Posts Tagged ‘ஊழல் புகார்’

ரெய்டுகளின் பின்னணி: உண்மையை மறைக்கவா, அரசிய ஆதாரம் தேடவா, மக்களின் பணத்தை அமுக்கவா (1)?

திசெம்பர் 8, 2010

ரெய்டுகளின் பின்னணி: உண்மையை மறைக்கவா, அரசிய ஆதாரம் தேடவா, மக்களின் பணத்தை அமுக்கவா?

ஆதர்ஸ ஊழலில் ஆவணங்கள் காணாமல் போனது போல இதிலும் மறையுமா? இந்த ரெய்ட்களெல்லாம் வெறும் ஏமாற்று வேலை, இதற்கெல்லாம் நாங்கள் வசீகரப்பட்டு விட்டுவிட மாட்டோம் என்று மக்களே நிச்சயமாக சொல்வர். எஃப்.ஐ.ஆர் தாக்கல் செய்து ஒரு வருடத்திற்குக் கழித்து ரெய்ட் செய்தால் என்ன கிடைக்கும்? ஆதர்ஸ அடுக்குமாடி ஊழலில் உயிரிழந்த கார்கில் தியாகிகளையும் ஏமாற்றி கோடிகளில் பணத்தை காங்கிரஸ்காரர்கள் மற்றும் ஆதரவாளர்கள்  சுருட்டினர். ஆனால், சவானை ஏதோ ராஜினாமா செய்யச் சொன்னது மாறி செய்ய வைத்து, திடீரென்று எல்லா ஆவணங்களையும் காணோம் என்று புருடா விடுகின்றனர். அதாவது ஆட்சியில் உள்ளவர்களே அத்தகைய மாட்டிவிடும், காட்டிக் கொடுக்கும் ஆவணங்களை திருட்டுத் தனமாக மறைத்து விட்டனர் அல்லது அழித்து விட்டனர் எனலாம், ஆனால் சொல்வதென்னமோ ஆவணங்கள் காணவில்லை என்பதுதான்! அதே மாதிரி ஸ்பெக்ட்ரம் ஊழலிலும் நடக்காது என்பதில் என்ன நிச்சயம்?

பார்லிமென்ட் கூட்டுக் குழுக்கு பயந்து இந்த நாடகம் அரங்கேற்றப்படுகிறதா? பார்லிமென்ட் கூட்டுக் குழு ஏற்படுத்தப் பட்டு விசாரித்தால், எல்லா விவரங்களும் வெளி வந்து விடும் என்று இத்தகைய நாடகத்தை காங்கிரஸ் அரங்கேற்றி மக்களை ஏமாற்றப் பார்க்கிறது. சுத்ததிலும் சுத்தம், பரிசுத்தம், உத்தமர்களில் உத்தமர், ஒன்றும் தெரியாத அப்பாவி போல வேஷம் போட்டு ஏமாற்றி வரும் மன்மோஹன் சிங்கை தப்பிக்க வைக்கும் வேலைதான். ஏனென்றால், ராஜா திட்டவட்டமாக, பல தடவை தான் செய்ததெல்லாம், மன்மோஹனுக்குத் தெரிந்துதான் செய்ததாகவும், அவரின் பார்வைக்கு செல்லாமல் எதுவும் நடக்கவில்லை என்றெல்லாம் சொல்லியாகி விட்டது. அந்நிலையில் சிங்கை விசாரித்தால், ஒருவேளை சோனியாவின் இணைப்பு வெளிவந்துவிடுமோ என்று பயப்படுவது நன்றாகவே தெரிகிறது. அதாவது, விசாரணையில், சிங் நெருக்கப்பட்டு கேள்வி கேட்டால் ராஜா சொன்னது போல, நான் செய்ததெல்லாம் அம்மையார் சொல்லித்தான் செய்தேன், அவருக்குத் தெரியாதது ஒன்றும் இல்லை என்று சொன்னால், பெரிய விவகாரமாகிவிடுமே! இவ்வாறு காலங்கடந்து செய்யும் நடவடிக்கையில் எந்த பலனும் இல்லை, இருப்பினும் செய்தால், நல்ல பெயர் கிடைக்குமே என்று காட்டிக் கொள்ள செய்வதாக உள்ளது.

காலங்கடந்த நடவடிக்கை ஏன்? உண்மையிலேயே நடவடிக்கை எடுக்க வேண்டும் என்றால், சி.ஏ.ஜியின் முதல் அறிக்கை வந்தபோதே எடுத்திருக்கலாம். இந்த அளவிற்கு நீட்டித்து இருக்க வேண்டாம், அதாவது, காலங்கடத்தியிருக்க வேண்டாம். இப்பொழுது நடவடிக்கை எடுப்பதால், அதற்கு முன்பே உஷராகி, எல்லா முக்கியமான ஆவணங்களையும் குற்றவாளிகள்    மறைத்திருப்பாட்ர்கள். மேலும் சி.பி.ஐ என்றாலே காங்கிரஸ் பீரோ ஆஃப் இன்வெஸ்டிகேஷன் என்று கிண்டல் அடிக்கும் நிலையில் வந்திருக்கிறது. மேலும், ஏற்கெனவே, ஒரு சி.பி.ஐ அதிகாரியை மாற்றம் செய்தலில் கருணநிதியின் தலையீடு இருந்தது என்று பேசபட்டது.

சி.பி.ஐயே உடந்தையாக செயல்பட்டால் என்னாகும்? இப்பொழுதும் சி.பி.ஐ தேடுவது போல தேடி ஒருவேளை முக்கியமான ஆவணங்கள் கிடைத்தால், அவற்றை பறிமுதல் செய்கிறோம் என்று எடுத்துச் சென்று அழித்து விட்டால், ஒன்றும் செய்யமுடியாது. பொது மக்களைப் பொறுத்துவரைக்கும், ஆஹா, சி.பி.ஐ வந்தது, ரெய்ட் செய்தது, ஆவணங்களை பறிமுதல் செய்தது, இனி ராஜா மற்ற கொள்லையடித்தவர்கள் எல்லோருமே வசமாக மாட்டிக் கொண்டார்கள் என்றெல்லாம் நினைப்பார்கள், பிறகு மறந்து விடுவார்கள்.

தேர்தல் பேரத்திற்கு ஒத்திகையா? வருகின்ற மே மாதத்தில் 2011ல் தேர்தல் நடக்கும். இருக்கின்ற அரசியல்  பலத்தில் யார் பதவிக்கு வருவார்கள் என்று சொல்ல முடியாது, இருப்பினும், இந்த விசாரணை, நடவடிக்கைகள் எல்லாம்  தொடருமா, நின்று விடுமா என்றெல்லாம் சொல்லமுடியாது. தமிழகம் மற்றுமில்லாமல், மற்ற மாநிலங்களிலும் தேர்தல் இருப்பதால், குறிப்பாக இப்பொழுது, தொடர்ந்து காங்கிரஸ் தோற்று வருவதால், ஒரு புதிய தோற்றத்தை உண்டாக்க இத்தகைய நாடகம் ஏற்பாடு செய்யப்பட்டுள்ளதாகக் கூறப்படுகிறது. குறிப்பாலக, வாரணசியில் நடந்துள்ள ஜிஹாதி குண்டுவெடிப்பையும் மறைத்துவிடும் அளவில் உள்ளது.

சோனியா வீட்டில் ரெய்ட் நடக்குமா? கபில் சிபலும், பிரணப் முகர்ஜியும் அழுத்தமான ஆட்கள், எதையும் செய்யத் துணிந்தவர்கள், சட்ட நுணுக்களை அதிகமாகவே அறிந்தவர்கள், போதாகுறைக்கு சோனியாவிற்கு வேண்டியவர்கள், விசுவாசிகள். சோனியாவிற்கு பெரும்பங்கு சென்றிருக்கும் போது, அதைப் பற்றி யாராவது கேட்க முடியுமா? இல்லை, ராஜாவின் வீடுகளில் ரெய்ட் நடத்துவது போல சோனியாவின் வீடுகளில் சி.பி.ஐ ரெய்ட் நடத்துமா? அவ்வாறு நினைத்துக்கூட பார்க்க முடியாதே? நீதிமன்றங்களில் வழக்குகள் இழுத்தடிக்கப்படும். டாடா மேன்மேலும் கோடிகளை சம்பாதிப்பார்; நீரா ராடியாவும் பல கம்பெனிகளுக்கு சேவை செய்து பணத்தை அள்ளுவார்; பர்கா தத், வீர் சிங்வி, சேகர் குப்தா போன்ற ஊடக விற்பன்னர்கள், நிறைய போன்களில் பேசுவார்கள், யார் அமைச்சர்கள் ஆகவேண்டும் / வேண்டாம் என்பனவற்றையெல்லாம் அலசுவார்கள். ஆனால், கோடிகளில் அள்ளிய பணம் திரும்பி வராது.

காங்கிரஸ்-திமுக ஊடலா, ஊழலா? இப்பொழுதே காங்கிரஸுக்கும், திமுகவிற்கும் லடாய் ஆரம்பித்து விட்டதாம்[1]. சட்டத்தின்படி நடக்கிறது என்பார்கள்; ஏற்கெனவே நடவடிக்கை எடுத்தாகி விட்டது, கோர்ட்டில் வழக்கு நிலுவையில் உள்ளது, ஆகையால் அதைப் பற்றி ஒன்றும் சொல்லமுடியாது. வழக்கு முடியும் வரை காத்திருக்க வேண்டும், அல்லது எந்த தீர்ப்பானாலும், நாங்கள் கட்டுப்பட்டு நடப்போம் என்றெல்லாம் பேசுவார்கள். அவ்வளவேதான்!

வேதபிரகாஷ

09-12-2010


பெரியவருக்கு ரொம்ப வயதாகிவிட்டது. அவருக்கு முதுமையால் தளர்ச்சி ஏற்பட்டு விட்டது. அவர் அதிக நாள் நீடித்திருக்கப் போவதில்லை – இப்படி நீரா ராடியா எப்படி பேசலாம்?

நவம்பர் 23, 2010
பெரியவருக்கு ரொம்ப வயதாகிவிட்டது. அவருக்கு முதுமையால் தளர்ச்சி ஏற்பட்டு விட்டது. அவர் அதிக நாள் நீடித்திருக்கப் போவதில்லை – இப்படி நீரா ராடியா எப்படி பேசலாம்?
ஆ. ராசா – நீரா ராடியா உரையாடல் ஆடியோ
First Published : 21 Nov 2010 01:09:58 PM IST; Last Updated : 22 Nov 2010 02:51:28 PM IST in Dinamani.
ஆ. ராசா – நீரா ராடியா உரையாடல்
22.5.2009 9 மணி 48 நிமிடம் 51 விநாடிகள்

