Archive for the ‘பெரம்பலூர்’ Category

2-ஜி ராசாவின் நண்பர் சாதிக்பாட்சா கொலை செய்யப்பட்டுள்ளார்- கொலை செய்யப்பட்டப் பிறகு தூக்கில் தொங்கவிடப்பட்டுள்ளது- சி.பி.ஐ.க்குத் தெரியவந்துள்ள ஆதாரங்கள்!

ஜூலை 2, 2011

2-ஜி ராசாவின்நண்பர்சாதிக்பாட்சாகொலை செய்யப்பட்டுள்ளார்- கொலைச்ய்த பிறகு தூக்கில் தொங்கவிடப்பட்டுள்ளது- சி.பி..க்குத் தெரியவந்துள்ள ஆதாரங்கள்!

 

சி.பி.ஐ அதிகாரிகளுக்கு ஏற்பட்ட சந்தேகம்: முன்னாள் மத்திய அமைச்சர்  ஆ.ராசாவின் நெருங்கிய நண்பர் சாதிக் பாட்சா மர்மமான முறையில் மரணம் அடைந்தது தொடர்பாக, சி.பி.ஐ. போலீசார் புதிய கோணத்தில், அவர் கொலை செய்யப்பட்டாரா? என்று விசாரிப்பதாக தகவல்கள் வெளியாகி உள்ளது. முன்னாள் தொலைத்தொடர்புத்துறை அமைச்சர் ஆ.ராசாவின் நண்பர் சாதிக் பாட்சாவின் மரணம் தற்கொலை அல்ல என்றும் அவர் கொலை செய்யப்பட்டுள்ளதாகத் தெரிகிறது என்றும் சிபிஐ உயர் அதிகாரி ஒருவர் தெரிவித்தார்[1]. சம்பவ இடத்தில் மேற்கொள்ளப்பட்ட நுண்ணிய ஆய்வு மற்றும் விசாரணையின்போது சேகரிக்கப்பட்ட இதர சூழ்நிலை ஆதாரங்கள் ஆகியவற்றின் அடிப்படையில் அவரது மரணம் கொலையாக இருக்கலாம் என்று அந்த அதிகாரி தெரிவித்தார். சென்னை தேனாம்பேட்டை எல்லையம்மன் காலனி 5வது குறுக்கு தெருவில் வசித்தவர்  சாதிக் பாட்சா. ரியல் எஸ்டேட் தொழில் செய்து வந்த தொழில் அதிபரான இவர், முன்னாள் மத்திய அமைச்சரும், 2ஜி ஸ்பெக்ட்ரம் வழக்கில் கைதாகி டெல்லி திகார் ஜெயிலில் இருப்பவருமான ஆ. ராசாவின் நெருங்கிய நண்பர் ஆவார். ஸ்பெக்ட்ரம் வழக்கு தொடர்பாக சாதிக் பாட்சாவிடம் சிபிஐ போலீசார் பலமுறை விசாரணை நடத்தினார்கள். அவரது வீட்டிலும் கடந்த ஆண்டு டிசம்பர் மாதம் சி.பி.ஐ. போலீசார் சோதனை நடத்தினார்கள்.
இந்த நிலையில் தொழில் அதிபர் சாதிக்பாட்சா கடந்த மார்ச் மாதம் 16ம் தேதி மர்மமான முறையில் இறந்து போனார். அவரது வீட்டு படுக்கை அறையில் தொட்டில் கயிற்றில் தூக்கில் பிணமாக தொங்கினார்.  அவர் தற்கொலை செய்து கொண்டதாக அப்போது தெரிவிக்கப் பட்டது. தேனாம்பேட்டை போலீசார் முதல்கட்டமாக சந்தேக மரணம் என்று வழக்குப்பதிவு செய்து விசாரித்தனர். இந்த நிலையில் அவரது மரணத்தில் பல்வேறு சந்தேகங்கள் கேள்விகளாக எழுப்பப்பட்டதால் இந்த வழக்கு சிபிஐ போலீஸ் விசாரணைக்கு ஒப்படைக்கப்பட்டது.

