Posts Tagged ‘காமன்வெல்த் ஊழல்’

ராஜினமா ஏன் – உருட்டி மிரட்டிய ராஜாவும், மிரட்டிப் பணிந்த கருணாநியும்

நவம்பர் 15, 2010

ராஜினமா ஏன் – உருட்டி மிரட்டிய ராஜாவும், மிரட்டிப் பணிந்த கருணாநியும்

மிரட்டிப் பணிந்த கருணாநிதியின் அறிக்கை-விளக்கம்[1]: மத்திய தொலைத்தொடர்பு, தகவல் தொழில்நுட்பத் துறை அமைச்சர் ஆ. ராசாவை பொறுப்பில் இருந்து விலக்கிக் கொள்ள தி.மு.க. முடிவு செய்தது தொடர்பாக முதல்வர் கருணாநிதி விளக்கம் அளித்துள்ளார்[2]. இதுதொடர்பாக, அவர் ஞாயிற்றுக்கிழமை இரவு வெளியிட்ட அறிக்கை:  தி.மு.க. கொள்கை பரப்புச் செயலாளரும், மத்திய அமைச்சருமான ராசா, தி.மு.க.வுக்கும், தன்னை தேர்ந்தெடுத்த மக்களுக்கும் நம்பிக்கைக்கு உரியவராக இருந்தார். அவர் ஏற்றுக்கொண்ட பணியில் நேர்மை, நியாயம், கடமை உணர்வு ஆகியவற்றைத் தொடர்ந்து கடைப்பிடித்து, தலித் இனத்தின் கதிரவனாக விளங்குபவர்[3].

ஓராண்டு காலமாக திட்டமிட்டு நடந்த சந்தைக் கடை இரைச்சல்: அவரை மத்திய அமைச்சர் பதவியிலிருந்து விலக்க வேண்டும் என்று திட்டமிட்ட முயற்சி பல நாள்களாக நடைபெற்று வந்தது. ஜனநாயகக் கூடங்களில் சந்தைக் கடை இரைச்சல் மேலிட்டது. நாட்டு மக்களுடைய பிரச்னைகளை விவாதிக்க முடியாத அளவுக்கு ஜனநாயக மன்றங்களின் நடவடிக்கைகளை தடுத்து நிறுத்திடவுமான செயல்கள் தொடர்ந்து ஓராண்டு காலமாக நிகழ்த்தப்பட்டு வருகின்றன.

அவர் மீது என்ன பழி சுமத்தப்படுகிறது? மத்திய தகவல் தொழில்நுட்பத் துறை 2-ஜி அலைக்கற்றை ஒதுக்கீடு செய்ய 1999 முதல் எந்த முறை பின்பற்றப்பட்டதோ, அதே முறையைத்தான் ராசா பின்பற்றினார்[4].  இதுதொடர்பாக, அளிக்கப்பட்ட விளக்கங்கள் எதையும் ஏற்றுக்கொள்ளாமல், அவர் ராஜிநாமா செய்தே தீர வேண்டும் என்று பிடிவாதம் செய்து, நாடாளுமன்ற அவைகளை நடக்க விடாமல் செய்து வருகிறார்கள்.  எல்லோராலும் நடத்தப்படுகிற குழப்பம் அல்ல; குழப்பத்தை உருவாக்கப் பலர் தேவையில்லை; சிலரே போதும்; நாடாளுமன்ற நடவடிக்கைகளை தடைப்படுத்துவதன் மூலம் மத்திய அரசு நிர்வாகம் முழுவதும் ஸ்தம்பித்துப் போகக் கூடிய சூழலை உருவாக்க திட்டமிட்டிருந்தார்கள்.

அண்ணா அந்த நெறிக்கு விபத்து, ஜனநாயகத்தைப் பாதுகாக்கும் பொறுப்பு, ராஜினாமா: நாடாளுமன்ற ஜனநாயகத்தை, அதன் மாண்பை, அதன் நடுநிலையைத் தழைத்திடச் செய்யவும், தக்க வைத்திடவுமான பொறுப்பு அனைவருக்கும் இருக்கிறது. அண்ணா அந்த நெறியில்தான் நம்மை எல்லாம் வளர்த்தார்[5]. அந்த நெறிக்கே விபத்து ஏற்படும்போது, அந்த விபத்திலிருந்து இந்திய ஜனநாயகத்தை, குறிப்பாக நாடாளுமன்ற ஜனநாயகத்தைப் பாதுகாக்கும் பொறுப்பு நமக்கு உள்ளது[6].  அதனை நிலைநாட்டும் வகையில், நாடாளுமன்ற உறுப்பினராகவும், மத்திய அமைச்சராகவும் உள்ள ஆ. ராசாவை அமைச்சர் பொறுப்பில் இருந்து விலக்கிக் கொள்வது என்று முடிவு எடுத்து அவருக்கும் தெரிவிக்கப்பட்டது. அவரும் பதவி விலகல் கடிதத்தை பிரதமர் மன்மோகன் சிங்கிடம் வழங்கிடுவார் என்று அந்த அறிக்கையில் குறிப்பிடப்பட்டுள்ளது.  இந்த நிலையில், பிரதமர் மன்மோகன் சிங்கை ஞாயிற்றுக்கிழமை இரவு அவரது இல்லத்தில் சந்தித்த மத்திய அமைச்சர் ராசா, தனது பதவி விலகல் கடிதத்தை வழங்கினார். 2ஜி அலைக்கற்றை (ஸ்பெக்ட்ரம்) ஊழல் குற்றச்சாட்டைத் தொடர்ந்து தொலைத் தொடர்புத் துறை அமைச்சர் ஆ. ராசா ஞாயிற்றுக்கிழமை ராஜிநாமா செய்தார். அவர் தனது ராஜிநாமா கடிதத்தை பிரதமர் மன்மோகன் சிங்கிடம் அளித்தார்.