ஆடியோ கேட்க

நீரா: ஹலோ?
ராசா: ராசா பேசுகிறேன்.
நீரா: ஹாய்! இப்போதுதான் பர்கா தத்திடமிருந்து எனக்கு செய்தி வந்தது.
ராசா: ஆ?
நீரா: பர்கா தத்
ராசா: அவர் என்ன சொல்கிறார்?
நீரா: இந்த விஷயம் குறித்து…. அவர் பிரதமரின் அலுவலகத்தோடு இன்றிரவு தொடர்பு கொண்டிருந்ததாக…. அவர் சொல்கிறார். சோனியா காந்தி அங்கு சென்றதாக அவர்தான் என்னிடம் கூறினார். அவருக்கு (மன்மோகன் சிங்) உங்களிடம் பிரச்னை இல்லை; ஆனால் டி.ஆர். பாலு என்றால் பிரச்னை உள்ளது என்று அவர்தான் (பர்கா தத்) சொன்னார்.
ராசா: … ஆனால் தலைவருடன் இதுபற்றி விவாதிக்க வேண்டும்.
நீரா: ஆம், ஆம்… அவர் தலைவருடன் விவாதிக்க வேண்டும். அவர்தான் சொல்ல வேண்டும்.
ராசா: காலையில் இதுபற்றி விவாதிக்கப்படும்… ஏன் காங்கிரஸ் அநாவசியமாக…. ( ஒலிப்பதிவில் தெளிவில்லை). கூட்டணியில் குழப்பம் வருகிறது.
நீரா: இல்லை, கேள்வி இப்போது அழகிரி பற்றியல்லவா?
ராசா: ஆ?
நீரா: அழகிரி போன்ற சீனியர் தலைவர் இருக்கும் போது மாறனுக்கு ஏன் அமைச்சர் பதவி என்று அவருடைய ஆதரவாளர்கள் கேட்கிறார்கள்.
ராசா: அது வேறு விஷயம். ஆனால் இந்த விஷயங்களை எல்லாம் ஆராய்ந்து வெளிப்படுத்த வேண்டும்.
நீரா: இதுதான் சரி. அவரை (பர்கா தத்) காங்கிரஸிடம்…
ராசா: நேரே தலைவரைத் தனியாகப் பார்த்து இந்த விஷயங்களை வெளிப்படுத்த வேண்டும்.
நீரா: தனியாகவா?ராசா: தனியாக, யாராவது தகவலைக் கொண்டு செல்ல வேண்டும். பாலுவுடன் எங்களுக்குப் பிரச்னை இருக்கிறது என்று ஒரு ரகசியக் கடிதமாவது கொண்டு செல்ல வேண்டும்.
நீரா: காங்கிரஸிடமிருந்து அல்லவா?
ராசா: ஆம்.
நீரா: ஓ.கே. நான் அவரிடம் (பர்கா) சொல்கிறேன். அவர் இப்போது அகமது படேலிடம் பேசிக் கொண்டிருக்கிறார். நான் படேலிடம் பேசுகிறேன்.
ராசா: அவர் போனிலாவது தொடர்பு கொள்ளட்டும். சார், இதுதான் பிரச்னை. எங்களுக்கு மிகுந்த மரியாதை இருக்கிறது. ராசாவுடன் எங்களுக்கு எந்தப் பிரச்னையும் இல்லை. எங்கள் பிரச்னை பாலுவுடன்தான் என்று சொல்லுங்கள்…
22.5.2009 மதியம் 2 மணி 29 நிமிடம் 41 விநாடிகள்
நீரா: ராசா, எப்படி இருக்கிறீர்கள்?
ராசா: அவர் என்ன சொல்கிறார் – கனி என்ன சொல்கிறார்?
நீரா: அவருக்கு எல்லாம் ஓ.கே. என்கிறார். அவருக்கு எந்தப் பிரச்னையும் இல்லை என்கிறார்.
ராசா: ம்ம்…
நீரா: …. ஆனால் ஒரே விஷயம் அழகிரியுடன் யாராவது போய் பேச வேண்டும்… நீங்கள்தான் இதைச் செய்ய வேண்டும்.
ராசா: ம்ம்.
நீரா: எப்படி மாறன் போய் எல்லாரிடமும் பேசி வைத்திருக்கிறார் என்று….
ராசா: ஆ…. நான் ஏற்கெனவே பேசிவிட்டேன், ஏற்கெனவே பேசிவிட்டன்…
நீரா: தில்லியில் உள்ள காங்கிரஸ் தலைவர்களிடம் அவர் என்ன சொல்லி வைத்திருக்கிறார் என்று நீங்கள் சொன்னீர்களா?
ராசா: எனக்குத் தெரியும். அழகிரிக்கு ஆங்கிலம் தெரியாது என்ற விஷயத்தை காங்கிரஸ் தலைவர்கள் மனதில் விதைத்தவர்கள் யார்… எனக்குத் தெரியும்…
நீரா: இல்லை… அதுமட்டுமல்ல, அதுமட்டுமல்ல… பெரியவருக்கு ரொம்ப வயதாகிவிட்டது. அவருக்கு முதுமையால் தளர்ச்சி ஏற்பட்டு விட்டது. அவர் அதிக நாள் நீடித்திருக்கப் போவதில்லை. அதனால் நாளை மாறனும், ஸ்டாலினும்தான் கட்சியை நடத்துவார்கள் என்றும், காங்கிரஸ் தன்னுடன் தொடர்பு வைத்துக் கொள்வதில் மகிழ்ச்சியடையும் என்றும்… இறுதியில் மாறன்தான் ஸ்டாலினை ஆட்டுவிப்பார் என்றும் சொல்லியிருக்கிறார்.
ராசா: ம்ம்.
நீரா: இப்படித்தான் அவர் பேசியிருக்கிறார்.
ராசா: ஓஹோ! ஓஹோ!
நீரா: அழகிரியைக் கிரிமினல் என்றும்…
ராசா: ம்ம்.
நீரா: அவர் ஐந்தாம் வகுப்பு கூடத் தாண்டாதவர் என்றும்…
ராசா: ஓ…
நீரா: இப்படியெல்லாம்தான் அவர் சொல்லியிருக்கிறார்.
24.5.2009 காலை 11 மணி 5 நிமிடம் 11 விநாடிகள்
நீரா: மாறன் தன்னைப்பற்றி என்னெல்லாம் சொல்லியிருக்கிறார் என்று தெரியுமா?
ராசா: அழகிரிக்கு இதெல்லாம் தெரிந்ததுதான்.
நீரா: தெரியும் அல்லவா?
ராசா: அழகிரிக்குத் தெரியும். ஆனால் அவர் தந்தையுடன் பேச முடியாது. சரியான நேரத்தில் பேசுவார். ஒரே விஷயம், மாறன் எனக்கு எதிரான பிரசாரத்தை கிளப்பிவிடுவார்.
நீரா:ம்ம்..
ராசா: அதை கவனித்துக் கொள்ள வேண்டும்.
நீரா: நீங்கள் வேறுவிதமாக சண்டை போட வேண்டும்.
ராசா: ம்ம்.. பிரதமர் மீண்டும் வருகிறார். அப்படி அது இதுவென்று அவர் பத்திரிகைகளிடம் சொல்லுவார்.. ஸ்பெக்ட்ரம்…
நீரா: நோ நோ.. நாங்கள் பார்த்துக் கொள்கிறோம். கவலைப்படாதீர்கள். உங்களிடமிருந்து நிறைய பெற வேண்டியிருக்கிறது. காங்கிரஸ் கூட அந்த அறிக்கைவிட நேர்ந்தது, அல்லவா?நான் சுனில் மிட்டலிடம் பேசினேன்… சண்டோலியா உங்களிடம் சொன்னாரா?
ராசா: எனக்குத் தெரியாதே.
நீரா: அவரை விஷயத்தை விட்டுவிடுங்கள் என்று சொன்னேன். யாருக்கும் பிரயோஜனமில்லை.
ராசா: ம்ம்.. ராசாவுடன் இன்னும் ஐந்து வருடங்கள் நீங்கள் வேலை பார்த்தாக வேண்டுமென்று அவரிடம் சொல்லி வையுங்கள்… அதனால் எதுவும்…
நீரா: அவரிடம் சொன்னேன். அவரிடம் சொன்னேன். ஆனால் நீங்களும் சுனிலிடமிருந்து (சுனில் மிட்டல்) கொஞ்சம் தள்ளியே இருக்க வேண்டும். நீங்கள் நடுநிலையோடு இருக்க வேண்டும்.
ராசா: ஆ, இருக்கலாம்
நன்றி: அவுட்லுக், Dinamani

ராஜினமா ஏன் – உருட்டி மிரட்டிய ராஜாவும், மிரட்டிப் பணிந்த கருணாநியும் (2)

நவம்பர் 15, 2010

ராஜினமா ஏன்உருட்டி மிரட்டிய ராஜாவும், மிரட்டிப் பணிந்த கருணாநியும் (2)

மத்திய அமைச்சர் .இராசா பதவி விலகல், செய்யாத குற்றத்திற்கு ஜென்ம தண்டனையா? மாண்புமிகுவைப் பறிக்கலாம், மானமிகுவைப் பறிக்க முடியுமா?

வரலாறு காணா வரவேற்பைத் தரக் காத்திருக்கிறது கறுஞ்சிறுத்தைகள்: தமிழர் தலைவர் அறிக்கை

வீரமணி, வேந்தர், பெரியார் மணியம்மை பல்கலைக்கழகம், வல்லம், தஞ்சாவூர். இவரது அந்த பல்கலையில் / கல்லூரியில், பல நூறு மாணவர்கள் படித்து வெளிவரும்போது, அவரது நிலையை மாணவர்கள் புரிந்து கொள்ளவேண்டும். நாத்திக ஓலமிட்டு ஒப்பாரி வைக்க இதில் இடமில்லை. ஆனால், செய்துள்ளது அதுதான்! இப்படி 1,76,00,00,000 கோடிகள் ஊழலை ஆதரிக்கும் பல்கலை வேந்தரை இக்கால இளைஞர்கள் அடையாளம் கண்டு கொள்ளவேண்டும்[1].

மத்திய அமைச்சர் . இராசா அவர்கள் பதவி விலகியது குறித்து திராவிடர் கழகத் தலைவர் கி. வீரமணி அவர்கள் விடுத்துள்ள அறிக்கை வருமாறு[2]: நேற்றிரவு மத்திய தொலைத்தொடர்புத் துறை அமைச்சர் ஆ. இராசா பதவி விலகி னார் என்பது செய்தி. செய்யாத குற்றத்திற்கு ஜென்ம தண்டனை என்ற தத்துவப் பழமொழிக்கு தன்னேரில்லா உவமையான தகைமையாளர். சந்தையைப்போல் ஆக்கிய நாடாளுமன்றத்தினை நடத்திட இப்படி ஒரு கடும் விலையா, பலிகடாவா என்று பண்புள்ளங்கள் நாடெங்கும் கேட்கக்கூடும்! பக்தர்களின் பாவமன்னிப்புக்காக கடவுள், கடவுளச்சிகளின் முன் பலியிட்டு ரத்தக் காணிக்கை கொடுத்து, பூசாரிகளும் அப்பாவி பக்தர்களும் மகிழ்வதில்லையா – அதுபோன்ற டில்லிக் காட்சி ஒன்று இது!

அமைச்சர் . இராசா பின்பற்றிய நடைமுறை[3]: 1999 ஆம் ஆண்டு முதலே இருந்த நடை முறையைத்தான் 2ஜி ஸ்பெக்ட்ரம் பிரச்சினை யிலும் அமைச்சர் ஆ. இராசா பின்பற்றினார். கூட்டுப் பொறுப்புள்ள அமைச்சரவைத் தத்துவப்படி, அவர் மட்டும்தான் குற்றம் இழைத்தவரா – குற்றம் என்று ஒன்று நடந்திருக்குமானால் – அரசின் அடுத்தகட்ட நிலைப்பாடு, செயற்பாடு என்று எதிர்க்கட்சிகள் மேலும் சில காவுகளைக் கேட்க மாட்டார்களா என்ற கேள்வி, மில்லியன் டாலர் கேள்வியாகக் கிளம்பாதா? இதுவரை உலகம் கேள்விப்படாத ஒன்று விசித்திரம்! ஓர் அறிக்கை நாடாளுமன்றத்தில் தாக்கல் செய்யப்படுவதற்குமுன்பே, அது பற்றிய விமர்சனம், பதவி விடுவிப்பு என்றால் அதைவிட வேறு விசித்திரம் உண்டா?

பூமராங்போல திரும்பாதா? ஷேக்ஸ்பியரின் வெனீஸ் நகரத்து வியாபாரி (The Merchent of Venice) நாடகத்தில், ஷைலக் கேட்ட ஒரு பவுண்ட் சதை – ரத்தம் சிந்தாமல் எடுக் கப்பட்டு தரப்படவேண்டும் என்று கேட்டபோது, புரிந்துகொண்ட நீதிபதி எவ்வாறு தீர்ப்பளித்தார்? இங்கே…? நாளைக்கு இது எந்தக் கூட்டணிக்கும், ஆளும் கட்சிக்கும் எதிராக பூமராங்போல திரும்ப ஒரு தவறான முன்னுதாரணமாகிவிட்டது.

தலைமைக்குக் கீழ்ப்படியும் முதல் தொண்டர் .இராசா[4]: ஏற்கெனவே நடந்த மற்ற பதவி விலகல்கள் யூகம், கசிவு அடிப்படையில் நடைபெறவில்லை! எனவே, அவற்றை இதனுடன் ஒப்பிட முடியாது! ஆ. இராசா தலைமைக்குக் கீழ்ப்படியும் முதல் தொண்டர்; எனவே, அவர், தான் வீழ்ந்தாலும் தனது கட்சிக்கும், தலைமைக்கும், மத்திய ஆட்சிக்கும் அவப்பெயர் வரக்கூடாது என்பதற்கு ராஜினாமாவை வலியச் சென்று அளித்து, வான்புகழ் கொண்டுவிட்டார்! மண்டல் ஆணையத்திற்காக வி.பி. சிங்கை – குற்றமற்றவரை பிரதமர் பதவியிலிருந்து விலக வைத்த அந்தக் கூட்டம்தான் இராசாவை நோக்கி தங்களது துப்பாக்கிகளை நீட்டிய கூட்டம் – மண்டல் ஆணையத்தின் அமலாக் கத்தைத் தடுக்க முடிந்ததா? பதவியோடு பிறந்ததல்ல தி.மு.க.; பதவியோடு பிறந்தவரல்லர் நமது மானமிகு இராசா. தன்மானம் தழைத்தோங்க தரணியில் தந்தை பெரியாரிட மிருந்து முளைத்த பலம் குன்றா சுயமரியாதைக் கொள்கை விழுது அது!

மாண்புமிகு .இராசா மானமிகுவானார்: இதனை அரசியலால் – நாளைக்கொரு கூட்டணி, ஆளுக்கொரு வேஷம் போடுபவர்களால் வீழ்த்திவிட முடியாது. அறத்திற்கும், அரசியலுக்கும் உள்ள தூரம் அளக்க முடியாததுதான். உள்ள ஆழம் கணக்கிட முடியாததுதான்! மாண்புமிகு இராசா, மானமிகுவாகியுள்ளது பெருமையே! மாண்புமிகுவைப் பறிக்கலாம் எவரும் – மானமிகுவை எவராலும் பறிக்கவே முடியாது – மரணம் ஒன்றைத் தவிர! இராசா இதன்மூலம் வெற்றி வீரராகி ராஜ நடைபோட்டு வருவார். அவருக்கு வரலாறு காணா வரவேற்பு தர தமிழ்நாடு காத்திருக்கிறது – காத்திருக்கிறார்கள் கருஞ்சிறுத்தைகள்! பதவி அரசியல் வரலாறு தெரியாதவர்கள் அல்லர் மக்கள். முன்பு முந்திரா ஊழலில் சிக்கிய டி.டி. கிருஷ்ணமாச்சாரியும் அதை விசாரித்த நீதிபதி எம்.சி. சுக்லாவும் ஒரே நேரத்தில் மத்திய அமைச்சரவையில் இடம்பெற்ற (நேரு காலத்தில்) காங்கிரஸ் கலாச்சாரம்பற்றி எதிர்க் கட்சியினரின் பேச்சு நாடாளுமன்ற பழைய குறிப்புகளில் பதிவாகி உள்ளது என்பது வரலாறு.

யாருக்கு வெற்றி? இதில் யாருக்கு வெற்றி என்ற கேள்வி எழலாம். போட்ட தீனிக்குப் பலன் ஏற்பட்டு விட்டது என்ற பெருமுதலாளித்துவ திமிங்கலங்கள் புன்னகை புரிகின்றனவே அவர்களுக்குத்தான்! ஜனநாயகம் என்ற பெயரில் கூச்சல் நாடாளுமன்ற நடப்பு என்ற தன்மையில் இன்னமும் என்னென்ன கூத்துக்கள் அரங் கேறுமோ – பொறுத்திருந்து பார்ப்போமாக!

 

-வீரமணி[5]

தலைவர்,

திராவிடர் கழகம்


[1] வேதபிரகாஷ், ராஜினமா ஏன் – உருட்டி மிரட்டிய ராஜாவும், மிரட்டிப் பணிந்த கருணாநியும், https://corruptioninindia.wordpress.com/2010/11/15/corruption-tainted-raja-resigned-atlast/

[2] விடுதலை, 15-11-2010.

[5] வேந்தர், பெரியார் மணியம்மை பல்கலைக்கழகம், வல்லம், தஞ்சாவூர்.

ராஜினமா ஏன் – உருட்டி மிரட்டிய ராஜாவும், மிரட்டிப் பணிந்த கருணாநியும்

நவம்பர் 15, 2010

ராஜினமா ஏன் – உருட்டி மிரட்டிய ராஜாவும், மிரட்டிப் பணிந்த கருணாநியும்

மிரட்டிப் பணிந்த கருணாநிதியின் அறிக்கை-விளக்கம்[1]: மத்திய தொலைத்தொடர்பு, தகவல் தொழில்நுட்பத் துறை அமைச்சர் ஆ. ராசாவை பொறுப்பில் இருந்து விலக்கிக் கொள்ள தி.மு.க. முடிவு செய்தது தொடர்பாக முதல்வர் கருணாநிதி விளக்கம் அளித்துள்ளார்[2]. இதுதொடர்பாக, அவர் ஞாயிற்றுக்கிழமை இரவு வெளியிட்ட அறிக்கை:  தி.மு.க. கொள்கை பரப்புச் செயலாளரும், மத்திய அமைச்சருமான ராசா, தி.மு.க.வுக்கும், தன்னை தேர்ந்தெடுத்த மக்களுக்கும் நம்பிக்கைக்கு உரியவராக இருந்தார். அவர் ஏற்றுக்கொண்ட பணியில் நேர்மை, நியாயம், கடமை உணர்வு ஆகியவற்றைத் தொடர்ந்து கடைப்பிடித்து, தலித் இனத்தின் கதிரவனாக விளங்குபவர்[3].