கழுத்தில்சிறியஅழுத்தமானகாயம்[2]: இந்நிலையில் ராஜா ஸ்பெக்டரம் ஊழலில் சிக்கியதை அடுத்து சாதிக்பாட்சாவிற்கு அதிகஅளவிற்கு ராஜாவை பற்றி தெரிந்திருக்கும் என்பதால் பாட்சாவிடம் சி.பி.ஐ., பல முறை விசாரணை நடத்தியது. இதனால் இவர் மன உளச்சலுக்கு ஆளாகி இருந்ததாக அவரது மனைவி கூறியிருந்தார். இந்நிலையில் கடந்த மார்ச் 16 ம் தேதி சென்னையில் உள்ள வீட்டில் மர்மமான முறையில் இறந்து கிடந்தார். இவரது உடல் அருகே தற்கொலைக்கான கடிதமும் கைப்பற்றப்பட்டன. இவரது உடல் பரிசோதனை செய்த டாக்டர் கழுத்தில் சிறிய அழுத்தமான காயம் இருப்பதாகவும், மூச்சு திணறி இறந்திருப்பதாகவும் கூறியிருந்தனர். ஆனால் அவர் தற்கொலைதான் செய்து கொண்டார் என்று தெளிவாக குறிப்பிடவில்லை. சந்தேகம் நீடித்ததையடுத்து இவரது கழுத்து மாதிரிகளும் தடயவியல் சோதனைக்காக அனுப்பி வைக்கப்பட்டது. பரிசோதனை செய்த டாக்டர் தனது பதவியை ராஜினாமா செய்தார்.

சந்தேகத்தை எழுப்பிய கடிதங்கள்: கடந்த ஏப்ரல் மாதம் 7ம் தேதி முதல் சிபிஐ போலீசார் இந்த வழக்கை விசாரித்து வருகிறார்கள். சாதிக் பாட்சாவின் வீட்டில் சி.பி.ஐ. போலீசாரும் சோதனை நடத்தினார்கள். சாதிக்பாட்சா தூக்கில் பிணமாக தொங்கிய அறையில் அவர் எழுதியதாக 4 கடிதங்கள் கைப்பற்றப்பட்டன. அந்த கடிதங்களில் அவர் தற்கொலை செய்ததாகவே தகவல்கள் இருந்தன. இந்த கடிதங்கள் சிபிஐ போலீசாருக்கு சந்தேகத்தை எழுப்பியது. சாதிக்பாட்சாவின் உடலை 3 டாக்டர்கள் குழுவினர் பிரேத பரிசோதனை செய்தனர். சி.பி.ஐ. போலீஸ் சூப்பிரண்ட் செங்கதிர் தலைமையில் தற்போது விசாரணை நடந்து வருகிறது. சி.பி.ஐ. விசாரணையில் சாதிக் பாட்சா கொலை செய்யப்பட்டதாக தெரியவந்துள்ளதாகவும், எனவே புதிய கோணத்தில் சி.பி.ஐ. போலீஸ் விசாரணை நடக்கிறது என்றும் நேற்று இரவு ஆங்கில தொலைக்காட்சி ஒன்றில் பரபரப்பாக செய்தி ஒளிபரப்பானது.

 

சென்னைக்கு வந்த மருத்துவ நிபுணர்கள்: இயற்கைக்கு மாறான மரணங்கள் பற்றி விசாரிக்க, குற்றவியல் நடைமுறை சட்டத்தின் 174வது பிரிவு அதிகாரம் அளிக்கிறது. எனவே, அந்தப் பிரிவின் கீழ், சிபிஐ விசாரணை நடத்தி வருகிறது[3].  இதுபற்றி இந்த வழக்கை
விசாரிக்கும் சிபிஐ தனிப்படை போலீசார் எந்தவித தகவலும் தெரிவிக்க மறுக்கிறார்கள். இது தொடர்பாக டெல்லியில் முகாமிட்டுள்ள சிபிஐயின் தென்மண்டல இயக்குனர் அசோக் குமாரிடம் கேட்டபோது, “ஆங்கில தொலைக்காட்சி வெளியிடும் செய்தி பற்றி தனக்கு எதுவும் தெரியாது என்றும் சாதிக்பாட்சாவின் மரணம் பற்றியும் அவரது பிரேத பரிசோதனை பற்றியும் நிபுணர்களின் முடிவுக்காக காத்திருக்கிறோம். இது தொடர்பாக நிபுணர்களின் அறிக்கை வந்ததும் சாதிக்பாட்சா வின் இறப்பு பற்றிய அதிகாரபூர்வ தகவல்கள் வெளியிடப்படும்‘ என்று தெரிவித்தார்.  இதற்கிடையே, டெல்லியில் உள்ள அகில இந்திய மருத்துவ விஞ்ஞான கழக ஆஸ்பத்திரியை சேர்ந்த டாக்டர்கள் குழு  சென்னை வருகிறது. அக்குழு, சாதிக் பாட்சா மரணத்துக்கான சூழ்நிலைகள் குறித்து விசாரணை நடத்துகிறது.

