Archive for the ‘பெண்களும் ஆண்களுக்கு சமம்!’ Category

கொள்ளையடிக்கும் கவுன்சிலர்களின் நாற்காலிச் சண்டை, ரகளை, அடிதடி!

ஜூன் 2, 2010

கொள்ளையடிக்கும் கவுன்சிலர்களின் நாற்காலிச் சண்டை, ரகளை, அடிதடி!

செம்மொழியில் எழுதப் பட்டுள்ள சங்க இலக்கியத்தின் படி, “கழகம்” என்பது, திருடர்கள், கொள்ளைக்காரர்கள் கூடும் இடம்.

செம்மொழி மாநாடே கோடிகளில் புரண்டு, ஊழலில் மிதக்கும் இந்நேரத்தில் அருமை கவுன்சிலர்கள் தமது வீரத்தை காட்டி, போர்களத்தில் இறங்கிவிட்டனர்.

அன்று சேர, சோழ, பாண்டியர்கள் எவ்வளவு ஒற்றுமையாக சண்டை போட்டுக் கொண்டனரோ, அதே மாதிரி, இந்த கழகங்களின் வீரர்கள் ஆயுதங்களுடன் போராடியது மெய்சிலிர்க்க வைத்தது.

இனி கருணாநிதி, இதைப்பற்றியும் கவிதைகள் எழுதலாம், கதைகள் எழுதலாம்,

எந்த காளியும் / காலியும் வந்து நாக்கில் எழுத வேண்டாம், நாற்காலியாலேயே எழுதிவிடுவார்கள்.

பல்கலை துனைவேந்தர்கள் முதலியோர் எல்லா வேலைகளையும் விட்டுவிட்டு, அதை ஆங்கிலத்தில் மொழி பெயர்க்கலாம், பாராட்டு விழாக்கள் நடத்தலாம், பட்டங்கள் கொடுக்கலாம்……….

திருச்சி ஊராட்சி கவுன்சில் கூட்டத்தில் ரகளை : தே.மு.தி.க., புகாரை வாங்க போலீசார் மறுப்பு

http://www.dinamalar.com/News_Detail.asp?Id=10767

திருச்சி : திருச்சி மாவட்ட ஊராட்சி கூட்டத்தில், தி.மு.க., – தே.மு.தி.க., – ம.தி.மு.க., கவுன்சிலர்கள் மோதிக் கொண்ட சம்பவம், பெரும் பரபரப்பை ஏற்படுத்தியுள்ளது. மோதல் சம்பவம் குறித்து, தே.மு.தி.க., கவுன்சிலர் கொடுத்த புகாரை, போலீசார் ஏற்க மறுத்து விட்டனர்.

வெட்கமேயில்லாத கவுன்சிலர்கள்: திருச்சி மாவட்ட ஊராட்சி கவுன்சில் கூட்டம் நேற்று நடந்தது. மாவட்டத் தலைவர் சங்கீதா(தி.மு.க.,) தலைமை வகித்தார். துணைத் தலைவர் சகுந்தலா சின்னையன் (காங்கிரஸ்) மற்றும் கவுன்சிலர்கள் பங்கேற்றனர். கடந்த முறை நடந்த கூட்டத்தின் போது, தே.மு.தி.க., கவுன்சிலர் கனகராஜ், மின்வெட்டை கண்டிக்கும் வகையில் கையில் லாந்தர் விளக்கு, மின்விசிறி, குழாய் மாலை அணிந்து வந்தார். அப்போது, பேசிய ம.தி.மு.க., கவுன்சிலர் சேரன் ஆவேசமடைந்து, லாந்தர் விளக்கை தூக்கி போட்டு உடைத்தார். இதனால், ஆத்திரமடைந்த தி.மு.க., கவுன்சிலர் சிங்காரம், தே.மு.தி.க., கவுன்சிலர் கனகராஜை தாக்க முயன்றதால், பெரும் பரபரப்பு ஏற்பட்டது. அந்த படத்தை போஸ்டர் அடித்த, எதிர்க்கட்சி கவுன்சிலர்கள், திருச்சி முழுதும் ஒட்டினர். நேற்று நடந்த கூட்டத்தில், அந்த போஸ்டரை காட்டி சிங்காரம் பேசுகையில், “”சங்கீதாவின் சர்வாதிகாரம்’ என்ற தலைப்பில் அச்சிடப்பட்டிருந்த போஸ்டரில், கடந்த கூட்டத்தில், கவுன்சிலர்கள் ம.தி.மு.க., சேரன், தே.மு.தி.க., கனகராஜ் ஆகியோரை நான் தாக்கியது போல் குறிப்பிட்டுள்ளனர். இதற்கு எதிர்க்கட்சி கவுன்சிலர்கள் மன்னிப்புக் கேட்க வேண்டும்,” என்றார்.