ஓராண்டு காலமாக திட்டமிட்டு நடந்த சந்தைக் கடை இரைச்சல்: அவரை மத்திய அமைச்சர் பதவியிலிருந்து விலக்க வேண்டும் என்று திட்டமிட்ட முயற்சி பல நாள்களாக நடைபெற்று வந்தது. ஜனநாயகக் கூடங்களில் சந்தைக் கடை இரைச்சல் மேலிட்டது. நாட்டு மக்களுடைய பிரச்னைகளை விவாதிக்க முடியாத அளவுக்கு ஜனநாயக மன்றங்களின் நடவடிக்கைகளை தடுத்து நிறுத்திடவுமான செயல்கள் தொடர்ந்து ஓராண்டு காலமாக நிகழ்த்தப்பட்டு வருகின்றன.

அவர் மீது என்ன பழி சுமத்தப்படுகிறது? மத்திய தகவல் தொழில்நுட்பத் துறை 2-ஜி அலைக்கற்றை ஒதுக்கீடு செய்ய 1999 முதல் எந்த முறை பின்பற்றப்பட்டதோ, அதே முறையைத்தான் ராசா பின்பற்றினார்[4].  இதுதொடர்பாக, அளிக்கப்பட்ட விளக்கங்கள் எதையும் ஏற்றுக்கொள்ளாமல், அவர் ராஜிநாமா செய்தே தீர வேண்டும் என்று பிடிவாதம் செய்து, நாடாளுமன்ற அவைகளை நடக்க விடாமல் செய்து வருகிறார்கள்.  எல்லோராலும் நடத்தப்படுகிற குழப்பம் அல்ல; குழப்பத்தை உருவாக்கப் பலர் தேவையில்லை; சிலரே போதும்; நாடாளுமன்ற நடவடிக்கைகளை தடைப்படுத்துவதன் மூலம் மத்திய அரசு நிர்வாகம் முழுவதும் ஸ்தம்பித்துப் போகக் கூடிய சூழலை உருவாக்க திட்டமிட்டிருந்தார்கள்.

அண்ணா அந்த நெறிக்கு விபத்து, ஜனநாயகத்தைப் பாதுகாக்கும் பொறுப்பு, ராஜினாமா: நாடாளுமன்ற ஜனநாயகத்தை, அதன் மாண்பை, அதன் நடுநிலையைத் தழைத்திடச் செய்யவும், தக்க வைத்திடவுமான பொறுப்பு அனைவருக்கும் இருக்கிறது. அண்ணா அந்த நெறியில்தான் நம்மை எல்லாம் வளர்த்தார்[5]. அந்த நெறிக்கே விபத்து ஏற்படும்போது, அந்த விபத்திலிருந்து இந்திய ஜனநாயகத்தை, குறிப்பாக நாடாளுமன்ற ஜனநாயகத்தைப் பாதுகாக்கும் பொறுப்பு நமக்கு உள்ளது[6].  அதனை நிலைநாட்டும் வகையில், நாடாளுமன்ற உறுப்பினராகவும், மத்திய அமைச்சராகவும் உள்ள ஆ. ராசாவை அமைச்சர் பொறுப்பில் இருந்து விலக்கிக் கொள்வது என்று முடிவு எடுத்து அவருக்கும் தெரிவிக்கப்பட்டது. அவரும் பதவி விலகல் கடிதத்தை பிரதமர் மன்மோகன் சிங்கிடம் வழங்கிடுவார் என்று அந்த அறிக்கையில் குறிப்பிடப்பட்டுள்ளது.  இந்த நிலையில், பிரதமர் மன்மோகன் சிங்கை ஞாயிற்றுக்கிழமை இரவு அவரது இல்லத்தில் சந்தித்த மத்திய அமைச்சர் ராசா, தனது பதவி விலகல் கடிதத்தை வழங்கினார். 2ஜி அலைக்கற்றை (ஸ்பெக்ட்ரம்) ஊழல் குற்றச்சாட்டைத் தொடர்ந்து தொலைத் தொடர்புத் துறை அமைச்சர் ஆ. ராசா ஞாயிற்றுக்கிழமை ராஜிநாமா செய்தார். அவர் தனது ராஜிநாமா கடிதத்தை பிரதமர் மன்மோகன் சிங்கிடம் அளித்தார்.

கருணாநிதி கேட்டுக்கொண்டதற்கு இணங்கவும், அரசுக்கு ஏற்படும் தர்மசங்கடத்தைத் தவிர்க்கும் வகையில் ராஜிநாமா: பிரதமர் இல்லத்திலிருந்து வெளியே வந்தபோது ராசா செய்தியாளர்களுக்குப் பேட்டியளித்தார். நாடாளுமன்றத்தில் ஆளும் கூட்டணிக்கு தர்மசங்கடத்தை ஏற்படுத்தக் கூடாது என்பதற்காவும் அவை நடவடிக்கைகள் சுமுகமாகவும் அமைதியாகவும் நடைபெற உதவிடும் நோக்கிலும் எனது தலைவர் கருணாநிதி கேட்டுக்கொண்டதற்கு இணங்கவும் அரசுக்கு ஏற்படும் தர்மசங்கடத்தைத் தவிர்க்கும் வகையில் பதவியை ராஜிநாமா செய்திருப்பதாகவும், அதற்காக தன்மீது கூறப்பட்ட குற்றச்சாட்டுக்களை ஏற்றுக் கொள்வதாக அர்த்தம் இல்லை என்றும்[7], தன் மீது எந்தக் களங்கமும் இல்லை என்பதை நிரூபிக்கப் போவதாகவும் கூறினார்[8].

கோடி-கோடி ஊழல்கள், நாறும் காங்கிரஸ்: அமைச்சர் ஆ.ராசா பதவி விலகும் வரை நாடாளுமன்றத்தை முடக்கி அரசுக்கு கடும் நெருக்கடி கொடுக்க எதிர்க்கட்சிகள் திட்டமிட்டிருந்தன.  ஏற்கெனவே ஆதர்ஷ் குடியிருப்பு ஊழல், காமன்வெல்த் விளையாட்டுப் போட்டி ஊழல் போன்றவற்றால் கடந்த வாரம் நாடாளுமன்றத்தின் இரு அவைகளும் முடக்கப்பட்டன. அப்போது அலைக்கற்றை ஊழலும் எழுப்பப்பட்டது. ஆதர்ஷ் குடியிருப்பு ஊழல் தொடர்பாக மகாராஷ்டிர முதல்வர் அசோக் சவாண் பதவி விலகினார். காமன்வெல்த் ஊழல் குற்றச்சாட்டு தொடர்பாக, போட்டி அமைப்புக் குழு தலைவரும் காங்கிரஸ் எம்.பி.யுமான சுரேஷ் கல்மாடி காங்கிரஸ் நாடாளுமன்றக் குழு செயலர் பதவியிலிருந்து விலகினார். இதில் ஓரளவு சமாதானமடைந்த எதிர்க்கட்சிகள், அலைக்கற்றை ஊழல் புகார் தொடர்பாக திமுக அமைச்சர் ராசா பதவி விலக வலியுறுத்தி வந்தன.

சிங்கிக்குத் தெரியாமல் எதுவும் செய்யவில்லை: சிங்கிக்குத் தெரியாமல் எதுவும் செய்யவில்லை, அதாவது சிங்கிக்கிற்குத் தெரிந்துதான் செய்தேன் என்று ராஜா பாட்டுப் பாட ஆரம்பித்ததும், காங்கிரஸ் அதன் விஷமத்தனத்தைப் புரிந்து கொண்டது[9]. மேலும், சிங்கே ஒருமுறை ராஜாவை ஆதரித்து பேசியிருந்தார்[10]. ஆனால், எதிர்கட்சிகள் இதை வேறுவிதமாக அணுகப்பாவதை அறிந்தும், ராஜினாமா முடிவுக்கு வந்து விட்டது. ஆனால் ராஜிநாமா செய்வதில்லை என்பதில் ராசா உறுதியாக இருந்தார். ராஜிநாமா செய்ய மாட்டேன் என்று அவர் பலமுறை கூறிவந்தார். திமுக தலைவர் முதல்வர் கருணாநிதியும் ராசா குற்றமற்றவர், அவர் ராஜிநாமா செய்யத் தேவையில்லை என்று கூறிவந்தார். இந்த நிலையில் ராசா ராஜிநாமா செய்யும்வரை நாடாளுமன்றத்தை முடக்குவது என்பதில் எதிர்க்கட்சிகள் உறுதியாக இருந்தன. அதோடு அரசுக்கு கடும் நெருக்கடி கொடுக்கவும் எதிர்க்கட்சிகள் திட்டமிட்டிருந்தன. மேலும் அலைக்கற்றை ஊழல் வழக்கு உச்ச நீதிமன்றத்தில் திங்கள்கிழமை விசாரணைக்கு வரும்போது ராசா அமைச்சர் பதவியில் நீடிப்பது குறித்து நீதிமன்றம் கண்டனம் தெரிவித்தால் மத்திய அரசுக்கு மேலும் நெருக்கடி ஏற்படும் என்று கருதப்பட்டது.  ஏற்கெனவே ராசா பதவியில் நீடிப்பது குறித்து நீதிபதிகள் அதிருப்தி தெரிவித்திருந்தது குறிப்பிடத்தக்கது.

புரிந்து கொண்ட காங்கிரஸ் கழட்டிவிட தீர்மானித்தது: இந்த இக்கட்டான சூழலை அடுத்து  பிரதமர் மன்மோகன் சிங், காங்கிரஸ் தலைவர் சோனியா காந்தி, நிதியமைச்சர் பிரணாப் முகர்ஜி ஆகியோர் தில்லியில் ஞாயிற்றுக்கிழமை முக்கிய ஆலோசனையில் ஈடுபட்டனர். நாடாளுமன்ற வளாகத்தில் நடைபெற்ற இந்தக் கூட்டத்தில், அலைக்கற்றை ஊழல் விவகாரத்தில் அடுத்து எடுக்க வேண்டிய நடவடிக்கைகள் குறித்து முடிவுகள் எடுக்கப்பட்டதாகக் கூறப்படுகிறது. நாடாளுமன்றம் சுமுகமாக நடைபெற வேண்டுமானால் ராசா பதவி விலகுவதைத் தவிர வேறு வழியில்லை என்று காங்கிரஸ் மேலிடம் முடிவு செய்ததாகத் தெரிகிறது. இந்த முடிவு திமுக தலைமைக்குத் தெரிவிக்கப்பட்டது. ராசா பதவி பறிக்கப்படுவதை திமுக தலைமை முதலில் ஏற்றுக்கொள்ளவில்லை. ஆனால் நிலைமை கையை மீறிப் போய்விட்டதால் வேறு வழியில்லை என்பதை காங்கிரஸ் மேலிடம்திமுக தலைமைக்கு உணர்த்தியதாகக் கூறப்படுகிறது[11]. காங்கிரஸ் மேலிடத் தகவலை அடுத்து முதல்வர் கருணாநிதி ராசாவை அழைத்து ஆலோசித்ததாகத் தெரிகிறது. கருணாநிதி கேட்டுக்கொண்டதற்கு இணங்க அவர் சென்னையிலிருந்து தில்லி புறப்பட்டுச் சென்றார். அங்கு பிரதமரைச் சந்தித்து ராஜிநாமா கடிதம் கொடுத்தார்.

துரைமுருகன் பறந்தார், கனிமொழி மறுப்பு தெரிவித்தார்: ராசாவுக்குப் பதில் கனிமொழி தொலைத்தொடர்புத் துறை அமைச்சராக்கப்படுவார் என்று வெளியான செய்தியை மாநிலங்களவை திமுக உறுப்பினரும் முதல்வர் கருணாநிதியின் மகளுமான கனிமொழி மறுத்துள்ளார். மாநிலங்களவை உறுப்பினராகவே தொடர்வேன் என்று அவர் கூறினார். அலைக்கற்றை விவகாரம் தொடர்பாக காங்கிரஸ்-திமுக உறவில் விரிசல் ஏதுமில்லை. எனக்கு தெரிந்து இதுவரை காங்கிரஸ்- திமுக இடையே உறவு சிறப்பாக உள்ளது என்றார் வேறு திமுக எம்.பிக்குக் கொடுக்கப்படவேண்டும் என்று கேட்டுள்ளதாகத் தெரிகிறது[12]. துரைமுருகன் இதற்காகத்தான் டில்லி சென்றுள்ளதாக தெரிகிறது.. மேலும் பாஜக தமிழகத்தில் 17ம்தேதி முதல் ஆர்பாட்டம் செய்வதாக அறிவித்துள்ளது[13]. இதனால், தமிழகத்தில் ஒருவேளை பாதிப்பு வருமோ என்றும் திமுக அஞ்சுகிறது. பாஜகவைக் கண்டு அல்ல, அதிமுகவும் அதில் இணையும்போது. இந்நிலையில் தொலைதொடர்பு துறையை  மன்மோஹன்சிங்கே இனி கவனிப்பார்[14] என்று அறிவிக்கப்பட்டுள்ளது.

வேதபிரகாஷ்

© 15-11-2010


[1] தினமணி, . ராசா விலகல் ஏன்?: முதல்வர் விளக்கம், நவம்பர் 14, 2010, http://www.dinamani.com/edition/story.aspx?Title=………SectionName=Tamilnadu

[3] இப்படியெல்லாம் புகழ் பாட திமுகவினருக்கு ஒன்றும் சொல்லிக்கொடுக்க வேண்டாம். கீழே விழுந்தாலும், மண் ஒட்டவில்லை என்று பாட்டுப்பாடி, ஆடும் கருப்புப்பரிவார் கூட்டத்தினர்.

[4] நேற்று வரை, சன் டிவி செனல்களில், ஏதோ கோப்புகளைக் காட்டி, அதில் எல்லோருமே ஒப்புதல் அளித்ததாகக் காட்டிக் கொண்டிருந்தனர். ஆனால், இது சட்டத்திற்கு புறம்பானது. இந்த உண்மை தெரிந்ததும், காங்கிரஸ் கடுப்பாகிவிட்டது.

[5] இப்படி கோடிக்கணக்கில் ஊழல் செய்யுமாறு பணித்தாரா என்று தெரியவில்லை. இருப்பினும், கருணாநிதி, எப்படியும் மாற்றி-மாற்றி பேசுவதில் வல்லவர்.

[6] இவர்கள் தாம் ஜனநாயகத்தை பாதுக்காக்கப் போகின்றனர் என்றெல்லாம் பேசுவது, எப்படிபட்ட பொய்மாலங்கள் என்று மக்கள் உணரவேண்டும்.

