Archive for the ‘நன்னடத்தை’ Category

பெண் சுங்க அதிகாரி லஞ்சம் வாங்கியதால் கைது செய்யப்பட்டார்!

மே 13, 2012

பெண் சுங்க அதிகாரி லஞ்சம் வாங்கியதால் கைது செய்யப்பட்டார்!

பெண் சுங்க அதிகாரி லஞ்சம் வாங்கியதால் கைது செய்யப்பட்டார்!: இப்படி செய்திகள் வந்துள்ளனர். ஆண் அதிகாரியாக இருந்தாலும், கைது செய்யப் பட்டிருப்பார். இதில் ஒன்றும் வியப்பில்லை. ஆனால், பெண் அதிகாரிகள் லஞ்சம் வாங்க மாட்டார்கள் போல நினைக்க வேண்டாம். இப்பொழுதெல்லாம் பெண்கள் தாம் அதிகமாக லஞ்சம் வாங்குகின்றனர். தாலுகா ஆபீஸ், கார்ப்பரேஷன் முதலிய இடங்களில் சென்று பார்த்தால் தெரியும். வங்கிகளில் நாஜுக்காக வாங்கிக் கொள்கிறார்கள். ஐ.டி. கம்பெனிகளிலேயோ சக்கைப் போடு போடுகிறர்கள், ஆண்களே பிச்சை வங்க வேண்டும். பொதுவாக கம்பெனிகளில் “கமிஷன்”/பங்கு, “பீஸ்”/காணிக்கை, “கன்செல்டென்ட் சார்ஜஸ்”/ஆலோசனைக் கட்டணம், “புரோசஸிங் பீஸ்”/செயல்படக் கொடுக்கும் கட்டணம் என்றெல்லாம் சொல்வதை யாரும் கண்டு கொள்வதில்லை. இப்படியெல்லாம் சொல்வதனால் லஞ்சத்தை நியாயப்படுத்துவதாக நினைக்க வேண்டாம். லஞ்சம் என்பது எப்படி, எந்த பெயரில், உருவத்தில் இருந்தாலும் லஞ்சமே என்று எடுத்துக் காட்டப்படுகிறது.

மத்திய அரசு வருவாய் துறைகள் கைப்பொம்மைகள் தாம்: சுங்கத்துறை அதிகாரிகள் வெறும் கைப்பொம்மைகள் தாம், ஏனெனில் அவர்கள் பலநிலைகளில் பற்பல அதிகாரிகள், தொழிற்சாலை பெரும் முதலாளிகள், வியாபார முதலைகள், அரசியல்சார்புடையவர்கள் என பலரை ஈடுகொடுக்க வேண்டியுள்ளது. “பாஸ்” / பெரிய அதிகாரிகள் / மேலதிகாரிகள் சொன்னால் / ஆணையிட்டால் கேட்க வேண்டிய / செய்ய வேண்டிய கட்டாயமும் உள்ளது. 2G ஊழலில் பெற்ற கோடிக்கணக்கான பணம், தமிழகத்திலிருந்து வடநாட்டு ஆட்களுக்கு கமிஷன் முறையில் கொடுக்கப்பட்டு, அது 20-30-40% வரை வட்டிக்கு விடப்படுவதாக செய்தி. உள்ளூரிலேயே அப்பணம் சுற்றிவருவதால், எங்கும் அப்பெட்டிகளை யாரும் தொடுவதில்லையாம். விமானநிலையங்களில் அப்பெட்டிகள் / சூட்கேஸ்கல் தாராளமாக வந்து செல்கின்றன, விமானங்களில் பறந்து செல்கின்றன. முன்பு மும்பை வழியாக ஆர்.ட்.எக்ஸ். வெடிமருந்து பொருள் டன் கணக்கில் இவ்வாறுதான், சில சுங்க அதிகாரிகள் சரியாக சோதனை செய்யாமல், காசு வாங்கிக் கொண்டு அனுமதித்தினால், அம்மருந்தே குண்டுகளுக்கு உபயோகப் படுத்தப் பட்டு, வெடிக்கப் பட்டு அப்பாவி உயிர்கள் பலியாகிக் கொண்டிருக்கின்றன.

கஸ்டம்ஸ் ஹவுஸ் ஏஜென்டுகள் செய்யும் அக்கிரம்: பொதுவாக, இப்பொழுதெல்லாம் கஸ்டம்ஸ் ஹவுஸ் ஏஜென்டுகள் என்று சொல்லப்படுபவர்கள், முழுக்க இடைத்தரகர்கள் ஆகிவிட்டனர். பல நேரங்களில் அதிகாரிகள் பெயர் சொல்லி, இவர்களே காசு வாங்கிக் கொள்கிறர்கள். பில் / இன்வாய்ஸ் போடும் போது சேர்த்துக் காட்டுகிறார்கள், இல்லை தனியாக வாங்கிக் கொள்கிறார்கள். பல வழக்குகளில் அவர்கள் எப்படி அதிகாரிகளுடைய ரப்பர் ஸ்டாம்புகள், கம்பெனிகளின் லெட்டர்பாடுகள் வைத்திருந்தார்கள், அவற்றை உபயோகித்து போலியாக ஆவணங்களைத் தயாரித்து, பொருட்களை இறக்குமதி செய்ய உபயோகித்தார்கள் என்று எடுத்துக் காட்டுகின்றன. இப்படி கம்பெனிகள்-அதிகாரிகள் இருவரையும் ஏமாற்றுவதில் இவர்கள் கில்லாடிகள். ஏனெனில், தொடர்ந்து வேலை செய்து வரும்போது, அந்த நெளிவு-சுளிவுகளை கற்றுக் கொண்டு விடுகிறார்கள். இவர்களாலும், அதிகாரிகளுக்கு பிரச்சினை வருகிறது, வரியேய்க்கப் படுகிறது என்பது உண்மை.

பெண் துறைமுக அதிகாரி[1]: லஞ்சம் வாங்கியதாக வந்த புகாரின் பேரில் பெண் சுங்க அதிகாரி கைது செய்யப்பட்டார். அவருக்கு உடந்தையாக இருந்த இருவரும் பிடிபட்டனர். திருவொற்றியூர் கே.வி.கே. குப்பம் பகுதியில் கன்டெய்னர் யார்டு, சரக்கு பெட்டக முனையம்  உள்ளது. சென்னை துறைமுகத்திற்கு சரக்குகளை ஏற்றி செல்லும் கண்டெய்னர் பெட்டிகளில் உள்ள பொருட்களை இங்கு வைத்து சோதனையிட்டு சீல் வைத்து அனுப்புவது வழக்கம். வெளிநாடுகளுக்கு கப்பல் மூலம் ஏற்றுமதி, இறக்குமதி செய்யப்படும் கன்டெய்னர்கள் சோதனை செய்யப்பட்டு அனுப்பி வைக்கப்படுகிறது. சென்னை துறைமுகத்தில், ஏற்றுமதி செய்யப்படும் பொருட்கள் மற்றும் வெளிநாடுகளில் இருந்து, இறக்குமதியாகும் பொருட்கள் கன்டெய்னர் மூலம் வரும் போது, அவை அரசு கன்டெய்னர் யார்டில் நிறுத்தி வைக்கப்படும். அங்கு நிரம்பிவிட்டால், தனியார் கன்டெய்னர் யார்டுகளில் வைக்கப்படும். இது வழக்கமான ஒன்று. இவ்வாறு யார்டுக்கு வரும் கன்டெய்னர்களில் உள்ள இறக்குமதியான பொருட்களுக்கு சுங்கத்துறையில் வரி விதிக்கப்படும். எண்ணூர் துறைமுகத்தில், சுங்கத்துறை அதிகாரியாக இருப்பவர் தேன்மொழி, 42 (38 என்று சில நாளிதழ்கள் குறிபிட்டுள்ளன).

