந்தைக்கு அனுப்புள்ள அறிக்கையில் இந்த விவரத்தை தெரியப்படுத்தியுள்ளது. ஸ்பைஸ் ஜெட் நிறுவனத்தின் தலைவராக பொறுப்பேற்றுள்ள கலாநிதி மாறன், உடனடியாக அதன் நிர்வாக அமைப்பிற்கு புதிதாக ஐந்து இயக்குனர்களை நியமித்துள்ளார். எஸ. ஸ்ரீதரன், ஜே.இரவீந்திரன், நிக்கலாஸ் மார்ட்டின் பால், எம்.கே.ஹரிநாராயணன் ஆகியோர் இயக்குனர்களாகவும், தனது மனைவி காவேரியை முடிவெடுக்கும் அதிகாரமற்ற இயக்குனராகவும் நியமித்துள்ளார்.

http://tamil.webdunia.com/newsworld/finance/news/1011/15/1101115055_1.htm

[13] அமெரிக்காவைச் சேர்ந்த முதலீட்டாளர் வில்புர் ரோஸிடமிருந்து இந்த பங்குகள் வாங்கப்பட்டன.