[9] கருணாநிதியை விஞ்சும் வகையில் உள்ளவர் சோனியா மெய்னோவாதான், கௌணாநிதியின் விஷமத்தனத்தைப் புரிந்து கொண்டுதான், பொறுப்பை, சிங்கிடம் தக்க வைத்ததுடன், கேபினட்டை விரிவாக்கவும் ஆணையிட்டுள்ளார்.

[11] தினமணி, அமைச்சர் பதவியில் இருந்து . ராசா ராஜிநாமா, First Published : 15 Nov 2010 03:11:23 AM IST; Last Updated : 15 Nov 2010 04:15:28 AM IST;

http://www.dinamani.com/edition/Story.aspx?SectionName=…………..BE

ராஜா பதவி நீக்கம் செய்யப்படக்கூடாது, பிரணாப் முகர்ஜியிடம் சொல்வது கனிமொழி!

நவம்பர் 11, 2010

ராஜா பதவி நீக்கம் செய்யப்படக்கூடாது, பிரணாப் முகர்ஜியிடம் சொல்வது கனிமொழி!

கனிமொழி பிரணாப்பை சந்தித்து எந்த காரணத்திற்கும் ராஜா பதவி நீக்கம் செய்யப்படக்கூடாது என்று சொன்னதாக தெரிகிறது[1]. திமுகவின் செய்தி-தொடர்பாளர், டி.கே.எஸ்.இளங்கோவன், “அவர் எதற்காக விலக வேண்டும்? TRAI முறைகளுக்குப் படித்தான் அவர் செயல்பட்டுள்ளார். வேண்டுமானால் சி.பி.ஐ தாராளமாக விசாரணை மேற்கொள்ளலாம்”, என்றும் சொல்லியிருக்கிறார்.

மன்மோஹன் சிங் சியோலுக்குச் சென்றுள்ளதால், காங்கிரஸ் ஓரிரு நாட்களுக்கு விஷயத்தைத் தள்ளிப் போட விரும்புகிறது. சிங் திரும்ப வந்தவுடன், ராஜாவைப் பற்றிப் தீர்மானிப்பதாக தெரிகிறது. அந்நிலையில் கருணாநிதியே தலையிடுவார் என்றும் எதிர்பார்க்கப்படுகிறது.


அல்லா ராகா ரஹ்மான் – “காமன்வெல்த் போட்டிக்கான தீம் பாடலின் ட்யூன் சரியில்லை, தரமானதாக இல்லை, இதற்காக வருத்தப்படுகிறேன், என்னை மன்னித்து விடுங்கள்”

ஒக்ரோபர் 16, 2010

அல்லா ராகா ரஹ்மான் – “காமன்வெல்த் போட்டிக்கான தீம் பாடலின் ட்யூன் சரியில்லை, தரமானதாக இல்லை, இதற்காக வருத்தப்படுகிறேன், என்னை மன்னித்து விடுங்கள்”

அல்லா ராகா ரஹ்மானின் முரண்பாடு: நான் 17-08-2010 அன்று ரஹ்மான் ஒருவேளை ஊழலுக்குத் துணை போகிறாரோ என்ற ஆதங்கத்தில் “காமன்வெல்த் ஊழலுக்குத் துணைப் போகும் அல்லா ராகா ரஹ்மான்” என்று எழுதினேன்[1]. ஏனெனில் அப்பொழுது ரஹ்மான் பேசிய விதம் கல்மாடியை ஆதரித்து பேசுவது போல இருந்தது. மேலும், தான் இசையமைக்கும் பாடலையும் தயாரிக்கவில்லை. நிருபர்கள் கேட்டபோது பொய்களை அள்ளி வீசி மழுப்பி விட்டார். இன்றோ 16-10-2010 அன்று, என். டி. டிவிக்கு கொடுத்த பேட்டியில்[2], காமன்வெல்த் போட்டிக்காக தான் போட்டுக் கொடுத்த தீம் பாடலின் ட்யூன் பிரபலமாகமால் போனதற்காக மன்னிப்பும், வருத்தமும் தெரிவிப்பதாக இசையமைப்பாளர் ஏ.ஆர்.ரஹ்மான் கூறியுள்ளார்[3]. வந்த மக்கள் கூட்டத்திற்கு பிடித்திருக்கவில்லை என்று சி.டபிள்யு.கமிட்டி மெம்பர் வி. கே. மல்ஹோத்ரா வெளிப்படையாகவே அதை சொல்லிவிட்டார். ‘யாரோ இந்தியா புலா லியா’, இந்தியாவின் 1/4 பகுதியினருக்கு பிடிக்காமல் போய்விட்டதாக ஓர் கருத்துக்கணிப்பு வெளிவந்தது.
“காமன்வெல்த் போட்டிக்கான தீம் பாடலின் ட்யூன் சரியில்லை, தரமானதாக இல்லை, இதற்காக வருத்தப்படுகிறேன், என்னை மன்னித்து விடுங்கள்”: இதுகுறித்து அவர் கூறுகையில், “காமன்வெல்த் போட்டிக்கான தீம் பாடலின் ட்யூன் சரியில்லை, தரமானதாக இல்லை என்பதை ஒப்புக்கொள்கிறேன்[4]. இளைய தலைமுறையினரை மட்டும் குறித்து இந்தப் பாடல் வரிகள் இடம் பெற்று விட்டது. மற்றவர்களையும் அதில்சேர்த்திருக்க வேண்டும். ஆஸ்திரேலியா, இங்கிலாந்து மற்ற இடங்களிலிருந்து ஆதரவு இருந்தாலும், பிரச்சினையால் பாதிப்பு ஏற்பட்டுள்ளது[5]. இந்தப் பாடலும், ட்யூனும் மக்களைக் கவராமல் போய் விட்டது உண்மைதான். இதற்காக வருத்தப்படுகிறேன். எனது பாடலால் யாராவது ஏமாந்திருந்தால், என்னை மன்னித்து விடுங்கள். அடுத்த முறை இதுபோல நேரிடும்போது மிகவும் கவனமாக இருப்பேன். அனைவருக்கும் பொருத்தமான பாடலையும், ட்யூனையும் தேர்வு செய்வேன்”, என்றார் ரஹ்மான். காமன்வெல்த் போட்டிக்கான தீம் பாடல் யாரையும் கவரவில்லை என்ற தகவல் பரவியதைத் தொடர்ந்து அதை சரி செய்யும் முயற்சியிலும் ஈடுபட்டார் ரஹ்மான். இருப்பினும் இந்தப் பாடல் யாருக்குமே பிடிக்காமல் போய் விட்டது குறிப்பிடத்தக்கது.
காமன்வெல்த் குறித்து எதிர்மறையான செய்தியைத் தவிர்க்க வேண்டும்-அன்று ஏ.ஆர்.ரஹ்மான் கோரிக்கை[6]: காமன்வெல்த் போட்டிகள் குறித்து எதிர்மறையான செய்திகளை மீடியாக்கள் தவிர்க்க வேண்டும. உண்மை அல்ல என்று தெரியும் செய்திகளைப் போடுவதை தவிர்க்க வேண்டும் என ஏ.ஆர்.ரஹ்மான் கோரிக்கை விடுத்துள்ளார். காமன்வெல்த் போட்டிக்கான மைய நோக்குப் பாடல் இன்று அறிமுகம் செய்யப்பட்டது. இதில் கலந்து கொண்டு ரஹ்மான் பேசுகையில், “காமன்வெல்த் போட்டிகள் குறித்து எதிர்மறையான, மோசமான செய்திகள் தொடர்ந்து வெளியாகின்றன. ஆனால் அவை அனைத்தும் உண்மை அல்ல என்று நான் நம்புகிறேன். நாட்டிற்குப் பெருமை சேர்க்கும் ஒரு விஷயம் காமன்வெல்த் போட்டி. எனவே அதுகுறித்து தவறான, அவதூறான செய்தியை வெளியிட்டால் அது நாட்டுக்குத்தான் அவப்பெயரைத் தேடித் தரும்.

ஊழலில் என்ன பாசிட்டிவ் சிந்தனை என்பது ரஹ்மான் தான் சொல்லவேண்டும்: எனவே மீடியாக்கள் எதிர்மறையான செய்திகளை வெளியிடுவதைத் தவிர்க்க வேண்டும். இந்தியாவின் புகழை சீர்குலைக்கும் வகையில் காமன்வெல்த் போட்டிகள் குறித்து மீடியாக்களில் செய்தி வருவது எனக்கு வேதனை தருகிறது. நான் லண்டனில் இருந்தபோது காமன்வெல்த் போட்டிகள் குறித்து மோசமான செய்திகள் வந்ததைப் பார்த்து அதிர்ச்சி அடைந்தேன்[7], [ஆனால் இன்று சொல்வது – ஆஸ்திரேலியா, இங்கிலாந்து மற்ற இடங்களிலிருந்து ஆதரவு இருந்தது] பாசிட்டிவான சிந்தனையுடன் இதை நாம் அணுக வேண்டும். எனவே டெல்லி காமன்வெல்த் போட்டிகள் குறித்த நல்ல விஷயங்களை செய்திளாக மீடியாக்கள் வெளியிட வேண்டும் என்றார் ரஹ்மான்[8].

அல்லா ராகா அஹ்மான் இப்படி ஊழல் பெருச்சாளிகளுக்கு வக்காலத்து வாங்குவது ஏன்? “வாடகை சோபா இருபது ரூபா, விலைக்கு வாங்கினால் முப்பதே ரூபா” என்பதும் ஒரு தமிழ் சினிமா பாடல் தான். அதைவிட கேவலமாக, மோசமாக லட்சங்களில், கோடிகளில் ஊழல் புரிந்துள்ளனர் காங்கிரஸ்காரர்கள். இதில் ஒட்டுமொத்தமாக ஊழல் புரிந்து கோடிகளை அள்ளியுள்ளதால், அந்த ஊழலுக்கு வெள்ளையடிக்க இப்படி சினிமா பாணியில் பிரச்சாரத்தை முடிக்கிவிட்டிருப்பது தெரிகிறது. ரஹ்மானிற்கு ஆஸ்கார் பரிசு பரிந்துறைப்பதில் இருந்த “லாபி நபர்களும்” இதில் சம்பந்தப்பட்டிருப்பதால், ரஹ்மானை வைத்தே அந்த வேலையைத் துவங்கினார்.

இந்திய இசை அரங்கின் மொசார்ட்: காமன்வெல்த் போட்டிக்கு ரஹ்மான் இசையமைத்து கொடுத்த பாட்டுக்கு மத்திய அமைச்சர்கள் குழு ஒப்புதல் அளித்துள்ளது[9]. இதனையடுத்து ஸ்வாகதம் என்ற அந்த பாடலை இசையமைப்பாளர் ரஹ்மான் இன்று டில்லியில் அறிமுகப்படுத்தினார். இந்த விழாவில் இந்திய ஒலிம்பிக் சங்கத் தலைவரும், காமன்வெல்த் போட்டி ஒருங்கிணைப்புக் குழு தலைவர் சுரேஷ் கல்மாடி உள்ளிட்டோர் கலந்து கொண்டனர். விழாவில் ரஹ்மானை இந்திய இசை அரங்கின் மொசார்ட் என கல்மாடி புகழ்ந்தார். இவ்வாறு புகழ்வது, ஆங்கிலேயர் காலத்து அடிமை மனப்பாங்குதான் வெளிப்படுகிறது.

ரஹ்மானால் அந்த பாடலை பாடமுடியவில்லை: பாடல் ரெடி, ரஹ்மான் பாடப்போகிறார் என்றெல்லாம் சொல்லிக்கொண்டாலும், விளம்பரம் செய்தாலும், ரஹ்மானால், பாடலை முழுவதுமாக பாடமுடியவில்லை. ஏதோ இரண்டு வரிகளை பாடிவிட்டு, பத்து நாட்களில் பாடல் ரெடியாகி விடும்[10] என்று சொன்னது, பலருக்கு வியப்பாக இருந்தது. ரசிகர்களுக்கு ஏமாற்றமாகவே இருந்தது. ஆக மொத்தம், ஒன்று அரசு ரஹ்மானை அவ்வாறு பணித்திருக்க வேண்டும் அல்லது ஆஸ்கார் பரிசு பரிந்துறைப்பதில் இருந்த “லாபி நபர்களும்” இதில் சம்பந்தப்பட்டிருப்பதால், அவர்களைக் காப்பாற்ற ரஹ்மான் ஒத்துக்கொண்டிருக்க வேண்டும்.

பாடலைப்பற்றிக் கேட்டபோது மழுப்பிய ரஹ்மான்[11]: ஊடகக்காரர்கள் பாடலைக் கோணோம் என்றதும் கேள்விகள் கேட்க ஆரம்பித்து விட்டனர். ஆனால், ரஹ்மானோ தப்பித்துக் கொள்ளும் விதத்தில் பதில் சொன்னது வேடிக்கையாக இருந்தது. “நான் இந்த பாடலுக்காக கடந்த ஆறு மாதங்களாக வேலை செய்து வருகிறேன். மிகவும் சக்தி வாய்ந்த பாடலாகும், அனைவரையும் கவரக்கூடியது……………..நாங்கள் இன்னும் பாடல் வரிகளை மாற்றி-மாற்றி வருகிறோம்”, என்றெல்லாம் சொன்னதும் வியப்பாக இருந்தது. அதாவது பாடலே இன்னும் எழுதப்படவில்லை. மேலும் விவரங்களைக் கேட்டதற்கு, “அப்பாடல் மிகவும் எளிமையாக இருக்கும், ஆனால் ஏழ்மையாக இருக்காது. வெற்றிக்காக இருக்கும் தோல்விக்காக இருக்காது. அதிகமாக இந்தி வார்த்தைகள் இருக்கும், சில ஆங்கில வார்த்தைகளும் இருக்கும்””, என்று சொன்னபோது தான் தெரிய வந்தது பாடலே தயாராகவில்லை, பாவம் வார்த்தைகளையெல்லாம் தேடிவருகிறர்கள்[12], என்ற உண்மை! பிறகு “நான் இந்த பாடலுக்காக கடந்த ஆறு மாதங்களாக வேலை செய்து வருகிறேன்…..”, என்று ஏன் பொய் சொல்லவேண்டும்? அந்த அளவிற்கு, அவருடைய பங்கு, ஆசை, பாசம் அந்த ஊழல் மிகுந்த வேலையில் உள்ளது என்று அப்பட்டமாகத் தெரிகிறது.