அளவிற்கு மேல் போனால் பிரச்சினைதான் – லஞ்சப்புகார்: கன்டெய்னர்களை சோதனை செய்யும் சுங்க அதிகாரியாக, புளியந்தோப்பை சேர்ந்த தேன்மொழி (38) என்பவர் பணியாற்றி வருகிறார்.  சென்னை அண்ணாநகரை சேர்ந்தவர். கன்டெய்னர்கள் சோதனையின்போது இவர், ஏற்றுமதி மற்றும் இறக்குமதி பொருட்களுக்கு வரிவிதிப்பதில், பொருட்களின் விலை மற்றும் அளவை குறைத்துக் காட்டி, அதன் மூலம் வருமானம் பெறுவதாகவும், கன்டெய்னர்களை சோதனை முடித்து வெளியில் அனுப்ப லஞ்சம் பெறுவதாகவும், கன்டெய்னர்களை வெளியே அனுமதிக்க லஞ்சம் பெறுவதாக சிபிஐக்கு  ஏராளமான புகார்கள் வந்தது[2]. இந்தந்தப் பொருட்களுக்கு இவ்வளவுதான் வரி என்று திட்டவட்டமாக இருந்தால், இந்த பிரச்சினையே வராதே. அப்பொழுது அரசாங்கம் அத்தகைய பலவிதமான சதவீதம், வரியீட்டுமுறை, பொருட்களின் பிரிப்புமுறை முதலியவற்றில் சட்டரீதியாக நிலையான நிலையில்லை, பாரபட்சம் உள்ளது, சிலருக்கு உதவியாக விலக்குகள் கொடுக்கப் பட்டுள்ளன என்றெல்லாம் தெரியவருகிறது.

சி.பி.ஐ.சோதனை – வேலை செய்யும் இடத்தில்: இதையடுத்து, நேற்று முன்தினம் வெள்ளிக்கிழமை இரவு 8 மணிக்கு சிபிஐ அதிகாரிகள் யார்டுக்கு சென்றனர். அங்கு, தேன்மொழி அறை முழுவதும் சோதனை நடத்தினர். அப்போது, கணக்கில் வராத லேப்டாப், விலை உயர்ந்த பொம்மை, கீபோர்டு, சீனாவில் தயாரிக்கப்பட்ட நவீன பியூட்டி பார்லர் ஷேர், வாசனை திரவியங்கள் மற்றும் ரூ 27,000 (27,500 என்று வேறு நாளிதழ்களில் குறிப்பிடப்பட்டுள்ளது) இருந்ததை கண்டுபிடித்தனர். அவை பறிமுதல் செய்யப்பட்டது. இவற்றின் மதிப்பு பல லட்சம் இருக்கும் ( ரூ. 10 லட்சம் மதிப்புள்ள பொருள்கள் பறிமுதல் செய்யப்பட்டன[3]) எனக் கூறப்படுகிறது.

சி.பி.ஐ.சோதனை – வீட்டில்: தொடர்ந்து, புளியந்தோப்பு அருகில் படாளத்தில் உள்ள தேன்மொழியின் வீட்டில், நேற்று முன்தினம் நள்ளிரவு சோதனையிட்டனர். சோதனையில், வீட்டில், 55 ஆயிரம் ரூபாய் பணம், வங்கிக் கணக்கில் நான்கு லட்சம் ரூபாய் வரவு வைத்ததற்கான ஆவணங்கள், ஒரு அறையில், பல லட்சம் மதிப்பு வெளிநாட்டு பொருட்கள், அழகு சாதன பொருட்கள் ஆகியவை இருந்ததாக கூறப்படுகிறது. இவை அனைத்தையும் சி.பி.ஐ,, அதிகாரிகள் கைப்பற்றினர். இதையடுத்து, சுங்க அதிகாரி தேன்மொழி கைது செய்யப்பட்டார். இவருக்கு உதவியாகவும், ஏஜென்டாகவும் செயல்பட்ட ஆனந்தன், சேகர் ஆகியோரை சிபிஐ அதிகாரிகள் கைது செய்தனர். மேலும், இருவரது வீட்டிலும் சி.பி.ஐ. அதிகாரிகள் சோதனை செய்து பல முக்கிய ஆவணங்களை கைப்பற்றியதாகக் கூறப்படுகிறது. தொடர்ந்து, அவர்களிடம் விசாரணை நடந்து வருகிறது. அவர்களை அடையாறில் உள்ள சி.பி.ஐ., சிறப்பு கோர்ட் நீதிபதி ரவீந்திரன் வீட்டிற்கு நேற்று, காலை கொண்டு வந்தனர். தொடர்ந்து, அவர்கள் புழல் சிறையில் அடைக்கப்பட்டனர். கடந்த மாதம் சுங்கத்துறை ஆணையராக இருந்த ராஜன், லஞ்சம் வாங்கிய வழக்கில் கைது செய்யப்பட்டார். அவரை தொடர்ந்து லஞ்சம் வாங்கியதாக தேன்மொழி கைது செய்யப்பட்டிருப்பது பெரும் பரபரப்பை ஏற்படுத்தியுள்ளது[4].

வேதபிரகாஷ்

13-05-2012


லஞ்சம் கொடுத்தவர், வாங்கியவர், தரகர் ஆகியோர் சிபிஐயால் கைது செய்யப்பட்டனர்!

ஓகஸ்ட் 31, 2011

லஞ்சம் கொடுத்தவர், வாங்கியவர், தரகர் ஆகியோர் சிபிஐயால் கைது செய்யப்பட்டனர்!