கருணாநிதி கேட்டுக்கொண்டதற்கு இணங்கவும், அரசுக்கு ஏற்படும் தர்மசங்கடத்தைத் தவிர்க்கும் வகையில் ராஜிநாமா: பிரதமர் இல்லத்திலிருந்து வெளியே வந்தபோது ராசா செய்தியாளர்களுக்குப் பேட்டியளித்தார். நாடாளுமன்றத்தில் ஆளும் கூட்டணிக்கு தர்மசங்கடத்தை ஏற்படுத்தக் கூடாது என்பதற்காவும் அவை நடவடிக்கைகள் சுமுகமாகவும் அமைதியாகவும் நடைபெற உதவிடும் நோக்கிலும் எனது தலைவர் கருணாநிதி கேட்டுக்கொண்டதற்கு இணங்கவும் அரசுக்கு ஏற்படும் தர்மசங்கடத்தைத் தவிர்க்கும் வகையில் பதவியை ராஜிநாமா செய்திருப்பதாகவும், அதற்காக தன்மீது கூறப்பட்ட குற்றச்சாட்டுக்களை ஏற்றுக் கொள்வதாக அர்த்தம் இல்லை என்றும்[7], தன் மீது எந்தக் களங்கமும் இல்லை என்பதை நிரூபிக்கப் போவதாகவும் கூறினார்[8].

கோடி-கோடி ஊழல்கள், நாறும் காங்கிரஸ்: அமைச்சர் ஆ.ராசா பதவி விலகும் வரை நாடாளுமன்றத்தை முடக்கி அரசுக்கு கடும் நெருக்கடி கொடுக்க எதிர்க்கட்சிகள் திட்டமிட்டிருந்தன.  ஏற்கெனவே ஆதர்ஷ் குடியிருப்பு ஊழல், காமன்வெல்த் விளையாட்டுப் போட்டி ஊழல் போன்றவற்றால் கடந்த வாரம் நாடாளுமன்றத்தின் இரு அவைகளும் முடக்கப்பட்டன. அப்போது அலைக்கற்றை ஊழலும் எழுப்பப்பட்டது. ஆதர்ஷ் குடியிருப்பு ஊழல் தொடர்பாக மகாராஷ்டிர முதல்வர் அசோக் சவாண் பதவி விலகினார். காமன்வெல்த் ஊழல் குற்றச்சாட்டு தொடர்பாக, போட்டி அமைப்புக் குழு தலைவரும் காங்கிரஸ் எம்.பி.யுமான சுரேஷ் கல்மாடி காங்கிரஸ் நாடாளுமன்றக் குழு செயலர் பதவியிலிருந்து விலகினார். இதில் ஓரளவு சமாதானமடைந்த எதிர்க்கட்சிகள், அலைக்கற்றை ஊழல் புகார் தொடர்பாக திமுக அமைச்சர் ராசா பதவி விலக வலியுறுத்தி வந்தன.

சிங்கிக்குத் தெரியாமல் எதுவும் செய்யவில்லை: சிங்கிக்குத் தெரியாமல் எதுவும் செய்யவில்லை, அதாவது சிங்கிக்கிற்குத் தெரிந்துதான் செய்தேன் என்று ராஜா பாட்டுப் பாட ஆரம்பித்ததும், காங்கிரஸ் அதன் விஷமத்தனத்தைப் புரிந்து கொண்டது[9]. மேலும், சிங்கே ஒருமுறை ராஜாவை ஆதரித்து பேசியிருந்தார்[10]. ஆனால், எதிர்கட்சிகள் இதை வேறுவிதமாக அணுகப்பாவதை அறிந்தும், ராஜினாமா முடிவுக்கு வந்து விட்டது. ஆனால் ராஜிநாமா செய்வதில்லை என்பதில் ராசா உறுதியாக இருந்தார். ராஜிநாமா செய்ய மாட்டேன் என்று அவர் பலமுறை கூறிவந்தார். திமுக தலைவர் முதல்வர் கருணாநிதியும் ராசா குற்றமற்றவர், அவர் ராஜிநாமா செய்யத் தேவையில்லை என்று கூறிவந்தார். இந்த நிலையில் ராசா ராஜிநாமா செய்யும்வரை நாடாளுமன்றத்தை முடக்குவது என்பதில் எதிர்க்கட்சிகள் உறுதியாக இருந்தன. அதோடு அரசுக்கு கடும் நெருக்கடி கொடுக்கவும் எதிர்க்கட்சிகள் திட்டமிட்டிருந்தன. மேலும் அலைக்கற்றை ஊழல் வழக்கு உச்ச நீதிமன்றத்தில் திங்கள்கிழமை விசாரணைக்கு வரும்போது ராசா அமைச்சர் பதவியில் நீடிப்பது குறித்து நீதிமன்றம் கண்டனம் தெரிவித்தால் மத்திய அரசுக்கு மேலும் நெருக்கடி ஏற்படும் என்று கருதப்பட்டது.  ஏற்கெனவே ராசா பதவியில் நீடிப்பது குறித்து நீதிபதிகள் அதிருப்தி தெரிவித்திருந்தது குறிப்பிடத்தக்கது.