கவுன்சிலர்களின்.நாற்காலி.சண்டை

கவுன்சிலர்களின்.நாற்காலி.சண்டை

கழகங்களின் உண்மையான உருவம்: அ.தி.மு.க.,வைச் சேர்ந்த நெடுமாறன், “”கடந்த கூட்டத்துக்கு நான் வரவில்லை. ஆனால், அந்த கூட்டத்தில் அ.தி.மு.க., வெளிநடப்பு செய்த நிலையிலும், எங்கள் சம்மதத்துடன் தான் தீர்மானம் நிறைவேறியதாக பதிவு செய்யப்பட்டுள்ளது; இதை கண்டிக்கிறேன்,” என்றார். “”போஸ்டர் ஒட்டியதற்கு முதலில் எதிர்க்கட்சியினர் மன்னிப்பு கேட்க வேண்டும். அதற்கு பிறகு மற்ற பொருள் பற்றி பேசலாம்,” என்று, தலைவர் கூறினார். இதைத் தொடர்ந்து தி.மு.க., – அ.தி.மு.க., கவுன்சிலர்கள் இடையே கடும் வாக்குவாதம் ஏற்பட்டது. சிங்காரம், தனக்கு பின் வரிசையில் அமர்ந்திருந்த சேரன், கனகராஜ் ஆகிய இருவரையும் தாக்கினார். அப்போது அவர்களது மேஜை, நாற்காலிகள் கீழே விழுந்தன. அடி பலமாக விழுந்ததால், அலறிய சேரன், கூட்டத்தை விட்டு வெளியேறினார். கனகராஜின் முகத்தில் ரத்த காயம் ஏற்பட்டது. பின், தான் கொண்டு வந்த, “ஹெல்மெட்’டை தலையில் மாட்டிக் கொண்டார். சபியுல்லா என்ற கவுன்சிலரும் சேர்ந்து கொண்டு தாக்கத் துவங்கினார்.

திராவிடத்தின்-அருமை-பெருமை

திராவிடத்தின்-அருமை-பெருமை

கலெக்டரிடம் அனுமதி வாங்கி வந்தால் தான் புகாரை பெறமுடியும்: கவுன்சிலரிடையே மோதல் முற்றியதில் மேஜை, நாற்காலிகள் பறந்தன. மற்ற கவுன்சிலர்கள் சமாதானம் செய்ய முயன்றனர். மோதல் முற்றியதால், தலைவர் சங்கீதா, வெளியே பாதுகாப்புக்கு நின்ற போலீசாரை உள்ளே அழைத்தார். போலீஸ் உதவி கமிஷனர்கள் ராஜசேகரன், பழனிசாமி மற்றும் கன்டோன்மென்ட் இன்ஸ்பெக்டர் சுந்தரமூர்த்தி தலைமையில், போலீசார் உள்ளே சென்றனர். அ.தி.மு.க., கவுன்சிலர்கள் நெடுமாறன், ராஜ்மோகன் ஆகியோர், இச்சம்பவத்தை கண்டித்து வெளிநடப்பு செய்தனர். இதைத் தொடர்ந்து தாக்கப்பட்ட தே.மு.தி.க., கவுன்சிலர் கனகராஜ் திருச்சி அரசு மருத்துவமனைக்குச் சென்றார். ஆனால், அங்கு அவரை அனுமதிக்க மறுத்துவிட்டனர். கன்டோன்மென்ட் போலீஸ் ஸ்டேஷனுக்கு புகார் தெரிவிக்கச் சென்றார். ஆனால், போலீசார் புகாரை ஏற்க மறுத்துவிட்டனர். “கலெக்டரிடம் அனுமதி வாங்கி வந்தால் தான் புகாரை பெறமுடியும்’ எனக் கூறி, அவர்களை திருப்பியனுப்பினர்.