பாடலுக்காக ரூ. 5,55,00,000/- வாங்கும் ரஹ்மான்[13]: ஏதோ நாட்டுக்காக, மஹாத்மா காந்திக்காக இலவசமாக செய்கிறார் என்று நினைக்கவேண்டாம். இப்படலுக்காக ரூ. 5.55 கோடி ரூபாய் / 1.1 million அமெரிக்க டாலர்கள் (Rahman is being paid 55.5 million rupees ($1.1 million) for composing the song and for his appearance, inclusive of service tax.) கொடுக்கிறார்களாம்! மன்மோஹன் சிங்கின் அறிவுறையின்படி[14], கல்மாடி என்ற ஊழல் பேர்வழி, இத்தகைய “நல்ல பேரை வாங்க” வேஷங்களைப் போட்டு மக்களை ஏமாற்ற இறங்கிவிட்டார்கள் எனத்தெரிகிறது.


 

[1] வேதபிரகாஷ், காமன்வெல்த் ஊழலுக்குத் துணைப் போகும் அல்லா ராகா ரஹ்மான்!, http://evilsofcinema.wordpress.com/2010/08/17/காமன்வெல்த்-ஊழலுக்குத்-த/

[6] காமன்வெல்த் குறித்து எதிர்மறையான செய்தியைத் தவிர்க்க வேண்டும்-ஏ.ஆர்.ரஹ்மான் கோரிக்கை, திங்கள்கிழமை, ஆகஸ்ட் 16, 2010, 15:53[IST], http://thatstamil.oneindia.in/news/2010/08/16/commonwealth-games-media-news-rahman.html

[9] தினமலர், காமன்வெல்த் போட்டி மையநோக்க பாடல் : டில்லியில் அறிமுக விழா , ஆகஸ்ட் 16,2010,  http://www.dinamalar.com/News_Detail.asp?Id=63432

ஸ்பெக்ட்ரம் ராஜாவிற்கு உச்சநீதி மன்ற நோட்டீஸ்!

செப்ரெம்பர் 13, 2010

ஸ்பெக்ட்ரம் ராஜாவிற்கு உச்சநீதி மன்ற நோட்டீஸ்!

ஒரு பொதுநல வழக்கு மனு மீது, நடவடிக்கை எடுத்த, உச்சநீதி மன்றம், ரூ 70,000 கோடிகள் அரசிற்கு 2G ஸ்பெக்ட்ரம் தொலைபேசி கம்மெனிகளுக்கு விநியோகித்ததில் நஷ்டம் ஏற்பட்டது என்பதனால், பத்து நாட்களில் விளக்கம் ராஜாவிற்கக கேட்டு நோட்டீஸ் அனுப்பியுள்ளது.

உச்சநீதிமன்றத்தில் வழக்கு அரசியல் உள்நோக்கம் கொண்டது மத்திய அமைச்சர் ஆ. இராசா

புதுடில்லி, செப். 15- 2-ஜி அலைக்கற்றை ஒதுக் கீட்டு ஊழல் தொடர்பாக தமக்கு எதிராக உச்சநீதிமன்றத்தில் தொடரப்பட்ட வழக்கு அரசியல் உள்நோக்கம் கொண்டது என மத்திய தொலைத்தொடர்பு மற்றும் தகவல் தொழில் நுட்பத் துறை அமைச் சர் ஆ.இராசா தெரிவித் தார்.

தொலைத்தொடர்பு வர்த்தகத்தில் நிலவும் கடும் போட்டியே இதற்கு காரணம் என்றும் அவர் கூறினார்.

2008 இல் 2-ஜி அலைக்கற்றை ஒதுக்கீடு ஊழல் தொடர்பாக உச்ச நீதிமன்றத்தில் வழக் குத் தொடுக்கப்பட்டது. பொது நலவழக்குகள் மய்யம் உள்ளிட்ட சில அமைப்புகள் இந்த வழக்கை தாக்கல் செய்திருந்தன.

திங்கள்கிழமை வழக்கை விசாரித்த நீதி பதிகள் ஜி.எஸ்.சிங்வி, ஏ.கே.கங்குலி ஆகியோர் அடங்கிய பெஞ்ச், அமைச் சர் ஆ.இராசாவுக்கு தாக்கீது அளித்து உத்தரவிட் டது. சிபிஅய், அமலாக்க இயக்குநரகம், வருமான வரித்துறை ஆகியவற்றுக்கும் தாக்கீது அனுப்பப்பட்டுள்ளது. இந்த தாக்கீதிற்கு 10 நாள்களுக்குள் பதில் தாக்கல் செய்யவேண்டும் என நீதிபதிகள் உத்தரவிட்டுள்ளனர்.

இந்நிலையில் அமைச்சர் ஆ.ராசா, புதுடில்லியில் செவ்வாய்க்கிழமை உச்ச நீதிமன்றம் தாக்கீது அனுப்பியது குறித்து செய்தியாளர்கள் கேள்வி எழுப்பினர். இதற்கு பதில் அளித்த அமைச்சர் ஆ.ராசா, உச்ச நீதிமன்றத்தில் வழக்குத் தொடுக்கப்பட்டுள்ளது நூறு சதவிகிதம் அரசியல் உள்நோக்கம் கொண்டது. இதில் சிறிதளவும் சந்தேகமில்லை என்றார்.

அலைக்கற்றை உரிமத்தைப் பெற்ற ஆப்பரேட்டர்களில் பலர் சேவையை அளிக்க முடியாத நிலையில் உள்ள தாகவும், இதனால் அவர்கள் உரிமத்தை அரசிடமே திருப்பித்தர விரும்புவதாகவும் கூறப்படு கிறதே என்று கேட்ட தற்கு, ஆப்ரேட்டர்களின் கடந்த கூட்டத்தில் இதற்கு முக்கியத்துவம் அளித்து விவாதிக்கப் பட்டது. அலைக்கற்றை உரிமத்தை பெற்றவர்களில் பலர் உரிமத்தைத் திருப் பித்தர விரும்புவது உண்மைதான். ஏனென்றால் சேவை வழங்குவதற்கான உள்கட்டமைப்பை ஏற்படுத்த அதிக நிதி தேவைப்படுகிறது. அந்தளவுக்கு முதலீடு செய்ய அவர்களிடம் நிதி இல்லை. ஆப்ரேட்டர் களின் விருப்பம் குறித்து தொலைத்தொடர்பு ஆணையத்தில் விவாதிக் கப்படும் என்றார் மத்திய அமைச்சர் ஆ.இராசா.

அரசு அலுவலகங்களில் லஞ்சம் வாங்கி இதுவரை கைதானவர்கள் 500 பேர்!

ஓகஸ்ட் 8, 2010

அரசு அலுவலகங்களில் லஞ்சம் வாங்கி இதுவரை கைதானவர்கள் 500 பேர்!

தினமலர், ஆகஸ்ட் 07,2010,

http://www.dinamalar.com/News_Detail.asp?Id=57067

லஞ்ச அதிகாரிகளை பொறி வைத்து பிடிக்கின்றனராம்! தமிழகம் முழுவதும் கடந்த இரண்டு ஆண்டுகளாக லஞ்ச ஒழிப்புத் துறை போலீசார் நடத்தி வரும் அதிரடி வேட்டையில், 500க்கும் மேற்பட்ட லஞ்ச அதிகாரிகள் கையும், களவுமாக பிடிபட்டுள்ளனர். லஞ்ச அதிகாரிகளை பொறி வைத்து பிடிப்பதில் லஞ்ச ஒழிப்பு போலீசார் தனி கவனம் செலுத்தி வருகின்றனர். மேலும், அரசு அலுவலகங்களில் லஞ்சத்திற்கு முற்றுப்புள்ளி வைக்கும் நடவடிக்கையின் ஒரு பகுதியாக, லஞ்சம் வாங்கி சிக்குபவர்களின் தகவல்களை, புகைப்படத்துடன் இணையதளத்தில் வெளியிடவும் முடிவு செய்யப்பட்டுள்ளதாக தகவல்கள் தெரிவிக்கின்றன.

லஞ்சக்கைதுகள் எதற்காக? தூய்மைப்படுத்தவா? விளம்பரத்திற்காகவா? “லஞ்சம் கொடுப்பதும் குற்றம்; வாங்குவதும் குற்றம்’ என, அனைத்து அரசு அலுவலகங்களிலும் எழுதப்பட்டிருக்கும். ஆனால், லஞ்சம் இல்லாமல் அரசு அலுவலகங்களில் எந்தவொரு வேலையும் நடக்காது என்ற நிலை உருவாகிவிட்டது. இந்த வேலையை முடிக்க இவ்வளவு பணம் என்று அறிவிப்பு பட்டியல் வைக்காத குறையாக லஞ்சம் தாண்டவமாடுகிறது. அரசு அலுவலகங்களில் சாதாரண உதவியாளர் முதல் தலைமையிட உயர் அதிகாரிகள் வரை லஞ்சம் வாங்காதவர்களே இல்லை என்ற நிலை காணப்படுகிறது. இந்நிலையில், அரசு அலுவலகங்களில் தலை தூக்கியுள்ள லஞ்ச, லாவண்யங்களை ஒடுக்க தமிழக அரசு களம் இறங்கியுள்ளது. இது தொடர்பான அரசின் அதிரடி உத்தரவைத் தொடர்ந்து, அரசு அலுவலகங்களில் லஞ்சத்தை ஒழிக்க, லஞ்ச ஒழிப்புத் துறை போலீசார் தீவிரமாக களமிறங்கினர். இதன் பயனாக தமிழகம் முழுவதும் கடந்த இரண்டு ஆண்டுகளாக போலீசார் நடத்திய அதிரடி வேட்டையில், இதுவரை லஞ்சத்தில் புரண்டு வந்த சாதாரண ஊழியர்கள் முதல் உயர் அதிகாரிகள் வரை 500க்கும் மேற்பட்டோர் போலீஸ் பிடியில் சிக்கியுள்ளனர்.

புள்ளி விவரங்கள் உண்மை நிலையை உருவாக்குமா? கடந்த 2007-08ம் ஆண்டில் 127 பேர், 2006-07ம் ஆண்டில் 131 பேர், 2005-06ம் ஆண்டில் 136 பேர் என சராசரியாக 100 முதல் 150 பேர் வரை போலீஸ் பிடியில் கையும், களவுமாக சிக்கியுள்ளனர். இந்த வகையில், கடந்த 2008ம் ஆண்டு ஏப்ரல் மாதம் முதல் 2009ம் ஆண்டு மார்ச் மாதம் வரை பல்வேறு புகார்களின் அடிப்படையில், 312 வழக்குகளில் அதிகாரிகள் லஞ்சம் பெறும் போது, போலீசார் பொறி வைத்து பிடித்துள்ளனர்.கடந்த 10 ஆண்டுகளில் ஒப்பிடும் போது இது மூன்று மடங்கு அதிகம். லஞ்சத்தை முற்றிலும் ஒழிக்கும் வகையில் லஞ்ச வழக்கில் சிக்கும் அதிகாரிகளின் தகவல்களை புகைப்படத்துடன், இணையதளத்தில் வெளியிட தற்போது அதிகாரிகள்  முடிவு செய்துள்ளதாக தகவல்கள் தெரிவிக்கின்றன.

விசாரணையில் உள்ள லஞ்ச வழக்குகள் என்னாகும்? தமிழகம் முழுவதும் கடந்த 10 ஆண்டுகளில் 5,186 லஞ்ச வழக்குகள் பதிவு செய்யப்பட்டுள்ளன. இதில், 1,527 வழக்குகளில் அதிகாரிகள், அரசு ஊழியர்கள் லஞ்சம் பெறும் போது, கையும், களவுமாக போலீசார் கைது செய்துள்ளனர். இதைத் தவிர 1,028 வழக்குகள் ஆரம்ப நிலையிலும், 1,739 வழக்குகள் விரிவான விசாரணையிலும், 892 வழக்குகள் ரெகுலராகவும் நடந்து வருகின்றன. கடந்த 2008ம் ஆண்டு மார்ச் வரை எடுக்கப்பட்ட ஒரு கணக்கெடுப்பில், கோர்ட் நிலுவையில் இருந்த 877 லஞ்ச வழக்குகளில், 1,866 அரசு அலுவலர்களிடமும், தீர்ப்பாயத்தில் நிலுவையில் இருந்த 385 வழக்குகளில், 1,182 பேரிடமும், துறை ரீதியாக நிலுவையில் உள்ள 4,662 வழக்குகளில், 3,546 பேரிடம் விசாரணை நடத்தப்பட்டு வருகிறது. இவற்றில் 80 சதவீதத்திற்கும் மேற்பட்ட வழக்குகள் தற்போதும் விசாரணை அளவிலேயே உள்ளன.

வழக்குகள் முடிந்தால் தண்டனை நிச்சயம் :லஞ்சம் வாங்கும் அதிகாரிகள் சிக்குவார்களே தவிர, அவர்கள் மீது நடவடிக்கை இருக்காது என்ற கருத்து தற்போது நிலவுகிறது. ஆனால், லஞ்ச அதிகாரிகளுக்கு தண்டனை நிச்சயம் என்று அதிகாரிகள் விளக்கம் அளித்துள்ளனர். “தமிழகம் முழுவதும், 2008-09 ஆண்டில், பல்வேறு கோர்ட்டுகளில் நடந்து வரும் பல்வேறு லஞ்ச வழக்குகளில் 40 வழக்குகளுக்கு இதுவரை தீர்ப்பு வழங்கப்பட்டுள்ளது. பலருக்கு கடுமையான தண்டனைகள் வழங்கப்பட்டுள்ளன.கோவை மாநகராட்சி ஜூனியர் இன்ஜினியர் ஒருவருக்கு,  ஐந்து ஆண்டுகள் சிறை தண்டனையும், 62 ஆயிரம் ரூபாய் அபராதமும் விதிக்கப்பட்டுள்ளது. பல வழக்குகளில் குறைந்தபட்சம் ஆறு மாதம் முதல் அதிகபட்சம் மூன்று ஆண்டுகள் வரை சிறை தண்டனை விதிக்கப்பட்டுள்ளது’ என்று அதிகாரிகள் தரப்பில் கூறப்பட்டுள்ளது.

-தினமலர்- நன்றி- நமது சிறப்பு நிருபர்-

ஸ்பெக்ட்ரம் ராஜாவின் கோடிகள் சென்ற இடங்கள், பயனாளிகள், பொருளாதார ஊழல்கள்!

ஜூன் 3, 2010

ஸ்பெக்ட்ரம் ராஜாவின் கோடிகள் சென்ற இடங்கள், பயனாளிகள், பொருளாதார ஊழல்கள்

ராஜாவால் ரூ. 26,685 கோடி நஷ்டம்[1], மத்திய தணிக்கைத்துறை குற்றாச்சாட்டு!