வருமான வரியை குறைக்க ரூ.50 லட்சம் லஞ்சம்: சென்னையில் வருமான வரி ஏய்ப்பில் சிக்கிய கல்வி நிறுவனத்திடம் இருந்து, 50 லட்ச ரூபாய் லஞ்சம் பெற்ற, வருமான வரித்துறை கூடுதல் கமிஷனர், ஆடிட்டர் மற்றும் லஞ்சம் அளித்த கல்வி நிறுவன மேலாண் இயக்குனர் ஆகிய மூவரை, சி.பி.ஐ., லஞ்ச ஒழிப்பு பிரிவினர் சென்னையில் நேற்று கைது செய்தனர்[1]. சென்னை, பெருங்குடியில், “எவரான் எஜுகேஷன் லிட்’ என்ற கல்வி நிறுவனம் இயங்கி வருகிறது. இந்நிறுவனம், வி-சாட் மற்றும் இன்டர்நெட் மூலம், பள்ளி மாணவர்களுக்கு கல்வி பயிற்சி அளித்து வருகிறது[2]. இந்த நிறுவனம் கல்வி தொடர்பாக பல குறிப்பேடுகளை வெளியிட்டுள்ளது.  பள்ளிகள், கல்லூரிகளுக்கும் சப்ளை செய்து வருகிறது[3]. மேலும் வெளிநாட்டில் இருந்து நிதிகளை பெற்று, பல்வேறு நலத் திட்ட உதவிகளையும் செய்து வருவதாக கூறப்படுகிறது[4]. இந்நிறுவனத்தின் மொத்த வர்த்தகம், ஆண்டுக்கு, 500 கோடி ரூபாய் என கூறப்படுகிறது. இந்த நிறுவனம் பல கோடி ரூபாய் வருவாய் ஈட்டி வருவதால், ஐஏஎஸ் அதிகாரிகள் 2 பேர் அந்த நிறுவனத்தில் பணியாற்றி வருகின்றனர்[5].

ஐ.ஏ.எஸ் / ஐ.ஆர்.எஸ் அதிகாரிகளும், பள்ளி-கல்லூரி கல்வியும், வரியேய்ப்பும், தார்மீகமும்: வழக்கம் போல இச்செய்தியை படித்து மறந்து விடலாம். சட்டயுத்தங்களுக்குப் பிறகு, இந்த அதிரிகள் எல்லோருமே தப்பி விடலாம். ஆனால், அவர்கள் ஈடுபட்டுள்ளது, கல்வி-கல்லூரி-படிப்புத் துறை, அதிலும் ஆராய்ச்சி மூலம், ஏதோ புது-புதிதாக கணினி மூலம் எல்லாம் சொல்லிக் கொடுக்க புத்தகங்கள், முறைகள் முதலியவற்றைக் கையாள பயிற்சியளிக்கிறார்களாம். பிறகு, அத்தகைய மெத்தப் படித்தவர்கள் எப்படி, இப்படி நடந்து கொள்கிறார்கள்? மேனாட்டு நாகரிகம், அத்தகைய இரட்டை வேடம் போட வைத்ததா அல்லது, இந்திய பண்புகளை மறந்ததால் அத்தகைய அழுக்கள் மனங்களில் அதிகமாகியதா? லஞத்தைப் பற்றி விவாதிக்கும் போது, தார்மீக மதிப்புகள் ஏன் குறைந்தன, நற்குணங்கள் ஏன் கெட்டுச் சீரழிந்தா என்பதைப் பற்றியும் ஆராய்ச்சி செய்து அறிந்து திருந்த வேண்டும்.

எவரான் குழுமத்தில் சோதனை: சென்னை, வருமான வரித்துறையில், கம்பெனிகள் சரகம்-1ன் கூடுதல் கமிஷனராக இருப்பவர் அண்டாசு ரவீந்திரா, 45. கடந்த, 4ம் தேதி, சந்தேகத்தின் அடிப்படையில், எவரான் நிறுவனத்திற்கு சென்ற ரவீந்திரா, அதிரடியாக சோதனை நடத்தினார். கல்வி சேவை வழங்கும் அமைப்புகளையும் அவர் பார்வையிட்டார். அந்த சோதனையில், கல்வி நிறுவனத்தின் மேலாண் இயக்குனர் கிஷோர், 49, என்பவர், 2008-2009 ஆண்டில் 116 கோடி ரூபாய் வருமானத்திற்கான வருமான வரி கட்டாமல், வரி ஏய்ப்பு செய்திருப்பதை ரவீந்திரா கண்டுபிடித்தார்[6].

இங்குதான் அந்த தார்மீக வினாக்கள் எழுகின்றன. லஞ்சம் கொடுப்பவர்-வாங்குபவர் இருவருமே குற்றவாளிகள் எனும்போது, அவர்களின் நிலையை அறியும் போது விந்தையாக இருக்கிறது. விபச்சாரி-விபச்சாரியிடம் சென்றவன் இருவருமே சமூக விரோதிகள் என்றால், விபச்சாரத்தை சமூகத்தில் அனுமதிக்கக் கூடாது. அதையும் ஒழிக்கப் பாடுபடவேண்டும் ஏனெனில், அதுவும் சமுததயத்தைச் சீரழிக்கும் ஊழல்தான்.

இதையடுத்து, எவரான் நிறுவன மேலாண் இயக்குனர் கிஷோர்[7], வருமான வரித் துறை நடவடிக்கை எடுக்காமல் இருக்க, உத்தம்சந்த் போரா என்ற ஆடிட்டர் மூலம், பேச்சுவார்த்தை நடத்தினார். கூறினார்.இதற்கு ஒப்புக் கொண்ட ரவீந்திரா, 116 கோடி ரூபாய்க்குப் பதில், தொகையை குறைத்து, 60 கோடி ரூபாய்க்கு மட்டும் வரி கட்டும்படி ஆடிட்டரிடம் கூறினார். தொகையை குறைத்ததற்காக, ஐந்து கோடி ரூபாய் லஞ்சமாக தரவேண்டும் என்று ரவீந்திரா, கிஷோரிடம் கேட்டுள்ளார். அதன் பின், தொடர் பேச்சுவார்த்தை நடத்தி, லஞ்சத் தொகை, ஐந்து கோடியில் இருந்து, 50 லட்சமாக குறைக்கப்பட்டது. தொடர்ந்து, லஞ்சத் தொகை, 50 லட்ச ரூபாயை, நுங்கம்பாக்கம், வருமானவரித் துறை அலுவலக வளாகத்தில் உள்ள, ஆயகர் பவனில் உள்ள தன் வீட்டில் வந்து தரும்படி, கூடுதல் கமிஷனர் ரவீந்திரா கேட்டுள்ளார்.
பணம் கொடுக்க வருமான அதிகாரி வீட்டிற்குச் சென்ற மேனேஜிங் டைரக்டர்: இதையடுத்து, மின்விசிறிகள் வைக்கப்படும் சிறிய பெட்டியில், 50 லட்ச ரூபாயை வைத்து, அதை எடுத்துக் கொண்டு நேற்று பகல், எவரான் மேலாண் இயக்குனர் கிஷோர், ஆடிட்டர் உத்தம்சந்த் போரா ஆகியோர், ரவீந்திராவின் வீட்டிற்குச் சென்றனர். ஐஜி அருணாச்சலம், டிஐஜி முருகன் ஆகியோர் தலைமையில் தனிப்படை அதிகாரிகள், அலுவலகம் மற்றும் அவரது வீட்டின் அருகே நேற்று முன்தினம் இரவு காத்திருந்தனர். சரியாக இரவு 8.45 மணிக்கு ஒரு கார் வந்தது. அந்த காரில் இருந்து இறங்கிய ஒருவர், மின் விசிறி படம் பொறித்த பெட்டியை தூக்கிக் கொண்டு அண்டாசு ரவீந்தர் வீட்டுக்குச் சென்றார். அங்கு அவரது மனைவிதான் இருந்தார். அவரிடம் கொடுத்ததும், வாங்கி வீட்டில் வைத்துக் கொண்டார். வழக்கமாக வருமான வரித்துறை அதிகாரிகள் பெரிய அளவில் லஞ்சம் வாங்கினால், உடனடியாக ஹவாலா ஏஜென்ட் மூலம் அதை இடமாற்றி விடுவார்கள்.