 

2-ஜி ராசாவின்நண்பர்சாதிக்பாட்சாகொலை செய்யப்பட்டுள்ளார்- கொலைச்ய்த பிறகு தூக்கில் தொங்கவிடப்பட்டுள்ளது[4]– சி.பி..க்குத் தெரியவந்துள்ள ஆதாரங்கள்! பிரேத பரிசோதனைக்குப் பிறகுதான், கழுத்தில் ஏற்பட்டுள்ள குறி கொல்சிக்கு முன்னதாக அல்லது பின்னதாக ஏற்பட்டதா என்று சொல்ல முடியும் என்று டாக்டர் டெகால் முன்னமே சொன்னது உண்மையாகியுள்ளது. கழுத்தில் ஏற்பட்டுள்ள காயத்திலிருந்து எடுக்கப்பட்டுள்ள திசுக்களை பரிசோதித்த தட-அடையாள நிபுணர்கள், வெளிப்புற அழுத்தத்திற்கு உட்பட்டுதான் அவை நசுங்கியுள்ளன. அவ்வாறு ஏற்பட்டதற்கு, ஒரு மென்மையான துணியினால் கழுத்து நெருக்கப்பட்டதால் அவ்வாறு நேர்ந்திருக்கலாம் என்று தங்களது முடிவை வெளியிட்டுள்ளனர்[5].  அதாவது பாட்சா கழுத்து நெரிக்கப்பட்டுக் கொல்லப்பட்டு, பிறகு தானே தூக்கில் தொங்கியது போல, தொங்கவிடப்பட்டுள்ளார்[6]. இதனால், டாக்டர் டெகால் அரசிய நிர்பந்தங்களுக்காகத் தான் ராஜினாமா செய்து “தேர்தலில் நிறக்கபோகிறேன்” சென்று விட்டார் .


[1] தினமணி, சாதிக் பாட்சா கொலை செய்யப்பட்டுள்ளாரா? சி.பி.ஐ சந்தேகம், http://www.dinamani.com/edition/story.aspx?&SectionName=Latest%20News&artid=439960&SectionID=164&MainSectionID=164&SEO=&Title=

[2] தினமலர், சாதிக்பாட்சாகொலையா ? கொலையாளி யார் ? முக்கிய கட்டத்தில் சி.பி.ஐ;சென்னைக்கு மருத்துவக்குழு வரு‌கை, http://www.dinamalar.com/News_Detail.asp?Id=267640

[3]புதிய கோணத்தில் விசாரணை, மாலைச்சுடர், ஜூன் 1, 2011, http://www.maalaisudar.com/newsindex.php?id=36223%20&%20section=1

[4] A top CBI offi­cial has disclosed that, prima facie, the death of Sadhick Batcha, a close associate of jailed former Telecom Minister A Raja, appears to be a case of murder not suicide as the local Chennai police had claimed. The agency’s assumptions are based on the close scrutiny of the ‘scene of crime’ and other circumstantial evidence collected during investigation.

சாதிக் பாட்சா கொலையா, தற்கொலையா – தொடரும் மர்மங்கள் – ரூ ஆறு கோடியுடன் சலீம் தலைமறைவாம்!

மார்ச் 24, 2011

சாதிக் பாட்சா கொலையா, தற்கொலையா – தொடரும் மர்மங்கள் – ரூ ஆறு கோடியுடன் சலீம் தலைமறைவாம்!

விசுவாசமான சலீம் ரூ ஆறு கோடி பணத்தை ஏமாற்றி எடுத்துச் சென்று விட்டானாம்! ஆகஸ்ட் 2010ல் சாதிக் பாட்சாவின் டிரைவர் சலீம் என்பவன், ஆறு கோடி ரூபாய்களை ஏமாற்றி எடுத்துச் சென்று விட்டான் என்று ரெஹனா பேகம் கூறியுள்ளார். முதலில் சலீம் விசுவாசமாகத்தான் இருந்திருக்கிறான். பாட்சா தான் வியாபார நிமித்தம் போகும்போதெல்லாம், அவனைத்தான் அழைத்துச் சென்றுள்ளான். அதாவது, சலீம் தான், வண்டியை ஓட்டிச் சென்றுள்ளான். ஆனால், ஆகஸ்ட் மாதத்தில், ஒருதடவை சூட்கேஸில் ரூ ஆறு கோடி வைத்து விட்டுச் சென்றபோது, சலீம் அதனை எடுத்துக் கொண்டு விட்டான், திரும்பத்தரவேயில்லை, என்று ரெஹனா பானு விவரிக்கிறார். தங்களது ஊரைச் சேர்ந்தவன் – பெரம்பலுருக்கு அருகில் உள்ள லெப்பைக்குடிக்காடு – என்பதால் போலீஸாரிடம் புகார் கூறவில்லையாம்[1]. இந்த ஆறு கோடி ரூபாய் எங்கிருந்து வந்தது?