புரிந்து கொண்ட காங்கிரஸ் கழட்டிவிட தீர்மானித்தது: இந்த இக்கட்டான சூழலை அடுத்து  பிரதமர் மன்மோகன் சிங், காங்கிரஸ் தலைவர் சோனியா காந்தி, நிதியமைச்சர் பிரணாப் முகர்ஜி ஆகியோர் தில்லியில் ஞாயிற்றுக்கிழமை முக்கிய ஆலோசனையில் ஈடுபட்டனர். நாடாளுமன்ற வளாகத்தில் நடைபெற்ற இந்தக் கூட்டத்தில், அலைக்கற்றை ஊழல் விவகாரத்தில் அடுத்து எடுக்க வேண்டிய நடவடிக்கைகள் குறித்து முடிவுகள் எடுக்கப்பட்டதாகக் கூறப்படுகிறது. நாடாளுமன்றம் சுமுகமாக நடைபெற வேண்டுமானால் ராசா பதவி விலகுவதைத் தவிர வேறு வழியில்லை என்று காங்கிரஸ் மேலிடம் முடிவு செய்ததாகத் தெரிகிறது. இந்த முடிவு திமுக தலைமைக்குத் தெரிவிக்கப்பட்டது. ராசா பதவி பறிக்கப்படுவதை திமுக தலைமை முதலில் ஏற்றுக்கொள்ளவில்லை. ஆனால் நிலைமை கையை மீறிப் போய்விட்டதால் வேறு வழியில்லை என்பதை காங்கிரஸ் மேலிடம்திமுக தலைமைக்கு உணர்த்தியதாகக் கூறப்படுகிறது[11]. காங்கிரஸ் மேலிடத் தகவலை அடுத்து முதல்வர் கருணாநிதி ராசாவை அழைத்து ஆலோசித்ததாகத் தெரிகிறது. கருணாநிதி கேட்டுக்கொண்டதற்கு இணங்க அவர் சென்னையிலிருந்து தில்லி புறப்பட்டுச் சென்றார். அங்கு பிரதமரைச் சந்தித்து ராஜிநாமா கடிதம் கொடுத்தார்.

துரைமுருகன் பறந்தார், கனிமொழி மறுப்பு தெரிவித்தார்: ராசாவுக்குப் பதில் கனிமொழி தொலைத்தொடர்புத் துறை அமைச்சராக்கப்படுவார் என்று வெளியான செய்தியை மாநிலங்களவை திமுக உறுப்பினரும் முதல்வர் கருணாநிதியின் மகளுமான கனிமொழி மறுத்துள்ளார். மாநிலங்களவை உறுப்பினராகவே தொடர்வேன் என்று அவர் கூறினார். அலைக்கற்றை விவகாரம் தொடர்பாக காங்கிரஸ்-திமுக உறவில் விரிசல் ஏதுமில்லை. எனக்கு தெரிந்து இதுவரை காங்கிரஸ்- திமுக இடையே உறவு சிறப்பாக உள்ளது என்றார் வேறு திமுக எம்.பிக்குக் கொடுக்கப்படவேண்டும் என்று கேட்டுள்ளதாகத் தெரிகிறது[12]. துரைமுருகன் இதற்காகத்தான் டில்லி சென்றுள்ளதாக தெரிகிறது.. மேலும் பாஜக தமிழகத்தில் 17ம்தேதி முதல் ஆர்பாட்டம் செய்வதாக அறிவித்துள்ளது[13]. இதனால், தமிழகத்தில் ஒருவேளை பாதிப்பு வருமோ என்றும் திமுக அஞ்சுகிறது. பாஜகவைக் கண்டு அல்ல, அதிமுகவும் அதில் இணையும்போது. இந்நிலையில் தொலைதொடர்பு துறையை  மன்மோஹன்சிங்கே இனி கவனிப்பார்[14] என்று அறிவிக்கப்பட்டுள்ளது.

வேதபிரகாஷ்

© 15-11-2010


[1] தினமணி, . ராசா விலகல் ஏன்?: முதல்வர் விளக்கம், நவம்பர் 14, 2010, http://www.dinamani.com/edition/story.aspx?Title=………SectionName=Tamilnadu

[3] இப்படியெல்லாம் புகழ் பாட திமுகவினருக்கு ஒன்றும் சொல்லிக்கொடுக்க வேண்டாம். கீழே விழுந்தாலும், மண் ஒட்டவில்லை என்று பாட்டுப்பாடி, ஆடும் கருப்புப்பரிவார் கூட்டத்தினர்.

[4] நேற்று வரை, சன் டிவி செனல்களில், ஏதோ கோப்புகளைக் காட்டி, அதில் எல்லோருமே ஒப்புதல் அளித்ததாகக் காட்டிக் கொண்டிருந்தனர். ஆனால், இது சட்டத்திற்கு புறம்பானது. இந்த உண்மை தெரிந்ததும், காங்கிரஸ் கடுப்பாகிவிட்டது.