  1. கம்ட்ரோலர் மற்றும் ஆடிட்டர் ஜெனரல் 2008ல் லைசென்ஸுகள் கொடுத்த விவகாரத்தில் ராஜாவின் ஒழுங்கீனத்தால் ரூ. 26,685 கோடி நஷ்டம் ஆகியுள்ளது என்று, மத்திய தணிக்கைத்துறை அறிக்கை[2] மூலம் குற்றச்சாட்டியுள்ளது! அதற்கு தகுந்த முறையில் பதில் அளிக்கப் படும் என்று சொல்லப்பட்டுள்ளது.
  2. ராஜா நிபுணர்கள் சொல்லிய அறிவுரைகள் எதுவும் கேட்காமல், 2001ம் வருடத்தில் கூறப்பட்டுள்ள வரைமுறைப்படி 2008ல் ரூ 1651 கோடிகளுக்கு லைசென்ஸ் வழங்கியதால் அத்தகைய நஷடம் ஏற்பட்டுள்ளது.
  3. அப்பொழுது கைப்பேசி உபயோக விகிதம் ஆதாரம் 45 மில்லியன் என்ற கணக்கீட்டில் இருந்தது. ஆனால், அது 2008ல் 300 மில்லியனாகி விட்டது.
  4. ஆக இதன்படி பார்த்தாலே ரூ.11,012 கோடிகளுக்கு கொடுக்க வேண்டியது ரூ.1651 கோடிகளுக்குக் கொடுக்கப் பட்டுள்ளது, அதாவது ரூ.9361 கோடிகள் நஷ்டம்! முதல் பதிவு செய்யப்பட்ட அறிக்கையில், சி.பி.ஐ சில DoT அதிகாரிகள் மற்றும் தனியார் டெலிகாம் கம்பெனிகள் சேர்ந்து லைசென்ஸ் விதிகள் முதலியவற்றை மீறியதாகக் குறிப்பிடப் பட்டுள்ளது.

மன்மோஹன் சிங் ஊழலை மறைக்கும் மர்மம் என்ன? தூய்மையின் மறு உருவமான மன்மோஹன் சிங் சொல்கிறார், “2ஜி ஸ்பெக்ட்ரம் அலைவரிசை ஒதுக்கீட்டில் ஊழல் நடந்து விட்டதாக எழுந்த புகார்கள் பற்றி நாடாளுமன்றத்தில் ஏற்கனவே விவாதிக்கப்பட்டுள்ளது. நானும் அமைச்சர் ராசாவை அழைத்துப் பேசினேன். அவர் என்னிடம் முழு விளக்கம் கொடுத்தார். இந்திய தொலைத்தொடர்பு ஒழுங்கு முறை ஆணையம் பரிந்துரைத்த வழி காட்டுதல்களின் அடிப்படையிலேயே, தான் நடந்து கொண்டதாக அமைச்சர் ராசா விளக்கினார். மேலும் 2003ம் ஆண்டில் இருந்து நடைமுறையில் இருக்கும் கொள்கை அடிப்படையில் தான் முடிவுகள் எடுக்கப்பட்டதாக ராசா கூறினார்”, என்றெல்லாம் சப்பைக் கொட்ட யார் உத்தரவு இட்டது?. திருடனிடத்தில் கேட்டால், அவனா சொல்வான்? சிங் என்ன அந்த அளவிற்கு ஒன்றும் தெரியாத ஆளா?

“பாஜக உருவாக்கிய விதிமுறைகளின்படி தான் ஊழல் நடந்தது”, எனும்போது காங்கிரஸின் வேசித்தனம் வெளிப்படுகின்றது: பொருளாதார மேதாவி தொடர்கிறார், “2ஜி ஸ்பெக்ட்ரம் அலைவரிசை ஒதுக்கீடு, அந்த நேரத்து கொள்கைகள் அடிப்படையில் நடந்துள்ளது. அதாவது முந்தைய பாஜக கூட்டணி அரசு உருவாக்கிய கொள்கைகள், விதிமுறைகளின்படி தான் ஸ்பெக்ட்ரம் ஒதுக்கீடு நடந்துள்ளது. இதில் ராஜா மீது எந்தத் தவறு இல்லை. இதில் உள்ள முழு பிரச்சனையையும் தெரிந்து கொள்ள வேண்டும் என்றார்”.”, இதைவிட கேவலமான அரசியல் விபச்சாரத்தனம் தேவையில்லை. இப்படி, சோனியாவிடம், சூடு, சுரணை இல்லாத பொம்மை பிரதமராக இருப்பதைவிட, இந்த தூய்மையின் சின்னம், கசாப்புக்கு முன்னமே தூக்குப் போட்டுக் கொண்டு சாகலாம். ராஹுல் உடனடியாக வந்திடுவார் பிரதமராக!

கருணாநிதியை வெல்லும் தூய்மை: “ஊழல் இருக்கிறது ஆனால் சி.பி.ஐ விசாரணை நிலுவையில் உள்ளது”!: திருவாளர் தூய்மை தொடர்கிறது. ராஜா அமைச்சரவையிலிருந்து நீக்கப்படுவாரா என்று கேட்டதற்கு பதிலளித்த பிரதமர், “மத்திய ஊழல் தடுப்பு கமிஷனர் கேட்டுக் கொண்டதற்கிணங்க தற்போது இந்த விவகாரம் குறித்து சி.பி.ஐ. விசாரணை நடத்தி வருகிறது. அந்த விசாரணை நிலுவையில் உள்ள நிலையில் இந்த விஷயத்தில் (ராஜாவை நீக்குவது குறித்து) நான் ஒரு திட்டவட்டமான கருத்தை வெளியிடுவது சரியாக இருக்காது. 2ஜி ஸ்பெக்ட்ரம் ஒதுக்கீடுக்கும், 3ஜி ஸ்பெக்ட்ரம் அலைவரிசைக்கும் மிகப்பெரிய வித்தியாசம் இருப்பதை ஒத்துக் கொள்கிறேன். இந்த விவகாரத்தில் சரியானதை அடையாளம் காண வேண்டியது அவசியம். ஆட்சியின் எந்த மட்டத்தில் ஊழல் நடந்ததாலும் அதற்கு எதிராக நாங்கள் உறுதியான நடவடிக்கை எடுப்போம்”, என்றார். கரு டில்லிக்குச் செல்லும்போதெல்லாம், இப்படி காங்கிரஸ்காரர்களுக்கு, ஊழலைப்பற்றியும், எப்படி இப்படியேல்லாம் பேசுவது என்பது பற்றியும் பாடங்களை சொல்லிக் கொடுத்து வருவார் போலும்!

மன்மோஹன் சிங் என்ன மட சாம்பிராணியா, பொருளாதார நிபுணாரா? ஆனால், ஸ்வான் டெலிகம் ரூ.1537 கோடிகளில் 13 வட்டப்பிரிவுகளுக்கு லைஸென்ஸ் பெற்றது. உடனே அந்த கம்பனி தன்னுடைய 45% சேர்களை எடிலாஸ்ட் என்ற கம்பெனிக்கு ரூ. 4200 கோடிகளுக்கு விற்றுவிடுகிறது. அதேப்போல, யூனிடெக் நிறுவனத்திற்கு ரூ.1,658 கோடிகளில் 22 வட்டப்பிரிவுகளுக்கு லைஸென்ஸ் கொடுக்கப்படுகின்றன, ஆனால், அது தன்னுடைய 60% பங்குகளை டெலினார் என்ற கம்பெனிக்கு ரூ. 6,100 கோடிகளுக்கு விற்றுவிடுகிறது. அதாவது, யூனிடெக் நிறுவனம், இந்தியாவில் ஒரு மொபை டவர் கூட வைக்காமல், ரூ 1,658 கோடிகள் கொடுத்து, ரூ.10,000 கோடிகள் என்று தன்னுடைய மூலதனத்தைப் பெறுக்கிக் கொண்டது. இப்படி வாங்கி அப்படி விற்றது, இந்த மன்மோஹன் சிங் போன்ற பொருளாதார நிபுணர்களுக்குத் தெரியாதா? அந்த அளவிற்கு மட சாம்பிராணி போல பேசுவதற்கும், நடந்து கொள்வதற்கும் யார் காரணம்? இதெல்லாம், இந்நாட்டுச் சட்டத்திட்டங்களுக்குட்பட்டதா? இல்லையென்றல், இதே மாதிரி சென்றால், நாளை இவர்கள் இந்தியாவையே விற்றுவிடுவார்களே?

ஊழல் நடந்தது எப்படி? இது தீவிரமாக, முன்னாலேயே தீர்மானித்து செய்யப்பட்ட ஊழல். ஆகவே, எல்லாமே ராஜா, மன்மோஹன் சிங், அவரை ஆட்டிவைக்குக் சோனியா, மற்ற அரசாங்கத்துறைகள், இவற்றின் ஒத்துழைப்புடன் தான் நடந்தேறியுள்ளது.
செப்டம்பர் 24, 2007:  2ஜி ஸ்பெக்ட்ரம் ஒதுக்கீட்டிற்கான விளம்பரம் பத்திரிக்கைகளில் வந்தன.

அக்டோபர் 1, 2007: விண்ணப்பங்கள் கொடுக்க கடைசி நாள்.

ஜனவரி 10, 2008: விளம்பரத்திலோ ஒரு வாரம் கொடுக்கப்பட்டிருந்தது, ஆனால் செப்டம்பர் 25 வரை பெறப்பட்ட விண்ணப்பங்கள் தாம் பரிசீலினைக்கு எடுத்துக் கொள்ளப்படும் என்று அறிவிக்கப் பட்டது. அந்த தேதி வரை 575 விண்ணப்பங்கள் பெறப்பட்டிருந்தன. இதனால் பலர் தகுதியை இழந்தனர்.

ஜனவரி 10, 2008 அன்று மதியம் 1.47: அளவில் தங்களுடைய விண்ணப்பங்களுடன் 3.30 ற்கு சஞ்சார் பவனில் வருமாறு பணிக்கப்பட்டது. அதாவது, ஒரு மணி நேரத்திற்கும் மேலாக சிறிது நேரம்தாம் தான் விண்ணப்பப்படிவம், பூர்த்தி செய்வது, வங்கியிலிருந்து குறிப்பிட்ட பணத்திற்கு டிடி பெறுவது, வங்கியின் பிணைப்பத்திரம் பெறுவது, மற்ற ஆவணங்களுடன் சேர்த்து அளிப்பது – முதலியவையெல்லாமே செய்வதற்காக ஒதுக்கப் பட்டது. இந்நிலையில் குறிப்பிட்ட கம்பெனிகள், அவற்றிற்கு இந்த விஷயம் முன்னமே தெரிந்திருந்தலால், தயாக இருந்தனவாம்.

சாதாரணமாக, டெண்டர் எடுக்கும் பையன்களுக்குக் கூட, இந்த விவகாரம் நன்றாகவே புரிந்திருக்கும்.

பரத்வாஜ் இந்த விவகாரம் எல்லாம் சரியில்லை என்று எச்சரித்தார்[3]: நவம்பர் 1, 2007 அன்றே, இந்த விவகாரம் சட்ட அமைச்சரவை அனுமதிக்கு அனுப்பப்பட்டபோது, பரத்வாஜ் ராஜாவின் நடவடிக்கையை எதிர்த்ததோடு அல்லாமல், Empowered Group of Ministers – EGoM இந்த விஷயத்தை ஆராயுமாறு பரிந்துரைத்தார்[4]. ஏலமில்லாது, ஒதுக்கீடு செய்வது சரியில்லை என்றும் எச்சரித்தார். ஆனால், வேண்டுமென்றே, 2001ல் அதுமாதிரி செய்யப்பட்டது, என்று நொண்டிசாக்குக் காட்டி, ஏலம் விடாமல், 2001ல் நிர்ணயிக்கப்பட்ட கட்டணத்தின் அடிப்படையில், “முதலில் வந்தவர்களுக்கு முன்னுரிமை” என்ற அடிப்படையில் லைசென்ஸ் வழங்கினார்.

Nov 2, 2007, 8.30 இரவு: பரத்வாஜைக் கிண்டலடித்து, மன்மோஹனுக்கு, அவரது அறிவுரை “சட்டபடி இந்த விஷயத்திற்கு ஒவ்வாதது” என்று கடிதம் எழுதினார்.

Nov 2, 2007, 9.30 pm: மன்மோஹன் உடனே, இந்த ஒதுக்கீடு வேலையெல்லாம், உடனடியாக நிறுத்தச் சொல்லி ஆணையிட்டார். அக்கடிதம், ராஜாவின் இல்லத்தில் அன்று இரவே 9,30 அளவில் கொடுக்கப்பட்டது.

பிரச்சினையை சரிகட்ட, பரத்வாஜ் கர்நாடகத்தின் கவர்னராக மாற்றப்பட்டார்[5].

சி.பி.. விசாரணை சொல்வதென்ன? 3ஜியை ஒப்பிடும்போது, 2ஜியில் குறைந்தபட்சம் ரூ.22,000 கோடிகளுக்கு ஊழல் நடந்திருக்க வேண்டும் என்கின்றது. கம்ட்ரோலர் மற்றும் ஆடிட்டர் ஜெனரல் 2008ல் லைசென்ஸுகள் கொடுத்த விவகாரத்தில் ராஜாவின் ஒழுங்கீனத்தால் ரூ. 26,685 கோடி நஷ்டம் ஆகியுள்ளது என்று, அறிக்கைக் கொடுத்துவிட்டாரே?  இதனால்தான் அந்த அதிகாரியே மாற்றப் பட்டார்.

சி.பி.ஐ

இதற்கிடையே, ஸ்பெக்ட்ரம் ஊழல் குறித்த விசாரணையை நடத்தி வந்த சி.பி.ஐ அதிகாரி வினீத் அகர்வால் மாற்றப்பட்டுள்ளார் என்ற செய்தி அதிர்ச்சி அளிக்கிறது. தி.மு.க.வின் நிர்பந்தத்திற்கு அடிபணிந்து இந்த வழக்கை குழிதோண்டி புதைக்க மத்திய அரசு முடிவு செய்து விட்டது. இந்த வழக்கில் சி.பி.ஐ. கணிசமான அளவுக்கு முன்னேற்றம் கண்டிருக்கிறது. குறிப்பாக, ராசாவுடன் உள்ள தொடர்பை பயன்படுத்தி, அவரது கூட்டாளிகள், பல புதிய தொலைத்தொடர்பு நிறுவனங்களுக்கு ஸ்பெக்ட்ரம் உரிமங்களை வாங்கிக் கொடுத்ததை சி.பி.ஐ. அடையாளம் கண்டிருக்கிறது. அமைச்சர் ராசாவுக்கும், முதல்வர் கருணாநிதிக்கும் சி.பி.ஐ. விசாரணை மிகவும் பாதகமாக இருந்திருக்கிறது. நிலைமை மிக மோசமாகி, ராசா ராஜிநாமா செய்ய வேண்டிய கட்டாயத்துக்கு தள்ளப்பட்டால், மத்திய அரசுக்கு அளித்து வரும் ஆதரவை தி.மு.க. விலக்கிக் கொள்ள நேரிடும். இதுதான் கருணாநிதியின் மிரட்டல்[6].