பணம் மாற்றம் எதற்காக? சிறிது நேரத்தில், சவுகார்பேட்டையைச் சேர்ந்த ஹவாலா ஏஜென்ட் உத்தம்சந்த் சிங் வந்தார். அவர் பெட்டியை வாங்கிக் கொண்டு புறப்படத் தயாராக இருந்தார். அப்போது சிபிஐ அதிகாரிகள் அதிரடியாக புகுந்தனர். அட்டைப் பெட்டியை பிரிக்க முயன்றபோது, அதில் மின் விசிறி இருப்பதாக தெரிவித்தனர். ஆனாலும் சிபிஐ அதிகாரிகள் அதை பிரித்துப் பார்த்தபோது எல்லாம் ஆயிரம் ரூபாய் கட்டுகளாக இருந்தது. ரூ.50 லட்சம் இருந்தது.  அப்போது அந்த பணத்தை வேறு ஒருவர் மூலம், வீட்டில் இருந்து மற்றொரு இடத்திற்கு அனுப்பி வைத்தார். அந்த நேரத்தில் தகவலறிந்து சென்ற, சென்னை சி.பி.ஐ.,யின் லஞ்ச ஒழிப்புப் பிரிவினர், கூடுதல் கமிஷனர் ரவீந்திரா, லஞ்சம் கொடுத்த கிஷோர், புரோக்கராக செயல்பட்ட ஆடிட்டர் உத்தம்சந்த் போரா ஆகிய மூவரையும் கைது செய்து, கடத்தப்பட இருந்த லஞ்சப்பணம், 50 லட்ச ரூபாயை கைப்பற்றினர்[8]. சவுகார்பேட்டையில் உள்ள உத்தம்சந்த் வீட்டில் நடத்திய சோதனையில்  ரூ.48 லட்சம் ரொக்கப் பணம் கண்டுபிடிக்கபட்டது. அதையும் அதிகாரிகள் பறிமுதல் செய்தனர்.
சம்பந்தப் பட்டவர்களின் வீடுகளிலும் சோதனை: இதைத் தொடர்ந்து, கூடுதல் கமிஷனர் ரவீந்திராவின் வீடு, மும்பை, ஐதராபாத், விசாகப்பட்டினம், பெங்களூரில் உள்ள ரவீந்திரா, கல்வி நிறுவன மேலாண் இயக்குனர், ஆடிட்டர் ஆகியோரது வீடுகளில் சோதனை நடத்தப்பட்டது.இதில், ரவீந்திராவின் வீட்டில் இருந்து, 1.8 கிலோ தங்க நகைகள், வங்கி லாக்கரில் இருந்து, 520 கிராம் நகை, மற்ற இருவரது வீடுகளிலும் இருந்து, 58 லட்ச ரூபாய் பணம் ஆகியவை கைப்பற்றப்பட்டன. கைது செய்யப்பட்ட மூவர் மீதும், மூன்றுக்கும் மேற்பட்ட பிரிவுகளில் வழக்கு பதிந்து, சி.பி.ஐ., கோர்ட்டில் ஆஜர்படுத்தப்பட்டு சிறையில் அடைக்கப்பட்டனர். தொடர்ந்து விசாரணை நடத்து வருகிறது.
மினி பாரும், மருந்துக் கடையும்! ஆந்திராவைச் சேர்ந்த வருமானவரித் துறை கூடுதல் கமிஷனரான அண்டாசு ரவீந்திரா, 1991ல், ஐ.ஆர்.எஸ்., அதிகாரி. இவர் தற்போது, கம்பெனிகள் சரகம், 3ன் கூடுதல் கமிஷனர் பொறுப்பையும் கூடுதலாக கவனித்து வருகிறார். கூறினார்.

இப்படி ஊடகங்கள் வர்ணித்துள்ளன. தவறு, குற்றங்கள் செய்பவர்கள் அப்படித்தான் இருக்கிறார்கள், அதைப் பற்றி விவரிப்பதைவிட, நல்லவர்கள் எப்படி நல்லவர்களாக இருக்கிறார்கள் என்று விவரித்தால் மற்றவர்களுக்கு பாடமாக இருக்கும். ஏனெனில், ஊடகக்காரர்களும் யோக்கியமானவர்கள் இல்லை. கவரோ, பர்சிசுப் பொருளோ கொடுக்கவில்லை என்றால், “நியூஸ்’ போடமாட்டார்கள்!

அடாவடி கூடுதல் கமிஷனரான இவர், சோதனையில் சிக்கும் நிறுவனங்களிடம் கோடியில் இருந்து தான் பேரம் பேசுவார் என அதிகாரிகள் தரப்பில் கூறப்படுகிறது. பெரும்பாலும் வருமான வரித் துறையினர், சி.பி.ஐ.,யிடம் அவ்வளவு சீக்கிரம் சிக்குவதில்லையாம். ரவீந்திராவையும், சி.பி.ஐ., அதிகாரிகள் தங்களுக்கு கிடைத்த உறுதியான தகவல் மூலமே கைது செய்துள்ளனர். கைது படலம் முடிந்ததும், ரவீந்திரா கண்ணெதிரிலேயே, அவரது வீட்டை, அதிகாரிகள் முழுமையாக சோதனையிட்டனர். ஒரு அறையை திறந்ததும் அதிகாரிகள் அதிர்ச்சியடைந்தனர். அதில், வெளிநாட்டு மதுபான பாட்டில்கள் அழகாக அடுக்கி வைக்கப்பட்டு, மினி பாருக்கான,” செட்டப்’ இருந்தது. மற்றொரு அறையில், வெளிநாடுகளில் இருந்து வரவழைக்கப்பட்ட, “ஊட்டச்சத்துக்கான’ மாத்திரைகள், பெட்டி பெட்டியாக இருந்தன. இவற்றை கைப்பற்றிய போலீசார், சென்னை மாநகர போலீசாரிடம் ஒப்படைத்துள்ளனர். மாநகர போலீசார், மதுபாட்டில்கள் பதுக்கியதற்காக ரவீந்திரா மீது தனி வழக்கு பதியவுள்ளதாக தெரிகிறது.