[5] இப்படி கோடிக்கணக்கில் ஊழல் செய்யுமாறு பணித்தாரா என்று தெரியவில்லை. இருப்பினும், கருணாநிதி, எப்படியும் மாற்றி-மாற்றி பேசுவதில் வல்லவர்.

[6] இவர்கள் தாம் ஜனநாயகத்தை பாதுக்காக்கப் போகின்றனர் என்றெல்லாம் பேசுவது, எப்படிபட்ட பொய்மாலங்கள் என்று மக்கள் உணரவேண்டும்.

[9] கருணாநிதியை விஞ்சும் வகையில் உள்ளவர் சோனியா மெய்னோவாதான், கௌணாநிதியின் விஷமத்தனத்தைப் புரிந்து கொண்டுதான், பொறுப்பை, சிங்கிடம் தக்க வைத்ததுடன், கேபினட்டை விரிவாக்கவும் ஆணையிட்டுள்ளார்.

[11] தினமணி, அமைச்சர் பதவியில் இருந்து . ராசா ராஜிநாமா, First Published : 15 Nov 2010 03:11:23 AM IST; Last Updated : 15 Nov 2010 04:15:28 AM IST;

http://www.dinamani.com/edition/Story.aspx?SectionName=…………..BE

Advertisements

ஸ்ரீ ராமகிருஷ்ண மடமும், அல்லா ராக்கா ரஹ்மானும்!

நவம்பர் 2, 2010

ஸ்ரீ ராமகிருஷ்ண மடமும், அல்லா ராக்கா ரஹ்மானும்!

தீவிரவாதிக்கு, மோசடி பேர்வழிக்கு, சினிமாக்காரனுக்கு பத்மஸ்ரீ / பத்மவிபூஷண் அளித்த அரசு: அரசாங்க விருதுகளை காங்கிரஸ்காரர்கள் எப்படி கேவலப்படுத்துவது என்பதை அவர்கள் செய்யும் காரியங்களிலிருந்தே அறிந்து கொள்ளலாம். தீவிரவாதிக்கு, மோசடி பேர்வழிக்கு, சினிமாக்காரனுக்கு, தன்னலமே இல்லாமல் எங்கோ சேவை செய்யும் மனிதருக்கு இப்படி எல்லொருக்குமே பத்மஸ்ரீ அளிக்க முடியுமா என்றால், அதையும் இந்த வெட்கங்கெட்ட காங்கிரஸ் சென்ற வருடம் செய்துள்ளது. குலாம் முஹம்மது மீர் என்ற காஷ்மீர தீவிரவாதிக்கு[1], சந்த் சிங் சத்வால்[2] என்ற பண மோசடி பேர்வழிக்கு பொதுநலசேவைக்காகவும், …………..விருதுகள் அளிக்கப்பட்டன! அதே விருதுகளை மற்றவர்களுக்கும் – அதாவது உண்மையில் அவற்றைப் பெறத் தகுதியுள்ளவர்கள் – கொடுத்தால், மற்றவர்கள் என்ன நினைப்பார்கள்?

பொறுத்தமற்ற ஆள் கையில் விருது பெறுவது: இந்திரா தேசிய விருது வழங்கும் விழா, டில்லியில் நேற்று நடந்தது. 25வது ஆண்டு விருது வழங்கும் விழாவில் பங்கேற்ற காங்., தலைவர் சோனியா, சிறந்த கல்வி சேவையாற்றி வரும் நாராயண்பூரில் உள்ள ராமகிருஷ்ணா ஆசிரமத்துக்கு விருது வழங்கினார். இந்த விருதை, ஆசிரம நிர்வாகி சுவாமி வியாப்தானந்தா பெற்றுக்கொண்டார்[3]. அதாவது, ஒரு நல்ல காரியத்தை செய்துவரும் நிருவனத்திற்கு சோனியா கையில் விருது! இது உண்மையில் அந்த நிறுவனத்தைக் கேவலப்படுத்தும் வகையில் தான் இருக்கிறது.

ஊழலுக்கு ஊழல் விருது: பிரதமர் மன்மோகன் சிங்கிடமிருந்து இந்திரா விருதை திரைப்பட இசையமைப்பாளர் ஏ.ஆர்.ரஹ்மான் பெற்றுக்கொண்டார். விழாவில், பிரதமர் மன்மோகன் சிங் பேசுகையில், “தேசிய ஒற்றுமையை பாதுகாக்க பலவழிகள் உண்டு. .ஆர்.ரஹ்மான், இசை மூலம் இந்த பணியை செய்கிறார்[4]. ரோஜா, பாம்பே, லகான் முதலிய படங்களில் வரும் பாலகளின் மூலம் நாட்டுப்பற்றை மனங்களில் ஊற்றி, நமது சுதந்திரத்திற்காக பாடுபட்ட தியாகிகளை மரியாதை செய்யும் வகையில் அமைத்துயுள்ளார்[5]. வந்தே மாதரம் பாட்டு மூலம் எல்லா இந்தியர்களையும் – இந்துக்கள், முஸ்லீம்கள், சீக்கியர், கிருத்துவர், பார்சி என அனைவரையும் கவர்ந்தீர்த்துள்ளார்………”, என்று அடுக்கிவிட்டு, “சத்திஸ்கர் மாநிலம் பஸ்தார் பகுதியில் பின்தங்கிய மக்களிடம் கல்வியறிவை ஊட்டும் பணியை ராமகிருஷ்ணா மிஷன் சிறப்பாக செய்து வருகிறது…………. நாட்டின் தொலைதுரப் பகுதியில் உள்ள மலைவாழ் மக்களின் முன்னேற்றத்துக்காக ராமகிருஷ்ண ஆஸ்ரமம் ஆற்றிய தொண்டு பாராட்டத்தக்கது. காடுகளையும், மலைகளையும் கடந்து சென்று மருத்துவச் சேவை உள்ளிட்ட பணிகளைச் செய்துள்ளன[6]…………..’ என்றார்.