திராவிடர்கள் தங்களது ஊழல்களை[7] மறைப்பதேன்? இப்படி திராவிடர்கள் ஏன் ஊழலில் ஈடுபட வேண்டும்?

ராஜாவின் நண்பருடைய கம்பெனிகள்[8]:

1. WiExpert Communications,

2. SV Telecom Systems,

3. Digitelco Communications,

4. Spectrus Communications and

5. Technotial Infoways.

இந்த கம்பெனிகள் கொடுத்துள்ள விலாசங்களில் சென்று பார்த்தபோது, அவை வீடுகளாக இருந்தனவாம். அதுமட்டுமல்லாது அவை நவம்பர் 5, 2007 அன்றுதான் பதிவு செய்யப்பட்டதாம்! ஆக, அவசர-அவசரமாக ரிஜிஸ்ட்ரர் ஆஃப் கம்பனியில் பதிவு செய்யப் பட்டு, இந்த ஏலத்தில் பங்கு கொள்ளவே உருவாக்கப் பட்ட கம்பெனிகள் என்று தெரிகிறது. மேலும் கருணாநிதியின் கீழுள்ள, திராவிட அமைச்சர்களுக்கு கோடிகளில் ஊழல் செய்வது, வங்கிகளில் துணையோடு, வங்கிகளையே ஏமாற்றூவது முதலியனவெல்லாம் கைவந்த கலையே எனலாம். இதோ சில உதாரணங்களைப் பார்க்கலாம்:

ரஹ்மான் கானின் ரூ 105 கோடி வங்கி மோசடி: இப்பொழுது, ரஹ்மான் கான் என்ற திமுக அமைச்சரின் ரூ.105 கோடி வங்கி மோசடி பற்றிய செய்திகள் வெளிவருகின்றன. கருணாநிதியே தனக்கு ரூ. 22 கோடி சொத்துதான் உள்ளது எனும்போது, எப்படி அவருடைய நண்பருக்கு கோடிக்கணக்கில் கடன் கொடுத்து ஏமாறுகிறார்கள்.

பெங்களுர் மர்மமும் மர்மமாகவே உள்ளது: முன்பு, சென்னை பல்கலைக் கழக வங்கிப்பணம் ஏதோ பெங்களூரில் இருக்கும் ஒரு கூட்டுறவு வங்கிக்கு உதவ மாற்றப் பட்டது என்று செய்தி வந்துள்ளது. கருணாநிதி குடும்பத்தினர், ஏற்கெனவே அங்கு சொத்துக்களை வாங்கிக் குவித்துள்ளனர். கருணாநிதியும் அடிக்கடி பெங்களூர் சென்றுதான் “ஓய்வெடுக்கிறார்”!

நெப்போலியனும் சொத்துக்களை வாங்கித் தள்ளுகிறாராம்! ஏற்கெனெவே தொழிற்சாலைகள், மென்பொருள் உற்பத்தி என்றிருந்த நெப்போலியன் அமைதியாக அமைச்சராகி விட்டார்!  அவரும் அசையும்-அசையாச் சொத்துகளை வாங்குவதாக செய்திகள் வர்த்தக சுற்றுப்புரங்களில் உள்ளன.

சி.பி.., தாக்கல் செய்துள்ள முதல் தகவல் அறிக்கையில் கூறப்பட்டுள்ளதாவது[9]: தொலை தொடர்புத் துறையில் உள்ள சில அதிகாரிகளும், தனி நபர்களும் அல்லது நிறுவனங்களும் ஸ்பெக்ட்ரம் லைசென்ஸ் விவகாரத்தில் கிரிமினல் சதியில் ஈடுபட்டுள்ளனர். இதன்மூலம் தேர்ந்தெடுக்கப்பட்ட சில கம்பெனிகளுக்கு குறைவான கட்டணத்தில் தொலை தொடர்புத் துறை அதிகாரிகள் லைசென்ஸ் வழங்கியுள்ளனர். அரசுக்கு 22 ஆயிரம் கோடி அளவுக்கு இழப்பு ஏற்பட்டுள்ளது. அது தனியார் நிறுவனங்களுக்கு லாபமாக அமைந்துள்ளது. இந்த விஷயத்தில் டிராய் விதிமுறைகளுக்கு எதிராக விண்ணப்பதாரர் எண்ணிக்கையில் அளவு நிர்ணயித்துள்ளனர். ஏலம் விடாமல், 2001ல் நிர்ணயிக்கப்பட்ட கட்டணத்தின் அடிப்படையில், “முதலில் வந்தவர்களுக்கு முன்னுரிமை” என்ற அடிப்படையில் லைசென்ஸ் வழங்கியுள்ளனர். இவ்வாறு முதல் தகவல் அறிக்கையில் தெரிவிக்கப்பட்டுள்ளது.

.ராசா பதவி விலக தேவையில்லை: பிரதமர் ஒப்புதலுடன் நடந்தது: உண்மையை உரைக்கும் வீரமணி: திராவிடர் கழகத் தலைவர் கி. வீரமணி, ’’மத்திய தகவல் தொழில்நுட்ப அமைச்சர் ஆ. ராசா பதவி விலக வேண்டியது அவசியமில்லை[10]. 3ஜி அலைவரிசையில் அரசிற்கு ரூ.36 ஆயிரம் கோடி மட்டுமே வருவாய் கிடைக்கும் என எதிர்பார்க்கப்பட்டது. ஆனால், தற்போது அரசிற்கு ரூ.66 ஆயிரம் கோடி வருவாய் கிடைத்துள்ளது. மேலும், பிரதமரின் ஒப்புதல் இல்லாமல் எதுவும் நடைபெறமுடியாது. எனவே தவறுகள் நடைபெற்றிருக்க வாய்ப்பில்லை’’ என்று தெரிவித்துள்ளார். அதாவது, பிரதமருக்குத் தெரிந்துதான், அதாவது சோனியா காந்தியின் ஒப்பொதலுடன் தான் இநத விவகாரம் நடந்துள்ளது.

ஆக வீரமணிக்குத் தெரிந்திருப்பது மன்மோஹனுக்குத் தெரியாமல் இருப்பது ஆச்சரியமே: ஊழல் நீதிபதி தினகரன் கர்நாடகத்தில் பதவி கொடுத்தது, வீரமணிக்கு முன்னமே தெரியும். கே. ஜி. பாலகிருஷ்ணன் உச்சநீதிமன்றத்தின் நீதிபதியாக நியமிக்கப்படுவதும் தெரியும். இப்பொழுது, உறுதியாகச் சொல்கிறார்: “மேலும், பிரதமரின் ஒப்புதல் இல்லாமல் எதுவும் நடைபெறமுடியாது.” ஆக, அவர்களுக்கெல்லாம் தெரிந்திருக்கிறது, பிறகு, மற்றவர்கள் என்ன, கொசுக்கள், புழுக்கள், அவஎர்களையா, இவர்கள் மதிக்கப் போகிறார்கள். சில ஊடகங்கள் வேண்டுமானால், கத்திக் கொண்டேயிருக்கும். பிறகு, எங்கேயாவது, இழுத்துவிட்டால், அடங்கிவிடும். அப்படியொரு போக்கில்தான் காங்கிரஸ் கட்சி இயங்கி வருகிறது.

நாடகமாடும் பெரிய புள்ளிகள்[11]: மவுண்ட் ரோடு மஹாவிஷ்ணு என்று கருணாநிதியால் செல்லமாக அழைக்கப் படும் “தி ஹிந்து”வும் கருணநிதிக்கே ஆதரவாக செயல்பட்டது[12]. என்ன செய்வது, அந்த பிரியா – தயாநிதியின் மனைவியே, ஹிந்து ராமின் மச்சினி-முறையாயிற்றே? பிரியா ரங்கராஜன் சும்மாவா இருந்திருப்பார்? அதுமட்டுமல்லாது, அந்த செய்தியும் இணைத்தளத்திலிருந்தே நீக்கப்பட்டு விட்டது[13]. இப்படி ஒட்டுமொய்த்தமாக, கோடானுகோடி மெகா ஊழலை மறைக்க இந்த ப்நெரிய புள்ளிகள் எல்லாம் செயல்படுகிறார்கள். வெளியிலே “பார்ப்பனீயம்” ஒழிக என்று, இப்படி பார்ப்பன மனைவிகளை வைத்துக் கொண்டு வேடமிடவதும், இவர்களுக்கு வெட்கமாகப் படவில்லை. ஆனால், சமயம் பார்த்த கருணநிதிம் திடீரென்று, ராஜா ஒரு “தலித்” என்பதால்தான், அனைவரும் எதிர்க்கிறார்கள் என்று கேவலமாகக் குற்றஞ்சாட்டினார். பிறகு அந்த பாப்பாத்திகளை விரட்டியடுத்துவிடுவதுதானே? மானங்கெட்ட கருணாநிதியே அந்த சாவியிடம், ஒரு பிராமண பெண்ணைப் பார்க்குமாறு சொன்னதை மக்கள் மறந்து விட்டிருப்பார்கள்[14].

ராஜா ஊழலிலும் அழகான பெண்கள், கோடிகள், இத்யாதிI & II[15]: நீரா ராடியா என்ற என்.ஆர்.ஐ பெண்மணிக்கும் ராஜாவுக்கும் என்ன தொடர்பு என்று ஆச்சரியமாக இருக்கிறது. மேலும் வேடிக்கை என்னவென்றால், கனிமொழிதான் அந்த பெண்ணை ராஜாவிற்கு அறிமுகப் படுத்தினார் என்பதுதான்! மற்ற விஷயங்களில் ஊடகங்கள் குதிக்கும் அளவில், இதில் அமைதி காப்பதும் மர்மமாகவே உள்ளது. சசி தரூர் – மோடி விவகாரங்களில் பெண்கள் – செக்ஸ் – கோடிக்கணக்கான பணம் இவைத்தான் விவகாரங்களாக இருந்தன. அவ்வாறு இருக்கும் போது, இங்கும் ஒரு பெண், அதே மாதிரி கோடிக் கணாக்கான ஊழலில் சம்பந்தம் கொண்டிதிருக்கின்றாள் என்றால் என்ன அர்த்தம்? அனைத்தையும் அறிந்து கொண்டு சோனியா மைனோவும் அமைதி காப்பது, நிச்சயமாக இது கூட்டுக் கொள்ளை என்று நன்றாகவே தெரிகிறது. முன்னமே நீராவிற்கு ஒரு விமான கம்பெனி ஆரம்பிப்பதற்கு உதவியுள்ளதாக விவரங்கள் உள்ளன. பிறகு அந்த அளவிற்கு, ராஜாவிற்கு என்ன தொடர்பு?

நீரா ராடியா அரசியல் ஏஜென்டா, மந்திரிகளை நியமிக்கும் ஒப்பந்தக்காரரா? கனிமொழி-நீரா ராடியா-ராஜா பேச்சுகள் திராவிட அரசியல் எந்த அளவிற்கு நீசத்தனமாகி விட்டது என்பதைக் காட்டுகிறது[16]. அரசியலில் மந்திரிகள் நியமிக்கப் படும் அளவில் காங்கிரஸ்காரர்களை தன்னுடைய செல்வாக்கில் வைத்திருக்கிறார்கள் என்றால், எப்படி சாத்தியம்? சோனியா மெய்னோ இன்றும் அந்த அளவிற்கு லேசுபட்ட ஆள் இல்லை. பல்வேறு கன்சல்டன்சி ஏஜென்சிகளை நடத்தி வரும் பெண் ஒருவர், அரசு அதிகார மட்டத்தில் தொடர்பு வைத்துக் கொண்டு ஸ்பெக்ட்ரம் 2 ஜி அலைக்கற்றை ஒதுக்கீட்டில் புரோக்கராக செயல்பட்டு வந்ததாகவும், அந்த பெண் தொலை தொடர்பு துறை அமைச்சர் ராசாவுடன் தொடர்ந்து தொடர்பில் இருந்து வந்ததாகவும், தொலைபேசி ஒட்டுக்கேட்பு மூலம் இருவரும் அடிக்கடி பேசி வந்ததது தெரிய வந்ததாகவும், இது தொடர்பாக சிபிஐ விசாரணை நடத்ததி வருவதாகவும் செய்தி வெளியானது. இணைதளங்களில் அந்த ஆவணங்கள் வெளிவந்தவுடனே, அரசாங்கம் அவற்றை மறுத்தது. தி ஹிந்து பத்திரிக்கையும் எடுத்துவிட்டது. ஆனால், அந்த வினித் அகர்வால் ஏன் இடம்-மாற்றம் செய்யப் பட்டார் என்று சொல்லவில்லை. சி.பி.ஐ அதிகாரி நீரா ராடியா மற்றும் அவரது கம்பெனி நோயிஸிஸ் இவற்றை விசாரிக்க உத்தரவிட்ட கடிதங்கள், கருணாநிதி, அவரது மனைவியின் ஆடிட்டர், ராடியா முதலியோருக்குள்ள தொடர்புகள் முதலியவற்றை இங்கே காணவும்:

http://www.scribd.com/doc/30674787/CBI-IT-Letters-on-Spectrum-Scam

மக்கள் பணமான – கோடிகளைத் திரும்பப் பெறுவது எப்படி? இப்பணம், இந்திய மக்களின் பணம். கோடானுக்க்கோடி மக்கள், தங்களது வயிற்றைக் கட்டி, வாயைக்கட்டி, செல்லுத்திய பணம். அப்படியிருக்கும்போது, அந்நியர்களோ, இந்த காங்கிரஸ்-திமுகக் கூட்டுக் கொள்ளைக்காரர்களுக்கோ சொந்தமானது கிடையாது. ஆகவேம் அது, மக்களுக்குத் திருப்பிக் கொடுக்கப் படவேண்டியாதாகிறது. எப்படி, ஏமாற்றி பறித்தப் பணம், பறிமுதல் செய்யப் பட்டு, திரும்ப சொந்தக்காரர்களுக்குக் கொடூக்கப் படுகிறதோ, அதுபோல, இப்பணம் இந்த கூட்டுக்கொள்ளைக்காரர்களிடமிருந்து வசூலித்து மக்களுக்குக் கொடுக்கப் படவேண்டும்.