யாரந்த உத்தம்சந்த்? வருமான வரித்துறை அலுவலகத்திற்கு அடிக்கடி பல ஹவாலா கும்பல்கள் வரும். வருமான வரித்துறை அதிகாரிகளில் சிலர், இந்த கும்பலுடன் நெருங்கிய தொடர்பு வைத்துள்ளனர். அவர்களில் ஒருவர்தான் உத்தம்சந்த் சிங். இவர், ஒரு உயர் அதிகாரியின் வீட்டில் இருந்து வெளியில் வந்தால், அவர் பணத்துடன் செல்வதாக அர்த்தம். லஞ்சம் கொடுத்த ஒரு மணி நேரத்தில், ஹவாலா பணம் வெளிநாடுகளில் முதலீடு செய்யப்பட்டு விடும். இதனால் உத்தம்சந்த் சிங்கிடம் விசாரணை நடத்த போலீசார் முடிவு செய்துள்ளனர்.

அந்த டீலிங்கே வேற…[9]: இவருக்கும் ஆடிட்டர் ஒருவருக்கும் நெருங்கிய நட்பு உண்டு. அந்த ஆடிட்டர் சினிமாவில் உள்ள பலரையும் தெரிந்து வைத்திருப்பார். பல நடிகைகளுக்கும் அவர்தான் ஆடிட்டர்.

பெத்தப் படித்தவர்கள், நாகரிகமானர்கள், இணைத்தளங்களில் மினுக்கின்றவர்கள், அரசியல்வாதிகள் / அமைச்சர்களுடன் உலா வருகின்றவர்கள், எப்படி இப்படி கீழ்த்தரமான உணர்வுகளைக் கொண்டிருக்கிறார்கள். துரதிருஷ்டமாகவோ, அதிருஷ்டமாகவோ, அந்த வருமானத்துறை “ஆயக்கார் பவனி”ற்கு வலது புறம் இந்த சி.ஏ.இன்ஸ்டிடூட்டும், இடது புறம் இந்து அறநிலையத் துறையும் உள்ளன!  

அவர் மூலமே கம்பெனிக்காரர்களும் இவரை அணுகுவார்கள். அவர்தான் பேரம் பேசி முடிப்பார். அடிக்கடி இந்த அதிகாரி பெங்களூர், மும்பைக்குச் செல்வார். அங்கு நடந்த டீலிங் வேறு என்கின்றனர். சி.ஏ என்பது மருத்துவம் போன்ற மற்றப் படிப்புகளைப் போன்ற புனிதமான படிப்பாகும். அத்தகைய படிப்புப் படித்தவர், இத்தகைய கேவலமான வேலையைச் செய்து வருகிறார் என்றால், அது அவர் கற்ற கல்விக்கே இழுக்கு. அப்படியென்றால், பெரிய படிப்பு படித்தும் அவர்களைப் போன்றவர்கள் பக்குவப்படவில்லை என்று தஎரிகிறது. அந்த விவகாரங்களை சிபிஐ விசாரித்து வருகிறது. ஹவாலா புரோக்கரின் 2 தங்கைகள் பெங்களூரில் உள்ளனர். இருவருக்கும் ரவீந்தர் சொந்த வீடு வாங்கிக் கொடுத்துள்ளார்.

ஓய்வெடுக்க அமெரிக்கா[10]: அண்டாசு ரவீந்திரா, ஆந்திரா மாநிலத்தைச் சேர்ந்தவர். 1991ம் ஆண்டு ஐஆர்எஸ் பணியில் சேர்ந்தார். கடந்த 6 ஆண்டுகளுக்கு முன் சென்னைக்கு வந்தார். இவர், சென்னை வருமான வரித்துறையில் கம்பெனிகள் பிரிவில் கூடுதல் ஆணையராக உள்ளார். இவர், பல ஆண்டுகளாக இதுபோல லஞ்சம் வாங்கியுள்ளார்[11]. சில நாட்களுக்கு முன் இவர், குடும்பத்துடன் அமெரிக்கா சென்று ஒரு மாதம் ஓய்வெடுத்துள்ளார்.

புண்ணிய நாட்களில் இந்திய மக்கள் தார்மீக உணர்வுகளை மீண்டும் பெற்று சிறக்க வேண்டும். நாளுக்கு நாள் விடுமுறை அளிக்கப் படுகிறது. மக்களுக்கு அத்தகைய பண்டிகைக் காலங்களில் வாழ்த்து சொல்லும் போது கூட “ஊழல்” உள்ளது. ஆமாம், முஸ்லீம்கள்-கிருத்துவர்கள் பண்டிகைகள் என்றால், அரசியல்வாதிகள் போட்டிப் போட்டுக் கொண்டு வாழ்த்து சொல்வர்கள். அவர்களைப் போலவே வேடம் போட்டுக் கொண்டு வந்து வணங்குவார்கள், தொழுவார்கள், கேக் சாப்பிடுவார்கள். ஆனால் இந்துக்கள் பண்டிகைகள் வந்தால் பகுத்தறிவு அவர்களது புத்தியை தடுத்துவிடும் என்பதில்லை, மாறாக, கண்டபடி பேசுவார்கள்.; அவதூறு செய்வார்கள்………..இதுவும் மாபெரும் ஊழல் தான். இத்தகைய ஊழலைச் செய்பவர்கள் அதனை அனுமதிக்கும், ஊக்குவிக்கும், பக்தர்களும், நம்பிக்கையாளர்களும் அத்தகைய ஊழலில் ஊறியவர்களே. இனிமேலாவது, அவர்கள் அந்த ஊழலிலிருந்து வெளிவருவார்களா?

வேதபிரகாஷ்

31-08-2011

 


[2] http://www.everonn.com/about_everonn.html ; http://www.everonn.com/index.html

http://www.everonn.com/everonn_india_foundation.html

Everonn Education Limited
Registered Office:
No.82, IVth Avenue
Ashok Nagar
Chennai – 600083
Tamilnadu, India. 
Corporate Office & Correspondence Address:
“Everonn House”
Plot No # 96 – 99, Industrial Estate
Perungudi, Chennai – 600096
Tamilnadu, India.
Phone No: +91-44-23718202, 42968400
Fax No: +91-44-24962800

[2] http://www.dinakaran.com/News_detail_2011.asp?Nid=4224

[5] தினமலர் (கி.கணேஷ்), வருமான வரியை குறைக்க ரூ.50 லட்சம் லஞ்சம், பதிவு செய்த நாள்: ஆகஸ்ட் 30, 2011,23:52 IST; மாற்றம் செய்த நாள்: ஆகஸ்ட் 31, 2011,00:55 IST

http://www.dinamalar.com/News_Detail.asp?Id=304505

[7] Mr. P. Kishore – Managing Director – A first-generation entrepreneur and pioneer in building a business model around computer education at schools, Mr. Kishore has promoted IT-enabled education since 1987 and founded Everonn in 2000. Mr. Kishore is a visionary by nature with a passion to excel, a zeal he imparts to every Everonn employee. http://www.everonn.com/board_of_directors.html

[8] The Central Bureau of Investigation on Tuesday arrested P Kishore, managing director of Chennai-based tech-based education provider Everonn Education, on charges of bribing an Income Tax official with Rs 50 lakh. The Income Tax official – of an additional commissioner’s rank – was also arrested. http://economictimes.indiatimes.com/news/politics/nation/cbi-arrests-everonn-education-md-on-bribery-charges/articleshow/9804786.cms

http://www.thehindubusinessline.com/industry-and-economy/info-tech/article2412356.ece

[10] ஊடகக்காரர்களும் எப்படி ஓய்வெடுக்கிறார்கள், எடுத்துக் கொண்டிருக்கிறார்கள் என்பதை யோசிக்க வேண்டும். ஓசியில் எத்தனை முறை அம்மாதிரி அனுபவித்துள்ளார்கள் என்பதையும் மனசாட்சியுடன் நினைத்துப் பார்க்க வேண்டும். அதையெல்லாம் விவரிக்க வேண்டியதில்லை, ஏனெனில் அவர்களுக்கே அது தெரியும்.