சினிமா இசையமைப்பாளருக்கு தேசிய ஒருமைப்பாடு விருது: முன்னர் சியாம் பெனகல், ஜாவித் அக்தர் போன்ற சினிமாக்காரர்களுக்கு கொடுத்தாலும், முதன் முதலில் சினிமா இசையமைப்பாளருக்கு தேசிய ஒருமைப்பாடு விருது கொடுக்கப்படுகிறது[7]. இதில் வேடிக்கை என்னவென்றால், முன்னமே, காமன்வெல்த் ஊழல் தொடர்பாக, மிகவும் ஊழல்காரர்களை ஆதரித்துப் பேசியுள்ளார்[8].  பிறகு, தனது பாட்டு எடுபடாமல் போகவே மன்னிப்பும் கேட்டுவிட்டார்[9]. இருப்பினும் அவருக்கு விருது கொடுக்கிறார்கள் என்றால் ஆச்சரியம் தான்!

பாடலுக்காக ரூ. 5,55,00,000/- வாங்கிய ரஹ்மான்[10]: ஏதோ நாட்டுக்காக, மஹாத்மா காந்திக்காக இலவசமாக செய்கிறார் என்று நினைக்கவேண்டாம். இப்பாடலுக்காக ரூ. 5.55 கோடி ரூபாய் / 1.1 million அமெரிக்க டாலர்கள் (Rahman is being paid 55.5 million rupees ($1.1 million) for composing the song and for his appearance, inclusive of service tax.) கொடுக்கிறார்களாம்! மன்மோஹன் சிங்கின் அறிவுறையின்படி[11], கல்மாடி என்ற ஊழல் பேர்வழி, இத்தகைய “நல்ல பேரை வாங்க” வேஷங்களைப் போட்டு மக்களை ஏமாற்ற இறங்கிவிட்டார்கள் எனத்தெரிகிறது. அதே சிங்குதான், விருது கொடுத்து பாராட்டியும் பேசியுள்ளார்!

சர்தார் படேலும், பக்கிம் சந்திர சட்டர்ஜியும், பக்தி மார்க்கத்தவரும் தேசிய ஒருமைப்பாடும்! ஸ்ரீ ராமகிருஷ்ணமட சாமியார் பணத்திற்காக, புகழுக்காக சேவை செய்யவில்லை. ஆனால் ரஹ்மானுக்கு அத்தகைய ஆசைகள் உண்டு. ஆனால், இன்றைய நிலையில் ரஹ்மானிற்கு அவை தேவையில்லை எனலாம். பிறகு எதற்காக தேடிப் பிடித்து அவருக்கு விருது கொடுக்கிறார்கள்? இந்திய நாட்டை ஒன்று படுத்திய சர்தார் வல்லபாய் படேலின் நாளில் அவரை மறந்து விட்டு, குறிப்பாக அவர் பிறந்த நாளிலேயே, இவ்வாறு செய்வதே உண்மையினை மறைக்கும் திட்டமாகத்தான் தெரிகிறது. அந்த சர்தாருக்கே 1991ல்தான், திடீரென்று ஞாபகம் வந்து “பாரத் ரத்னா” விருதினைக் கொடுத்தார்களாம்!

“வந்தே மாதரம்” பாடலை இயற்றியவரை அவதூறு பேசுகிறார்கள், இந்துமதவாதி என்று திரிபுவவதம் செய்கிறார்கள், ஆனால், அதை, ராகம், மெட்டு மாற்றி பாடியவருக்கு தேசிய ஒருமைப்பாடு விருது கொடுக்கிறார்கள்.

சூர்தாஸ், கபீர்தாஸ், ராய்தாஸ், மீரா முதலியோர் பல ஊர்களுக்குச் சென்று பாடல்கள் பாடி பக்தி மார்க்கத்தினால் மக்களை ஒன்று கூட்டினார்கள், இந்தியாவைக் காத்தார்கள். அவர்களுடைய பாட்டுகளைவிட, இப்பொழுதுள்ள பாட்டுகள் சிறந்தவையாகி விட்டனவா?

இவர்களையெல்லாம் உயர்ந்தவர் ரஹ்மான் ஆகிவிட்டாரா? ஆக இவ்வாறு எல்லாவற்றையும் மறந்து எதற்கு ரஹ்மானிற்கு விருது கொடுக்கப்பட்டுள்ளது? ஒருவேளை கல்மாடி கையினால் அவ்விருது கொடுக்கப்பட்டிருக்குமேயானால், ஏற்றுக்கொள்ளலாம்!

வேதபிரகாஷ்

© 01-11-2010


[2] Chatwal, who is considered close to former US President Bill Clinton and his wife and US Secretary of State Hillary Clinton was earlier chargesheeted by the CBI for an alleged USD 9 million fraud case connected with the State Bank of India. He had allegedly defaulted on paying back the money he owed to the bank. The letter also mentions the CBI case against Chatwal in which he was even arrested in Mumbai but got bail and left the country. The hotelier was acquitted in one of the four cases in 2008 but since the Director of Prosecution opposed an appeal in the matter, the case was closed.