ராஜாவை மந்திரி பதவிலிருந்து நீக்கிவிட்டு வாயை மூடிவிடமுடியாது: ராஜா ராஜினாமா செய்வது அல்லது மன்மோஹன் ராஜாவின் இலாக்காவை மாற்றுவது என்ற நாடகத்தினால், ஊழல் பணம் கோடிகள் திரும்பி வராது. ஆகவே, ராஜாவின் மீது வழக்குப் பதிவு செய்யப்பட்டு, அந்த கோடிகள் பறிக்கப்படவேண்டும். சன்-தொலைகாட்சி முன்னமே தன்னுடைய குழுமம் “பொதுவாகிறது” என்று காட்டிக்கொண்டு, கோடிகளை அள்ளியது[17]. தயாளு அம்மாள் தன்னுடைய 20% பங்குகளை விட்டுத்தருவதாக கருணாநிதியே (Nov 08, 2005) அறிவித்தார்[18]. ஆனால், உண்மையில், தங்களைப் பலப்படுத்திக் கொள்ளவே, நாடகமாடி, கலைஞர் டிவி உருவாக்கப் பட்டது. வெளியில் சண்டைப் போட்டுக்க்கொள்வதுபோலக் காட்டிக் கொண்டு, கோடிகளை பரிமாற்றம் செய்துகொள்ளப்பட்டன. புதிய கம்பெனிகள் உருவாகின, புதிய வருமானங்களும் பெறுகின[19]. டிசம்பர் 2008ல் இந்த கோஷ்டிகள் ஒன்றக சேர்ந்துவிட்டன[20]. டிவி வியாபாரத்தில் எவ்வாறு இக்குடும்பங்கள் வலுவடைகின்றன, அரசியல் ஆதிக்கம் பெறுகின்றன என்று பலர் எடுத்துக் காட்டியுள்ளனர்[21].

வேதபிரகாஷ்

03-06-2010.


[1] வேதபிரகாஷ், ராஜாவால் ரூ. 26,685 கோடி நஷ்டம், மத்திய தணிக்கைத்துறை குற்றாச்சாட்டு!, https://corruptioninindia.wordpress.com/2010/04/09/ராஜாவால்-ரூ-26685-கோடி-நஷ்டம்/

[2] அறிக்கை தேதி 31-03-2010. இணைதளத்திலும் காணலாம்.

[3] http://news.outlookindia.com/item.aspx?683037

[4] Raja defied PM’s writ on spectrum: Report 29 Oct 2009 A Raja dismissed a crucial suggestion by the then Law Minister HR Bharadwaj for an Empowered Group of Ministers (EGoM) to decide on licence expressbuzz.com/…/story.aspx?…Rajaraja

[5] H R Bharadwaj appointed Karnataka Governor: Rediff.com India News

24 Jun 2009 … HR Bharadwaj appointed Karnataka Governor| Rediff.com: India news … Former Law Minister Hans Raj Bhardwaj, who failed to make it to the … news.rediff.com/…/president-appoints-h-r-bharadwaj-as-karnataka-governor.htm

[6] தினமணி, 29 Apr 2010 02:34:23 AM ISThttp://www.dinamani.com/edition/story.aspx?SectionName=Tamilnadu&artid=234441&SectionID=129&MainSectionID=129&SEO=……..BF

[7] வேதபிரகாஷ், https://corruptioninindia.wordpress.com/2010/02/04/திராவிடர்கள்-தங்களது-ஊழல /

[8] WiMax Scam – another murky deal of Indian telecom industry,  (Reports appeared on ‘The Pioneer’ daily on the blatant corruptions in the WiMax franchise allotment of the state owned telecom company BSNL)         May 6, 2008 – The Pioneer.

[9] http://www.dinamalar.com/topnewsdetail.asp?news_id=1543

[10] நக்கீரன், ஆ.ராசா பதவி விலக தேவையில்லை: கி. வீரமணி, ஞாயிற்றுக்கிழமை, 23, மே 2010 (22:17 IST) http://www.nakkheeran.in/users/frmNews.aspx?N=32663

[11] http://www.transcurrents.com/tamiliana/archives/321

[12] Thursday, Apr 29, 2010, Notice: A press release on the 2G scam was issued by AIADMK leader Jayalalithaa in Chennai on April 28, 2010. The Hindu is unable to verify the authenticity of a 14-page document purporting to be an official account of intercepted phone conversations and is, therefore, taking it off its website.

http://www.hindu.com/2010/04/29/stories/2010042989991000.htm

[13] The article you are looking for is no longer available in this website. http://beta.thehindu.com/news/resources/article414110.ece?homepage=true

[14] கலாநிதி மாறன் 1991ல் காவிரி என்ற பாப்பாத்தியைத் திருமணம் செய்து கொண்டார். சகோதரன் தயா, 1994ல் பிரியா என்ர ஐய்யங்காரை, தி ஹிந்து ராமின் சொந்தக்காரி பாப்பாத்தியைத் திருமணம் செய்து கொண்டார்.

[15] வேதபிரகாஷ், http://dravidianatheism.wordpress.com/2010/05/02/ராஜா-ஊழலிலும்-அழகான-பெண்/

[16] வேதபிரகாஷ், http://dravidianatheism.wordpress.com/2010/05/07/ராஜா-ஊழலிலும்-அழகான-பெண்/

[17] http://www.accessmylibrary.com/article-1G1-142233674/sun-raise-rs207-8.html

[18] Karunanidhi, the former chief minister of Tamil Nadu and the head of the DMK party, said: “My wife was holding 20% shares in Sun TV, Kumkumam and other Tamil magazines. She has very amicably relinquished her shares and received the proceeds. After allocating sufficient amount towards income tax, she has divided the total proceeds and given me a portion — Rs 10 crore — by way of cheque – Nov 08, 2005.

http://www.indianexpress.com/oldStory/81585/

http://www.dnaindia.com/money/report_karunanidhis-pull-out-of-sun-tv_8839

[19] http://www.sebi.gov.in/dp/suntv.pdf

[20] http://myiris.com/shares/research/ESL/SUNTV_20081202.pdf

[21] http://www.tribuneindia.com/2007/20070930/spectrum/main1.htm

கொள்ளையடிக்கும் கவுன்சிலர்களின் நாற்காலிச் சண்டை, ரகளை, அடிதடி!

ஜூன் 2, 2010

கொள்ளையடிக்கும் கவுன்சிலர்களின் நாற்காலிச் சண்டை, ரகளை, அடிதடி!

செம்மொழியில் எழுதப் பட்டுள்ள சங்க இலக்கியத்தின் படி, “கழகம்” என்பது, திருடர்கள், கொள்ளைக்காரர்கள் கூடும் இடம்.

செம்மொழி மாநாடே கோடிகளில் புரண்டு, ஊழலில் மிதக்கும் இந்நேரத்தில் அருமை கவுன்சிலர்கள் தமது வீரத்தை காட்டி, போர்களத்தில் இறங்கிவிட்டனர்.

அன்று சேர, சோழ, பாண்டியர்கள் எவ்வளவு ஒற்றுமையாக சண்டை போட்டுக் கொண்டனரோ, அதே மாதிரி, இந்த கழகங்களின் வீரர்கள் ஆயுதங்களுடன் போராடியது மெய்சிலிர்க்க வைத்தது.

இனி கருணாநிதி, இதைப்பற்றியும் கவிதைகள் எழுதலாம், கதைகள் எழுதலாம்,

எந்த காளியும் / காலியும் வந்து நாக்கில் எழுத வேண்டாம், நாற்காலியாலேயே எழுதிவிடுவார்கள்.

பல்கலை துனைவேந்தர்கள் முதலியோர் எல்லா வேலைகளையும் விட்டுவிட்டு, அதை ஆங்கிலத்தில் மொழி பெயர்க்கலாம், பாராட்டு விழாக்கள் நடத்தலாம், பட்டங்கள் கொடுக்கலாம்……….

திருச்சி ஊராட்சி கவுன்சில் கூட்டத்தில் ரகளை : தே.மு.தி.க., புகாரை வாங்க போலீசார் மறுப்பு

http://www.dinamalar.com/News_Detail.asp?Id=10767

திருச்சி : திருச்சி மாவட்ட ஊராட்சி கூட்டத்தில், தி.மு.க., – தே.மு.தி.க., – ம.தி.மு.க., கவுன்சிலர்கள் மோதிக் கொண்ட சம்பவம், பெரும் பரபரப்பை ஏற்படுத்தியுள்ளது. மோதல் சம்பவம் குறித்து, தே.மு.தி.க., கவுன்சிலர் கொடுத்த புகாரை, போலீசார் ஏற்க மறுத்து விட்டனர்.

வெட்கமேயில்லாத கவுன்சிலர்கள்: திருச்சி மாவட்ட ஊராட்சி கவுன்சில் கூட்டம் நேற்று நடந்தது. மாவட்டத் தலைவர் சங்கீதா(தி.மு.க.,) தலைமை வகித்தார். துணைத் தலைவர் சகுந்தலா சின்னையன் (காங்கிரஸ்) மற்றும் கவுன்சிலர்கள் பங்கேற்றனர். கடந்த முறை நடந்த கூட்டத்தின் போது, தே.மு.தி.க., கவுன்சிலர் கனகராஜ், மின்வெட்டை கண்டிக்கும் வகையில் கையில் லாந்தர் விளக்கு, மின்விசிறி, குழாய் மாலை அணிந்து வந்தார். அப்போது, பேசிய ம.தி.மு.க., கவுன்சிலர் சேரன் ஆவேசமடைந்து, லாந்தர் விளக்கை தூக்கி போட்டு உடைத்தார். இதனால், ஆத்திரமடைந்த தி.மு.க., கவுன்சிலர் சிங்காரம், தே.மு.தி.க., கவுன்சிலர் கனகராஜை தாக்க முயன்றதால், பெரும் பரபரப்பு ஏற்பட்டது. அந்த படத்தை போஸ்டர் அடித்த, எதிர்க்கட்சி கவுன்சிலர்கள், திருச்சி முழுதும் ஒட்டினர். நேற்று நடந்த கூட்டத்தில், அந்த போஸ்டரை காட்டி சிங்காரம் பேசுகையில், “”சங்கீதாவின் சர்வாதிகாரம்’ என்ற தலைப்பில் அச்சிடப்பட்டிருந்த போஸ்டரில், கடந்த கூட்டத்தில், கவுன்சிலர்கள் ம.தி.மு.க., சேரன், தே.மு.தி.க., கனகராஜ் ஆகியோரை நான் தாக்கியது போல் குறிப்பிட்டுள்ளனர். இதற்கு எதிர்க்கட்சி கவுன்சிலர்கள் மன்னிப்புக் கேட்க வேண்டும்,” என்றார்.

கவுன்சிலர்களின்.நாற்காலி.சண்டை

கவுன்சிலர்களின்.நாற்காலி.சண்டை

கழகங்களின் உண்மையான உருவம்: அ.தி.மு.க.,வைச் சேர்ந்த நெடுமாறன், “”கடந்த கூட்டத்துக்கு நான் வரவில்லை. ஆனால், அந்த கூட்டத்தில் அ.தி.மு.க., வெளிநடப்பு செய்த நிலையிலும், எங்கள் சம்மதத்துடன் தான் தீர்மானம் நிறைவேறியதாக பதிவு செய்யப்பட்டுள்ளது; இதை கண்டிக்கிறேன்,” என்றார். “”போஸ்டர் ஒட்டியதற்கு முதலில் எதிர்க்கட்சியினர் மன்னிப்பு கேட்க வேண்டும். அதற்கு பிறகு மற்ற பொருள் பற்றி பேசலாம்,” என்று, தலைவர் கூறினார். இதைத் தொடர்ந்து தி.மு.க., – அ.தி.மு.க., கவுன்சிலர்கள் இடையே கடும் வாக்குவாதம் ஏற்பட்டது. சிங்காரம், தனக்கு பின் வரிசையில் அமர்ந்திருந்த சேரன், கனகராஜ் ஆகிய இருவரையும் தாக்கினார். அப்போது அவர்களது மேஜை, நாற்காலிகள் கீழே விழுந்தன. அடி பலமாக விழுந்ததால், அலறிய சேரன், கூட்டத்தை விட்டு வெளியேறினார். கனகராஜின் முகத்தில் ரத்த காயம் ஏற்பட்டது. பின், தான் கொண்டு வந்த, “ஹெல்மெட்’டை தலையில் மாட்டிக் கொண்டார். சபியுல்லா என்ற கவுன்சிலரும் சேர்ந்து கொண்டு தாக்கத் துவங்கினார்.

திராவிடத்தின்-அருமை-பெருமை

திராவிடத்தின்-அருமை-பெருமை

கலெக்டரிடம் அனுமதி வாங்கி வந்தால் தான் புகாரை பெறமுடியும்: கவுன்சிலரிடையே மோதல் முற்றியதில் மேஜை, நாற்காலிகள் பறந்தன. மற்ற கவுன்சிலர்கள் சமாதானம் செய்ய முயன்றனர். மோதல் முற்றியதால், தலைவர் சங்கீதா, வெளியே பாதுகாப்புக்கு நின்ற போலீசாரை உள்ளே அழைத்தார். போலீஸ் உதவி கமிஷனர்கள் ராஜசேகரன், பழனிசாமி மற்றும் கன்டோன்மென்ட் இன்ஸ்பெக்டர் சுந்தரமூர்த்தி தலைமையில், போலீசார் உள்ளே சென்றனர். அ.தி.மு.க., கவுன்சிலர்கள் நெடுமாறன், ராஜ்மோகன் ஆகியோர், இச்சம்பவத்தை கண்டித்து வெளிநடப்பு செய்தனர். இதைத் தொடர்ந்து தாக்கப்பட்ட தே.மு.தி.க., கவுன்சிலர் கனகராஜ் திருச்சி அரசு மருத்துவமனைக்குச் சென்றார். ஆனால், அங்கு அவரை அனுமதிக்க மறுத்துவிட்டனர். கன்டோன்மென்ட் போலீஸ் ஸ்டேஷனுக்கு புகார் தெரிவிக்கச் சென்றார். ஆனால், போலீசார் புகாரை ஏற்க மறுத்துவிட்டனர். “கலெக்டரிடம் அனுமதி வாங்கி வந்தால் தான் புகாரை பெறமுடியும்’ எனக் கூறி, அவர்களை திருப்பியனுப்பினர்.

கலெக்டரின் மழுப்பல்: கலெக்டர் சவுண்டையாவை எதிர்க்கட்சி கவுன்சிலர்கள் சந்தித்த பிறகு ம.தி.மு.க., கவுன்சிலர் சேரன் கூறியதாவது: கவுன்சில் கூட்டத்தில் நடந்த மோதல் சம்பவம் குறித்து கலெக்டரிடம் முறையிட்டோம். “அவர்கள் மீது தவறு இருப்பது நன்றாக தெரிகிறது. இதில், நான் எதுவும் செய்ய முடியாது. தலைவர் தான் முடிவெடுக்க முடியும். இதுபற்றி தலைவரிடம் பேசுகிறேன்’ என்று கூறினார். தொடர்ந்து கட்சித் தலைமையைக் கேட்டு அடுத்தக்கட்ட முடிவு எடுக்க உள்ளோம். இவ்வாறு சேரன் கூறினார்.