கலெக்டரின் மழுப்பல்: கலெக்டர் சவுண்டையாவை எதிர்க்கட்சி கவுன்சிலர்கள் சந்தித்த பிறகு ம.தி.மு.க., கவுன்சிலர் சேரன் கூறியதாவது: கவுன்சில் கூட்டத்தில் நடந்த மோதல் சம்பவம் குறித்து கலெக்டரிடம் முறையிட்டோம். “அவர்கள் மீது தவறு இருப்பது நன்றாக தெரிகிறது. இதில், நான் எதுவும் செய்ய முடியாது. தலைவர் தான் முடிவெடுக்க முடியும். இதுபற்றி தலைவரிடம் பேசுகிறேன்’ என்று கூறினார். தொடர்ந்து கட்சித் தலைமையைக் கேட்டு அடுத்தக்கட்ட முடிவு எடுக்க உள்ளோம். இவ்வாறு சேரன் கூறினார்.

Advertisements

ஒரு கோடி ரூபாய் சுனாமி நிதியை சுருட்டிய மாஜி பெண் கவுன்சிலரின் சகோதரர் கைது

நவம்பர் 10, 2009
ஒரு கோடி ரூபாய் சுனாமி நிதியை சுருட்டிய மாஜி பெண் கவுன்சிலரின் சகோதரர் கைது
நவம்பர் 10,2009,00:00  IST

http://www.dinamalar.com/Incident_detail.asp?news_id=13911

Important incidents and happenings in and around the world

சென்னை: ஒரு கோடி ரூபாய் சுனாமி நிதியை சுருட்டிய வழக்கில், மாஜி பெண் கவுன்சிலரின் சகோதரரை புறநகர் மத்திய குற்றப்பிரிவு போலீசார் கைது செய்தனர். கடந்த 2004ம் ஆண்டு, ஏற்பட்ட சுனாமியால் ஏராளமான மக்கள் பாதிக்கப்பட்டனர்.

அவர்களுக்கு உதவ வெளிநாட்டு தொண்டு நிறுவனங்கள் சில முன் வந்தன. இதையடுத்து, கோடிக்கணக்கான ரூபாயை நன்கொடையாக அள்ளித் தந்ததாக கூறப்படுகிறது. ஆஸ்திரேலியாவை சேர்ந்த ஒரு தொண்டு நிறுவனம், மலை செல்வி கருணாலயா தொண்டு நிறுவனம் மூலம் சுனாமியால் பாதிக்கப்பட்டவர்களுக்கு ஒரு கோடி ரூபாயை அளித்தது.

இந்த நிதியை பெற்ற எண்ணூர் நெட்டுக்குப்பத்தில் வசிக்கும் முன்னாள் பெண் கவுன்சிலர் சிவகாமி, எண்ணூரில் உள்ள 10 மீனவ குப்பங்களில் உள்ள மகளிருக்கு உதவித் தொகை வழங்குவதாகக் கூறி, பல மகளிர் குழுக்களை அமைத்தார். ஒவ்வொரு குழுக்களிலும் 10 பேரை கொண்ட மகளிரை சேர்ந்து, அவர்கள் பெயரில் வங்கி கணக்குகள் துவங்கப்பட்டன. குழுக்களுக்கு 50 ஆயிரம் ரூபாய் என பல குழுக்களுக்கு வட்டிக்கு பணம் கொடுத்தார்.