[11] ஊடகக்காரர்கள் இவ்வாறு எழுதும் போது, ஆதாரங்களுடன் எழுதவேண்டும், மேலும் முதலில் அவர்கள் தங்களது ஊழலை மனதில் வைத்துக் கொண்டு மற்றவர்களின் ஊழலைப் பற்றி வர்ணிக்க வேண்டாம். ஊழல் என்பது பலநிலைகளில், மனங்களில் ஊடுருவியுள்ளது. பணம் கொடுப்பது-வாங்குவது என்ற நிலையைத் தவிர சமூகத்தை சீரழிக்கும் பலநிலைகளிலும் செயல்படுகிறது. பணம் கொடுத்து-பணம் வாங்கும் ஊழல்பேர்வழிகளைவிட, இவர்கள் செய்து வரும் ஊழல் மக்கள் சமூகத்தையே புரையோடி அழித்துக் கொண்டு வருகிறது. ஆகவே முதலில் அவர்கள் மனம் திருந்த வேண்டும்.

குழந்தைகள் கடத்தலை தடுக்க தனி சட்டம், உண்ணாவிரதம், புதிய அரசியல்வாதிகள், சுற்றறிக்கைகள்!

நவம்பர் 5, 2010

குழந்தைகள் கடத்தலை தடுக்க தனி சட்டம், உண்ணாவிரதம், புதிய அரசியல்வாதிகள், சுற்றறிக்கைகள்!

ஒழுக்கம், தார்மீகம், தார்மீக மதிப்புகள், தார்மீக உணர்வுகள் தேவை: இப்படி சொல்ல ஏன் வெட்கப்படுகிறார்கள் என்று தெரியவில்லை. தனிமனித ஒழுக்கம் மிகவும் அவசியம் என்பதனை வலியுறுத்த ஏன் தயங்குகிறார்கள் என்று புரியவில்லை. எப்படி கணவன் தன் மனைவி ஒழுக்கத்துடன் இருக்க வேண்டும் அல்லது மனைவி தன் கணவன் ஒழுக்கத்துடன் இருக்க வேண்டும் என்று நினைப்பானோ/ளோ அதேபோலத்தான் மற்ற விஷயங்களும். தமிழ்-தமிழ் என்று பேசிக்கொண்டு, திருவள்ளுவர்-திருக்குறள் என்று டமாரம் அடித்துக் கொண்டு, அவர் சொல்வதை கேட்கமாட்டோம் என்பது என்ன தமிழரது ஒழுக்கம் என்று தெரியவில்லை.

இன்னும் கூட ஒழுக்கம் தேவை, ஒழுங்கீனத்தினால் தான் சமூகத்தில் இத்தகைய நிகழ்ச்சிகள் நடக்கின்றன[1]. சட்டத்தைப் பற்றி யாரும் கவலைப்படுவதில்லை என்பதை செய்திகள் தாராளாமகாவே எடுத்துக் காட்டியுள்ளன. தார்மீகம் (morality), தார்மீக மதிப்புகள் (Moral values), தார்மீக எண்ணங்கள் (moral thinking) மக்கள் மனங்களினின்று வெகுவாக அகன்று விட்டன எனலாம். பொதுவாக இன்று நியாயம், தர்மம் போன்றவற்றின் சிந்தனைகள் மனங்களினின்று அகன்றது இல்லாமல், அவற்றை மற்றும் அதைப்பற்றிப் பேசுபவரை கேலிசெய்வது, கிண்டல் செய்வது, தூஷிப்பது போன்ற போக்கு அதிகமாகி இருக்கிறது. சினிமா இதற்கு பெரிய பங்கு வகித்துள்ளது. நகைச்சுவை என்ற பெயரில் அநியாயங்களை, ஆபாசங்களை, அநாகரிகங்களை, அநாச்சாரங்களை, எல்லாவிதமான அக்கிரமங்களையும், பாவங்களையும், குரூரங்களையும் நியாயப்படுத்து விட்டார்கள். இதை 24 x 7 ரீதியில் டிவிக்களில் திரும்ப-திரும்ப காட்டி மக்களின் மனங்களையும் மரத்துப்போக செய்து விட்டார்கள். ஊடகங்களும் சமமாக அதற்கு பொறுப்பேற்றவர்கள் ஆகிறார்கள்.

ஆக இதற்கு மாற்று என்ன தேவை? மறுபடி அத்தகைய தார்மீகம் (morality), தார்மீக மதிப்புகள் (Moral values), தார்மீக எண்ணங்கள் (moral thinking) மக்களுக்கு வரவேண்டும் என்றல் என்ன செய்ய வேண்டும் என்று யோசிக்காமல், தாங்கள் – அரசு, அரசாங்கள், அதிகாரிகள், முதலியோர் எப்படி தப்பித்துக் கொள்ளலாம் என்ற ரீதியில் தான் சி/சுற்றறிக்கை விட்டு ஏசி ரூம்களில் தூங்க ஆரம்பித்து விடுகின்றனர்.

*         ஊடகங்களை ஒழுங்கப் படுத்தப்போவது யார்?

*         டிவி செனல்களில் நல்ல விஷயங்களை எவ்வாறு கொடுக்கப் போகிறார்கள்?

*         நல்லத் திரைப் படங்களை எப்படி எடுக்கப் போகிறார்கள்?

*         மக்கள் எப்பொழுது எப்படி மாறப்போகின்றனர்?

*         மக்கள்தாம் இத்தகைய சினிமாக்களை விரும்பிகின்றனர், அதனால்தான், நாங்கள் எடுக்கிறோம் என்ற நிலை எப்பொழுது மாறப்போகிறது?

*         படத்திற்கு தமிழ் பெயர் வைத்தால் வரிசலுகை என்று ஒழுங்கீனத்தை வியாபாரமாக்குவது இனிமேலாவது தடுக்கப்படுமா?

இதற்கு பதில் தேடாமல், பலர் பலவிதமாக கிளம்பி விட்டார்கள்!