[6] தினமணி, .ஆர். ரஹ்மான், ராமகிருஷ்ண ஆஸ்ரமத்துக்கு இந்திரா காந்தி விருது, First Published : 01 Nov 2010 12:00:00 AM IST

http://www.dinamani.com/edition/Story.aspx?SectionName=India&artid=326236&SectionID=130&MainSectionID=130&SEO=&Title=%E0%AE………………81

[8] வேதபிரகாஷ், காமன்வெல்த் ஊழலுக்குத் துணைப் போகும் அல்லா ராகா ரஹ்மான்!, http://evilsofcinema.wordpress.com/2010/08/17/காமன்வெல்த்-ஊழலுக்குத்-த/

[9] வேதபிரகாஷ், அல்லா ராகா ரஹ்மான் – “காமன்வெல்த் போட்டிக்கான தீம் பாடலின் ட்யூன் சரியில்லை, தரமானதாக இல்லை, இதற்காக வருத்தப்படுகிறேன், என்னை மன்னித்து விடுங்கள், https://corruptioninindia.wordpress.com/2010/10/16/%E0%AE%85%E0%AE%B2%E0%AF%8D%E0%AE%B2%E0%AE%BE-%E0%AE%B0%E0%AE%BE%E0%AE%95%E0%AE%BE-%E0%AE%B0%E0%AE%B9%E0%AF%8D%E0%AE%AE%E0%AE%BE%E0%AE%A9%E0%AF%8D-%E2%80%9C%E0%AE%95%E0%AE%BE%E0%AE%AE%E0%AE%A9/

அல்லா ராகா ரஹ்மான் – “காமன்வெல்த் போட்டிக்கான தீம் பாடலின் ட்யூன் சரியில்லை, தரமானதாக இல்லை, இதற்காக வருத்தப்படுகிறேன், என்னை மன்னித்து விடுங்கள்”

ஒக்ரோபர் 16, 2010

அல்லா ராகா ரஹ்மான் – “காமன்வெல்த் போட்டிக்கான தீம் பாடலின் ட்யூன் சரியில்லை, தரமானதாக இல்லை, இதற்காக வருத்தப்படுகிறேன், என்னை மன்னித்து விடுங்கள்”

அல்லா ராகா ரஹ்மானின் முரண்பாடு: நான் 17-08-2010 அன்று ரஹ்மான் ஒருவேளை ஊழலுக்குத் துணை போகிறாரோ என்ற ஆதங்கத்தில் “காமன்வெல்த் ஊழலுக்குத் துணைப் போகும் அல்லா ராகா ரஹ்மான்” என்று எழுதினேன்[1]. ஏனெனில் அப்பொழுது ரஹ்மான் பேசிய விதம் கல்மாடியை ஆதரித்து பேசுவது போல இருந்தது. மேலும், தான் இசையமைக்கும் பாடலையும் தயாரிக்கவில்லை. நிருபர்கள் கேட்டபோது பொய்களை அள்ளி வீசி மழுப்பி விட்டார். இன்றோ 16-10-2010 அன்று, என். டி. டிவிக்கு கொடுத்த பேட்டியில்[2], காமன்வெல்த் போட்டிக்காக தான் போட்டுக் கொடுத்த தீம் பாடலின் ட்யூன் பிரபலமாகமால் போனதற்காக மன்னிப்பும், வருத்தமும் தெரிவிப்பதாக இசையமைப்பாளர் ஏ.ஆர்.ரஹ்மான் கூறியுள்ளார்[3]. வந்த மக்கள் கூட்டத்திற்கு பிடித்திருக்கவில்லை என்று சி.டபிள்யு.கமிட்டி மெம்பர் வி. கே. மல்ஹோத்ரா வெளிப்படையாகவே அதை சொல்லிவிட்டார். ‘யாரோ இந்தியா புலா லியா’, இந்தியாவின் 1/4 பகுதியினருக்கு பிடிக்காமல் போய்விட்டதாக ஓர் கருத்துக்கணிப்பு வெளிவந்தது.
“காமன்வெல்த் போட்டிக்கான தீம் பாடலின் ட்யூன் சரியில்லை, தரமானதாக இல்லை, இதற்காக வருத்தப்படுகிறேன், என்னை மன்னித்து விடுங்கள்”: இதுகுறித்து அவர் கூறுகையில், “காமன்வெல்த் போட்டிக்கான தீம் பாடலின் ட்யூன் சரியில்லை, தரமானதாக இல்லை என்பதை ஒப்புக்கொள்கிறேன்[4]. இளைய தலைமுறையினரை மட்டும் குறித்து இந்தப் பாடல் வரிகள் இடம் பெற்று விட்டது. மற்றவர்களையும் அதில்சேர்த்திருக்க வேண்டும். ஆஸ்திரேலியா, இங்கிலாந்து மற்ற இடங்களிலிருந்து ஆதரவு இருந்தாலும், பிரச்சினையால் பாதிப்பு ஏற்பட்டுள்ளது[5]. இந்தப் பாடலும், ட்யூனும் மக்களைக் கவராமல் போய் விட்டது உண்மைதான். இதற்காக வருத்தப்படுகிறேன். எனது பாடலால் யாராவது ஏமாந்திருந்தால், என்னை மன்னித்து விடுங்கள். அடுத்த முறை இதுபோல நேரிடும்போது மிகவும் கவனமாக இருப்பேன். அனைவருக்கும் பொருத்தமான பாடலையும், ட்யூனையும் தேர்வு செய்வேன்”, என்றார் ரஹ்மான். காமன்வெல்த் போட்டிக்கான தீம் பாடல் யாரையும் கவரவில்லை என்ற தகவல் பரவியதைத் தொடர்ந்து அதை சரி செய்யும் முயற்சியிலும் ஈடுபட்டார் ரஹ்மான். இருப்பினும் இந்தப் பாடல் யாருக்குமே பிடிக்காமல் போய் விட்டது குறிப்பிடத்தக்கது.
காமன்வெல்த் குறித்து எதிர்மறையான செய்தியைத் தவிர்க்க வேண்டும்-அன்று ஏ.ஆர்.ரஹ்மான் கோரிக்கை[6]: காமன்வெல்த் போட்டிகள் குறித்து எதிர்மறையான செய்திகளை மீடியாக்கள் தவிர்க்க வேண்டும. உண்மை அல்ல என்று தெரியும் செய்திகளைப் போடுவதை தவிர்க்க வேண்டும் என ஏ.ஆர்.ரஹ்மான் கோரிக்கை விடுத்துள்ளார். காமன்வெல்த் போட்டிக்கான மைய நோக்குப் பாடல் இன்று அறிமுகம் செய்யப்பட்டது. இதில் கலந்து கொண்டு ரஹ்மான் பேசுகையில், “காமன்வெல்த் போட்டிகள் குறித்து எதிர்மறையான, மோசமான செய்திகள் தொடர்ந்து வெளியாகின்றன. ஆனால் அவை அனைத்தும் உண்மை அல்ல என்று நான் நம்புகிறேன். நாட்டிற்குப் பெருமை சேர்க்கும் ஒரு விஷயம் காமன்வெல்த் போட்டி. எனவே அதுகுறித்து தவறான, அவதூறான செய்தியை வெளியிட்டால் அது நாட்டுக்குத்தான் அவப்பெயரைத் தேடித் தரும்.