பாட்சா சுப்புடு என்ற சுப்ரமணியம் கூட பேசியது என்ன?: தற்கொலை செய்து கொண்ட நாளுக்கு முன்பு, சுமார் 40 தடவை சுப்புடு என்கின்ற சுப்ரமணியம் என்ற நபருடன் பேசியுள்ளதாகத் தெரிகிறது[2]. அதாவது மார்ச் 14 மற்றும் 15 அன்று 34 தடவை போன் செய்து அவருடன் பேசுயுள்ளதாகத் தெரிகிறது. பாட்சாவின் செல்போனை சோதனை செய்தபோது, அழைப்புகள் பெற்றது மற்றும் பேசியது முதலியவற்றை சோதனை செய்த போது இவ்விவரங்கள் வெளிவருகின்றன. சுப்ரமணியம், பெரம்பலூரில் உள்ள ரியல் எஸ்டேட்டின் பார்ட்னர் ஆவார்[3]. இவரும் பாட்சாவும் சேர்ந்து தான், பெரம்பலூரில், ஏலம்பரம் ரோட்டில் தங்களது ரியல் எஸ்டேட் வியாபாரத்தை ஆரம்பித்தனர். சி.பி.ஐ.யினர், பெரம்பலூருக்கு வந்தபோது, இவரையும் விசாரித்துள்ளனர்.

உடையில் படிந்துள்ள கரை என்ன? அவர் தற்கொலை செய்தகொண்டபோது, அணிந்திருந்த உடையில் பிரௌன் / மரக்கலரில் கரைகள் பட்டிருப்பதாக தெரிகிறது. இதனை பரிசோதிக்க ரசாயன கூடத்திற்கு அனுப்பப்பட்டுள்ளது[4]. முதலில், பாட்சாவின் உடைகள் எங்கே என்ற கேள்வி எழுந்தது. ஏனெனில், வெள்ளை துணியில் சுற்றிக் கொடுக்கப்பட்டதாக புகார் எழுந்தது. சாதிக்கின் உடலில் இருந்த கறுப்பு நிற பேன்ட், நீலத்தில் கறுப்புக் கோடு போட்ட சட்டை கழற்றப்பட்டு, வெள்ளை துணியால் உடல் முழுவதும் சுற்றப்பட்டு விட்டதாக, போலீஸ் தகவல்கள் தெரிவிக்கின்றன[5]. நாளிதழ்களில்கூட அத்தகைய புகைப்படம் வெளியானது. பாட்சா உடலிலிருந்த ஆடைகளை யார் அப்புறப்படுத்தியது, வெள்லைத்துணியைச் சுற்றியது. பிறகு அந்த உடைகளை போலீஸாரிடம் ஒப்படைத்தது?

பாட்சா வீட்டிற்கு வந்தவர்கள் யார்-யார்? மார்ச் 10ம் தேதிக்கு பிறகு, யார் யாரெல்லாம், பாட்சாவின் வீட்டிற்கு வந்திருக்கிறார்கள் என்று விசாரணை செய்ய ஆரம்பித்துள்ளார்கள். மார்ச் 12 மற்றும் 16 தேதிகளுக்கு இடையில் வந்துள்ள சிலரை விசாரித்ததில், பாட்சா மிகவும் மன அழுத்தத்தில் இருப்பதாகக் குறிப்பிடுகின்றனர். மார்ச் 16 அன்று, ஏதோ ஒரு கார் மர்மமாக வந்து சென்றதாகச் சொல்லப் படுகிறது. அந்த காரில் யார் வந்தது என்று தெரியவில்லை.

மஞசள் நிறத்தின் மகிமை என்ன? சாதிக் பாட்சா, நான் உலகத்திலேயே மிகப் பெரிய பணக்காரன் ஆவேன், என்னுடைய மகன் முகேஷ் அம்பானி போன்று பெரிய பணக்காரன் ஆவான், என்றெல்லாம் ஏ.4 அளவில் மஞ்சள் நிற பேப்பரில் அச்செடுத்து, தனது படுக்கையறை மற்றும் குளியலறை கண்ணாடிகள் அனைத்திலும் ஒட்டி வைத்திருந்தானாம்! அவயெல்லாமே தமிழில் இருந்தன. காலையில் எழுந்ததும், இவற்றைப் பார்த்துதான் வேலையைத் துவக்குவானாம்! உற்சாகம் மூட்டவே அவ்வாறு ஒட்டி வைத்திருந்ததாகத் தெரிகிறது[6]. அப்படியென்ன மஞ்சள் நிறத்தின் மீது மோகம்?

வேதபிரகாஷ்

24-03-2011