ஒவ்வொரு குழுவும் மாதம் 2,000 ரூபாய் வீதம் 33 மாதங்களில் வட்டியுடன் கட்டினர். இந்த பணத்தை சிவகாமி கலங்கரை விளக்கம் என்ற பெயரில் ஒரு வங்கி கணக்கினை துவக்கி, அந்த கணக்கில் பணத்தை வரவு வைத்து சிவகாமியும், அவரது சகோதரர் ராம்குமாரும் சொந்த உபயோகத்திற்காக பயன்படுத்தினர். இதையடுத்து, ஒரு கோடி ரூபாயை மோசடி செய்ததாக, எண்ணூரில் வசிக்கும் பத்து மீனவ குப்பங்களின் சார்பாக, சென்னை புறநகர் போலீஸ் கமிஷனர் ஜாங்கிட்டிடம் புகார் மனு அளிக்கப்பட்டது.

கமிஷனர் உத்தரவுப்படி, மத்திய குற்றப்பிரிவு உதவி கமிஷனர் நவநீதகிருஷ்ணன் தலைமையில் அமைக்கப்பட்ட தனிப்படை இன்ஸ்பெக்டர் ஆரோக்கிய பிரகாசம் மற்றும் போலீசார், தலைமறைவான எண்ணூர் நெட்டுக்குப்பம் நான்காவது தெருவை சேர்ந்த செல்வம் மனைவி மாஜி பெண் கவுன்சிலர் சிவகாமி(43) கைது செய்தனர். கைதான சிவகாமி புழல் மத்திய சிறையில் அடைக்கப்பட்டார்.

இந்த வழக்கில், தலைமறைவான மாஜி பெண் கவுன்சிலர் சிவகாமியின் சகோதரர் எண்ணூர் தாளங்குப்பத்தை சேர்ந்த ராம்குமாரை, தனிப்படை போலீசார் நேற்று கைது செய்தனர். பின், பூந்தமல்லி மாஜிஸ்திரேட் முன் ஆஜர்படுத்தப்பட்ட ராம்குமார், புழல் மத்திய சிறையில் அடைக்கப்பட்டார்.

லஞ்சம் வாங்கிய பெண் எஸ்.ஐ., கைது!

நவம்பர் 3, 2009
லஞ்சம் வாங்கிய பெண் எஸ்.ஐ., கைது
நவம்பர் 03,2009,00:00  IST

http://www.dinamalar.com/Incident_detail.asp?news_id=13743

Important incidents and happenings in and around the world

பொதுவாக பெண்கள் லஞ்சம் / கையூட்டு வாங்கமாட்டார்கள் என்று எண்ணத் தோன்றும். ஆனால், சமீபகாலங்களில் அவர்கள் அந்த விஷயத்தில் ஆண்களையும் மிஞ்சுகிறது ஆச்சரியமாக இருக்கிறது!

சென்னை : குடும்பத் தகராறில் சமாதானம் செய்து வைத்த மகளிர் போலீஸ் நிலைய எஸ்.ஐ., கணவன் மீது எப்.ஐ.ஆர்., போடாமல் இருக்க, லஞ்சம் வாங்கிய போது கைது செய்யப்பட்டார்.

சென்னை கொடுங்கையூர் முத்தமிழ் நகர் 39வது தெருவை சேர்ந்தவர் ஜோசப் ராஜ்(52). இவரது மனைவி வெரோனியாவுக்கும், இவருக்கும் இடையே கடந்த 28ம் தேதி இரவு குடும்பத் தகராறு ஏற்பட்டுள்ளது. தனது கணவர் தன்னை அடிப்பதாக வெரோனியா, 30ம் தேதி எம்.கே.பி., நகர் மகளிர் போலீசில் புகார் அளித்தார். இதையடுத்து, 31ம் தேதி ஜோசப் ராஜை, போலீஸ் நிலையத்திற்கு அழைத்து போலீசார் விசாரித்துள்ளனர்.ஜோசப் ராஜ், வெரோனியா இருவரிடமும் விசாரணை நடத்திய எம்.கே.பி., நகர் எஸ்.ஐ., குணவதி, இருவருக்கும் இடையே சமாதானம் செய்து வைத்து, எழுதி வாங்கிக் கொண்டு அனுப்பியுள்ளார்.