ஊழலில் என்ன பாசிட்டிவ் சிந்தனை என்பது ரஹ்மான் தான் சொல்லவேண்டும்: எனவே மீடியாக்கள் எதிர்மறையான செய்திகளை வெளியிடுவதைத் தவிர்க்க வேண்டும். இந்தியாவின் புகழை சீர்குலைக்கும் வகையில் காமன்வெல்த் போட்டிகள் குறித்து மீடியாக்களில் செய்தி வருவது எனக்கு வேதனை தருகிறது. நான் லண்டனில் இருந்தபோது காமன்வெல்த் போட்டிகள் குறித்து மோசமான செய்திகள் வந்ததைப் பார்த்து அதிர்ச்சி அடைந்தேன்[7], [ஆனால் இன்று சொல்வது – ஆஸ்திரேலியா, இங்கிலாந்து மற்ற இடங்களிலிருந்து ஆதரவு இருந்தது] பாசிட்டிவான சிந்தனையுடன் இதை நாம் அணுக வேண்டும். எனவே டெல்லி காமன்வெல்த் போட்டிகள் குறித்த நல்ல விஷயங்களை செய்திளாக மீடியாக்கள் வெளியிட வேண்டும் என்றார் ரஹ்மான்[8].

அல்லா ராகா அஹ்மான் இப்படி ஊழல் பெருச்சாளிகளுக்கு வக்காலத்து வாங்குவது ஏன்? “வாடகை சோபா இருபது ரூபா, விலைக்கு வாங்கினால் முப்பதே ரூபா” என்பதும் ஒரு தமிழ் சினிமா பாடல் தான். அதைவிட கேவலமாக, மோசமாக லட்சங்களில், கோடிகளில் ஊழல் புரிந்துள்ளனர் காங்கிரஸ்காரர்கள். இதில் ஒட்டுமொத்தமாக ஊழல் புரிந்து கோடிகளை அள்ளியுள்ளதால், அந்த ஊழலுக்கு வெள்ளையடிக்க இப்படி சினிமா பாணியில் பிரச்சாரத்தை முடிக்கிவிட்டிருப்பது தெரிகிறது. ரஹ்மானிற்கு ஆஸ்கார் பரிசு பரிந்துறைப்பதில் இருந்த “லாபி நபர்களும்” இதில் சம்பந்தப்பட்டிருப்பதால், ரஹ்மானை வைத்தே அந்த வேலையைத் துவங்கினார்.

இந்திய இசை அரங்கின் மொசார்ட்: காமன்வெல்த் போட்டிக்கு ரஹ்மான் இசையமைத்து கொடுத்த பாட்டுக்கு மத்திய அமைச்சர்கள் குழு ஒப்புதல் அளித்துள்ளது[9]. இதனையடுத்து ஸ்வாகதம் என்ற அந்த பாடலை இசையமைப்பாளர் ரஹ்மான் இன்று டில்லியில் அறிமுகப்படுத்தினார். இந்த விழாவில் இந்திய ஒலிம்பிக் சங்கத் தலைவரும், காமன்வெல்த் போட்டி ஒருங்கிணைப்புக் குழு தலைவர் சுரேஷ் கல்மாடி உள்ளிட்டோர் கலந்து கொண்டனர். விழாவில் ரஹ்மானை இந்திய இசை அரங்கின் மொசார்ட் என கல்மாடி புகழ்ந்தார். இவ்வாறு புகழ்வது, ஆங்கிலேயர் காலத்து அடிமை மனப்பாங்குதான் வெளிப்படுகிறது.