குழந்தைகள் கடத்தலை தடுக்க தனி சட்டம் .ஜே.கே., சார்பில் 9ம் தேதி உண்ணாவிரதம்[2]: “புதிய துடப்பங்கள் நன்றாக பெருக்கும்”, என்றும் ஆங்கிலத்தில் ஒரு பழமொழி உண்டு. அதைப் போல இந்த புதிய அரசியல்வாதி சொல்கிறாரா அல்லது உண்மையாக ஏதாவது செய்யப்போகிறாரா? “குழந்தைகள் கடத்தலை தடுக்க தனிச் சட்டம் கொண்டு வர வேண்டும் என வலியுறுத்தி, வரும் 9ம் தேதி தமிழகம் முழுவதும் ஒரு நாள் அடையாள உண்ணாவிரதப் போராட்டம் நடைபெறும்,” என, ஐ.ஜே.கே., நிறுவனத் தலைவர் பச்சமுத்து தெரிவித்துள்ளார். ஒரு நாள் உண்ணாவிரதம் என்பதெல்லாம் கேலிக்கூத்து, விளையாட்டு தான்! இதனால், ஒன்றும் நடக்கப் போவதில்லை.

.ஜே.கே., நிறுவனத் தலைவர் பச்சமுத்து அளித்த பேட்டி: “சமீப காலமாக சென்னை உட்பட தமிழகம் முழுவதும் பல்வேறு பகுதிகளில் பள்ளிக்கு அனுப்பப்படும் குழந்தைகள் கடத்தப்பட்டு, கற்பழித்து, பணம் பறிக்கும் நோக்கத்திற்காக கொலையும் செய்யும் வன் செயல்கள் தொடர்கின்றன. குறிப்பாக கோவையைச் சேர்ந்த முஸ்கன், ரித்திக் ஆகியோர் பணம் பறிக்கும் நோக்கத்திற்காக கடத்தப்பட்டு மூர்க்கத்தனமாக கற்பழித்து கொலை செய்யப்பட்டுள்ளனர்”.

ஐந்து மாதங்களில் சென்னையில் மட்டும் 29 கடத்தல் சம்பவங்கள்: “சென்னை வியாசர்பாடியில், 9ம் வகுப்பு மாணவி பொள்ளாச்சிக்கு கடத்தப்பட்டுள்ளான். முகப்பேரில் 9ம் வகுப்பு மாணவன் கீர்த்திவாசன் கடத்தப்பட்டுள்ளான். அரியலூர் காங்கிரஸ் எம்.எல்..,வின் தம்பி குழந்தைகள் உளுந்தூர்பேட்டை தி.மு..,பிரமுகரின் தங்கை மகள் கடத்தப்பட்டுள்ளனர். கடந்த ஐந்து மாதங்களில் சென்னையில் மட்டும் 29 கடத்தல் சம்பவங்கள் நடந்திருக்கின்றன”.

குற்றவாளிகளை அரசியல் பின்புலம் கொண்டு விடுவிப்பது முழுமையாக தடுக்கப்பட வேண்டும்: “பாதுகாப்பு கேள்விக் குறியாகும் இது போன்ற சம்பவங்கள் தொடர்கதையாகவே உள்ளன. பெற்றோருக்கு மன உளைச்சலை ஏற்படுத்தும் பாதுகாப்பாற்ற இச்சம்பவங்கள் தடுக்கப்பட வேண்டும். குற்றவாளிகளை அரசியல் பின்புலம் கொண்டு விடுவிப்பது முழுமையாக தடுக்கப்பட வேண்டும். பள்ளிக் குழந்தைகள் கடத்தலுக்கு முற்றுப்புள்ளி வைக்கும் நோக்கில், உள்துறை சட்டத்தை திருத்தி, சிறப்பு தனிச் சட்டம் கொண்டு வர வேண்டும். இதை வலியுறுத்தி, தமிழகத்தில் அனைத்து மாவட்ட தலைநகரங்களிலும், வரும் 9ம் தேதி காலை 8 மணி முதல் மாலை 4 மணி வரை .ஜே.கே., சார்பில் உண்ணாவிரதப் போராட்டம் நடக்கிறது. சென்னையில் நடைபெறும் போராட்டத்தை நான் துவக்கி வைக்கிறேன்”, இவ்வாறு பச்சமுத்து கூறினார்.

கொலை, கடத்தல் சம்பவங்கள் எதிரொலி : விழிப்படைந்த மாணவர்கள்: பெற்றோர்கள் அதிர்ச்சி, உஷாரான குழந்தைகள்: குழந்தைகள் கடத்தல், கொலை சம்பவத்தால் பெற்றோர், மாணவர் மத்தியில் விழிப்புணர்வு ஏற்பட்டுள்ளது. கோவையை சேர்ந்த பள்ளி குழந்தைகள் முஸ்கின், ரித்திக்கை கடத்திச்சென்று கொலை செய்த கொடுமை தமிழகத்தை உலுக்கியுள்ளது. இச்சம்பவம் நடந்த சில நாட்களில், சென்னையில் மாணவர் கீர்த்திவாசன் (13) கடத்தப்பட்டு, நேற்று முன்தினம் மீட்கப்பட்டார். இச்சம்பவங்கள், மாணவர், பெற்றோர் மத்தியில் அதிர்ச்சி அலைகளை ஏற்படுத்தியுள்ளது.

வாகன உரிமையாளர், டிரைவரின் மொபைல் போன் எண், அவர் இல்லாத பட்சத்தில் தொடர்பு கொள்ள வேண்டிய எண் – முதலியவை கேட்டுப் பெற்றனர்[3]: இதுபோன்ற சம்பவம் நமக்கும் அரங்கேறி விடக்கூடாது என எச்சரிக்கை உணர்வு பெற்றோர், மாணவரை விழிக்க செய்துள்ளது. சிவகங்கையில் தனியார் வேன், ஆட்டோக்களில் பள்ளிக்கு அனுப்பும் பெற்றோர், டிரைவர், வாகனம் குறித்த விபரங்களை சேகரித்து வருமாறு, குழந்தைகளுக்கு அறிவுறுத்தியுள்ளனர். நேற்று காலை பள்ளிக்கு சென்ற மாணவர்கள், டிரைவரிடம் இந்த விபரங்கள் சேகரித்ததை காணமுடிந்தது. குறிப்பாக வாகன உரிமையாளர், டிரைவரின் மொபைல் போன் எண், அவர் இல்லாத பட்சத்தில் தொடர்பு கொள்ள வேண்டிய எண்ணை கேட்டு பெற்றனர். இதே போல அனைத்து மாணவர்களும் விழிப்புடன் இருந்தால், பிரச்னைகளை தவிர்க்கலாம். இந்நிலையில், மாணவர்கள் வரும் வாகனங்கள் குறித்த விபரங்களை சேகரிக்குமாறு, பள்ளிகளுக்கு கல்வித்துறை உத்தரவிட்டுள்ளது[4].