போலீஸ் நிலையத்திலிருந்து ஜோசப் ராஜ் வெளியே செல்லும் போது, அவரை அழைத்த எஸ்.ஐ., குணவதி, “உன் மேல் எப்.ஐ.ஆர்., போடாமல் இருந்ததற்காக, 1,500 ரூபாய் தர வேண்டும்’ என கூறியுள்ளார்.தனியார் நிறுவனத்தில் டிரைவராக பணிபுரியும் ஜோசப் ராஜ், “என்னிடம் அவ்வளவு பணம் இல்லை’ என கூறியுள்ளார். உடனே எஸ்.ஐ., குணவதி ஜோசப் ராஜிடம், “நீ பணம் தராவிட்டால், எழுதிக் கொடுத்த கடிதத்தை கிழித்து போட்டு விட்டு, உன் மீது எப்.ஐ.ஆர்., போட்டு விடுவேன். உன் வீட்டு ரேஷன் கார்டை எடுத்து வந்து என்னிடம் கொடுத்து விட்டு போ. 1,500 ரூபாய் பணத்தை கொண்டு வந்து கொடுத்து விட்டு ரேஷன் கார்டை வாங்கிப் போ’ என கூறியுள்ளார்.ஜோசப் ராஜ் இதனை தன் மனைவியிடம் சொல்லியுள்ளார்.

மனைவி வீட்டிற்கு சென்று ரேஷன் கார்டை எடுத்து வந்து போலீசில் கொடுத்துள்ளார். இதையடுத்து, இரவு 8.30 மணிக்கு ஜோசப் ராஜ் விடுவிக்கப்பட்டார். அவரிடம் எஸ்.ஐ., குணவதி, “நாளை எனக்கு இரவுப் பணி. நாளை மறுநாள் திங்கள் கிழமை மதியம் 2 முதல் இரவு 9 மணிக்குள் வந்து பணத்தை கொடுத்து விட்டு ரேஷன் கார்டை வாங்கிக் கொண்டு போ’ என கூறினார்.உடனே ஜோசப் ராஜ் லஞ்ச ஒழிப்பு போலீசில் புகார் அளித்தார். நேற்று மாலை 5 மணிக்கு எம்.கே.பி., நகர் பெட்ரோல் பங்க் அருகே உள்ள ஓட்டலில் ஜோசப் ராஜ், எஸ்.ஐ., குணவதிக்காக காத்திருந்தார். ஜோசப் ராஜை ஆட்டோவில் போலீஸ் நிலையம் அழைத்துச் சென்று, பணத்தை வாங்கிக் கொண்டு ரேஷன் கார்டை கொடுத்துள்ளார்.

அப்போது மறைவிடத்தில் நின்ற லஞ்ச ஒழிப்பு போலீஸ் டி.எஸ்.பி., சரஸ்வதி தலைமையிலான போலீசார், எஸ்.ஐ., குணவதியை கையும் களவுமாக கைது செய்தனர்.அவரிடமிருந்த 1,500 ரூபாய் பணம், ரேஷன் கார்டு, சி.எஸ்.ஆர்., ரெக்கார்டு புத்தகம் ஆகியவற்றையும் லஞ்ச ஒழிப்பு போலீசார் பறிமுதல் செய்தனர். சென்னை அண்ணா நகரில் உள்ள எஸ்.ஐ., குணவதியின் வீட்டிலும் போலீசார் சோதனையிட்டனர்.