ரஹ்மானால் அந்த பாடலை பாடமுடியவில்லை: பாடல் ரெடி, ரஹ்மான் பாடப்போகிறார் என்றெல்லாம் சொல்லிக்கொண்டாலும், விளம்பரம் செய்தாலும், ரஹ்மானால், பாடலை முழுவதுமாக பாடமுடியவில்லை. ஏதோ இரண்டு வரிகளை பாடிவிட்டு, பத்து நாட்களில் பாடல் ரெடியாகி விடும்[10] என்று சொன்னது, பலருக்கு வியப்பாக இருந்தது. ரசிகர்களுக்கு ஏமாற்றமாகவே இருந்தது. ஆக மொத்தம், ஒன்று அரசு ரஹ்மானை அவ்வாறு பணித்திருக்க வேண்டும் அல்லது ஆஸ்கார் பரிசு பரிந்துறைப்பதில் இருந்த “லாபி நபர்களும்” இதில் சம்பந்தப்பட்டிருப்பதால், அவர்களைக் காப்பாற்ற ரஹ்மான் ஒத்துக்கொண்டிருக்க வேண்டும்.

பாடலைப்பற்றிக் கேட்டபோது மழுப்பிய ரஹ்மான்[11]: ஊடகக்காரர்கள் பாடலைக் கோணோம் என்றதும் கேள்விகள் கேட்க ஆரம்பித்து விட்டனர். ஆனால், ரஹ்மானோ தப்பித்துக் கொள்ளும் விதத்தில் பதில் சொன்னது வேடிக்கையாக இருந்தது. “நான் இந்த பாடலுக்காக கடந்த ஆறு மாதங்களாக வேலை செய்து வருகிறேன். மிகவும் சக்தி வாய்ந்த பாடலாகும், அனைவரையும் கவரக்கூடியது……………..நாங்கள் இன்னும் பாடல் வரிகளை மாற்றி-மாற்றி வருகிறோம்”, என்றெல்லாம் சொன்னதும் வியப்பாக இருந்தது. அதாவது பாடலே இன்னும் எழுதப்படவில்லை. மேலும் விவரங்களைக் கேட்டதற்கு, “அப்பாடல் மிகவும் எளிமையாக இருக்கும், ஆனால் ஏழ்மையாக இருக்காது. வெற்றிக்காக இருக்கும் தோல்விக்காக இருக்காது. அதிகமாக இந்தி வார்த்தைகள் இருக்கும், சில ஆங்கில வார்த்தைகளும் இருக்கும்””, என்று சொன்னபோது தான் தெரிய வந்தது பாடலே தயாராகவில்லை, பாவம் வார்த்தைகளையெல்லாம் தேடிவருகிறர்கள்[12], என்ற உண்மை! பிறகு “நான் இந்த பாடலுக்காக கடந்த ஆறு மாதங்களாக வேலை செய்து வருகிறேன்…..”, என்று ஏன் பொய் சொல்லவேண்டும்? அந்த அளவிற்கு, அவருடைய பங்கு, ஆசை, பாசம் அந்த ஊழல் மிகுந்த வேலையில் உள்ளது என்று அப்பட்டமாகத் தெரிகிறது.

பாடலுக்காக ரூ. 5,55,00,000/- வாங்கும் ரஹ்மான்[13]: ஏதோ நாட்டுக்காக, மஹாத்மா காந்திக்காக இலவசமாக செய்கிறார் என்று நினைக்கவேண்டாம். இப்படலுக்காக ரூ. 5.55 கோடி ரூபாய் / 1.1 million அமெரிக்க டாலர்கள் (Rahman is being paid 55.5 million rupees ($1.1 million) for composing the song and for his appearance, inclusive of service tax.) கொடுக்கிறார்களாம்! மன்மோஹன் சிங்கின் அறிவுறையின்படி[14], கல்மாடி என்ற ஊழல் பேர்வழி, இத்தகைய “நல்ல பேரை வாங்க” வேஷங்களைப் போட்டு மக்களை ஏமாற்ற இறங்கிவிட்டார்கள் எனத்தெரிகிறது.


 

[1] வேதபிரகாஷ், காமன்வெல்த் ஊழலுக்குத் துணைப் போகும் அல்லா ராகா ரஹ்மான்!, http://evilsofcinema.wordpress.com/2010/08/17/காமன்வெல்த்-ஊழலுக்குத்-த/

[6] காமன்வெல்த் குறித்து எதிர்மறையான செய்தியைத் தவிர்க்க வேண்டும்-ஏ.ஆர்.ரஹ்மான் கோரிக்கை, திங்கள்கிழமை, ஆகஸ்ட் 16, 2010, 15:53[IST], http://thatstamil.oneindia.in/news/2010/08/16/commonwealth-games-media-news-rahman.html

[9] தினமலர், காமன்வெல்த் போட்டி மையநோக்க பாடல் : டில்லியில் அறிமுக விழா , ஆகஸ்ட் 16,2010,  http://www.dinamalar.com/News_Detail.asp?Id=63432