சுற்றறிக்கை அனுப்பி வைத்த அரசு அதிகாரி[5]: சமீப காலமாக பள்ளி மாணவர்கள் கடத்தல் சம்பவங்கள் அதிகரித்து வருகின்றன. அது போன்ற சம்பவங்களை தவிர்க்கும் வகையில் அனைத்து பள்ளி நிர்வாகங்களுக்கும் மெட்ரிக்குலேஷன் பள்ளிகள் இயக்குனர் அறிவுரை வழங்கியுள்ளார்.  இது குறித்து நேற்று அனைத்து மாவட்ட முதன்மைக் கல்வி அலுவலர்களுக்கும் சுற்றறிக்கை அனுப்பி வைக்கப்பட்டுள்ளது. அதில் கூறப்பட்டுள்ளதாவது[6]:

1. அனைத்து பள்ளி நிர்வாகங்களும் தங்கள் பள்ளியில் படிக்கும் மாணவர்களின் பெற்றோரை உடனடியாக வரவழைத்து அவர்களிடம் பேசி பாதுகாப்பு நடவடிக்கைகள் மேற்கொள்ள வேண்டும்.

2. அப்படி முடிவு செய்யப்பட்ட பாதுகாப்பு நடைமுறைகள் பின்பற்றப்படுகின்றனவா என்பதை மூன்று மாதத்துக்கு ஒரு முறை பெற்றோர், ஆசிரியர்கள் கூடி உறுதி செய்ய வேண்டும்.

3. பள்ளிக்கு மாணவர்கள் எப்படி வருகின்றனர் என்பது குறித்து முழு விவரங்களை சேகரித்து வைத்துக் கொள்ள வேண்டும்.

4. பள்ளி நிர்வாகத்துக்குரிய வாகனங்களின் டிரைவர்களின் விவரங்கள், குடும்ப விவரங்கள் அறிந்து வைத்திருக்க வேண்டும். அவர்கள் குற்றப்பின்னணி இல்லாதவர்களாக பார்த்துக்கொள்ள வேண்டும்.

5. பெற்றோர் ஏற்பாடு செய்துள்ள வாகனங்களின் டிரைவர்கள் குறித்தும் சம்பந்தப்பட்ட வாகன உரிமையாளர்கள் மூலமாக தகவல்கள் சேகரித்து அறிந்து வைத்திருக்க வேண்டும்.

6. பள்ளிக்கு வரும் வாகனங்களின் உரிமையாளர்களையும் அழைத்து, அவர்களிடமும் குழந்தைகள் ஏற்றி, இறக்கி விடும் போது கடைபிடிக்க வேண்டிய நடைமுறைகளை விளக்க வேண்டும். ஓட்டுநர் நியமனம் தொடர்பான நடைமுறைகளையும் பின்பற்ற சொல்ல வேண்டும்.

7. பெற்றோரோ அல்லது அவரது சார்பாக வேறு நபர்களோ மாணவர்களை பள்ளிகளில் கொண்டு விடும்போதும் மாலையில் உரிய நபர்கள் மூலம் திரும்ப வீடு செல்கிறார்களா என்பதை உறுதி செய்ய வேண்டும். அழைத்து செல்லும் பெற்றோர் உட்பட அவர்கள் சார்பிலானவர்களுக்கு அடையாள அட்டை வழங்க வேண்டும்.

8. மாணவர்கள் மாலையில் வீடு திரும்பும்போது பள்ளி வாயிலில் 4 ஆசிரியர்களாவது  அமர்த்தி, மாணவர்கள் பாதுகாப்பாக  வாகனங்களில் செல்கின்றனரா என்பதை  கண்காணிக்க வேண்டும்.  உரிய தடங்களில் தான் செல்கிறார்களா என்பதையும் கண்காணிக்க வேண்டும்.

9. காலையில் மாணவர்களை வாகனங்களில் ஏற்றிவிடும் போது, உரிய  வாகனம் தானா என்று உறுதி செய்து கொள்ள வேண்டும். அது போன்று, மாலையில் இறக்கி விடும் போதும், மாணவர்களை பெற்றோர், அவரின் சார்பிலானவர்கள் தான் அழைத்துச்செல்கின்றனரா என்று ஓட்டுநர்களும் உறுதி செய்ய வேண்டும்.

10. அறிமுகம் இல்லாத அல்லது ஓரளவு அறிமுகமுள்ள  நபர்களுடன் கட்டாயம் மாணவ மாணவியர் செல்லக் கூடாது  என்ற  விழிப்புணர்வை அனைத்து மாணவர்களுக்கும் அவரது பெற்றோருக்கும் ஏற்படுத்த வேண்டும்.

11. கடத்தல் குறித்த சம்பவங்களை வகுப்பில் ஆசிரியர்கள் மாணவர்களுக்கு குறிப்பிட்டு சொல்லி கவனமாக இருக்க அறிவுறுத்த வேண்டும்.

12. வீட்டில் இருந்து தாங்களாகவே பஸ்நிலையம் வரும் மாணவர்கள் அறிமுகம் இல்லாத நபர்கள் தரும் உணவுப் பண்டங்களை வாங்கி சாப்பிடக்கூடாது என்றும், அவர்களுடன் செல்லவோ, பேசவோ கூடாது என்றும் மாணவர்கள் தங்கள் குடும்ப விவரங்களை அவர்களிடம் சொல்லக் கூடாது என்றும் அறிவுரைகள் வழங்க வேண்டும்[7].

13.  கல்வி அதிகாரிகள், போலீஸ் அதிகாரிகள், பள்ளி முதல்வர்கள், போக்குவரத்து துறையினர் கொண்ட கூட்டத்தை கூட்டி பாதுகாப்பு அம்சங்கள் குறித்து விவாதித்து தகுந்த பாதுகாப்பு வழிமுறைகளை உருவாக்க வேண்டும். இவ்வாறு அந்த சுற்றறிக்கையில் கூறப் பட்டுள்ளது. பள்ளிக்கல்வி இயக்குனரமும் இதுபோன்ற உத்தரவுகளை பிறப்பித்துள்ளது.

வேதபிரகாஷ்

© 05-11-2010


[1] வேதபிரகாஷ், கொலை செய்யலாமா, கூடாதா; சிறுவர்களை கடத்தி பணம் கேட்கலாமா, கூடாதா; சிறுமிகளை, இளம் பெண்களை கற்பழிக்கலாமா, கூடாதா? (1), http://dravidianatheism.wordpress.com/2010/11/03/669-murder-kidnap-rape-ransom/

……………………….(2), http://dravidianatheism.wordpress.com/2010/11/04/modus-operandi-theft-decoity/

……………………….(3), http://dravidianatheism.wordpress.com/2010/11/05/crime-culpability-menrea-criminality/

[2] தினமலர், குழந்தைகள் கடத்தலை தடுக்க தனி சட்டம் .ஜே.கே., சார்பில் 9ம் தேதி உண்ணாவிரதம், நவம்பர் 04, 2010, http://www.dinamalar.com/News_Detail.asp?Id=120267

[3] தினமலர், கொலை, கடத்தல் சம்பவங்கள் எதிரொலி : விழிப்படைந்த மாணவர்கள், நவம்பர் 04, 2010, http://www.dinamalar.com/News_Detail.asp?Id=119760